خلوها تصدي و ( وكالتي تطردني )
بسم الله الرحمن الرحيم
نعم خلوها تصدي والوكالات مستحيل تنزل الأسعار كل الشركات توجهها الآن الأستغناء عن الموظفين وتقليل التصنيع . الأخ موظف سابك وش رأيك لو تركنا الحديد يصدي عشان يرخص و في الأخير انفصلت انت من وظيفتك الأخ موظف الأتصالات وش رأيك نقطع جوالاتنا عشان ترخص وفي الأخير انفصلت انت من وظيفتك الأخ موظف الكهرباء الأخ موظف البنك الأخ موظف بنده الأخ موظف شركات الأسمنت. الأخ موظف. الأخ موظف. الأخ موظف ...... القائمه تطول لكن ما اقول الا اتقوا الله في اخوانكم وكونوا على وعي بما تفعلون لأن التجار اخر شئ يضحون به هو ربحهم للأسف والمشكله انهم ماراح يضحون به بالعكس الحل الأخير لهم يعزلون ويكتفون بالملاين اللي عندهم كلمة حق حبيت اوصلها للكل عسى ان الله ينفع بها . مدام اني قلت كلمة حق لابد اني اكملها موضوع احتكار السيارات ابدا ماهو صحيح بامكان اي واحد يجيب اي سياره من اي دوله وانا اعرف ناس كثير اشتروا سياراتهم من برى طبعا يمرون علي عشان يفتحون ملف ضمان واللي فهمته منهم ان الموضوع بسيط جدا لكن الفرق في السعر ما كان بالشكل اللي توقعوه خصوصا بعد الشحن والجمرك اللي دفعوه فارجوا ان الكل يقول اللي هو متأكد منه فموضوع الأحتكار خولنا ننساه . |
كلمة حق أريد بها باطل
باين سعادتك مش فاهم النظام عندنا ياباشا ماعليش انت جاي جديد وعلى وجهك الغبر جت انتكاسة عالميه شملت السيارات ايضا بس قبل انسى انت تبع اي وكيل ؟ |
ربك الرزاق يا اخوي لاهو بيد ابو جميل ولا بيد الجميح
وللعلم معانا اخوان من وكالات ومع ذلك مؤيدين للحملة |
شف انا ما بحطك في ذمتي واقول انت تبع احدى الوكالات او التجار :cool: يمكنك صادق وعلى نياتك :eek: بس في الحقيقه والوقع ان التجار عندنا نصابين حراميه وجشعين لدرجه الجنون يا اخى انا وش ذنبي اشتري سياره بضعف سعرها الاصلي ؟؟؟؟ ممكن تجاوبني:cool: يعني يحطون لك خيارين احلاهما مر :confused: 1- اما انك تجلس على سيارتك قربوعتك وكل يوم تجلس تصلح فيها وتتعذب وتطفش وتلعن سابع جد لها :mad: او 2- انهم يصلخونك بسياره بمواصفات (( محلات ابو ريالين )) وسعرها دبل وصيانه فاشله وخدمات زفت ؟؟؟:eek: شفت كيف حنا كيف نبي نربيهم عشان يعقلون !!!:cool: تقبل مروري |
اولا اشكر الأخوان على المرور وانا ودي ان السيارات الجديده تصير بأرخص الأثمان لاني انا زي زيكم يعلم الله لوتنباع السيارات الجديده بدبل قيمتها ما راح يدخل في جيبي ريال واحد والمقاطعه انا معها 100 في 100 لكن زي ما قلت اللي واضح ان سياسة التجار حتكون التضحيه بالموظفين اولا يعني بكره لا تستغرب ان كل وكاله تقفل صالات العرض التابعه لها وتضطر تسافر من مدينه لمدينه عشان تشتري سياره ولا عشان تشيك سيارتك الحاليه طبعا انا همي ماهو مشوارك همي الفروع اللي بتتقفه كم موظف بينفصل بسبب تقفيلها. وصدقني لو حصل هذا بتزيد اسعار السيارات لانهم بيقللون الكميه ويكون في علمك ان الشركات قللت الكميات بالنسبه لموديل 2009 وعلى ما اعتقد ان اللآن هي افضل فرصة شراء والسبب ان الشركات مسويه عروض على 2008 لكثرة السيارات عندهم والعكس صحيح بالنسبه للـ 2009 الكميات بتكون قليله والسعر اكيد بيزيد لتعويض النقص في الربح بسبب قلة السيارات عشان يزيد هامش الربح . طبعا بيكون الحل وقتها اننا نتوجه للسيارات المستخدمه وطبعا الشريطيه ينتظرونا على احر من الجمر واعتقد انهم في الآخر بيكونون هم المستفيد الأكبر من المقاطعه. مثال بسيط ( اليوكون 2006 قبل ما يتغير الشكل في 2007 الوكاله سوت عروض عليه وكان ب 105 آلاف طبعا نزل 2007 وكانت المفاجأه انه ب 135 الف الـ 2006 المستخدم انباع ب 105 يعني نفس سعره جديد ليه لأن 2007 ب 135 الف والزبون حسبها صح قال 30 الف انا اولا بها ) ارجو ان الفكره تكون وصلت وانا بحكم كوني متابع للسيارات ومشاكلها واسعارها هذي وجهت نظري المتواضعه وارجوا انها ما تكون مزعجه لأحد لأني حسيت من الردود كأني عدوا لكم . كوني عضو جديد لا يعني اني ما ادري وش اقول انا عضو جديد في المنتدى وعضو في عالم السيارات من 9 سنوات . كل الأحترام والتقدير للي اعطاني بعض من وقته لقرائة موضوعي. |
قوووول كل اللي ودك تقوووووول
المقاطعه راح تستمر لين يحصل نزول او لما يقفل كم معرض وكم وكيل |
حياك الله اخوي كلمة حق ارجو ان تكون كلمتك كلمة حق لاتريد بها إلا الحق لاغيره ثق تمامآ اخي الكريم ان الارزاق بيد رب العباد لاانا ولا انت ولا المقاطعه لها دخل بالموضوع والوكالات لن تغلق ابوابها ولكن مع خطوات المقاطعه المستمرة سوف يتم تصحيح امور كثيرة اهمها اسعار البيع ولي عوده بأذن الله |
اقتباس:
اولا /الأرزاق بيد الله ،،،، ثانيا/ راح اعلق على كلامك باللون الأحمر ،،،فأنت توحي لنا وتثير على ان الأسعاار راح تزيد وتضرب مثال لموديلات 2006 و 2007 ،،،،يا اخي ياعزيزي هناك فيه فرق لأن المواد المصنعه للسيارت في عام 2007 ارتفعت اكثر من 70% عن عام 2006 اما الان يا اخي وياعزيزي المواد المصنعة انخفضت عن عام 2008 اكثر من 80% يعني بأذن الله الدفعه الثانية من سيارات 2009 راح يكون فيها التخفيض غصبن عن الوكلاء وغصبن عن الشركات الأم ،،،،،،، ثالثا / تقول انهم بقللون الكمية بالأنتاج وهذا صحيح ،،،،،لكن لم تفكر ان عدد الباطلين عن العمل في ازدياد ،،،يا اخي كل يوم في اوروبا وفي امريكا وايضا في دبي وفي الكويت نسمع عن تسريح موظفين ،،،،يعني راح يقل عدد المشترين ،،، فقلة الأنتاج يقابلها قلة في عدد المشترين بسبب البطالة ،،،يعني السعر راح ينخفض رابعا/ شركة كرايسلراليوم هي اول شركة تعلن عن تخفيضات تصل الى 6000 الاف دولار فاقول لأخوااني الصبر الصبر وبأذن الله التخفيضات قادمة لا محالة موفقين بأذن الله وخلوووها تصدددي فاقوووول لأخواااني الصبر |
رد على كلام السيد المناضل للشركات ( كلمة حق )
أشكرك على أهتمامك الزايد وخوفك على موظفين الشركات ، ولكن في شي غريب لاحظته في كلامك وهو أنك منفعل وكانك صاحب حق ! ثانياُ : هل أنت تتحقق جميع رغباتك بكل سهوله ؟ ثالثاً :ألم تفكر في بعض الناس لو القليل منهم الذين لا يستطيعون شراء سيارة أو مستلزمات الحياة ؟ أخي الكريم : لو سئالت نفسك لماذا هذا المنتدي وغيره قائمين على هذه الحمله . هل هذا من فراغ أو من معانه ، يا خي والله أني أعرف ناس لا يستطيع الواحد شراء حليب لأبنه فما بالك بسيارة تنقله هو وأهله الى المستشفي أو الى قريب . للأسف الشديد أن أسمك لا ينطبق على الواقع. |
الأرزاق بيد الله
|
اعتقد انها شماعة ان الوكالات بتطرد وهذا نوع من الاستعطاف وحنا ماراح نقبله اكيد
بس اتمنى تقول لي نسبه السعوديين بالوكالات كم؟ |
ابشر حبيبي ، بكرة باشتري مرسيدس S600 تأجير من غير دفعة أولى عشان خاطر عيون موظفين الجفالي ، حرااااااام والله مساكين صحيح ماعندي حق السيارة ولو شريتها بتقعد أصلا بالحوش لأني ماعندي فلوس أعبيها بنزين ! لكن مهو مشكلة ، أهم شي موظف الوكالة ، وانا طز فيني خليني طفران 100% -------------------------------- أسلوب استعطاف الشعب بهذه الطريقة يشبه لحد كبير أسلوب Be American Buy American "كن أمريكيا واشتري سيارة أمريكية " حينما أفلست وسائل الدعاية ، لم يجدوا بدا من العزف على وتر الوطن الوتر الذي يلامس كل أذن وقلب - يعني إذا سياراتكم غالية ومواصفات (مشي حالك ) ، ومعاملتكم زفت ، وهالموظفين اللي أنت تتكلم عنهم في منهم النصاب اللي مسوي فاهم وهو خرطي ! وفيه الكذاب ( وحصلت معي ) تبونا نشتري عشان حراااااام راح تنفصلون ؟:confused: حسنوا معاملتكم وأسعاركم وصيانتكم ومواصفاتكم ، ولا راح ينفصل ولا موظف بإذن الله ! ولإبراء الذمة ، فيه من الموظفين من هو أمين ورائع في عمله ومعاملته للناس وهؤلاء لا يخافون من المقاطعة ، لأن من حفظ للناس اموالهم وكان أمينا فسيحفظه الله بإذنه |
مع كل الاحترام لوجهة نظرك يا كلمة حق وإن لم تقل الحق و لنفترض إنها صحيحه و أن الشركات ستسرح موظفين نتساءل هل تريدهم ان يضحوا بمئات الالاف من المواطنين للإبقاء على عشرات الموظفين..؟ ماذنب المواطنين عندما يدفعوا قيمة مضاعفه للسيارات لينعم كم موظف بالامان في وكاله احتكاريه أن ماهو صحيح هو ان يترك أؤلئك الموظفين الوكالات الاحتكاريه تضامناً مع الوطن الذي هم جزء منه كمواطنين فما يصيب االوطن من تفشي الإستغلال و النهب المعني به اولاً المواطن وهو الضحيه ام ان أؤلئك الموظفين ليسوا مواطنين ما نود قوله هو انك لم توفق في طرح وجهة نظرك بالشكل الذي يقنع بسلامة النيه لذلك نقول بكل صدق و اصرار خلوها تصدي ثم خلوها تصدي و إن لم تخفض الأسعار فستصدي حتماً لو سرحوا كل الموظفين |
بارك الله فيك أخوي ((كلمة حق)) ومرحبآ بك بين اخوانك
لا أزيد على ماأوضح الاخوة الكرام، فقد وفوا وكفوا وأريد أن أعلق على موضوعك بقولي أن رزق الانسان مكتوب قبل ولادته ! فلا داعي لتضخيم تلك النقطة واستخدامها كورقة ضغط، ثم انني أنصح كل موظف ((مواطن)) ان وجد !! بأن يبحثوا عن مكان شريف يعملون به حتى يبتعدوا عن الشبهات فالوكالاات تغش وتدلس وترفع الأسعار بدون وجه حق ((غبن)). ثم ان مصلحة الجماعة مقدمة على مصلحة الفرد، لأن الفرد يدخل في الجماعة ! وختامآ نقول نحن نفعل السبب ((مقاطعة وتوعية)) والله فوق الجميع سبحانه، وقادر مقتدر على كل جشع ومحتكر وغاش للمسلمين. ((ويمكرون ويمكر الله والله خير الماكرين)). |
مع احترامي الشديد لك
لكن بالفعل طلبك غريب تبينا نطوطي بروسنا على قولتهم عشان تعيشون انتم ياخي حنا نقعد نسدد قيمة سيارتين ليه؟ وبالاخير لما واحد يتخلف عن قسطين ثلاثه ماترحمونه وتجرجرونه ان كان مستأجر وتسجنونه وتقطعون رزقه ان كان موظف بصراحه كلامك ماهو منطقي ابد الوكيل بيسحب فلوسه ويكتفي بما لديه ياخي فيه مئات التجار يقدرون يمسكون الوكاله نيابة عن الوكيل المنسحب ورزقكم عند رب العباد وليس عند العباد ياخي انتم الموظفين بالوكالات بيدكم نسبه كبيره لتغير الوضع لاتقولي كيف قفوا مع الجمهور اولا اذا اردتم احسان النيه قبل وقوفكم مع رب عملكم |
| الساعة الآن 07:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by