البيوت الالمانية الرخيصة؟ وصلت للسعودية
اقتباس:
وهذا رد لنفس الشركة اقتباس:
أنا قريت الموضوع وفرحت مررة فيه بس ماعندي خبر عن النوعية دي من البناء وهل تنفع في جدة وتتحمل الرطوبة وإلي جرب وسكن بالبيوت هادي يقولنا تجربته وحسنات وسيئات البيوت دي أنا راضية بالصيني وأحمد وأشكر ربي عليه ولاغلبة بيوت الإيجار بس أخاف كأني أرمي 150000ريال كدا في البحر وما أستفيد غير الخســارة والوضع مرررة مايتحمل خساير أكثر من كدا ويارب يرخص العقار ونقدر نسكن ونستقر ببيوت ملك كلنـــا... |
البناء الخرساني معروف بقوة واغلب الكامبات "الاسكان حكومي اوشركة" هو خرساني
لكن هالشركة لا اعلم عنها شيء.... اتوقع سعر الالماني جدًا غالي 600 الف !!!! سؤال هي نفسها الشركة اللي فتحت فرع بالاردن ؟ 2- هل يستطيع الشخص التفنن بهندسة منزله معليش الواحد يدفع فلوس عشان بيت والاهم الراحة به اخاف ان الخرسانات تكون جافه في التصميمات "لا تسمح باي تصميم " 3- الصبر العقار السعودي راح يصحح وتتغير الاسعار |
|
اشكرك أخي إبريزعلى التذكير بالموضوع لأنه سبق طرحه في المنتدى
ومن رأيي أن يتريث الجميع ، لأن العقار الآن يواجه ضغوط والاسعار ستنخفض بإذن الله ، وإذا انخفضت ستقل تكلفة البناء للشركة المذكورة ، وايضا علينا أن نسأل عن الشركة جيدا وعن جودة البناء ، وايضا عن مناسبته لنا في المنطقة ، ومن لديه معلومات أكبر أو تجربة نتمنى أن يطرحها هنا للفائدة . رعاك الله |
شئ جميل لو تبني دورين يكلفك اكقر من 800 الف
اهم شي نشوف البناء على الطبيعة |
اقتباس:
بس في جميع الأحوال بيتهيألي إنه أرخص من البناء العادي وما أدري إذا لهم فرع في الأردن ولا لا وأصلاً الشركة ما أعرفها بس قريت موضوع عنها في بناء ودايركت حطيت موضوعي أسأل عنهم ومالنا إلا الصبر أختي ويارب العقار يرخص جدة أسعار العقار قطعة جمر تحرق ومانقدر عليه بالوضع الحالي... اقتباس:
اقتباس:
تنفذ النوع دا من البناء وكمان الله العالم عن مصداقيتهم لأنهم لسة شركة جديدة وماقريت عن أحد جربهم وترى أنا أختك مو أخوك:) وأنا أتفق مع كلامك لابد من الصبر والتأني شاكرة لك ردك... |
معليش اصبروا لا تتعجلون
اولا العقار راح يصحح اسعاره 2- بناء الخراسانات معليش كنه علبه شاهي !!! يعني كانك تدخلين كهف !! مافيه اي لمسات هندسية تفتح النفس !! و لو بنيتوا بطريقة هالشركة راح تتحسفون بعدين :( فيه مخططات سكنية بطرق البناء العادي تشمل الاقتصاد والجمال وشي مهم ان متر البناء الان في انخفاض وقت الغلا وصل بعضهم الى 2000 ريال للمتر تسليم مفتاح الان قريت شركات وصلت الى 800 ريال تسليم مفتاح .. |
واكبر دليل على قوتها شوفوا اسكان الحرس بالرياض لها فوق 25 سنه ولازالت
بس المشكله ان هالشركة ماراح تباشر اعمالها لازم تحصل لها عراقيل من مافيا التجار لأن وجودها فيه خراب بيوت عليهم |
اتمنى من لدية تجربة يفيدنا
|
سهل فلل حكومية متنوعة على بنك تابع للحكومة تتسدد على دفعات من المواطنين مع مراعاة المتزوجين وشكرا
|
|
عملية وممتازة وناجحة في شتي انحاء العالم غيروا فكركم وفتحوا مخكم
فلنحطم معا صنم بوذيوتا |
بحثت عنها بالنت كثيرًا
لم اجد لتالة الدولية لا موقع خاص بها ولاأحد استطاع الإتصال بهم هذا من جهة من جهة أخرى وهنا الأهم أن سعرها غالي لا تنخدعوا بالرقم 120 الف ريال . قرأت أن الفلة مساحة البناء 120 متر فقط وقيمتها 150 الف يعني لو نحسبها يطلع المتر وقف بــ 1250 ريال ولعلمكم الآن سعر البناء انخفض و تسليم مفتاح تشطيب ديلوكس يصل لــ 1000 ريال يعني يكلف عليك البناء بالطريقة العادية 120 متر 12000 الف ريال يعني توفرون حول 30000 الف ريال ومن جهة اخرى نسبة الخرسانة بالبيوت الصينية قليل جدا هي تعتمد على اللواح الجبسية .. فهي غير عن البيوت اللي نشاهدها في الاسكانات الحكومية "الخرسانية " وارجع وأقول البيت هو الراحة البيوت مثل تفتقد للتصاميم الهندسية المريحية بالمختصر البناء عن طريقهم خسارة كبيرة ومن عنده إضافات يفيدنا |
أنا غير مقتنع بهذه البيوت وفكرتها ، طبعا مجرد عدم ارتياح ، لأنها جديدة علينا .
الشركة لو بنت نماذج في كل مدينة كبيرة ليطلع عليها الناس |
الزهيري الفلل هذه مكلفة اكثر من البناء العادي !!!!
خدعوا السعوديين بالرقم واخفوا المساحة قارن السعر بالمساحة لتعرف مصدقيتهم |
اقتباس:
اخاف تهب المربعانية إلا وأنا وعيالي والبيت في زاوية الحوش. أما عن مساحة الفلة فصغيرة جدا ، ويمكن نظرتنا لها تتغير إذا تعرفنا أكثر على مواد البناء وحقيقة مقاومتها لظروف البيئة . |
قارن بين تكلفة بناء مسكن بمساحة 600 م
بواسطة البيوت الالمانية ثم بواسطة البناء التقليدي المسلح فاذا كان هناك بون شاسع بينهما في التكلفة فرجح الارخص اما اذا لم يكن الفرق كبيرا فرجح الاقل مخاطرة وهو البناء التقليدي وففقك الله في المسكن الامثل في الدنيا والاخرة |
اقتباس:
|
هذا موقع الشركة الالمانيه
دخلته لقيت مسوين مشاريع في دبي وعمان تفضلوا http://www.innovida.com/default.asp |
انا مستغرب وين وزارة التجاره والمواصفات والمقاييس وادارة الجوده اللي مزعجينا بهم ليش ما يصرحون بعد ان يتأكدوا من هذا العرض وتتوضح الأمور للمستهلك وما هي الضمانات .
على العموم اللي بيرضى بسكن معتدل ممكن يخفض التكاليف يصل لنصف السعر الألماني . |
بناء رائع ورخيص وبأمكان الشخص التدخل بالتصميم
وتعتبر نقلة نوعية في عالم العقار لازم نغير من الخرسانة المكلفة والي يصعب عليك التعديل بعد الانتهاء من البناء |
| الساعة الآن 01:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by