لن انسى مقولته المشهورة على شاشة التلفاز
نعم لن انسى مقولته المشهورة على شاشة التلفاز وفي مقابله له قال (ان تاكل بفلوس وتشرب بفلوس وتلبس بفلوس لماذا لا تشاهد المبارايات بفلوس)
اكيد عرفتم من صاحب المقولة الشهيرة محتكر المباريات العالمية الجميلة بحثا وراء المكاسب والمال فقط يعتقد ان الناس كلها مثله مليانه فلوس حتى تشاهد المباريات بفلوس. ما اقول الى ان شاء الله توضع في مكان هؤلاء الناس الذين يتمنون مشاهدة المباريات ولا يستطيعون بسبب جشعك وطمعك وان شاء الله تخسر خسارة كبيرة هذا الموسم في اشتراكات كاس العالم خسارة لا تجعلك تقوم بعد ذلك وتحتكر اي مباريات اخرى وان شاء الله اسمع عن قريب عن نهاية قنواتك المزعومة حتى تكون عبرة وعظة لجميع من يريد ان يفعل مثلك. وما اقول غير حسبنا الله ونعم الوكيل |
تقصد الشيخ صالح كامل
http://www.aawsat.com/2007/12/18/ima...ce1.450149.jpg هذا حال تجارنا ضرس يأكل ولا يؤكل عليه.... شايفينا ريالات وعليهم أن يجمعوننا بجيوبهم .... ونعم به مواطن مخلص لبلده يسعى لراحة مواطنيه ... لذا رافع الأسعار علينا وفي دول أخرى عريبة الأسعار أقل ... لكن اللي عنده النت يشوف المباريات من القنوات الموجودة ..سواء مباريات محليه او عالمية ...الفترة هذي فيه مباريات كأس القارات جربوا مشاهدتها من النت .. صحيح تقطع أوقات نادرة أو اذا صار ضغط على القناة قفلوها وتقعد تدور غيرها وتضيع المباراة :( .... لكن والله ما يذوق الــ2100 ريال .... احرموه من الإشتراك بقنواته .. الجموا طمعه .... ========== الغريب ان الدول الأخرى تفتح لهم مبارياتهم على الأرضي إلا حنا ليه ؟؟ ===================== احد عنده علم بالرسيفر اللي يشبك على النت ويفك الشفرات |
اشهرها دريم بوكس قيمته حوالي 800 ريال وهو اللي ضرب قنوات صالح كامل |
صدقتي يا جمرة وصح لسانك ان شاء الله ما تشوف الفلوس هذي يلي تريدنا نتفرج حتى بفلوس.
المصيبة في الاشتراك تلاقيه يدخل القنوات الي ما نبيها نقلهم طيب نبي بس القنوات الرياضية قال لا لابد من القنوات العامة تبع الاي ار تي ولابد سنة كمان طيب قلنا يا جماعة اعطونا بس كاس القارات قالوا لا مافي طيب قلنا اعطونا بس كاس العالم قالوا لا مافي لازم تشترك في كله وسنة كمان اقل شئ قلت الله لا يبارك فيكم ولا في الي مشغلكم ال ييبينا نتفرج بفلوس عساني ما شفت اي مباراة هيا الدعوة نصب واحتيال حتى في مشاهدة المباريات لاحول الله ما خلو لنا شئ هذا الهامور وطقته كل شئ يحتكروه لا حول ولا قوة الى بالله. وكل الدول العربيةالاخرى تنقل مبراياتهم على الارضي الى حنا صحيح والسبب في الشعب السعودي الطيب قالوا اشترك عشان تشوف المباريات قال طيب على طول لا اعتراض ولا كلام ولا اي شئ شوف ابو مصير والجزائرين وغيرهم وغيرهم والله اجبروا الدولة انها تنقل مباريات المنتخبات على الارضي غصبن على هذا المحتكر الظالم المتجبر لكن ايش اقول طالما حنا ساكتين لازم نشوف غيره كثير. والله المستعان على هذا المتجبر وامثاله من مصاصي دماء الشعب السعودي المسالم |
دريم بوكس 600 ريال فقط ( عدو المشفر) ولكنه خطير ووضعه في البيت حرام
أفضل مقاطعة المباريات والحضور لها ومقاطعة جميع القنوات المشفرة ( اي ار تي - اوربيت - شوتايم ) وأسمحو أن أدلكم على الرسيفر الأسلامي ( 45 قناة أسلاميه-شبابيه-أطفال-للاسرة-تقافيه) ومن غير أن أسمع فتوى من علماء المسلمين عن الأشتراك في القنوات الفضائيه فهي حرام . حرااااااااااااااااااااااااااااااااااام فلا تدفع مالا في سينما أو أشتراك قنوات فضائيه أو مباره رياضيه أو شريط غنائي أو حتى فيلم CD فوالله سوف تسأل عن مالك فيما أنفقته فلا تنفقه في حرام أما الضفدع كامل ( صوفي - علماني ) فلعنه الله عليه وعلى من يسير دربه |
الله يخلي الدريم بوكس يا زينه زيناه ويا حلاته أطلق رسيفر إلى الآن لكــــــن اللـه يعينك على أخوياك أن درو ان عندك دريم بوكس كثرة الاتصالات والرسائل النصية والحيوكة والهياط الزائد ويا كثر الي يهايط لكن من صالحك يعني لو كان فيه مبارة اضمن العشاء بلاش <<< :Dمادي من الدرجة الأولى:D ههههه المهم شف الدريم بوكس له عندي حوالي 3 سنوات ما به ازين منه تبي لك واحد عطني خبر وأبشر بسعدك ولكم التحية والتقدير |
سمعت بعد ان اسعار الاشتراك بقنوات الاي ار تي زادت عن اول
ممكن تعطونا معلومات اكثر عن الدريم بوكس ؟؟ اللي عنده خلفية !! |
بإختصار شديد الدريم بوكس هذا رسيفر بتقنية عالية
يعني تشتري الجهاز بالإشتراك ART-Showtime-Orbit وبعض الباقات الأخرى وتمتع بمشاهدة المباريات وأحدث الأفلام الجديدة ولمدة ستة أشهر بعد السته أشهر تاخذ الدريم بوكس وتنطله بالسيت الخلفي وتاخذ به فرة معك للمحل الي انت شاري الدريم بوكس منه وتقول له يجدد الاشتراك وتعطيه الدراهم تاخذ لك فرة لحالك حوالي الربع ساعة وترجع تاخذ المزيون معك وخلاص هذي القصة بإختصار واي خدمة انا حاضر بالشرقية تحياتي للجميع |
ياجماعة والله البديل موجود...
دريم بوكس يكفى ..الاشتراك تبعه مايقارب 250 ريال كل 6 شهور وببلاش وخلى الضفدع كامل ياكل تراب |
اخواني
فك الشفرات للقنوات الفضائية كثيرة لكن ابحثوا عن المضمون ... منها مايعتمد على النت نوع الdsl حتى تضمن الجودة لابد وجود الدنقوا(( وهذا نظام جديد))حتى لاينقطع الارسال ويوجد نوع لايعتمد على النت وهو عن طريق القمر التركي اي يعتمد على طبقين طبق على القمر التركي وطبق على عربسات ونايل سات ويجمعهم على مقسم واحد هذا يحتاج الى فني شاطر وهذا يكلف حوالي الف ريال |
اقتباس:
تقدر تحط شرح موسع اكثر ياليت لو يكون مدعم بالصورة بخصوص قطعة الدنقوا؟ لاني سمعت عنها منول ولا عرفت لها وبعد لو تشرح لي وش نظام القمر التركي ووش اللي يفتح معه؟ لك خالص الولد يالغالي |
صدق من قال ... يا من شرا له من حلاله علة.
الحمد لله .. ما احب الكورة ولا أدانيها و أكثر ما يهمني في الموضوع كله هو مواعيد المباريات المهمة .. عشان أنزل أتسوق و انا مروق .. لا زحمة شوارع و لا زحمة أسواق. |
اقتباس:
اقتباس:
الا وأنت الصادق أهل العقول في راحه ولا اقصد بذلك الذم في احد فلا احد يزعل فكلاً حر في نفسه ولا احد يلومه على ما يحب او يكره 0 اي والله انك صادق انا مثلك دائماً انبسط اذا فيه مباريات للمنتخب والا مباريات مهمه تفضى لك الشوارع والاسواق والمستشفيات كأنك لحالك عايش في الارض 00 اما اللي يبغى المباراة فأقترح عليه يروح لبعض المقاهي اللي مشتركه في القنوات هذي ويشوفها وبلا اشتراك وتضييع دراهم على حاجه ما تستاهل وحرام 0 |
خذ العلم مني
خذ جهاز دريمر (( جبار وخطير )) وفيه نوعين او بالأصح موديلين
DR900 DR1100 بدون نت ولا DSL ركب وتفرج على صالح كامل وقنواته وما جاك عندي |
اقتباس:
وخل صالح كامل يحك راسه بالاسفلت ههههههههههههههههههههههه |
هذا المنتدى فيه كل ماتحتاجه عن التشفير وفك الشفرات والاشتراك معاهم....
مجربه سنه الى الان وماشاء الله عليهم قمة في التعامل والالتزام والصدق... http://www.pinsat.com/vb/ الدريم بوكس باشتراك 6 شهور فقط بـ 550 ريال... واكبر ميزه مايفتح القنوات اللي على القمر الاوروبي.. |
| الساعة الآن 06:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by