فضيحة الأزيرا 2010
السلام عليكم ورحمة الله الموضوع ببساطه انى اشتريت أزيرا ( هونداي ) من الوعلان أول خمسة ايام ما عندى مشكله فيها ومحافظ عليها كنى امشى على بيض السيارة ما مشيت الا http://www.rofof.com/img3/7vbzlu15.jpg 346 كيلو متر فقط وانا امشى بالدائرى الشرقى مشى حبه حبه بحكم الزحمة فجأه طق امبير الحراره على إتشششش ولا امدانى اولع الفليشر واصفط يمين على الكتف الا الدخنه طالعه من الكبوت مع ريحه ويوم فتحت المكينه الا الدنيا تفوح كنها فرن لافح اعوذ بالله لاحظت ان المراوح ما اشتغلت والله ما تسوى روعة البزران وامهم صرنا فرجه للى رايح واللى جاي واللى يصور واللى يتشمت جانى عرض واحد وهو مار يقول تبيع ببلاش يا راع الالفين وعشره !! حملت السياره على سطحه وعلى الوعلان وان شاءالله ما ارضى الا بوحده غيرها أو اكلم الشركه الام أنا اكتفيت انى نشرت موضوعى هذا عندكم وفى منتدى المقاطعه الثانى ولو ما سووا اللى ابيه فضحتهم فى كل مكان وسلامتكم علموا اللى تقدرون عليه بهالمشكله |
انشاء الله تعوضك الشركه..
المفروض انهم مشيكين عليها قبل التسليم.. |
الله يسلمك وهذا اللى انا مخطط عليه اصلاح ما ابى |
حاول توقف السياره امام بوابة المعرض ... وكل الناس تشوف ولا تتكاسل وتقول بكره اشتكي .... خليك رجل وخذ حقك ولاتخلي مكان الا وتقدم لهم شكوى كبيره بالعرض والطول ولا تقبل بتصليح السياره .... لانهم ياخذون شهر في الصيانه اطلب سياره بديله انت تاخذ بفلوسك مهو ببلاش ///// فاهم ياعريف وانت عريف طيار ركن .....الخ يعني فاهم الامور هذا ولا تحتاج نصيحه |
أخوى خالد لا توصى حريص
ناوى على لعانه من بكره ان شاءالله |
شد عليهم اخوي الغالي
والله يعوضك واذا تبي فزعة شمر ابشر العجرا ورى مرتبة السيارة |
الله يجزاك خير يا بناخى ترى مانى قليل شر اليوم بروح الوكالة واشوف وش يقولون ويا ويلهم اذا داء ردهم غير اللى ابى على فكره البارح ارسلت رساله للشركه فى كوريا ومنتظر ردهم على |
أبشركم الأمور زينه دخلت اليوم الصباح على مدير الفرع يوم عرف السالفه قال اختار اللون اللى تبى وهذى خلاص ناخذها منك |
هههههههههههههههههه
خلك ليه تشتري 2010 ليه ما قاطعت الله يعطيك خيرها ويكفيك شرها |
الحمد لله على سلامتك وسلامه الاهل اولاً ...
ودام الامور زينه .. وفيها سياره جديده .. ابد .. خلاص .. ما راح اكتب تعليق اكثر من كذا :think: يعطيك خيرها ويكفيك شرها :) |
تعامل راقي بمعنى الكلمه وبدلوا لك السياره مباشره بسياره اخرى...
الله يبارك لك فيها وان شاء الله راح الشر.. نصيحه لك حصن نفسك وسيارتك والعين حق ياخوي ... |
تغير وعي الناس يتبعه تغير في تعامل الشركة مع العميل للأفضل
|
الله ينصرنا على المجرمين الوكالات ................أمين
|
اقتباس:
والله ان مدير الفرع هذا ... كلمة ... رجّال ... قليله في حقه يستاهل يكون وزير للتجاره فعلا هذا هو المدير الناجح ... بعكس مدراء في نيسان ... يبيعونك سيارات جديده مرشوشه ... على انها وكاله .... حراميه ونصابين |
المشكله كيف تاخذ حقك منهم ؟!
|
| الساعة الآن 12:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by