بمناسبة زواج.........
يا إخوان جاء في خاطري موضوع و أتمنى نناقشة جميعا" لأن المستفيد هو الجميع لوح حصل زواج لك أو لقريبك أو دعيت زوجتك ؛ وأكيد تبغى فستان ما شافه أحد . سؤالي هل هناك فكرة ممكن من خلالها ( تحط عرس ) مميز ؛ بدون تكاليف ؟ هل هناك أفكار للتخلص من فساتين الأعراس ؟ لأن الأعراس الآن أحس إن الدعوى تجميع ناس - بعضهم مالهم داعي - و تعشيهم فوق طاقتك ؟ . ولا تنسون تكاليف الشقة . وتكاليف ما أدري إيش بعد . يمكن واحد منكم عنده فكرة يزودنا به . المشكلة أحيانا" تقعد أشهر تنتظر متى يجي العرس و تحضره و تخلص منه . حان الوقت لنأتي بأفكار تقضي على مصاريف الأعراس ويليت حط التكايف بشقة في بداية حياته كان أزبط له . . |
صدقت ... غير التكاليف العرس على الزوج .. حنا يامعزمات نتكلف و ياليت بس على فستان :(
00000000000000000000000000000000000000 منتشر الآن يكون زواج مختصر على الأهل فقط . وبعد الزواج. الزواره . تكون في قاعة مرتبه ومحددة الأعداد يعني توفر بالمناسبتين . |
فعلا موضوع مهم يحتاج نقاشه ...
ولو كنت أفضل ان يكون عام عن الزواج بكل اموره لا يقتصر فقط عن فساتين الزواج ؟ |
اقتباس:
. المشكلة يا جمرة غضا إن اللي يبغى يتزوج ما يخطط و لا يفكر بطريقة سليمة الكثير يسيرون على طريقة اللي سبقوهم...احجز قصر ؛ وتكلف بالذبايح ؛ وبطاقات ؛ وطقاقات ( قديم ) |
اقتباس:
. هلا بأخوي هدد بلا شك الموضوع عام عن الأعراس ولعلك ما انتبهت للعبارة الآتية بالموضوع وهي : ( سؤالي هل هناك فكرة ممكن من خلالها ( تحط عرس ) مميز ؛ بدون تكاليف ؟ ) |
بصراحه المشكله ان الزواج اليومين هذي صار مجاكر كلن يقول زواجي أحسن والرز والأنعام الي حاطينه بالأخير تروح للزبال أكرمكم الله
|
اقتباس:
. ممكن يكون مجاكر..بس كلامنا هنا للعقلاء ...للي يبي يسوي عرس بتكاليف معقولة والدليل على المجاكر نلاحظ ظهور عادة نشر صور ( العريس ) في https://www.mqataa.co/vb/images/icons/icon1.gifالصحف . . |
حياكم الله على زواجي في قاعة التوفير بتاريخ 22/8/1439
اعوووووووووووذ بالله من كلمة الفستان ذا قد شافوه عليا |
اخوي انا خاطب من سنه والحمدلله متفق انا وخطيبتي يكون الزواج حفله مصغره للأهل فقط للأسباب التالية توفير مبالغ كبيرة حنا المستفيدين منها يعني اخذها انا وزوجتي بدل ما اصرفها على ناس جايه تاكل وتحش ثانياً حفلة الزواج تقتصر على الأهل يعني ناس يحبونك ولا فيه اغراب يحسدونك بالنسبة لانك تحط عرس مميز وبدون تكاليف هذي تتفق أنت والعروس عليها لأن بعض البنات الله يهديهن ماعندها مشكله تاخذ قروض وسلف عشان ليله وحده يعني بالمختصر اذا انت والعروس اتفقتوا ان العرس يكون مختصر وغير مكلف انحلت 50% من المشكلة واحصر الدعوات للاقرباء والأصدقاء المقربين جداً رجال ونساء بالنسبة لي أفضل البوفيه على المفاطيح حتى لو كان أغلى بنسبه مو كبيره لأن المفاطيح ماحد ياكلها وحرام النعمه ترمى |
مشكور على الموضوع
وصراحة الظروف الاقتصاديه التي نواجهها نحن الشباب المقبلين على الزواج تخلي الواحد يتردد |
اقتباس:
زين العابدين حركة جديدة قاعة التوفير بس قلب الفكرة يمين و يسار تطلع لك فكرة جديدة |
من طرق التوفير
ان امير القبيلة أو شيخها يحدد المهــر بعد مايجتمع مع شيوخ و اصحاب العقول الفاهمة من نفس القبيلة وبعدها يتفقون على سعر المهر كم بيكون ؟ بالنسبة لنــا محددين المهــر انه مايتعدى الـ 50000 ريال بكـــــــل شيئ غير عن ذلك الاعانات اللي تجي المعرس يوم زواجه الله يساعد ويوفق من هو على وجه الزواج ويجيب اليوم اللي اعرس فيه :rolleyes: |
اقتباس:
ما شاء الله تبارك الله خطوة مباركة بارك الله لكما و بارك عليكما وجمع بينكما في خير |
اقتباس:
|
اقتباس:
واللي تتغلا بمهرها تقعد ببت أهلها توسع صدرها أما العانيات فأنا معك .. أجشع التعاون العائلي كل واحد واستطاعته بدون تحديد العانيه والله يسهل أموركم |
إن أعظم النساء بركة أيسرهن صداقا
خيرهن أيسرهن صداقا الزواج العائلي اسهل واقل تكاليف ثلاثة حق على الله عونهم : المجاهد في سبيل الله ، والمكاتب الذي يريد الأداء ، والناكح الذي يريد العفاف =============== اخي الكريم المملوح اشكرك على طرحك المميز والرائع والمتنوع ... عساك على القوه |
شكرا" جمرة غضا
اقتباس:
اقتباس:
هالحين المشكلة ليس في المهر ؛ المشكلة في ( بعزقة ) المهر ؛ وصرفه في أمور كمالية المشكلة في قصر أفراح بــ30 ألف وذبايح ؛ ولا أحد ياكل وفشخرة على غير سنع |
اقتباس:
بس يحتاج تطوير ؛ ومن التطوير استعمال الدف...حتى يكون فرح ؛ وليس شبيه بالحزن . وتشجيعك لي يا أبا عبدالله يشجعني و يشجع جميع الأعضاء |
فكره طيبة اتمنى حلول من الاعضاء واقتراحات تفيد القادم على الزواج
|
اقتباس:
.. يله كل واحد ينسدح على السرير و يفكر لنا شوي . وياليت اللي مر بتجربه من العرسان القدامى و الجدد يعطينا فكرة من تجربته |
اسال الله ان يبارك لك ويتم لك بالخير ويكتب لك السعادة والتوفيق وان يكثر من امثالك
اقتباس:
|
وكعادة ابو عبدالله جاب الخلاصة بارك الله فيك 0
لي سؤال هنا اعتقد انه قد ورد حديث بشان من يبني منزله من يعرفه يتكرم علينا به0 اقتباس:
|
تغيير السلوك العام الاجتماعي قرار يبدأ منك انت انت ولا احد سواك لا تنتظر الاخرين افعل ما تؤمن بصحته وموافقته للشرع استن السنة الحسنة طمعا في اجر من يتبعك ابدا لا تتردد
|
الناس قبل فتره صارو يسون الزواج العائلي
وبعدين اتجهوا للزواره اعتقد ان البنت واهلها واهل العريس لا بد يكون عندهم فكر واعي واهم شي اللأشهار والوليمه في حدود المقربين جدااً وياليت البنات يتركون عنهم سالفة الزفه والفستان الأبيض المتكلف يعني مافيه مانع تسوي اللي تبي في حدود ضيقه معقوله |
هل ممكن نستخدم فقط ملاعب كرة القدم في المدارس الحكومية لإقامة الزواجات ؟ . . هل ممكن المدارس الأهلية تساهم في تأجير ملاعبها بسعر رمزي _ مثلا" ألفين ريال ؟ . . هل ممكن انشاء قاعات مخصصة للأعراس المختصرة على عدد قليل ؟ بحيث يكون التصميم روعة ؛ ويكون الأكل مرتب و غاية في التنظيم ؟ وتسمى بأسماء حلوة ؛ مثل قاعة العرس المثالي الرائع ؟...(والله ما أدري وشلون جاء هالأسم ) |
اقتباس:
قاعات افراح منظمة وانيقة جدا .. و مع البوفيه ماتكلف 15 الف الى 10الاف ... شفت كم وحدة يشارع الصباح الموصل لملعب الملك فهد وحتى الفنادق يحسب على الكرسي والبوفية بيدأ من 120 ريال يعني 100 حرمة يكلفونك 12 الف وحط دي جي بدل المطربات .. والبوفية انت تقدر تكمله بعد ..بالإضافات من المطاعم أرخص لك مع اني لا أفضل حفلات الزواج .. تكفي زوارة .. |
يبدو لي إن المشكلة في الزواجات هن النساء
يتدخلون في كل شيء من الخطبة حتى ..... فالعلاج أظن يبدأ من هنا |
هل الأفضل البوفيه المفتوح أم المفاطيح ؟ . أيهم أقل تكلفه البوفيه المفتوح أم المفاطيح ؟ . أنت ماذا تفضل منهما ؟ . هل لك تجربه بشأن ذلك ؟ ودنا نستفيد |
والله أنكم طيبين في تكاليف الزواج
أسمع وأستغرب زميلي تقدم لابنة عمه في الجنوب فطلب أبوها 1- 150000 مهر 2- سياره لأندكروزرلابوها 3-قهوة الام والخالات من 10000 الى 5000 ( عادات لدى الجنوب) 4- الدخله 20000 ريال 5-عشاء وبخور وقصرالزواج 50000 ريال 6- منزل 60000 أثاث وأيجار وحتى الآن بعد مرور 8 سنوات من عقد النكاح لم يدخل على زوجتة حتي يقوم بسداد ديونه ( شرط الاب والعقد ) والله يا جماعة الخير زميلي أحزني قلت له بيوت الناس كلهم لديهم بنات والبنات يا كثرهم المهر عشره والعشاء خمسه ولقد سبب لي زميلي عقده جعلتني أبحث عن أوفر الطرق وأرخص التكاليف للزواج لمن ليس لديه أستطاعه ولكن لاسف كثيرون من الشباب والفتيات مغرورون وحالمون لا يرضى بالواقع بالنسبه لقصور الأفراح تعوض بأستراحه ب500 ريال وللنساء أيضا أستراحه بالنسبه للعشاء أطلب من أصدقاءك وجماعتك من يريد أن يقدم هديه يقدمه خروف بالنسبه للسكن بلاش من خمس غرف وأرضى ب3 غرف بالنسبه للغناء حرام طقاقه والسلام وقرض الحكومه يشترى بعض الأثاث المهر ولظروف الشباب الصعبه من 15000 الى 20000 وتقول الحمد لله وفي الأخير صار لدينا بيت الزوجية |
لا تجيبووووووووووووووووووووووووون طاري الزواج "(
|
اقتباس:
وين ؟ أنا سمعت إن هالأشياء تكتب في عقد النكاح عشان يتشحدت من الناس . . على كذا أحسن يكون لا عب كورة عشان يوفر المهر....... |
اقتباس:
ليش ؟ |
الزواج في هالبلد يجيب الهم والغم ...
ما عاد صارت زواجات ... بيع وشراء .... ياحبيبي والله الواحد عجز .... لم يطلب عرس مصغر (عائلي) كلن ينظر له نظره غريبه تحس انه سابهم ولما يقول المهر 50 الف يآخذون الفلوس وكأنك ما عجبتهم .. ... وما بعد المهر امر وادهى :( اقول ربعنا يطلبون مهور غريبه كأن الرجال لما يدفع المهر والمصاريف ما عاد راح يشتري لزوجته ابد .... اقول يازين الزواج من الاجنبيه بلا سعودية لا هم ... بس فالحين يذكرون الاحاديث والايات وقت ما يبون ... لكن وقت الزواجات كل شي يتغير .... واقرأ واستمتع .. بأفهم اي دين هذا واي مله هذي ؟؟؟ المشاركة الأصلية كتبت بواسطة المقاطع المسلم https://mqataa.co/vb/images/styles/wa...s/viewpost.gif والله أنكم طيبين في تكاليف الزواج أسمع وأستغرب زميلي تقدم لابنة عمه في الجنوب فطلب أبوها 1- 150000 مهر 2- سياره لأندكروزرلابوها 3-قهوة الام والخالات من 10000 الى 5000 ( عادات لدى الجنوب) 4- الدخله 20000 ريال 5-عشاء وبخور وقصرالزواج 50000 ريال 6- منزل 60000 أثاث وأيجار وحتى الآن بعد مرور 8 سنوات من عقد النكاح لم يدخل على زوجتة حتي يقوم بسداد ديونه ( شرط الاب والعقد ) |
ذهبت برفقة الشيخ " ابو عبد الله " حفظه الله ورعاة إلى زواج إمام مسجدهم والذي كان في حي السويدي يوم الثلاثاء الفائت وكان زواجا مباركا وليست هذه القصة الا أنني مضطر لشرح الجو العام المليئ بالحميمية حيث كان هناك عدد كبير جدا من المهنئيين على رأسهم الشيخ الدريعي الذي القى كلمة طيبة في هذه المناسبة وكذلك الشيخ سلطان الطيار وغيرهم من المشائخ وكانت الابتسامة على وجيه الحاضرين ...... وصلنا إلى العشاء وعلى طاولة العشاء اجتمعنا نحن الأصدقاء وعددنا 6 بيننا الشيخ ابو عبد الله رجل أعمال ومحامي قدير إلى جانبه إمام مسجد في حي الشفاء وهو صديق قديم لنا جميعا والى جانبه احد المشائخ الذي يعالج بالرقية الشرعية وشاب خلوق لا اعرفه وأحد الاصدقاء المحامين بدأت القصة عندما تحدثنا عن الزواج وكنا جميعا متزوجين الا الشاب الذي لا اعرفه فسأله ابو عبد الله لماذا لا تتزوج فقال لاسباب كثيرة ومنها التكاليف فقال ابو عبد الله للشيخ الذي يعالج بالرقية لماذا لا تزوجه ابنتك ...؟؟!! فقال ولماذا لا ازوجه فسأله كم مهرها ...؟؟!! قال خمسة ريالات .... كنا نعتقد انها مزحة في هذا الجو الباسم الا ان الأمر كان حقيقي واستمر الحديث .... ابو عبد الله للشاب : ما رأيك ...؟ الشاب : قبلت ابو عبد الله : تكاليف الزواج الأخرى ... القصر والفرش والشقة على نفقتي الخاصة لا تدفع شيئا غير الخمسة ريالات قام الشيخ بالاتصال على أهله وابلغهم بالخبر واخذ الموافقة المبدئية منهم وعاد الينا ليبشر الشاب بالموافقة وتم هذا الزواج المبارك على طاولة العشاء أمام عيني وبشهادة بقية الأخوة على هذه الطاولة فالحمد لله على هذه النعمة وأن مازال هناك مثل هولاء القدوة جزاهم الله كل خير ارجو الدعاء لهم وأن يكثر من أمثالهم . منقول |
| الساعة الآن 07:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by