ارجوو من الجمييع الدخووووووول
اولا السلام عليكم ورحمة الله وبركاته قد سمعتو بالمثل اللي يقول *اللي يده بالماء مش مثل اللي يده بالنار* الحين كللللللللللللللللكم ياللي تقولون خلوها تصدي وخلوها تصدي ؟؟ لمين توجهون كلامكم لموظف ضعيف مايقدر يشتري سياره كاش مثلما فعلتم انتم؟ ام توجهون هالكلام لمسكين خسر سيارته بسبب حادث ويعمل خارج بلدته بـ 70 كيلو؟؟ الحين انا اوجه كلامي للي يقول خلوها تصدي : وشهي سيارتك ؟؟ وكم موديلها؟؟ انا استطيع بحكم تجربتي ولقائي بعض الاعضاء هنا ان لايقل عن 70% من المجموعه اللي تدعي لحمله خليها تصدي سياراتهم موديل 2008-2009 انت يا اخي الكريم متمتع بسياره تنقلك حيثما اردت وبينما غيرك ارهقته التكاسي وكل ماقرر يشتري سياره يسمع *ذئاب* من حوله تقوله لا لا لا لا خليها تصدي وهو بدافع * الوطنيه* في قلبه يمتنع ولكنه الضعيف لايعلم ان من يوسوس له بخليها تصدي لديه سياره فخمه يتنقل بها ارجووو ان لايُفهو موضوعي ويفسر على الكيف انا مجرد مواطن يبعد عملي عن بيتي 120 كلم وليس لدي سياره تنقلني ودخلي بسيط فلا استطيع شراء سياره كااااش واضطر الى التأجير المنتهي بالتمليك من عبداللطيف جميل او عبدالله هاشم او اليمني او اي وكييييل وانتم ايها الكباااار *الكاشخين* بسياراتكم اذا صار معي سياره مثل سياراتكم والله ثم والله ثم والله لاكون اول واحد معكم في الحمله لا وارفع الشعارات على منزلي . شكرا لاستماعكم |
انا اعرف ان بعد هالموضوع راح تنحذف عضويتي من ضعااااف النفوس وراح تكون حجتهم الواهيه بأني عميل مع جوجو او الجميح او whatever
لكن ان دل هذا على شي يدل على مدى التخلف اللي حنا واصلين له |
الله يسامحك ...
وبالنسبة للحمله خلوها تصدي مو يعني لاتشتري سياره بتاتآ..... لاكن لاتنسحب مع الناس الى الوكلاء وتكون ضحيه . وانت عارف سعر السيارات في بلدنا وفي خارج بلدنا . ونحن لانرضى بهذا الجشع والضحك على المواطنين . اما بنسبه لك أشتري كل يوم سياره فانت الخسران وحدك..... وسيارتي ..يعلم الله انها نص عمر وشبه منتهيه . لاكن كل يوم اشوف في تنزيلات في السعر ... قلت للنفسي خلوها تصدي واصبر والموقع لتثقيف المواطن وليس لمنع الشراء او البيع . واظهار حقيقة النصب والجشع من التجار . |
مثل ماقال الاخ خالد هي توعيه لك كمشتري مو منعك منع باااات عن الشراء يعني الشركه ربحانه ربحانه لوباعت السياره براس مالها لكن وضع السعر بالاضعاف المضاعفه ليييييش كل هذا استخفاف في هالمواطن
|
اولا سامحك الله اخونا الكريم فقد وضعت الجميع موضع التهمة
ثانيا المنتدى يوفر لك المعلومة وبعد ذلك انت بالخيار ولا لاحد امر عليك وبعدين اللي مبسوطين ومرتاحين مشاركين لاخوانهم ذوي الدخل المحدود همومهم ومشاكلهم ولاتنسى ان المسلمين في توادهم وتراحمهم كمثل الجسد الواحد |
هناك لبس لديك اخي الكريم e7saas
المقصود بالحمله من يرغب بشراء سياره جديده و ليس من إشترى سياره و انتهى أمره و من تتهمهم بحداثة سياراتهم لا تعنيهم الحمله من قريب و لا من بعيد و بالعكس هم لا يودون نزول اسعار السيارات التي اشتروها غالياً و ربما تجد منهم من يسخر من الحمله و القائمين بها لأنها لا تحقق له اي فائده بل تضره و اذا كنت مظطر لشراء سياره الآن ربما تراها بعد فتره قصيره بسعر اقل من مشتراك بـ 40% اقل او اكثر فهذا شأنك و ليس هناك حجر عليك فأنت من سيدفع و انت من سيخسر نسأل الله لك التوفيق |
اولاً بسم الله الرحمن الرحيم والحمدلله على كل شي
السلام عليكم ورحمة الله وبركاته ماكان ودي احد يفهمني بهالطريقه .. لكن كان المقصد ان فيه (بعض) الناس اللي عزموني على هالمنتدى.... وهم يعتبرون شريان أساسي في هالمنتدى ولكن اقرأ بعض المواضيع او الردود لهم فأحس بمعاناته وأحس بصبره وفي النهايه اكتشف انه قبل أسبوعين بالضبط جاني فرحان ومستانس يقول كلموني وكاله عمو جوجو يقولون وصلت اللكزس اللي كنت انتظرها .... واكتشفت عن طريق الصدفه انه كان دافع عربون بـ 80000 ريال وبعد العربون انتظر قرابه الثلاثه أسابيع حتى قدرو يوفرون له اللون المطلوب لسيارته .... والحاله الثانيه انه برضوو شخص آخر كان فرحان ومستانس بتكدس السيارات في المخازن وأشترى له سكويدا الجديده .... يعني انا اذا كنت منقهر من وضع فليس من وضع الجميع ولكن من وضع (المنافقين) الموجودين والمدسوسين بالمنتدى ..... واشكر كل من رد واشكر القائمين على هالمنتدى يمكن فيه نقطه براسي بس خانني التعبير اني اوصلها لكم بالطريقه الصحيحه فأعذروني إخواني .... تحياتي لكم.... |
اخي الكريم احساس بارك الله فيك
لا أزود عن اخواني بما قالوا او نصحوا او وجهووا وقولي هو .. ان هذا الصرح الشامخ .. ليس كما تتصورة انه للموسورين والذين يركبون سيارات فارهه انما هو منتدى توعوي ثقافي لكل اطياف هذا الشعب الكريم وانت اولهم نحن يمسنا كما يمسك .. والتجار يمسهم القرح كما مسنا الان وقبل ويا اخي الكريم اريد فقط ان الفت نظرك لشيء بسيط وهو انه لو لم نكن مثلك لما أتانا هذا المنتدى ولما وجدت مقاطعات ابدا وكنا نعيش بأفضل عيشه ونحن ولله الحمد والمنه نكرر ونقول اننا بفضل من الله اولا واخرا نعيش افضل بكثير من اخواننا المسلمين ولكن لمعطيات الضروف نرى ما نحن عليه ونرى غيرنا وحالهم وندرك ماعندهم وندرك ماعندنا ولذلك وجدت مثل هذه المنتديات واما بالنسبة لي انا.. والله يا ابن الحلال اني موتري كسرة ومصدم مع كل زاويه وقيرة خربان وحاله يرثى لها واتمنى مثلي مثل كل شخص بسيارة جديدة وفارهه .. اقل شي سيارة تواجه عند الناس مو دردعه واني والله ابي اعرس ولا هو حاصل لي مامن دراهم ولا سيارة والحاله خلها على ربك والدين الى الركبة على فكرة تراني مدرس ... يعني مو اي موظف وفي ديرةغير ديرة اهلي يعني الخطة إجارات .. ومطاعم وتردد خطوووط كل اسبوع او بالشهر مرتين اتمنى انها وصلت لك الفكرة |
حبيبي .. احساس
فهمت ماترمي له ..لاني شاركت وانت سبقتني وعلقت على الردود الي ابي اقوله يا اخي الكريم مو لازم وكالة اشتر اي سيارة عبر فيها حالك لين ربك يفرجها وراح تحمد الله وتشكره وان تدعي لنا وسوف ترى فقط ما نريد منك غير الصبر |
اقتباس:
ببساطة المنافقين يخداعون أنفسهم سواء هنا أو خارج المنتدى :cool: سبق ان نوه أحد الأخوان على هذه الجزئية المنافقون https://www.mqataa.co/vb/showthread.php?t=15653 المسألة ليست أسعار فقط .. ولا هدف الحملة موجه للسعر هناك المواصفات تستبدل... إحترام العميل معدوم ....قطع الغيار غالية... الضمان يتلاعب به . هدفنا نوعي المستهلكين عن تلاعب التجار والوكلاء .... وأنت بالخيار أما أن تصبر معانا أو تشتري والله يوفقك . |
أولا .. حياك بيننا عضوا فاعلا بإذن الله.
ثانيا .. بخصوص موضوع خلوها تصدي.. لم نحدد سعر معين او نسبة معينة للنزول أو فترة محددة للإنتظار .. نحن فقط نبهنا للخداع والإستغلال الذي يتعرض له المواطن و نصحناه بالتروي و تمشية الحال إن كانت لديه سيارة تقضي مشاويره للفترة القادمة. و في الأخر تركنا مسألة الشراء بحسب قناعة المشتري .. لو كان المشتري مقتنع بالسعر و العرض المقدم له فالله يبارك له .. المهم لا يتحسف لو جاء بعد كم أسبوع أو كم شهر لقى سعر سيارته نزل 30 أو 40% عن سعر مشتراه. أخيرا .. موديل سيارتي 2000 .. ولسه من شهرين موضب جيربكسها.. و الله يستر من الجاي. |
اخي احساس اسال الله العلي القدير ان يفيض عليك من نعمه ويرزقنا واياك
|
أخي الكريم أنا قعدت 7 شهور بلا سيارة وداومي في ديرة وأهلي في ديرة واستأجرت واستأجرت إلين لقيت لي مستعملة نظيفة شريتها جمعت خلال السبع شهور قيمة السيارة التي معي والحمد لله لا أقساط ولا إيجار منتهي بالتطفير في حالتك نصيحتي لك لا تمد رجلك بقوة !! يعني خذ لك سيارة على قدك إذا مالك خبرة بالمستعمل أو ليس لديك قريب أو صديق ثقة يساعدك ، فالله يعينك تاخذ جديد بالنسبة للجديد نصيحتي لك سوناتا نص فل فيها مثبت سرعة وجنوط وكل شي مهم بـ66 ألف كاش وهالسعر قبل أسبوعين !! الأشياء التي شخصيا اعتبرها ثانوية لذوي الدخل المتوسط - تطعيمات الخشب ومقاعد جلد وفتحة سقف وجناح إلخ - يمكن أن تستغني عنها لكن كل واحد وذوقه هذا على اعتبار أنك تقدر تشيل نفسك وعيالك - الله يحفظهم لك - بسيارة سيدان من واقع دوراني بالسوق الفترة الماضية ، أول من بدأ بالتخفيض هم الكوريون |
لست مجبرا على شي
ولك الخيار ،، اما ان تشتري سياره اكبر من قيمتها او تتحمل وتصبر معانا انا بنت ومااسوق ولا عندي سياره وموديل سيارتنا آخرها 2002 وراضين فيه ولله الحمد ولا نبغى سياره جديده بس مازلت احرض على الحمله حتى يخفضوها من قيمتها |
أخي الكريم المطلوب من الحمله محاربة الجشع وليس حرمان المواطن ولا يهمك من يخالف قوله عمله فجار السيارات رفعوا اسعار السيارات بدعوى:
1- انخفاض الدولار ولم يخقضوا السعر عند ارتفاعه. 2- التضخم العالمي ولم يخفضوا السعر عند انكماشه بل رفعوا السعر 13% في اجتماعهم بجدة. 3- رفع الأسعار من مصانع السيارات و لم يخفضوا السعر مع بدء المصانع بكل العالم تخفيض اسعارها. المواطن الغلبان الله يعينه يمشي حاله بسيارة مستعملة حاليا لحين انخفاض السعر واللي ما يبي فهو حر |
| الساعة الآن 09:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by