كذبة العثيم مول{ مهرجان الأكل بنصف القيمة}+سرقة مطعم هرفي
حقيقه استغرب من استغفال التجار لنا ومخادعتهم تحت نظر واشراف حماية المستهلك
ادخل بالعاميه في موضوع العثيم مول اللي ازعجنا في اعلان { مهرجان الأكل بنصف القيمة} بمشاركة 60 مطعم بمعنى اصح بمشاركة 60 نصاب بطل القصه مطعم هرفي اللي في العثيم مول بحي الربوه بجوار اسوق المجد طلبوا منه الاهل سبع وجبات بمبلغ 140 ريال ويكون بعد الخصم 50% 70 ريال لكن هذا لم يحصل فقد طلب المحاسب من الاهل 95 ريال {هاذي السرقه الاولى} وبعد انتظار لساعه ونصف بسبب الزحمه الغير طبيعيه اعطى الاهل الطلب ولكن موب كامل ناقص 2 برجر قيمة الواحد قبل الخصم 13 ريال وواحد بطاطس قيمته قبل الخصم 7 ريال وايضا مع تبديل وجبه بوجبه ارخص سعر و{هاذي السرقه الثانيه} وايضا الببسي اللي يجي مع الوجبه هو لون ببسي ولكن في الحقيقه هو ماء وبعد الرجوع له من اجل الطلب الناقص قام بوضع برجرين ارخص سعرا ناهيك عن تعامل هذا الحقير ما ادري هندي او بنقالي مع النساء واستحقاره لهن وتقريبا جميع من اخذ طلبه يجد الطلب ناقص اما وجبه او ثنتين او ثلاث فالرجل تقريبا ياخذ حقه اقصد الناقص من الطلبات اما الحرمه للاسف فهذا السافل يشير بيده لها بالابتعاد والله ان فيني قهر ما يعلم فيه الا رب العالمين من هذا الحقير اللي يتعامل مع النساء كذا وكذلك مع الرجال فلا تسمع الا الهواش ورفع الاصوات حسب ما تم نقله لي من الاهل والامر اللي محيرني هل تتوقعون ان هذا السافل الحقير الاسيوي يقوم بانقاص الطلبات من نفسه او هو بايعاز من احد ما ,,, وما اتمناه ان يحاسب مطعم هرفي والعثيم مول ولكن للاسف لا حياة لمن تنادي آسف على الاطاله.... |
من علمت بالتخفيض وعرفت أنه نصب .......العثيم ومطاعم اجتمعوا وش ترجون منهم !!!
اقتباس:
أمّا التعامل من غير شر ... عمرك شفت عمالة تحترم السعودي "الا من رحم ربي" أجل كيف وهم يشوفون السعودي يزاحم عشان بطنه ! |
طبعا قهرني وضايقني ملاحظة الاخ خالد وهنا اطرح سؤالا الاخوة الكرام الاصفار العددية الموجودة والتي لاقت نفس المعاملة السيئة هذه الاصفار لم تنتقد او تعترض علنا فقط صياح ونياح مع الموظف المخطئ ثم لا شئ !!! وبصراحة شديدة يحق لكل سافل ان يفعل بنا ما يشاء طالما اننا مجرد اصفار بلا صوت !!!!! افيقوا ايها النيااااااااااام حتي النعاج ةلها كرامة !!!!...
|
والله في نظري -مع احترامي للأخ- أن الحقير من ينساق خلف كذبهم ، والحقير من يصدقهم إلى الآن ، والحقير من تجره معدته للمصارعة في زحمات تلك التخفيضات التي يعلم الجميع كذبها . لماذا لا نقاطع مثل هذه المهرجانات والدعايات الزائفة ، المجتمع بحاجة لدرة عمر رضي الله عنه حتى يرتدعوا وتظهر عقولهم التي عشش فيها الجهل بثقافة الاستهلاك ، وابت أن تعي ما حولها . |
تمنيت منك أخوي أبو خالد أنك ما خليت الموضوع يعدي أقل ما فيها حتى تبرد حرتك , ترجع للمحل وتسوي لهم حفلة مصغّرة :) والله أنا حصل معي نفس الموقف في أحد مطاعم هرفي بالدمام قبل مدة تعامل زي الزفت من قبل أحد المحاسبين وأظنه بنقالي أو سريلانكي !! ولما أخذت الطلب للبيت اكتشفت انه ناقص ! لكن رجعت لهم وسويت لهم فلم هندي على كيف كيفكم وفي الأخير أخذت الطلب , ونمت هذيك الليلة وأنا مرتاح البال |
ابغى منكم ياشباب
انكم تروحون لها المطعم و مشخصين يعني كأنك عريس طبعا لازم يكون معك 5 معرسين يعني مشخصين و تطبون على المطعم هرفي و تصيحون قفلوا المحل حنا من البلدية ابغى اشوف ردة الفعل لها العمال |
اقتباس:
وبالنسبه للفاتوره موجوده بس وين الواحد يشتكي طبعا بعد ما يشتكي لرب العالمين واللي مستغرب منه ان الرجال الموجدين ما احد تكلم لما قعد السافل يتهاوش مع حرمه وهم يتفرجون والله هذا كلام الاهل,,, |
اقتباس:
والاخوان فالله كل واحد ينتظر اكله ويتفرج ولا كان شي حاصل,,, مشكور اخوي نبيل على المشاركه |
اقتباس:
مهرجان الأكل بنصف القيمة بمشاركة 60 مطعم كل كم متر تجد هذا الاعلان وبعد التسوق يريدون اهلك عشاء وعليه خصم 50% وتوجهوا للمطعم اسئلك بالله هل هذي حقاره ؟؟؟ بالعكس الحقير من ينعت الناس بالحقاره والحقير من يستغفل الشعب والحقير من يتستر على هؤلاء الشرذمه الكاذبون وهو يعلم ما يعملون,,, |
اقتباس:
اسوي الحفله بس كيف ما ادري لازم تخطيط عشان تظهر بالمظهر الائق فيهم وزين ما سويت يالذيب الواحد مهما كان لابد ياخذ حقه,,, مشكور على المرور... |
اقتباس:
يحبكها صح عشان ياخذ حقه ويسفل فيهم غير كذا للاسف الواحد ما راح يحصل شي كتعويض وتقفيل وغرامه ... |
من علمت بالتخفيض وعرفت أنه نصب .......
الحمدلله مريت من جنبه ولالالالالالالافكرت اطلب منه لانه هالتخفيض مب لله اكييييد وراه شي وهذا انت اثبت لي |
بصراحه استغرب لما اشوف رجال ويسكتون عن حقهم اجل حنا يالحريم وش نسوى ؟!
لكني من كم سنه وانا صرت ما اسكت عن حقي وآخذه لكن بأسلوب من دون سب او شتايم او عصبيه في البدايه تعبت لكن هالحين صرت اعرف اتصرف على حسب شخصية اللي قدامي مثلا لو شريت من مطعم وكان الاكل مهوب زين اقول للعامل اللي قدامي ( يلا انت كله هالحين قدامي ) المهم اني ما اعصب او اتنرفز علشان اعرف اتصرف التصرف الصحيح اللي يخلي الشخص اللي قدامي يمسكها علي غلطه واطلعه هو الغلطان واحرق له دمه ببرودي بدل ما يكون العكس |
انت ليش منت مع الاهل عشان تأخذ حقهم يعني اذا انت ما اخذت حق اهلك بيجي واحد ثاني يأخذه لك
طبعا واضح من طريقة صياغة الخبر انك انت منت معهم لأن كل كلامك الاهل قالو الطبيعي انه الرجال يكونوا مع حريمهم عشان مواقف زي كذا والله يقول عن النساء(( أومن ينشا في الحية وهو في الخصام غير مبين)) يعني في في الجدال في المحاجة حجتهن ماهي قوية واضحة يعني لو صار لها مشكلة من بيفكها ليش ننتظر ان الناس تسوي لنا اللي مسويناه لأنفسنا اتمنى ان الفكرة تكون وصلت وكل دقة بتعليمه |
اقتباس:
ثانيا هاذا المفترض ان الواحد ما يخلي حقه مهما كان وبالنسبه استغرابك ان الرجال يسكتون عن حقهم ما اظن انهم سكتوا عن حقهم بس للاسف ما فزعوا مع الحرمه المسكينه الغالب الان نفسي نفسي للاسف ,,, |
اقتباس:
ثانيا الله يصلحك انا ما طلبت من احد يفزع مع اهلي اعرف اخذ حق اهلي والحمدلله اهلي يعرفون ياخذون حقهم انا استغربت من الرجال الحاضرين اللي يشوفون حرمه تتهاوش مع العامل الحقير وكل واحد يناظر مشكله اذا كانت هذه نظرتك انت لو احد غلط على حرمه قدامك بتجلس تناظر وتقول وين اهلها افرض انها ارمله بتقول مالي دخل ليش اهلها ما هم معها مصيبه دامنا وصلنا لهذي المرحله اجل العامل الحقير ضامن ان الاخوان الموجودين اللي مثل تفكيرك بيتفرجون وكل واحد بيقول وين اهلها , وبالنسبه لصياغة الخبر اني ما كنت حاضر ما جبت شي جديد انا موضح اني ما كنت مع الاهل وبعدين لعلمك والله ما انتظر من الناس مثقال ذره من اي شي كان حقي وحق اهلي اخذه وزياده ومن قتل دون ماله وعرضه فهو شهيد وبالنسبه لموضوعي لابين للناس لعبة العروض الوهميه اتمنا ان الفكره وصلتك,,, |
| الساعة الآن 07:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by