][ﬕღஹ][ ماهو افضل ماركة مكيف اسبيلت ][ﬕღஹ][
السلام عليكم ورحمة الله وبركاتة
اخواني الكرام احببت ان استفسر واخذ برأيكم ماهو افضل مكيف ترشحونه من ناحية التبريد والكفاءة وهدوء الصوت طبعا المكيف اسبيلت 24 وحدة لايتجاوز سعر المكيف 3000 ريال ولا نهمل الصيانة طبعااا انا بصراحة اشوف السوق اللي ماشي فيه LG بس فيه نوعين فريش وسمارت ايش الفرق بينهم طبعا صناعتهم كوري لكن من سئل ماخاب ولو كان فيه نوعيه افضل ياليت تعطوني رأيكم بكل امانة واسف على الإطالة |
اهم نصيحة بالمكيف سواء جداري او سبيلت
خذ كمبروسور امريكي كبير وابعد عن الروتاري الصغير والباقي ان شاء الله يهون |
يالغالي نصيحة لك والله أفضل مكيف على الإطلاق عندي موجود بالبيت كل البيت سبليت من مكيفات بادغيش BEAC كمبروسر هيتاشي وياباني وضمان سبع سنوات عليه وال 2 طن قيمته ب 2250 ريال مع التركيب يمكن أرخص... تخيل أخوي وقسما بالله إن غرفتي الرئيسية 6.50 في 11.50 والله العظيم 2 طن ولكن ثلج ماشاء الله تبارك الله ولا منهم مشاكل والحمد لله :thumbsup: اللي يعملون عندي صيانة للمكيفات هم من شركة يورك YORK وقسما بالله يقولون هذا المكيف أفضل بكثير من مكيفات يورك YORK اللي يدخل عندي البيت لازم يسأل عن نوع المكيفات... ولك الإختيار في الشراء |
اقتباس:
اقتباس:
مشكور اخوي مقاطع بقوووة على النصيحة كلامك على العين والراس وانا كنت باخذ مكيف الزامل والكمبروسور امريكي والتبريد لايعلى عليه لكن صوته مرتفع شوي وصرفت النظر عنه ومشكور مره ثانية |
الله لا يهينك اخوي حبيت اعرف وين الاقيه في الدمام اذا انك عارف لا هنت توصف لي
ولك جزيل الشكر.... |
اقتباس:
حي الله اخوي ابو دانة وبيض الله وجهك يالطيب نصيحك على العين والراس وكلامك لايعلى عليه لكن حظي سئ جدا جدا جدا كان فيه فرع بادغيش بحائل لكن اليوم ذهبت للوكيل وحصلته مقفل واتصلت على الفرع الرئيسي بالرياض وقالوا فرع حائل قفل نهائياااا واستفسرت عن المكيف 24 قال الكمبروسور LG وال 18 وحده الكمبروسور هيتاشي لكن مافيه صيانة ولا قطع بمدينتي فلذلك صعب وكل شئ معرض للأعطال والله يكتب بما فيه الخير وبيض الله وجهك يابو دااانة |
ياااخوان هل تنصحووووني بمكيف LG ??????????????
|
LG فــــــــــــــــــــاشل . الامثله كثيره والاقرب ..... والدي اشترى اسبيلت أل جي ، في بدايته رهيب وبارد ولكن مع الوقت خلاااااااااااص يبدا يقل تبريده ، والصيانه راح يجون بس مايقدرون يسوون شي لأن الطبيعه في المكيف .
في بيتي اشتريت haam electric ( هام اليكتريك ) من عند شركة المنيع للأجهزه الكهربائيه . مــــــــــــاشاء الله عليه تبريد وخدمات بعد البيع حلوه . المقارنه / الثاني افضل من ال جي ... جرب وشف ؟ |
طيب وش سالفة التنقيط
يبدأ يهرب ماء ويوسخ البيت؟ |
اقتباس:
2- اذا البيت فيه مكيف صحراوي يكون هو سبب التنقيط لانه يرفع مستوى الرطوبة في البيت < هذا كلام عضو هنا واعتقد ماني متاكده انه مدير مبيعات |
شركة ( دايكن) ( فوجي ) (متسوبيشي) (أو جنرال تايلندي ) أسعارها غالية دايكن ليس كل فني تبريد وتكيف يفقه بإصلاحه . أهم شئ أبعد عن إل جي البلازما والذهبي سعره غالي وكثيري الأعطال الفرق بين فرش و سمارت يوجد ريش داخلية تتحرك يمين وشمال بمكيف فرش وهذه تعتبر ميزه يفقدها نوع سمارت الصيانة إلى الآن شركة إل جي تعتبر من الشركة الجيدة من ناحية عمل الصيانة الطارئة تتصل عليهم يأتون إليك بموعد محدد ( احتفظ بالضمان والفاتورة) يعيب مكيفات إل جي سرعة خراب الكابستر وظهور صوت ديكور الوحدة الداخلية يوجد الكابستر في الوحدة الخارجية للاسبيلت صورة الكابستر وهو مخزن للكهرباء قابل لللإنفجار ويوجد أنواع أخرى http://files.hostrator.com/195205-13...1235742288.jpg بالنسبة لمن يعاني من تسرب الماء من وحدة السبلت الداخلية أضيف على كلام العميدة عدم اتباع طريقة الصيانة الوقائية 1- عليك بتنظيف فلاتر المكيف كل 15 يوما 2- تنظيف حوض تصريف الماء وماسورة ( لي ) التصريف إضافة للصيانة الوقائية 3- تنظيف زعانف الوحدة الداخلية ( المبخر ) وهي خلف فلاتر الهواء كل 6 أشهر 4- تنظيف وغسيل الوحدة الخارجية ( المكثف )كل 6 أشهر 5- فحص أمبير AM ( وهو مقياس خاص ) يقيس أمبير ( الضاغط ) الكمبروسر 6- التأكد من ربط ( الشد) على أسلاك المكيف وأسلاك الكهرباء بمفتاح المكيف الجداري صورة فلتر الهواء متسخ http://air.cleanserve.net/img/ac_mtA460_345.jpg صورة فلتر الهواء بعد التنظيف http://air.cleanserve.net/img/ac_mtB460_345.jpg صورة تبين طريق تنظيف الوحدة الداخلية ( المبخر) خلف فلتر الهواء http://www.airconcleaners.co.nz/asse...ristchurch.jpg صورة تبين طريقة تنظيف الوحدة الخارجية ( المكثف ) http://www.ryanairconspares.com/images/inuse_cc_100.jpg يعني لو تغسلة بالماء مع مكنسة صغيرة وناعمة قبل جميع الخطوات عليك بفصل التيار الكهربائي ( أقفل المكيف ) قبل جميع الخطوات عليك بفصل التيار الكهربائي ( أقفل المكيف ) ملاحظة/ عند ما تهم بشراء مكيف سواء/ اسبيلت أو شباك أو دولابي أو كست عليك أن تحسب مساحة الغرفة .. مثال: غرفة مساحتها الأجمالية = 20 متر مربع فسوف تحتاج إلى 20.000 وحدة تبريد أي لكل متر مربع تحسب 1000وحدة تبريد نصيحة لا تشتري بارد فقط بل خذ حار/بارد فالفرق بسيط بحدود 200 ريال تقول ليش.. أقولك إذا شريت بارد فقط وجاء موسم الشتاء فسوف تضطر شراء جهاز تدفئه! وعملية تحويل المكيف من بارد فقط إلى حار بارد مكلفة بحدود 500 ريال ولن يكون مثل المصنع مصمم من الأصل مكيف إل جي نوع فرش سعره مقبول نوع ما وعمره متوسط يوجد نوعان من إل جي نوع تجميع والآخر كوري وعليك بالكوري آسف للإطالة أتمنى الفائدة الجميع |
السلام عليكم ورحمة الله وبركاته .. مبارك عليكم الشهر الكريم وعساكم من عواده .. أخوي أما بالنسبة لل LG فما أنصحك ابداً فيه لأنه مافيها جودة بس قوة دعاية لا أكثر .. إذا تقدر على الماركات الممتازة فالله يقويك لأنها بصراحة مثبته نفسها وبجداره .. واذا الميزانية ضعيفة ركب من المكيفات الصينية خصوصا GREE تراها ممتازة وخدومة ولا عليك من كلمة صينيه .. من تجربه ثلاااث سنوات .. وعسى الله يوفقك بالدارين .. |
إذا تبي مكيف هادي وتبريد شديد، ولايهرب ماء خذ جنرال كولد general cold بس لازم تستعد يحتاج صيانة كل ثلاثة شهور ويسحب منك كل سنة من 300 إلى 500 ريال ومايقصر معك وكيله العساكر محترم بس خسر بهذا الجهاز كثير وشوه سمعته . |
كرافت يمدحه خويي ويقول انه زين ..
والله اعلم |
اقتباس:
أحضرت فني من السوق معرفة خاصة لما شاهد المكيف حق المجلس قال قطعه صينية الصنع:bash:غشوك بقولهم أنها كورية |
اقتباس:
|
| الساعة الآن 12:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by