مكيفات الجزيره الصحراويه
مساء الخير
احب افيد اخواني بأن المكيفات ارتفعت 45% نفس الفتره السنه الماضيه اشتريت مكيف صحراوي 2حصان ب 2700 مع التوصيل اليوم شريته ب 3700 مع التوصيل شفتو الفرق مع انها نفس الفتره لا تقولون الجو حر وارتفعت بالعربي مافيه حمايه للمستهلك كل(ن) يغني على ليلاه |
ياخوي مكيفات الجزيرة لا شفتها في الشارع لا تشيلها لوهي جديده وانا ماني بضد الصناعات السعودية بس انا ضد تبريدها والله من جد ما تبرد بعدين صرفية ماء على الفاضي ولا جيت للمكيفات وهذه نصيحه ولا هي دعاية وانت تبي تشوف الفرق ناهيك عن السعر بعد اشتر مكيف اسمه ((اّرفن ))صناعة امريكية بحته يعني لا يقولك سعودي امريكي خذ امريكي بس وهذا للاهمية فقط وانت جرب والله لتشيل مكيفات الجزيرة وتذبها في الشارع على طول ،،،
وشكرا على موضوعك وجزاك الله خير ،، |
يعطيك الف عافية مجنونها على التنبيه
|
اتجه للبديل مكيف الربيع
|
|
مكيفات زمزم اسعار معقولة + جودة في الصناعة
|
|
قاطع الغالي والامريكي
حسبي الله ونعم الوكيل |
هل مكيفات زمزم موجوده بالرياض واين وكم سعر ال نصف حصان
وايضا بالنسبه لل ارفن الامريكي كم سعر ال نصف حصان |
مكيف الصحراوي الكرتون انحاشوا عنه لو هو امريكي (البابطين )
كله خراب و حكيهم كذب ان الكرتون يقعد 2الى 3سنوات ماتغيره مايتم الصيف الا هو منعدم اللي عندي مكيف امريكي تعبنا ان صلحت طربمه الا الطرمبة الثانية خربت الا المرواحة انكسرت الا الكرتون انعدم يا ما من شراء له من حلالة علة |
طبعاً اتحدث عن المكيف الصحراوي بشكل عام وليس الجزيره بشكل خاص
اقتباس:
كنت ابي افتح موضوع المكيف الصحراوي شريته ومن يوم شريته وانا ماتهنيت لدرجه انه بغى يسبب لي حريقه لما شغلت المكيف والطبرمه طلعت خربانه الطرنبمه ما تصبر لازم كل فتره ثلاثه اشهر تغيرها والاملاح اعدمت المكيف والقش لازم تغيره شغله وحوسه وصيانه وتنظيف والمشكله شاريه باالغالي قيمة مكيف ياباني ياحلاااا ه يادراهمي بس على بالي ابي اوفر كهرباء صار شغلتي شغله مع السباكين والكهربجيه صرف اكثر من الكهرباء وطبعاً قطع الغيار والطرمبه موضوع ثابت أربعين ريال غير شغل اليد غير التعطيل والبهذله المكيف عمره سنه ونصف عندي تشوفه تقول له ماية سنه ودي ارميه رمي من السطح سيده الى الشارع وفي الصيف مايبرد ..اذا جت القايله أحتر معها واذا برد الجو برد :confused: والمشكله المكيف باالفين ريال .. مايصلح ..الا في غرفه او خيمه في البر او ملحق او في ظروف معينه يمكن الميزه الوحيده انه ينشر الرطوبه في البيت ينفع في الجيوب الانفيه ومشاكل الصدر نوعاً ما وقوة دفع الهواء تكون كبيره طبعاً للجو الجاف مثل الرياض والهواء منعش ويكون طبيعي ويوفر الكهرباء (مكيف صحراوي يستهلك13% من استهلاك المكيف الكهربائي العادي(( بناء على كتيب ارشادي من شركة الكهرباء )))... بس تبرد كتبريد في عز الصيف في وقت الظهريه ماينفع الا ان كان الواحد يبي يحط له تكه ومظله وشجره :D انا حبيت اذكر بعض المحاسن علشان نكون محايدين بس رائيي الشخصي دمااااااااار مايصلح بريال |
^^ ^^ ^^
وش نوع مكيفك اي شركه |
| الساعة الآن 05:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by