براسك شي؟؟ تعال هنا
 

:D وش رايكم بالعنوان يخوف

المووهم يااخوان
سدح واحد من الاعضاء خبر حلو عن عزم جمعيه حمايه المستهلك عقد ندوه بالغرفه التجاريه بالرياض يوم السبت اللي موب ذا القريب :D اللي عقبه يوم 3/3
وبما ان الدعوه متاحه للجميع الحضور فجا براسي اني احضر او اي احد من الاخوان بالرياض يروح يحضر هالندوة
طبعا اللي وقته يسمح له
انا عن نفسي امنيه احضر بس انا مو بالرياض واتمنى مايكون عندي يومها عمل والا عادي اروح اصلا انا احب اترزز بهالندوات دايم :D ودايم اجيب معي مسجل هذا كبره معي ___ :D

عموما كل واحد يدخل بهالموضوع يحط سؤاله اللي يحب يوجهه لرئيس جمعيه حمايه المستهلك
وياليت تكون الاسئله منطقيه وعقلانيه لأن ذا موب وكيل سيارات :D

واسف على لهجه الموضوع اللي مدري وش تبي بس احسها محببه شوي :p

فكرة حلوه ، لكن وين الاعلان عن الندوة .

https://www.mqataa.co/vb/showthread.p...016#post120016

والله ياليت اقدر احضر!!!!

وش رايكم سكان الرياض يوم الندووة يحط عند مقر الندوووة لافته (( دامها ضدي خلوها تصدي))
لتوعية المواااطن

اولًا موضوع ممتاز جدًا يستأهل التقييم بخمس نجوم
و ياليت الاعضاء من أهل الرياض يتواجدون بالندوة
وياليت تواجدهم في كل ندوه ومحاضرة ومحفل دولي بعد :)
اطلعوا من النت إلى أرض الواقع وطالبوا بحقوقكم
الجمعية أنشئت لنا ولخدمتنا
سؤال
1 - هل الجمعية راضية عن وضعها وادائها ؟
2- على حسب تصريحاتكم إن الجمعية لا سلطة لها وإنها تنويرية هل تعتقدون إن دورها سيكون فاعل ومؤثر ؟
3-لا موقع ولا مركز لكم كيف يتواصل معكم المواطن أو صاحب الشكوى هل يتنظر ندوة لكم ليحاوركم ؟
وبس اترك المجال للآخرين :)

هذي

رجا ياأخوان اللي يحط صورة يضع عليها اسم منتدنا
بسرعه الضوء تنقل من هنا ويضع عليها اسم منتدى اخر
بصراحة من يعمد على ذلك يسمى لص
ليست المرة الاولى اللي يعمد بها على سرقة جهود اعضائنا
الا صارت عنده شي عادي وطبع
يسرق من هنا وينسب لنفسه الشي
يخلف عليك ربي الي حط الاعلان
هالمرة السرقة طالت جهدك بالبحث عن دعوة الجمعية
هناك من اخذها في الساعه 2,31 ونسبها لمنتداه

فكرة رائعها جدا
1) لماذا تسمحون بدخول البظائع المقلدة للبلد ومن ثم تعملون جولات تفتيشية وتسحبون المقلد ؟
2) مافائدة القرار الذي نزل بخصوص تسعير جميع المنتجات داخل المحل ؟
3)ماذا قدمتم عن طريق وزارتكم للمواطن السعودي ؟
4) ماهي الاعمال المستقبلية لديكم تقدمونها للمواطن ؟
5) كيف تحمون المواطن من استغلال التجار ؟

خذ راحتك أخوي سعودي فاهمينك فاهمينك لو تكتب "أوردو"

أنا من سكان الرياض، لكن مشكلتي ماأحب الترزز بالندوات (مغتث)
أنا يالله أروح للدوام وودي ماأروح بعد.

لكن خايف أغصب نفسي على الحضور وأخربها وأطمر على الرئيس
وأعطيه ذاك "المخمس" أو "المربع" واحتمال "المثلث" وأقلب عليه الطاولة.

سأبذل قصارى جهدي لمحاولة الحضور و ((الله يستر)) .

شكرآ لك على موضوعك الهام.

مشكلة المنتدى الجار ادارته مفلسه وتسمح بهالسرقات وربما تشجع عليها وتمنع اي صوت يواجهها بالحقيقه بحذف موضوعه
واعتقد والعلم عند الله بأن ذلك المنتدى انشأ لغرض الشهره لا اكثر وليس له اهداف واضحه او حقيقيه ومادليل ذلك الا بالرساله التي يدعي صاحب المنتدى انه عرض عليه تخفيض 35% من قبل وكيل سيارات عشان يغلق الموقع :d فعلا شر البليه مايضحك
يا اخوان ياليت اللي عنده صورة يكتب عليها اسم ورابط المنتدى وتراني نزلت برنامج حلو وعربي تقدر تفتح اي صوره فيه وتكتب فيها اللي تبي وتحفظها وترفعها
لأنه قهر يجي واحد فاضي عقل ويسرق جهودك

مين الي سرق :mad:

الله يهدي الجميع وأهم شي يكون فيه توعية للناس

مرة المحاظرة فلة
السؤال هو
مادور حماية المستهلك في حفظ حقوق المستهلك من ناحية رفع الوكلاء اسعار السيارات
والجشع
ولازم تبين نسبة اسعار السيارت بالخارج عن نسبته بالسعودية
يعني لازم قبل السؤال تقول
بالنسبةلازمة الاقتصاد العالمية والتي شملت شركات السيارت وقيام الشركات الام بخفض نسبة الاسعار
والبيع بنصف السعر الا ان هناك من هم وكلائنا بالسعودية من قاموا برفع الاسعار مظاعفة في كله في سبيل الجشع والطمع بناء على الغش والكذب في اكسسوارت السيارة وبناء على رفع السعر مظاعف على المستهلك
اين دوركم يحماية المستهلك في حفظ حقوق المستهلك؟
شرايكم بالسؤال فلة

احب انوه اي شخص يسال لازم يقدم على جملة مختصرة عن السؤال قبل ميسال

سعوودي غيير اهم شئ تعم الفاااائدة للجمميع... ولا يوجد مشكله اذا نقل موضوووع من منتدى اخر للفائده

صح عليك ياحظ وأصلًا ما تعبنا هنا إلا نبي الفائدة تعم
لكن المشكلة مهب بالنقل ...انقلوا ونبي الجميع ينقل وينشر المعلومات
لكن المشكلة اللي نقل ينسب التعب له ينسب الموضوع له
والادهى أنه يكتب اسم منتداه عليه !!!
وش رايك ؟؟مهب سرقة حقوق الغير
انقل لكن لا تنسى الأمانة

صح لسانك
حنا مانمنع نشر الفائده لانه بالتأكيد الهدف والاخير لنا نشر الفائده للعموم
بس انك تنشرها ولا تحفظ حق كاتبها وتنسبها لنفسك هذا ما لا نريده اطلاقا

وش فيكم خليتونا نشطح عن الموضوع
المهم ياشباب نبي اسئله منطقيه مافيها هجوم لان السيده الحمايه بتي من يحميها

اعتقد ان هذه الندوة رائعة جدا وراح تكون ساخنة بسبب خلوها تصدي

عموما أنا شفت د. الحمد رئيس اللجنة قبل الاختبارات بقليل وللأسف كنت ماخذ اجازة من المنتدى بسبب قرب الامتحانات واحداث غزة ولا كان فيه وقت اكتب عن هذه الحلقة .

والانطباع الأول عن د. الحمد بأنه انسان مثقف واعي ويحب أبناء الوطن
وهو مع فكرة المقاطعة وردد هذه الكلمة أكثر من مرة
وتم ذكر خلوها تصدي من قبل المذيع

وهو يريد تفاعل المواطن معه ( يريد متطوعيين ) لأنه حتى الآن لم يتم اكمال اجراءات تسجيل اللجنة في وزارة الشؤون الاجتماعية
ولم يستلم اي مبلغ حتى الآن .
ونحن وهذه اللجنة لدينا هدف مشترك.

سوف احضر هذه الندوة ان شاء الله
ولدي اقتراح للأعضاء اللي يبون يحضرون بأن نجلس بجانب عشان نشجع بعض اخاف اذا شفنا البشوت والاضاءات والكاميرات تصكنا ام الركب ونسكت (:
اللي بيحضر يراسلني على الخاص يا شباب

الاخت جمرة غضا ليه ما تحضرين ؟؟
اكيد فيه مكان للنساء