تبي مكيف صحراوي ...........نصيحة وخر عن شركة الجزيرة والله انهم نصابين
.
. . شريت 3 مكيفات الجزيرة ب 9000 ريال ثلاث ارباع حصان و هذاني طاق اصبع فيهم ابرميها كلها و بشتري العيسي مره ممتاز نصيحه انحاشو من الجزيرة كل ما اكلم اصيانه يقولون مافيها شي و مرة يسبون التسليك المهم ركبت القديم كرافت حق العيسي نص حصان و شف كيف الهواء قوي و بارد خلوكم على العيسي احسن لكم نصيحة لا تتندم زيي والله انى ناصح لكم لله |
وين ينباع السير المكيف الصحراوي الامريكي .. السوق كله صيني مايتم شهر إلا وهو منقطع
|
والله ثم والله لدي مكيف كرفت من مدة 7 سنوات حتى الآن لم اغير فه الا طرمبة الماء والقش فقط نعم فقط وتحسفت يوم شريت من مكيفات الجزيرة العام الماضي غيرت الماطور هو ما كمل سنة. |
شكرا على التنبيه
|
يلبى
ال جي بس |
اشوا انك بلغتنا لاني كنت ناوي اشتري مكيفات منهم ...
بس شيـبنا يمدحون الصحراوي حقهم ... بالنسبه للقديم ... طيب ياخوان ابي مكيف الصغير المتحرك .. وش احسن نوع وسعره ... تحياتي |
اقتباس:
عندك مكيف اسمه كرستال متحرك وبلاستيك وكرتون ايضا وسعره تقربياً 600 |
عموما اتوقع اي شي تبع الجزيره شي والحين اهم منزلين مكيفات سبليت بأسعار رخيصه انتبهو منها بعد
|
صدقت يا أخ ميراج
منتجات مصنع الجزيرة رديئة جداً، بما فيها برادات الماء . شكراً لعرض تجربتك. |
الله يسلمك
|
اقتباس:
هل مصنع صقر الجزيرة هو نفسه مصنع الجزيرة؟؟ |
اخوي ميراج شكرا على التنبيه
ولكن المشكله ان 70% من المكيفات الصحراويه الموجوده في الاسواق هي من الجزيره وهي نوعين نوع اسمه الفريد والدنمو فيه امريكي ونوع اسمه الاقتصادي والدنمو صيني وباقي المكيفات كلها غير معروفه مثل العيسى هاس وصناعته هنديه وهوم كوين من البابطين وصناعته صينيه ومكيفات غير معروفه مثل الخليج و الواحه وغيرها فالمشكله ان الجزيره هو الي منتشر ومكتسح السوق وتقريبا ما في غيره انت النوع الي شريته من الجزيره وشو الفريد ولا الاقتصادي ؟ |
اقتباس:
السلام عليكم انا مدير العلاقات العامه في (( مصنع صقر الجزيرة )) للصيانة 014790316 وفرقة الصيانة خلال 24 ساعه تكون في موقعك وهذا ايميلي للتواصل والاستفسارات والشكاوي w430w@hotmail.com رابط موقعنا / www.aljazirahfalcon.com |
أنا الاحظ أن المكيفات الصحراوية توافيق!
تشتري أثنين نفس النوع يختلفن في النتيجة بالتبريد ودفع الهواء حتى بالسير تلقى واحد يمر عليه سنين ماقد تأثر السير حقه والثاني تلقاه بعد شهرين كأن 21 فار قاعد يقرض فيه وصار شكله متشوه وبشع وكل مره تغير السير يحصل له نفس الشيء أنا كان عندي مكيف صحراوي الجزيرة ثلاثة أرباع شاريه بألف ريال جديد قبل 9 سنوات وفي كل صيفية مجرد أغسله ويطلع كأنه جديد! لا صدأ ولاغيرت القش حتى بس طرمبة الموية تعلق وأغيرها بثلاثين ريال وكل من دخل البيت حس بقوة الدفع من تحت الباب قبل لا يدخل وتبريده ممتاز لكن سبحان الله فرطت فيه يوم نقلت من سنتين... وفي بيت الوالد واحد جديد كله ستانلس ستيل كل شهرين لازم تغسله من جديد من الأملاح المتكومة عليه وتلقى السير متنتف بقوة!! أضن أسمه أدميرال |
اقتباس:
وتشكر على تفاعلك بما ذكر هنا.. وهذه بادرة جيدة تحسب للمصنع |
كل انواع المكيفات الصحراوية ضارة للجسم والمكيف الصحراوي
يحتاج متابعة وهو من مسببات الحرائق في البيوت . مروحة ام سعف افضل اذا ماوجد مكيف |
طاح سوق الجزيره مع إنها منتشره
|
| الساعة الآن 11:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by