ليش الحملة على عبد اللطيف جميل ؟
أسعد الله أيامكم بالخير والمسرات :
مستغرب جدا من الحملة الشعواء على شركة عبداللطيف جميل وكأن مافيه أحد في السوق غير هالشركة ؟! ياحبايب التجارة بيع وشراء ... التاجر يشتري من الصين والا من أي دولة السلعة بنص ريال ويبيعها بخمسطعش:D لأن سعرها في بلدها شي وفي البلد الثاني شي ثاني .. وهالشي يرجع لدخل الفرد في البلد المبيع فيه ... ولا أدل على ذلك مثلا من أدوات الكمبيوتر والمواد الغذائية والأدوية وغيرها كثير ... لكن المشكلة مانصحى إلا يوم نفلس والا من قبل ولا أحد يدري وش السالفة :cool: ادفع .. ادفع .. اشتري .. استهلاك بدون عقل ... والحين صحينا ؟:rolleyes: لحووووووووول . التاجر إن شاء الله يشتري بمية ويبيع بألف ... وش اسوي لمخ يشتري أي شي بدون تفكير . التاجر ماضربك على يدك وقال إلا تشتري مني ... أهو عنده سلعة وقدر يسوقها بجدارة وفاعلية وتخطيط جيد ..حتى خلق لها أرضية وسط المجتمع قوية . إذن من صاحب المشكلة ؟!:confused: ... إنت صاحب المشكلة من البداية لأن التاجر جاب سلعة وهو وحظه تمشي والا تبور في السوق ... الواحد منا ياحبايب ينظر فقط لمصلحته هو بس .. الحين انت تقول التاجر يدور مصلحته التاجر يدور الدراهم ..... وانت الحين وش تدور ؟! تدور بس كل فترة تغير سيارة وتكشخ بها وتقز الشوارع بها يمين ويسار والا عشان يقولون والله يغير سيارة وتبي توفر فلوس ... حتى حملتك الحين عشان توفر دارهمك في جيبك وتكشخ قدام الله وخلقه .... الدنيا ياحبايب كلها مصالح . وبعدين وفيه أحد مايدور الربح والمكسب ... في كل شؤون الحياة حنا ندور الربح والخسارة حتى الوالد مع أولاده يدور هالشي .. إما عشان يحفظون اسمه أو يخدمونه إذا كبر أو يكونون عزوة له أو أو ... حتى الله يكرمكم قضاء الحاجة لك فيه مصلحة وانتوا بكرامة . شغلة إني أتاجر وأهم شي مصلحة الوطن والمواطن هذا كلام مثالي زيادة عن اللزوم . والله كل واحد منا تهمه مصلحة المجتمع لكن أهم شي مصلحته ومصلحة أولاده وأهله وجيبه وما إلى ذلك . الشركات الكبيرة والمحترمة يستفيد منها الكثير الكثير في الباطن .. مثلا عبداللطيف جميل قارنه بأي شركة ثانية من شركات السيارات بالمملكة وشوف وش يعطي الموظف : رواتب مجزية .... بدلات جيدة ... إكراميات من عمولات وبونص سنوي مجزي .... تأمين طبي ... إجازات وبدل إجازات ... تعليم راقي للمجتهدين ولو في خارج المملكة... دورات للموظفين ممتازة وعلى أرقى مستوى مجانا ...تسهيلات في شراء السيارات للموظفين ...أنظمة إدارة متقدمة ومتطورة جدا قد لاتجدها إلا في الشركات العالمية ... حتى أن الذي يخرج من شركة عبداللطيف جميل تتلقفه الشركات الأخرى لكم الخبرة والمعلومات الهائل في الشركة وكأنك تعيش ليس في شركة بل في جامعة ..... تأمين في حالة الإصابة حتى ولو لم تكن على رأس العمل ... تأمين من تعول في حالة وفاة الموظف لاقدر الله لعائلته بمبلغ جيد ... قانون ونظام مبني على العدل والاحترام للبعض ولو تحصل أحيانا اختراقات أو تجاوزات لكن يبقى النظام العام نظام إنساني محترم لايستغني عن الموظف بكل سهولة ولو كان من كان إلا بعذر واضح (لأن اهل المال يقولون هذا الشخص وراه عائلة وأطفال وين يروح )...هناك شفافية وأدب في التعامل مع المخالف أو حتى المنافس جيدة ... ولا أدل على ذلك من أن عبد اللطيف جميل لم يفتح فرعا فيه وكيل قديم لتويوتا بل في مرة من المرات حصل خلاف بين أبناء تاجر من تجار تويوتا في الجنوب واختلف الأبناء وقد كانوا يريدون تقسيم التركة فتدخل محمد جميل وأصلح بينهم وأتى بفريق لتنظيم العمل وليعطي كل ذي حق حقه في حال سير شركتهم حتى استقامت لهم الأمور ولم يأخذ منهم شيئا ولو كان أحد ثاني كانت فرصته . غير أعمال كثيرة تقوم بها الشركة في الباطن غير الظاهو من تطوير لمستشفيات عامة ( مانبي نذكر أسماءها عشان لانروح في داهية ) حتى مدارس حتى دور رعاية وأشياء أخرى كثيرة .. فهو يستفيد ويفيد ... انا أدري أن الكثير يقولوا إني مدافع .... لا والله يا إخوان ليس قصدي مجرد الدفاع ولكن الواحد لازم يكون صاحب نظرة شمولية وينظر من زوايا متعددة ويظل صاحب أي شركة بشر ويحصل منه تجاوزات ولكن العدل لابد منه ( ولا يجرمنكم شنآن قوم على أن لا تعدلوا ، اعدلوا هو أقرب للتقوى ) ... ولكم جزيل الشكر والعرفان |
لا يوجد تركيز على شركة عبداللطيف جميل.
المقاطعة تشمل كل السيارات. ربما لأن ماركة تويوتا التي يسوقها عبداللطيف جميل هي أكثر السيارات مبيعاً في المملكة وفي العالم، وأغلاها سعراً، مما يجعله يشعر بأن التركيز منصب على سياراته. هذا غير صحيح. الخدمات والمزايا التي يقدمها لموظفيه هي من بعض الأرباح الباهظة التي يجنيها من جيوب الزبائن. من حقه أن يبيع سلعته بأي ثمن. ومن حق الزبائن أيضاً أن يشتروا أو يقاطعوا. |
ادفع .. ادفع .. اشتري .. استهلاك بدون عقل ... والحين صحينا ؟
والحين صحينا نقاطع .. نقاطع .. ومانشتري .. لين تصدى ويصحا الوكيل |
كما ذكر أخونا اسطبل داود .. المقاطعة لكل الوكلاء و ليست مخصصة ضد أحد معين.
و هذا الأمر نبهنا له هنا: مثبــت: تنبيه للجميع.... لكن المشكلة إن البعض و من كثرة التركيز على عبداللطيف جميل .. بحكم أنه الأكثر ظهورا سواء بسبب إنتشار سياراته و خدماته في كل مكان أو بسبب ظهوره الإعلامي .. إعتقد الكثيرين أن الحملة موجهة ضده .. بل وصلت الأمور ببعض وكلاء السيارات الأخرى بأن حاولوا إقناع زبائنهم أن الحملة ضد تويوتا فقط. نؤكد مرة اخرى أن الحملة ضد جميع وكلاء السيارات و ليست ضد أحد معين .. عندما إجتمع الوكلاء و خرجوا ببيانهم الذي قرروا فيه رفع أسعارهم 15% بحجة عدم تأثر المملكة بالأزمة العالمية لم يتخلف منهم أحد و سارعوا جميعا للتوقيع و الموافقة عليه .. لذلك قررنا نحن المواطنين ترك سياراتهم لهم و خليها تصدي في حلوقهم. |
الحملة ليست ضد احد .. الحملة تصحيح مسار فقط
وإذا عبداللطيف جميل يراعي عوائل الموظفين فعليه ان يراعيهم الآن ، لأن المراعاة الآن محك حقيقي لإنسانيته !! ولا يفصلهم لأنه يراعي من قبل . رعاك الله |
لا يوجد تركيز مباشر شكراً أخي اسطبل داود قلت ماكنت اريد قوله :) اقتباس:
|
غير صحيح الحملة على كل التجار وعلى كل من غش وقلد وقصر وتخاذل
|
اقتباس:
بغيت أقولها |
أوافقك الرأي أخي الكاتب إننا صحينا متأخرين لكن مافات الأوان.
النت والأخوة الكتاب المشاركين في هذا المنتدى المبارك ما قصروا وجابوا صور لسيارات تويوتا الخليجية وصور لسيارات تويوتا السعودية. وتعال شوف أنواع الفروق في المواصفات. يرفع سعره بكيفه بس يرفع سعره على حاجة زي الأوادم مو يرفع سعره على خردة. يرفع السعر زي ما يبغى واحنا نقاطع مثل مانبغى. وسلامتك. |
في الحقيقة يوجد تركيز على عبداللطيف جميل
ولكن السبب هو أنه أكثر من تصدى لهذه الحملة سواء بخطاباته أو تصريحاته الغير منطقية ولذلك فهو يستحق أن يكون أول المستهدفين في الحملة ولكن هذا لا يعني بأننا لم نقاطع الجميع, فالمقاطعة تشمل جميع الوكلاء سواء كتبنا عنهم أو لم نكتب عنهم مجرد رأي :rolleyes: |
ماتلاحظ أن مشاركتك أول مشاركة
كم دافعين لك؟؟؟؟؟ |
اقتباس:
هذا هو الجواب الكافي |
اقتباس:
كلاااااااااااااااااااااااااااااااااااااااااااااااا اااااااااااااااااااام سلييييييييييييييييييييييييييييييييييم الله يعطيك العافية |
جلست مع أحد أقربائي وهو مستشار شرعي لدى أحد بنوكنا في المملكة وأخذنا نتكلم عن فقه البيوع والمعاملات ، فقال لي عن مسألة فقهية مهمة "لا يبع حاضر لباد دعوا الناس يرزق الله بعضهم من بعض" أخرجه مسلم بعض أنواع البيع خصوصا البيع بين أهل البادية والتاجر من أهل الحضر لاتجوز خشية أن يكون البدوي لا يعلم قيمة السلعة ، فينصب عليه التاجر ويبيعها بأعلى من قيمتها أو يقوم التاجر بشراء سلعة البدوي بأقل من قيمتها الحقيقية ! أو يقول الحاضر للبدوي :لا تبع سلعتك أنت دعها عندي و أبيعها على الناس ، ثم يرفع الحاضرقيمتها كثيرًا انظروا إلى سماحة الإسلام وحرصه على أموال الناس الجاهل والعالم منهم التاجر لو كان يخاف الله ، كان ما رفع السعر على هذول الجهال الذين لايعلمون قيمة السيارة وقال : " ماهو مشكلة عندنا شعب ادفع ادفع ادفع " الربح المعقول لا جدال فيه ، لكن الربح الفاحش لا يجوووووز ونحن نحارب الربح الفاحش ، الذي يريده وكلاؤنا لاتقول لي ويش دخلك لو يجيبها بنص ريال ويبيعها بألف ! هذا هو ديننا وكم من أهل البادية يشري من هذه الجيوب بقيمة تصل إلى 200 ألف ! وهي تكلفتها زهيدة ؟ ------------------------ للاستزادة |
أشكركم أيها الإخوة على حسن أدبكم ومنطقكم ومن حقك أخي الحبيب أن تقاطع .. أنا ماقلت شي عن المقاطعة ( واحد حالق شنبه والثاني زعلان:rolleyes: ) أنا بس حبيت ابين إن يكون كلامنا عام .. يعني نستهدف المضمون والفكرة الأساسية وهي ترشيد الاستهلاك وتأديب من يتجاوز الحدود .. أنا كلامي كان في معرض الذب عن التجاوز اللي يوصل إلى حد الظلم لربما .
وأما شغلة المواصفات في السعودية والمواصفات في الخليج فهذا أسلوب تجارة وهو ماغش أحد أهو نزل سيارات بمواصفات معينة والي يبي أكثر من هالشي يطلب النوعية الأعلى وغالبا شركة تويوتا الام تترك لوكلائها تسويق سيارات بما يوافق مصلحة الوكيل في تجارته ومصلحة الشركة ، ولعلكم سمعتوا بمبدأ " 6 سيقما " ..وهو تطوير المنتج في أشياء أساسية معينة والمواصفات الأخرى يكون لها سعر آخر لكن التركيز يكون على الأساسيات من مثلا مساعدات ، أدوات فيها أمان أو أي شي واللي يبي أكثر في المواصفات الكمالية ياخذ النوعية الأعلى مثلا الكامري العادية GL-GLX ... تبي مواصفات أدفع أكثر لأن كل شي له سعره فتدفع أكثر في الأوريون .. حاجة زي كدة على قولهم . عموما أنا والله يا أخوان أتمنى أن التجار يوقفوا عند حدهم بس ياحبذا يكون النقد بناء وفي اتجاه الفكرة الأساسية بدون التجريح في الأشخاص والأسر . وفي شي أبي أقوله .. والله يا أخوان إن محمد عبد اللطيف جميل ماقد رد على أحد ولا رفع قضية رسمية كرد اعتبار وكل الأشياء اللي تشوفوها فيها شي من التزييف والتلاعب . وأما شغلة إن هل يستمر على ميزات الموظفين فهذا نحن في بداية السنة ورغم تدني مستوى البيع نوعا ما لكن كل الموظفين أخذوا رواتبهم وبونصهم حق 2008 كامل مكمل ولو غيره كان خلاها عنده عشان أزمة السنة الجديدة اللي طالت الكل ... طبعا قد يحصل تغيير في الميزات وهذا يرجع لظروف الوضع الحاصل ..وأما شغلة امتيازات العائلات أو الموظفين وإنها من جيوب المستهلكين فهل تتوقع يتصدق عليهم ؟! .. هم يشتغلوا ويستحقوا كل ثناء وجزاء وهذا حقهم لكن ماتتصدقوا عليهم أبدا .. وميزة شركة عبداللطيف جميل إنها تاكل وتأكل تربح ونربح معاها . وأما هل محمد جميل بيعطيني شي على هالكلام فالله يسامحك أخي . هاذي ميزة الشركة الممتازة الخلاقة يوم تبني ولاء الموظف أو العميل .. والإنسان المحترم يحترمه الناس . وأما شغلة اللي يقول نهى النبي صلى الله عليه وسلم عن تلقي الركبان ... فهذا رد عليك يوم تقول حدد السعر وسعر التكلفة .. بالعكس خليه يبيع ويشتري ودعوا الناس يرزق بعضهم من بعض ولكن بدون أذى فاحش للناس .. وأظن مافيه أذى إن شاء الله ... وزي ماقلت ماضرب محمد جميل على يد أحد وقال اشتر .. ولو ماشتريت بصير لك وبيصير لك . انت تبي التوفير أقنع بما عندكم بدل ماتحمل نفسك ديون لا لها أول ولا آخر عشان كماليات مال أمها :eek: داعي . وأكرر والله إني سعيد بتجاوبكم وبأدبكم والله يعطيكم ألف عافية . |
أعتقد المقاطعة لجميع الوكلاء بس فيه مثل مشهور أكيد سمعت فيه ( أضرب الكبير يخاف الصغير ) . |
يعطيك العافية صحيح إن المقاطعه على الكل ولن ولم نخصصها لأحد على حساب أحد
ومن أهدافها خفض الأسعار "سيارات وقطع غيار" تحسين الخدمات المحافظة على المواصفات إحترام العميل ___________________________ اقتباس:
_________________________ اقتباس:
اقتباس:
ما تعتقد ان في كلامك تضارب ؟؟؟ ____________________ اقتباس:
لن اقنع باستمرار الجشع ولن اقنع باستمرار الغش ولن اقنع باستمرار الاحتكار ولن أشتري من تاجر شجع ... سنقاطعهم حتى تصحح الأسعار ومن استعجل على سيارة يستوردها من الخارج أرخص وأضمن له أنها لم تمر على التشليح وإستبدال القطع الأصلية بالتقليد |
كلهم مقاطعة وخليها تصدي وموديلها يعدي.. ووكيلها يولي الله لايبارك فيهم ولا فسيارتهم..
وربنا ياخذ كل جشع ظالم |
مصدية
مصدية |
لان عقلية المواطن 2009 تغيرت تماما ونظرته اصبحت واعيه
|
لا ياحبيبي
نحن لسنا في غابة .. وإلا لعرفنا كيف نعيش نحن المفترض أننا نعيش في مجتمع مدني .. تحكمنا فيه مؤسسات وقوانين وحقوق وواجبات وقيم ووووو .. الخ ربح 150% صافي في جيب التاجر هذا لا يسمى ربح بقوانين المجتمع المدني ... هذا يسمى جشع واستغلال واستنزاف .. سمه ماشئت إلا أن تسميه ربح وبس |
اقتباس:
هههههههههههههههههه والله حالة ....:rolleyes: اي مجتمع مدني وأي خرابيط ... انت تعيش في عالم مثالي داخل عقلك . لو كان مجتمع مدني وفيه مؤسسات نزيهة ماكان كل هالشكاوي تبان وتظهر الحين وكان فيه قنوات قوية تردع وتوعي الناس ( خليني بس ساكت ) وأما عدم تسميتك له ربح فبراحتك ... أنا أسميه ربح لكن ربح فيه شي من الجشع وقد انت تراه جشع وهو يرى فيه تحقيق مصلحة له ولغيره تحتم عليه مثل هالشي . عموما يا إخوان بالتوفيق فيما تريدون ونحن معكم لكن زي ماقلت نركز على الفكرة الأساسية وجيد ان الناس بدت تتوعى ونتمنى هالشي يصير في الأشياء الأهم الي تمس حياة كل شخص فينا وعلى جميع الطبقات مثل المواد الغذائية والصحية فهي أهم وأما هذه فهذه من الكماليات . ودمتم . |
أول من أمر باجتماع في الغرفة التجارية بجدة مع رئيس الغرفة التركي وجميع وكلاء الشركات الاخرى محمد عبداللطيف جميل واقر بانه لايوجد خفض للاسعار مهما كان السبب ولم يهتم بالشعب المغلوب على امره في هذا الغلا
اخي المدافع عن جميل ارجو النظر الى من هم ضعفاء ولا يجدون لقمة العيش واسال الجمعيات الخيرية ولا تكون مما اعماهم الجشع فاصبحوا يأكلون ويدوسون على منهم تحتهم والله انهم لمسئوون امام رب العالمين |
اقتباس:
وهذا يعني أننا نعيش في مجتمع غر مدني ... مجتمع مسخ في قوانينه وأحكامه وفكره اقتباس:
اقتباس:
|
عزيزي
بعد التحيه،،
في البداية يعجبني حماسك وانصافك ولكن للمعلومية فإن اسعار السيارات بامريكا اقل من السعودية بحوالي ١٠ الى ٣٠ ٪ تختلف باختلاف نوع السيارة ،، واسعار الكمبيوتر وجميع الالكترنيات تقريبا نفس السعر،، مع مراعاة ان المعيشة في امريكا اغلى بكثير عن السعودية الا ان هناك كثير من الاشياء التي تجدها بامريكا رخيصة على الرغم من كثرة الضرائب على التجار والشركات فحدث ولاحرج وغلاء اليد العاملة بشكل خيالي مو مثل عندك بالسعودية بنقالي راتبه ٣٥٠ ولا يعطى راتبه الا بالخمس شهور ورخص الاراضي ولا فيه ضرايب وعالم تشري ومع ذلك تجار جشعين جدا واولهم عبدالللطيف جميل اللي نهبنا اول وتالي ،، فقد قسم شركته الى عدة شركات من اجل عدم ظهوره بشكل مباشر وعدم خسارته بشكل مباشر أيضا .. شركه خاصة بنقل السيارات من اليابان وشركة خاصه بالموانئ والتخليص الجمركي ...الخ... قاطعهم ،،، وتراهم رابحانين ،،، لاتخاف لاتحسب عبداللطيف جميل ماعنده الا هالشركة ،،الله يرزقه بس مو بالطمع .. تشكراتي لك ابوفهد |
يا بابا انت بعدك جديد بالمنتدى وفاهم غلط ترا المقاطعة مو على عمك ابوجميل وبس المقاطعة مثل ما قالولك الشباب لكل الوكلاء
|
هلا القاضي وياليت تقاضي الموضوع قبل ان تطرحه في المنتدى وتدخل الى قسم المحركات و السيارات في المنتدى . وتشوف شي لم تتوقعه من قبل بخصوص الشركات وخصوصآ الوكيل عبداللطيف جميل . مثال .. تغير ديكور السياره وتغير الموديل والمواصفات . السيارات في العالم بمواصفات أفضل من عندنا والسبب هو الوكيل . والاسعار عندنا اغلى من العالم ..... لية ؟؟؟ حتى في الدول الفقيره سيارات تويوتا عندهم أفضل من اللي عندنا وهذا كله بسبب من .. أكيد معروف . وهو الوكيل اللي منا وفينا ولاتريد المواطن يزعل او ينقهر من اللي يشوفه . ومن زمان كلنا نشتري ولانتردد لان الثقة موجوده في الوكيل وانه من أبناء البلد والان اتضحت الامور وانكشف المستور . وعرفنا ان سيارتهم كلها غير يابانية وان الوكيل يطلب أقل المواصفات لتقليل السعر عند أستيرادها ويبيعها بسعر مرتفع للمواطن . وبنسبه للمعهد السعودي الياباني . يعتبر معهد تجاري ودخل مالي للوكيل عبداللطيف حيث يستلم على كل طالب يدرس لدية مبلغ من المال من الحكومه وليس ببلاش . وبنسبه للمستشفيات وأعتقد انه ليس مجانآ وكل شي بحقه وانا لاأنكر انه يحب الخير ولاكن تاجر يعرف يضحك على المواطن المسكين . بطريقة هات وخذ ... وأكرر لايوجد عمل يقوم به الا وله مردود مالي . |
اقتباس:
لماذا على شركة عبداللطيف جميل جواب غير مقنع بل اعتراف بانه افضل الموجدين وان سيارته افضل من الوكالات الاخري لاكن اجد في هذا المنتدي تحيز كبير وهجوم على عدة منشات فتجد في قطاع الاغذيه على العثيم والطبي على صيدليات النهدي |
اقتباس:
|
ياخي متى بينزل عرض على الراف4 وتنزل اقساطه شوي << هذا اللي مدرعم ههههههههههههههههههههههه
انا من ناحيتي اطالب بتخفيض الربحيه في التأجير والتقسيط من كل الوكلاء واقل شي يسوونه السيارات موديل 2008 ينزلونها بارباح سنويه 2 الى 4 % بالكثير ويخلون العالم تشتري..... على فكره في ناس راتبها مايتعدى 3000 ريال وتلقاهم مايبون الا لاندركوزر في اكس ار ويقولوا مفروض الوكيل يخفض بالسعر والا بنقاطع << من باب اولى اشتري الشي اللي على قدك... عبداللطيف جميل غالي وحرامي << في شركات ثانيه سياراتها رخيصه لكن محد يبي الا تويوتا بسبب جودتها وقوتها واستمراريتها اذا وين الحل ؟؟؟ |
اقتباس:
لكن كل من يخطي يذكر وبالدليل :) في قسم المطاعم موضوع مثبت وفي قسم المحال موضوع مثبت وفي قسم السيارات موضوع مثبت هذه المواضيع تشمل فضائح الكل .. كل من اخطأ بحق المواطن ... سواء أسرقة أم غشه أم خدعة لم نتحيز لأحد أو نساند أحد . أمّا ذكرك أن سيارات عبد اللطيف جميل أفضل السيارات فهي كذالك.... لكن هي أفضل قبل ماتنال نصيبها من التعديل والتغيرات التى تحصل عليها من ورشه بالخمرة . |
| الساعة الآن 08:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by