لايفوتك // ماذا حصل لك وقت تقفيل الموقع ؟؟
الحمدلله على السلامه لقد تم تقفيل الموقع لفتره طويله جدأ وذلك لغرض الصيانه .... وكان الأعلان عن سبب التقفيل متأخر جدآ . وخلال هذا الفتره حصل ما حصل .:mad: وفي من الأعضاء اللي حاول فتح الموقع لأكثر من مره ويمكن وسوس في تفكيره وتخيل أشياء كثيره :confused:.. ولم يعرف سبب التقفيل ويبغى يفتح الموقع بأي ثمن . واسرع وقت :rolleyes: ويمكن يقول: هذا بسبب ابو جميل خرب على الموقع ويمكن يقول : هذا بسبب الغرفه التجاريه لانها زعلانه من الموقع . ويمكن يقول : هذا بسبب بعض التجار اللي مايخافون الله . ويمكن يقول : هذا من شركة الاتصالات لانها متعاونه مع التجار . ويمكن يقول : خلاص .. الموقع راح وانتهى. ويمكن يقول : أبو هشام زعل على الشباب وخرب الموقع ويمكن يقول : جمرة غضى حصل لها مكروه لاقدر الله وتم تقفيل الموقع . ويمكن يقول ... ويقول ... ويقول ...!!! المهم ياأخوان وأخوات.. وبكل صراحه كل شخص يكتب اللي حدث معاه اثناء قفل الموقع ..وما هو الشي اللي طلع في تفكيره بالنسبه للموقع ....؟؟؟؟؟ ومره ثانيه نقول لكم الحمد الله على السلامه ونتمنى ان تكونوا في أحسن حال وصحه .:D |
كنت شاك في شركة ما ولن أخبر أحد عنها ،
لأني نقلت رقم جوالي لشركة موبايلي عشانها مصت دمائنا لسنوات ..:p |
كنت بافكر افتح موقع مشابه ولكن بسيرفر قوي ومضمون لكي لا يتم قفله .
واحارب جشع التجار . |
المنتدى جاله عطل من الشركة المستضيفة وبعدها تم نقله إلى شركة أخرى
<لان تم نقله من فترة الى الشركة السابقة > .................................................. ............................................... متوقعه إنها الشركة المستضيفة لأنه لا يعمل مع أي إتصال ولا بالبروكسي لكن كنت أبحث من وراء الشركة :confused: ولا لقيت السبب حتى الحين :( |
كنت بافكر افتح موقع مشابه ولكن بسيرفر قوي ومضمون لكي لا يتم قفله .
واحارب جشع التجار . |
فكرت افتح موقع
وكنت محتار وش الاستراتيجية التي اعمل بها وبصراحة وبدون مبالغة كاني فقدت احد اعضائي |
ضاق صدري ولا عرفت وش أسوي وشكيت بتضامن شركة الأتصالات مع تجار السيارات
|
توقعت صدور أوامر عليا بإغلاق الموقع
بسبب أن بعض التجار المعنيين بالمقاطعه لهم ايادي قويه في توجيه السياسه العليا عن طريق شركاء كبار كبار جداً لكن المهم عودة الموقع من جديد و عدم تكرار ذات المشكله مستقبلاً دمتم جميعاً بود |
بالنسبة لي.... ضاق صدري بطبيعة الحال.
و بعد عدة محاوات فاشلة للوصول للموقع .. حطيت إيدي على خدي و شغلت اغنية "أروح لمين". و كنت على وشك أشغل أغنية .. "وداعية" لكن الله سلم و أشتغل المنتدى. و الحمدلله على سلامة الجميع. |
بصراحه في شباب يقولون :ان الموقع قوي جدآ وله تاثير على المواطنين وانه سبب في خسارة التجار .
وقد تم تقفيله للأبد .... بسبب تدخلات أجنبيه :mad::mad::mad: انا توقعت :eek: :eek: :eek: :eek: :eek: :eek: :eek: بان الشركات الامريكيه تحالفت مع القوات العسكريه // واتفقت على مشرف الموقع (( ابو هشام)) وقد تم القبض عليه وسجنه في سجون ( غونتناموا) . لتحقيق معه في موضوع خلوها تصدي .. وانهيار الاقتصاد العالمي .:rolleyes: |
كده؟؟
على قوانتنامو عدل؟؟ لا يا عم ... كله إلا كده... بطلنا ... شيلوا الإشراف ... ألغوا العضوية ... ياروح ما بعدك روح. قال أروح لمين قال.. أروح لبيتي و عيالي .. أحسن لي. |
تضايقنا
فقدنا المنتدى واعضاءه صبرنا جات عاقبة الصبر خير ولله الحمد :) |
هذا توقعي:confused::confused::confused:
ويمكن يقول : هذا بسبب بعض التجار اللي مايخافون الله . |
طيب وش السبب يا ادارتنا ؟؟ بوه سبب مانعرفه
لا تتركونا تتلطمنا أمواج الافكار |
فين ابو خالد وخالد الوايلي والخزرج والزهيري ولادف وحمر عين وسعودي غير وخالد1396 وبقية الأخوان
واهم شي ياحظ يرحم امك ركز .. و ينك نفسي اعرف توقعاتك انت بالذات لان عليك طلعات حلوه |
كنت أقول في نفسي شكلهم جابو خبره
|
ههههههههههههههههههههههه :D
خبر مين الموقع ولا ابو هشام :eek: |
الله يستر على الأثنين
|
الحمدلله على عودة المنتدى من جديد
والحمدلله ماجا في بالي اي شي من اللي كتبوه الاخوان اعلاه :d لأني ادرك حجم مشاكل الاستضافه ومشاكلها ومن النادر ان تجد شركة تضمن استمرار شغل الموقع 24 بدون توقف طول السنه وسبق ومريت بهالمشاكل والتوقفات الين طلع الشيب براسي وكان حلها اني اخذ سيرفر خاص لمواقعي ومع ذلك ترا ماسلمت لحد الان بعض مواقعي مع افاق شامل ماتفتح وبرضه الوضع صار عادي فيا اخوان احسنو الظن ولا تكونوا متشائمين ويروح تفكيركم لبعيد مهما كان تسلط التجار ومن يضع يده بيدهم لن يستطيعو ايقاف هذا المنتدى الا في حاله واحده وهي اذا كان منتدى مقاطعه يدعوا ويحرض على الاخلال بأمن البلد او الانقلاب على الاسره الحاكمه او المساس برموزنا الملكيه بمعنى اخر اذا صار منتدانا يسير بخطى موقع الساحات العربيه اما غير ذلك فلن يتوقف هذا المنتدى الا بخلل فني بحت واسألوني ;) وكنت اتمنى ان تكون الادارة اكثر شفافيه بالاعلان عن اي مشاكل فنيه في حينه حتى لا تفتح المجال للتكهنات وليس عيبا ان يتوقف موقع بسبب مشاكل فنيه . بس بيني وبينكم حسيت بفراغ كبير لأني تعودت التقي بالوجيه الطيبه اعضاء هالمنتدى اللي صارو مثل الاخوان بالنسبه لي ;) |
سعودي غير الا الشك موجود وله أسبابه
فيه منتدى اماراتي للسيارات داعم لمقاطعه السيارات في السعودية والإمارات صارت له مشاكل ونقل الى سيرفر جديد واموره حلت.... لكن لا نتمكن نحن في السعودية بدخول له وقعد فترة على هالحالة . والآن يمكنك مرة من الإتصال به ومرة لا..... يعطيك تعذر الاتصال !!!!!!!!!!!!! صاحب المنتدى الإماراتي معانا هنا عضو الاخ قراند حركة حلو لتطفيش الاعضاء من المنتديات وتشتيت الحملة ... لكن بعدهم مقاطعين مقاطعين هذا رابط منتدى الاماراتي http://www.gulf4cars.com/vb/t25722.html وهنا اقدم له الشكر ماقصر وقت انقطاع منتدنا كان داعم لنا وساعدنا على نشر الرابط الرقمي |
اقتباس:
على منتدى مقاطعه عدل؟؟ لاياعم...كله الاكده... بطلنا... نتحرش با المنتدى...الغوو الهجوم ياروح مابعدك روح. قال نتحرش بامنتدى المقاطعه قال. اروح لبيتي وعيالي ..احسن لي... كانت اول الافكار التي روادتني انه هناك تحالف من التجار للاغلاق المنتدى او تعطيله...وانشاء الله يستمر المنتدى ويضل المنبر الحر لصوت المستهلك |
عودا حميدا اخوانى وبصراحة خلف اغلاق المنتدى فراغا كبيرا
انا جا على بالى ان جمرة غضا دخل عليه الجميح بجاهه من القصمان وبعد ماقربوا لها الحنينى والكليجة وختموها بلبن وبعد ماحسوا انها بدت تفقد قاموا يكثرون عليها من الكلام الجامد وراوا ، وشبوة علاموة لين حسوا ان دمها باقى لة شوى ويصير زبادى قاموا وخلوها توقع على اغلاق المنتدى للأبد :) بعدين قلت لا ياولد مومعقول جمرة ماتسويها لكن ليش مايكون ابوهشام هو السبب تلقى الحين هل الوكالات قطولة قطية واتفقوا معه يشترون لة مايباخ ويوم شافها قلبة طاح بين ارجولة من الخوف منها وهو ماركبها قام سلمهم الخيط والمخيط وقفل المنتدى بالظبة والمفتاح ولا بنى علية جدار ولاجدار برلين بعدين قلت ياولد تعوذ من الشيطان مايسويها ابو هاشم لو يسوون لة مصنع سيارات طيب مين السبب انا صراحة شكيت فى ابوخالد قلت يمكن اختطفوة وسووا لة غسيل مخ ورجعوة وصار يترزز فى الادارة لحد ما عرف وين ابوهشام يحط مفاتيح المنتدى وبسرعه البرق خطفها قفل المنتدى وشرد واحتاس ابو هشام كيف يفتحة لأنة مو مسوى لة مفاتيح سبير وقاعد يدور على بو خالد ومرسل لة ياحظ يرحم امك ركز وجمرة يتفاوضون معه بس رجعوا خايبين لانة طالب مليون ريال عشان يطلق سراحة بعدين قلت ياولد اركد ابوخالد يعين ويعاون مو راعى ها السوالف واصبر ياخبر اليوم بفلوس بكرة يصير ببلاش عموما عودا حميدا وعساها اخر الهانقات |
لماذا لا يكون الحجب مقصود خاصة
أن الوكلاء طالبوا في اقاف الحملة ولا شك أن دوره فعال وكلنا نشاهد اهتمامهم بالإعلانات التجارية والمنتدى على النقيض منها ... بعدين إذا حصل عطل ما يفتح صفحة الحجب وهذا معروف، وأعتقد أن المنتدى حلت فيه بركة ربنا ثم انفتح ! ؟ وبالتالي تحل البركة في من يسجل فيه ... وهذه دعاية مجانية مني .. وبكرا تشوفون المنتدى مزحوم من الأجانب للتبرك فيه ... وشكرآ لتقبلكم مروري .... |
مواطن مهتم أكيد انت تتابع الافلام الهنديه
القصه حلوه ومثيره جدآ والاخراج ممتاز هههههههههههههههههههههههههههههههههه |
اقتباس:
. والله ان الكليجا والحنيني http://www.dohaup.com/thumbnails/597_100x100.jpg |
رأيكم بالإنقطاعات !!!!
المنتدى ونقل إلى شركة جديدة والإنقطاعات تتكرر لازال الشك يقول بــــ أن هناك أيدي خفيفة تحاول كتم صوته |
صح جمرة غضى
انا اعاني من نفس المشكله ولا اقدر احمل الصور او التوقيع بعد اخر مره قفل الموقع . والوضع عندي ملخبط مع الموقع .:eek::eek::eek: وكل يوم رابط جديد للموقع :confused: واجرب في المواقع الأخرى كل شي تمام بس مع المقاطعه في مشكله بس انشاء الله تنحل المشكله بعد فتره حسب كلام ابوهشام .:D |
هههههههههههههههه حلوه التعليقات
اول شيء الحمدالله على سلامة المنتدى وارتحت لما رجع ثانياً الحمدالله مره ثانيه شفتكم بخير ياأعضاء ثالثا اعتذرعن التقصير بسبب الظروف وكمان مشغول ببعض المواضيع اللي حنزلها للمنتدى ( تاجر جالس يغش بالبضايع وليا فتره بحاول امسك الدليل والصور عليه علشان الموضوع يكون متكامل ومافي ذرة شك وماحالفني الحظ وان شاء الله خير ) فتحت الايميل وارسلت للأخت الغاليه جمره غضا بسألها عن المشكله وأرسلت الرابط الرقمي الثاني (وتسلم عليه ):) والحمدالله ارتحت لما شفت الموقع لاني جلست اوسوس قلت يمكن التجار سوا قطه بينهم من ابو جميل وبالبيد والجميح ......الخ او واحد فيهم وقفلوا الموقع بأي وسيله سواء من السعوديه او برا السعوديه ولما أتصلت على أحد اشخاص بتويوتا قلي عبداللطيف جميل أشترا الموقع:eek: وقوتله يا شيخ مو معقوله:confused: وماني مصدق:) من كلامك قلي ابو جميل اشترا الاعلام وبعض المواقع يمكن موقع مقاطعه منهم هههههههههههههه قوتله يمكن اشترا اي موقع الا هذا الموقع(نتجادل ) قوتله لا سمح الله اشتراه فيها غيرها حتطلع قروبات ومواقع...الخ وقوتله انا كمان حستمر ارسل رساااااائل للناس يعني يتأدب هوا وغيره علشان يعرفوا قيمة المستهلك |
الله يحيكم جميعآ ... ومن طول الغيبات جاب الغنائم
|
اقتباس:
أجل نتنظر منك تقرير < تعودنا على تقارير عنيد تكون مصورة وقوية > يعطيك العافية أنت والأعضاء.... كلكم ماتقصرون في خدمة المواطنين |
اقتباس:
المنتدى لن يباع حتى لو ينحط فيه حلال بن جميل على الجميح على الزمرة كلها ذمة أصحابه شريفة :) |
لي اسبوعين احاول ادخل المنتدى والرابط ما يشتغل
الحمدلله ما صدقت اني حصلته شغال اليوم |
اعتقد ان مشاكل انقطاعات المنتدى
ماهي الا ضريبة من ضرائب نجاح هذا المنتدى اتمنى له وللقائمين عليه ولاعضاءه الكرام دوام التقدم والنجاح |
كل مره افتح الموضوع ........... أضحك
|
| الساعة الآن 12:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by