(( حنا في نعمة وخير والحكومة أبخص ))
السلام عليكم ورحمة الله وبركاتة 0 0 0 0 0 0 0 0 0 0 0 0 0 0 اليوم كنت في مجلس عند جماعتنا وكان سواليفهم اغلبها عن العرس و المرأة والجنس ... اانا انقهرت و فتحت موضوع مقاطعة السلع وقلت يارجال الرجال لازم نقاطع البضائع التي ارتفعت اسعارها ياجماعة : انتم عارفين ان الاسعار ارتفعت !! التفت علي واحد من الربع بعينيه الصغيرتين و يكسو الاحمرار وجهـه وأنـفه وقال : شف وانا عمك حنا في نعمة وخير والحكومة أبخص وان شاء الله بتحل الوضع !!! المهم انهم غيروا الجماعة السالفة وانا طلعت منهم مقهوووووور اغلب الشعب السعودي غير مثقف وجبان وبالعامية " نفسي نفسي " أعتقد أنكم تتعبون أنفسكم دون جدوى مع شعب اغلبه جاهل |
اقتباس:
لوزين وألبان الرياض تابعة للمراعي . المراعي بشركاتها التابعة + نستله + صافولا ... مقاطعة إلى الأبد . |
هذولوا هم اللي ضيعونا من زمان ولكن هذا جيلنا وراح نعلم التجار ان لنا القرار
|
ممكن توصل لهم بشكل أخر...
اليوم في السوبرماركت شفت واحد قاعد يلقط ألبان و عصائر مراعي وربيع.. مريت بقربه و قلت له .. خلي بالك ترى المراعي غيروا شكل القارورة صح لكن قللوا العصير و تراها أغلى من ربيع بكثير. قاللي أنا مالي دعوة و مطلوب مني أشتري هذي الحاجات (شكله شغال عند إحدى العوائل الكبيرة) قلت له مايخالف .. بس تقدر تأخذ نفس نوع العصي بس ربيع .. تراه أرخص و أكثر . أقتنع الرجال و أخذ قارورة المراعي و ردها و راح على رف عصاير ربيع. بس ما أعرف رجع شيء من الألبان إللي أخذها و إلا لأ. قالوا زمان .. أكل الزبيب حبة حبة. و المقاطعة نفس الطريقة لو كل واحد فينا أستطاع يقنع شخص واحد كل يوم بنهاية الشهر راح نلقى المملكة كلها مقاطعة. |
طيب هل تتوقع ياخي الكريم ان تأثير المقاطعة ستكون شاملة من كل فرد في المجتمع؟ حتى لو يكون المقاطعة 50% ستكون كافية جدا لإفلاس الشركات الباغيه وشكرا جزيلا لك
|
التفت علي واحد من الربع بعينيه الصغيرتين و يكسو الاحمرار وجهـه وأنـفه وقال :
الي يسمعك كنت جالس مع ربع من الاسكيمو ... :) اخوي تركي .. انت بيض الله وجهك .. ما قلت الا الصحيح والي عليك سويته انت قاطع وانشر خبر المقاطعة قدر المستطاع و جزاك الله خير المقاطعة ... مستمرة |
وقالوا قديما ايضا .. ان تشعل شمعة خير من ان تلعن الظلام :)
|
|
ماضيع شيبانا اللة يهديهم الا الجنس وسوالفة
|
أخوي تركي الدوسري .. :)
الوقت هذا وقتي ووقتـك .. وراح جيل الشيبان والحين دورنا هو قاعد على مركاهـ ولا يدري يبي قهوة وشاهي وعلوم رجال ومقداع والرجاجيل تقلط على أنعام ربي من كل نوع وجنب السمينة مركد .. ياربي لك الحمد أنت اللي بتشتري الأغراض وأنت تفهم أكثر وعايش الوضع .. " كلمة راس " لو تدري ياتركي إني عايش نفس إحساسك من أسبوع :cool: |
صادق ابو ثامر
|
اقتباس:
سيدنا المراقب العام ... معليش ع شان انا دااااايخ .. وش معنى كلمة (( الاسكيمو )) :D |
اقتباس:
الاسكيمو بديل الاي سكريم عشان المقاطعة :D |
اقتباس:
ههههههههههههههههههههههه ... اموووووووت في شمر كلهم يا بعدي .. بسسس الرجال يقول : قاعد مع ناس من الاسكيمو . يقعد مع عسكريم :D |
فعلا جهل وتخلف شعبنا هو سبب ما نحن فيه ... واستهتار وزير التجارة والصناعة با المواطنين لأنه يعرف الشعب جيداً .
|
قاعـدة : الشيوخ أبخص أكل عليها الزمن وشرب .. منذ امد من الزمن .. فالمواطن العادي قد يتساهل بكل شيء إلا مساسه برغيفه .. وإذلاله بقوته اليومي .. كفانا سذجاً |
اقتباس:
فلنبدأ بانفسنا فانا وانت واعضاء المنتدى الكرام مجرد البدايه وستأتي النتائج بأذن الله عاجلا او اجلا المهم ان نبدا وان لانستعجل النتائج.وسيأتي بأذن الله اليوم اللذي بكون فيه للمستهلك فعل يحسب حسابه.لامجرد صوت قد لايجيبه الاصداه |
اي والله احنا في نعمة
لكن الله يعينا على ارتفاع الاسعار |
حياك الله يااسطبل داود
|
هذول من الرعيل الاول ليسو جاهلين ولا مغفلين
ولكن نظرية الكبح الماضي وتلقينهم الكلمه جعلتهم يتأقلمون مع هذه الكلمات لذلك هم الان يحاولون ان يجعلونا نتأقلم ونسير مثل الجيل السابق هيهات يطبقون تلك النظريه فالوضع اختلف ولو سرنا على ذلك فسيكون الوضع مزري للغايه |
اقتباس:
صح لسانك ،،،،،،،،،،،، لكن لن نسير على ذلك أبداً ،،،،،،،،،،،،، |
عفواً : فالمقاطعة ... مستمرة .. |
ابدا ورب الكعبه مقاطعتنا مستمره مهما كثر الاعداء ومهما كثر الخوف...
الديموقراطيه يجب ان تحل في هذه الاوضاع نحن لا نسب ولا نتكلم ولكن نريد ان نحق الحق ونجبر هذه الشركات التي رفعت اسعارها بان تخفضها كما كانت وباذن الله سوف نرى كم هائل من المقاطعه... اللهم انصرنــــــا... |
| الساعة الآن 12:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by