لعبه زين في عرضها اخر الاسبوع
الى الاخوه انتبهو من عمليه النصب حقت زين الجديده عرض اخر الاسبوع لاني اشتركت في هالعرض وطلع كله نصب بنصب
الاسبوع الاول كلمت ويوم السبت ماجاني شي اتصلت لخدمه المسروقين قال لا زم يمر اسبوع ثاني صدقت الموظف جاء الاسبوع الثاني ويادر ماجاك حاجه اتصلت لخدمه المسروقين قال نرفع طلب بعد 14 يوم يجي الرد ومساك زين قلت لا نكبه زين هذي فلاتصدقون كل شي يعلن عاد فيه موظف صدق مخلص لسمعة الشركه ( يقول ياخي بعض المسروقين جاهم دبل عشرهمراه وبعضهم ماجا ةه شي النظام خربا قلت اسبوعين ياظالم عاد) كل واحد يقول تجربته بالمصيبه والله عل ماقول شهيد |
عفوًأ اخوي وش العرض اللي عندهم وضح أكثر لنا
|
جمره غضاء عرض اخر الاسبوع
اللي يقولون انك اذا كلمت خلال الخميس والجمعه بمبلغ مثلا 100 ريال ينزلون لك يوم السبت 200 ريال بس انا جربته وطلع نصب في نصب مانزل ولاريال للعلم ترا الدعايه حقتهم تقول ( الريال عليك .... ريالين علينا) |
والله أنا لا أصدق أي خدمة أو عرض يقدم
سواء زين او أختلاسات أو موبايلي لكهم نصابين ويقدمون عروض تخدمهم أكثر من العميل بالله تعطيهم ريال يرجعونه لك ريالين ! يمكن يقصدون ريال لك وريالين لنا :) |
شكر جمره غضا لكن هذا اللي حصل وحسبي الله عليهم وهيئه الاتصالات نايمه ووزارت التجاره نايمه متى بيصحون
تبون الصراحه الله يعين على المقصرين في عملهم وحسبي الله عليهم |
طبعاً اكيد بينصبون على الشعب ..
وانت مصدق .. مادام مافيه رقبه ونظام صارم .. كلش توقعه .. وبيصير اكثر من كذا .. والايام جايه .. منهم وغيرهم ..خصوصا اللي بيجون من برى الله يعين هالشعب المسكين .. اللي لو يوخذ الهواء منه سكت ؟ |
انا جربت زين, شهر علينا وشهر عليك وفعلاً فيه نصب قدمت شكوى بأن رصيد مقداره 23 ريال اختفى مني من فتره تقارب الشهرين وما كان فيه أي استجابة بالاخير تركت الشريحة وما اهتميت بأني استرجعها
بخصوص العرض اللي تتكلم عنه لي صديق عنده نفس العرض اكتشف ان لازم تشحن يوم الخميس (ويوم الخميس فقط) عشان تحصل على العرض الموضوع فيه خدعه وشركة زين السعودية لا تتمتع بأي مصداقية أو استجابة لعملائها وخصوصاً الشكاوى |
كله في الهواء سواء
شين وموب لي والاختلاسات من جرف إلى دحديرا |
الله المستعان
والله ياهو ضعيف المواطن جدار قصير كل يركب عليه |
نصصصصصصصصب في نصصصصصصصصب والله اعلم
زين مو على اسمها الا شين زين شين |
سبق وان كتبت عن معاناتي مع زين الله لايربحهم
والمشكله كل موظف يفتيك على كيفه . انا عندي عرض نهاية نهاية الأسبوع كله كاذب وشتكيت اكثر من مره ورفعت ايميل شكوى لهيئة الاتصلات مافيه فايده ابدا (كلهم حراميه) والي يرفع الضغط هيئة الإتصالات وش قاعدة تسوي ؟ ولا شيء ! الآ اعتقد انكم فهمتوا ليش حاطين ( حسام بن سعود ) مدير للشركة. والكلام الأكيد ان زين يدفعون بالمليون لوسائل الإعلام خاصة الجرايد علشان ماتكتب عنهم والمواطن بما انه ضايع حقه ايضا مارايح يكتب عنهم شيء , ومع كثرة الشكاوى على عروض زين الكاذبه ولا تلقى حس ولا خبر في الجرايد.... ولكن من تجربتي ان الأقل سوء بينهم : 1 - موبايلي ربما هي أقل كلفه شوي 2 - الأتصالات : هي الدرجه 2 في النصب والأحتيال . 3 - زين : اكبر شركة كذابه في العالم بالنسبه لي : جربت الأتصالات ومع ان اتصالاتي قليله اي فاتورتي في شهرين 450 --500 تقريبا . وزين تكون الفاتوره شهريا حوالي 220 -- 230 شهريا يعني نفس بعض تقريبا في الشهرين ...... |
زين اكبر نصابين انا معك خذلك خط الاتصالات السعودية احسن شركة ان معي خط الاتصالات السعوديه وهو احسن خط اخوي كان معه خط موبايلي اكبر نصابين مثل زين:think:
|
والله ما ادري عنكم لكن انا معي زين شهر عليك وشهر علينا
ومرتاح اخر راحه معاهم:) هو انا صدق خرجت من نصب الاتصالات السعوديه الي تاكل فلوسنا بالباطل |
الحق ينقال انا معي خط شهر عليك وشهر علينا ولا واجهت اي مشكلة حتى الآن.. بالعكس الشركة عندها مصداقية..
برأيي الأفضل هي شركة "موبايلي" وبعدها "زين" اما الاختلاسات فهي خارج القائمة |
انا ماشفت نصب زي نصب الاتصالات خصوصا فواتير التلفون خلال شهرين جت الفاتوره 1000 مع انه دي اس ال وجود يوم دقينا اعترضنا نزلو المبلغ هم يحطون السعر اللي يبونه واللي يدفع كان بها اللي مايدفع ينزلون له ولا اذا دقيت يقولون التاسيس مجانا واذا جت الفاتوره يقولون قيمت التاسيس 300 ماشفت نصب زي كذا
|
Alsalam alykum
sorry to write in English but my browser does not support arabic language They are thieves this company closed this offer without our permission we should amke an official claim my brothers we can collect our signatures and make an official claim and i am sure we can win this claim against the company |
شباب لابراء الذمه انهم صدقو معي بس بعد اسبوعين من الاشتراك والحين الحمدلله تمام وعطوني حق الاسبوعين الماضيه واعتذرو ان المشكله بسبب الضغط
ابراء للذمـــــــــــــــــــــــه |
مع احترامي للجميع ولا تقولون اني من موظفين شركة زين :D انا اشتركت في باقة شهر عليك وشهر علينا والوضع اوكي وبعدها غيرت الباقة بعشرين ريال الى باقة نهاية الاسبوع وايضا كلامهم صحيح وما في اي مشاكل الي اكلم فيه يوم الخميس والجمعة يضيفونه دبل يوم السبت الى يوم الاربعاء وللمعلومية كنسلت شريحتي زين لان سعر المكالمات مرتفعه:blush: وطلعت لي شريحة موبايلي الموج الازرق وسعر الدقيقة فيه الى باقة الموح الازرق ب 20 هللة:thumbsup: |
حرام عليكم والله انا كان عندي عرض شهر عليك وشهر علينا وماشي الحال وبعدين غيرت على نهايةالاسبوع وكمان حلوه تتكلم 60 يجيك 120 ومو نصب ولا شي والحمدلله شهادة حق
|
| الساعة الآن 01:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by