الاجهزه الكهربائيه والالكترونيه
السلام عليكم ورحمة الله وبركاته
ادري اشغلتكم ^_^ ...... انا اليوم اخذت جوله على محلات الاجهزه الكهربائيه والالكترونيه مثل الشتاء والصيف واكسترا ولقيت طبعا تفاوت بالأسعار تصل الا المئات ... لكن سؤالي هل ارتفاع اسعار الاجهزه الالكترونيه والكهربائيه وخصوصا المكيفات والثلاجات والتلفزيونات ... يعتمد على زيادة الطلب في الفتره الصيفيه للزواجات وفصل الصيف ... والا الاسعار ثابته طوال السنه ؟؟؟؟؟؟ لاني صراحه حسيت اني بأقدم على هيئة الامم المتحده علشان يدعموني بقرض اقدر اشتري فيه طلباتي "( |
بالنسبة لي أعتقد أنها ترتفع أسعارها أيام الصيف،لكن نصيحة لاتشتري من إكسترا أسعارهم مره زيادة عن السوق،وأنت قبل ماتشتري أي جهاز لف على كم محل وأشتر من الأرخص، ويالتوفيق,
|
تسلم اخوي المسكين على مرورك الكريم .... وشكرا على النصيحه .. وجزاك الله كل خير
|
والله صرنا مثل الاخوان في مصر
يالله تحصل بيت واذا حصلت بطلوع الروح تعال اثث المنزل وشوف كيف ممكن تطلع عليك بقيمة البيت |
على ما أعرف أنه توصل لهم الأسعار من المورد
وعلى حسب سحب الموزع يحصل له سعر ممتاز من المورد .. وهذا من أسباب إختلاف السعر بين المحلات أفضل الموزعين الشتاء والصيف عندهم مهرجانات للتخفيض مميزة ... خارج النص " الموزع أرخص من الوكيل والأهم عند الشراء ختم الضمان" "وحاول ان يكون الشراء وقت العروض " |
خذ لفه علىالكترو بطريق الملك عبدالله وبست ومحلات البسام والخنيزان وكلما أخذت من جنوب أوغرب الرياض فهو أرخص لك لأن الإيجارات هناك أقل بالإضافه الى حراج بن قاسم ترى أسعارهم زينه
|
تسلمين اختي جمرة .. لكن الشتاء والصيف وخصوصا فرع السويدي الغربي شارع حمزه بن عبدالمطلب سيئ سيئ لأبعد الحدود .... من ناحية الخدمة
================================================== ============== اخو نوره تسلم ... ايه انا ما ابعد جنوب وغرب ... لان الشمال اكيد بيكون فيه فرق كبيره وخصوصا فرق الايجارات صدقت ... |
اقتباس:
تعاملهم ممتاز |
ممكن لاني ما رحت له ..
لكن تدرين انا حصلت مكيف اسبيلت عند الشتاء والصيف بـ 2600 ريال وعند اكسترا 2400 ريال ؟؟؟ نفس الوحدات ونفس النوع ونفس الشكل وكل شي .. طبعا انا ما اسوي دعاية لاكسترا ... لكن هو توضيح ... حتى الثلاجة حصلتها في اكسترا ارخص بـ 130 ريال ... فهذا الي خلاني اتلخبط اذا الاسعار كذا متفاوته فهل ممكن احصل في اسعار اقل في اماكن ثانيه ؟؟ :( |
دور على المحلات وسجل بورقة الأسعار
هذا موقع للتخفيضات http://www.3orod.com/categories.asp?categ_id=115 وهذا موضوع لمدير مبيعات اكتب طلبك له ويحضر لك افضل سعر وباي مكان او ارسل له ان كنت مستعجل https://www.mqataa.co/vb/showthread.php?t=12811 |
تسلمين اختي وبيض الله وجهك ما قصرتي .....
|
خذ نصيحة مجرب وخلك من اكسترا والشتاء والصيف
كلهم حرامية واسعارهم غالية روح حراج بن قاسم يا حبيبي وتلقى اسعار ارخص والضمانات تأكد منها ولو تبي نصيحة خاصة في محلات تبيع اجهزة ستوك جديدة طبعاً بس يكون بعضها فيها تخديش او مخش او مشكلة تافهة بسبب الشحن او التحميل والتنزيل تلقاها بعد بسعر اقل بفررررق انصحك لا تتوهق مع ناس ماترحم |
اقتباس:
|
وين هالمحلات ؟؟ بالضبط
وعطونا اسماءها |
اقتباس:
واذا تبغين اسم امحل ابششششششششششششري |
تشكر عادل
يعطيك العافية .. ياليت اسمه واي عضو يعلم بمحلات كهربائية أسعارها جيدة لا يبخل لنا بأماكنها وأسمائها ايضًا |
اخواني ابونواف وابوعادل22 مشكورين وماقصرتوا ....
ويقولك ما خاب من استشار .... تسلم اناملكم .. ^_^ |
أسف على التأخر في الرد ،، والمحل اسمه : مؤسسة اقل الاسعار للتجارة ،، وبالفعل كان هو اقل سعر.
|
| الساعة الآن 03:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by