تجربتي مع تغيير كفرات سيارتي...
هلا و مرحبا و مربحا . . الرجاء للفايدة المرجوة أن تقرأ كل ما كتب ولا تطمر أي سطر وإن شاء الله ستستفيد . . أبطرح تجربتي وهي ماجرى معي يوم رحت أغير كفرات سيارتي المهم يوم صليت العصر رحت للغرابي – الغرابي : باختصار مكان فيه كل شيء عن السيارات – وبدأت أسأل عن أسعار الكفرات وبعد السؤال حطيت في بالي نوع معين وركزت في سؤالي عن أسعاره وإذا بالأسعار تتفاوت يعني إذا جيت تشتري لا توقف عند محل واحد ترى الأسعار مختلفه ، وكل واحد تحس أنه أصدق من الثاني وتبين لي أيضا" من السؤال أن هناك كفرات نفس الماركه لكنها مجددة ( يعني غش ) – فانتبه . وبعد السؤال قررت واخترت نوع الكفرات ، والسعر اللي تقريبا" أعجبني 7 7 يوم وقفت السيارة حتى يتم التغيير للكفرات وإذا بثلاثة أشخاص – من الجنسية اليمانية – يلفون على سيارتي – وسألوني هل ستبيع الكفرات ؟ ( أنا ما صدقت ، لأني لي سنوات ما عمري بعت الكفرات ، دائما" أتركها لصاحب المحل ) يوم سمعت سؤالهم قلت : بكم تشترونها مني ؟ - علما" أن كفراتي شبه جديدة . قالوا : بأربعين ريال ؟ قلت : إذا تبغون بثمانين ما عندي مانع ، وعلى طول وافقوا ( فأنتبه هناك من يشتري منك الكفرات ) يمكن واحد يقول : ليش تبع كفرات مستعمله ؟ أقول له : أنا شفت بعد ما خلصوا من أخذ الكفرات مجموعة من الكفرات ربما فوق المائة مع مجموعة من اليمنيين ، وهم يقومون بتلميعها وبيعها - كما يقولون - على باكستانيين وعلى العموم الموضوع للفائدة إذا" هناك من يشتري المستعمل فلا تتركها لمحل بيع الكفرات . 7 7 7 ويوم خلصت من تركيب الكفرات طلبت من العامل فاتورة ( مهم تأخذ فاتورة ) ويوم أخذت الفاتورة قلت للمحاسب : تراكم رافعين السعر علينا ؟ قال : شف فاتورة الزبون اللي قبلك ، اشترى نفس كفراتك وسعره أغلى منك ؟ ( يعني التسعيرة حسب ما يغلبونك ) 7 7 أخذت الفاتورة وكان عندهم عامل هندي – هو اللي ركب لي الكفرات – قال لي العامل الهندي : لازم تسوي ميزان للكفرات قلت له : قبل أربعة أشهر مسوي ميزان قال : بس هذا كفر جدبد وقال العامل الهندي : - وأشار لمحل قريب منه متخصص للميزان – رح لهذا المحل وسوي ميزان 7 7 رحت لمحل الميزان ، وأنا غير مقتنع قابلت العامل اليماني الجنسية قلت : بكم تسوي ميزان قال : أنت مركب كفرات حديدة ؟ قلت : نعم قال : أعطني الفاتورة ؟ قلت : وش دخل الفاتورة بالميزان ؟ ( وعرفت أن الدعوى اتفاق ) المهم أعطيته الفاتورة وقلت : ترى أبشوف كم السعر قبل ما تسوي ميزان قال : طيب ورفع السيارة على الحديد وقعت يتفلسف علي قلت : بكم تسوي الميزان ؟ قال بـ 300 ريال على طول قلت : نزل السارة . قال : خلاص أبسوي لك ميزان عادي بـ 80 ريال قلت: أصلا" أنا مسوي من قريب ميزان ونزل السيارة ومشيت..... آمل أن تكونوا أستفدتوا من تجربتي 1 أسعار المحلات متفاوته فاسأل عدة محلات 2 لا تترك الكفرات للمحل 3 هناك من يشتري المستعمل 4 يبدو أن هناك اتفاق بين بعض المحلات و محل الميزان 5 الرجاء لا تبخل على نفسك وتتأخر في تغيير الكفرات – والله هو الحافظ – لكن نفعل السبب . 6 انتبه هناك كفرات ماركة مجدده أخوكم المملوح هو من عايش تللك التجربة |
بارك الله فيك
والتجارب الحية الواقعية اصدق انباء من الكتب على الهامش من اعمال اليماني المهن التالية : 1- محلات تغيير الكفرات 2-محلات الزينة 3- محلات لوازم الرحلات وتأجير الزل والفرش وإقامة الحفلات . 4-محلات الخياطة الرجالية 5- جميع المشاحم وتغيير الزيوت |
السلام عليكم
هنالك عصابات تعبث بينا وبأروحنا فمن العمالة المخالفة وغير المدربة والتى تتعلم على قرعتنا الى مسؤالين متغطرسين لايستحقون الامانة التى اوكلوا بها الينا نحن المواطنين لم ندعم بعضنا ولم نقف في وجههم ولانملك موقف موحد وواضح عنى انا لم اترك اى كفر لديهم حتى لو معطوب اخذه واتصرف فيها في المزرعه او اصبغه واحدد فيها حدود المزرعه او احواض زرع المهم لا اتركها لهم |
اقتباس:
با نتظار تجارب الأعضاء |
اقتباس:
الكفرات المستعملة مصيبة... وأي جرم يفعله من يقوم بتجديد الكفرات المستعملة ومن ثم بيعها على أنها جديدة ؟! |
هلا .. المملوح أشتري دائمآ الكفرات من الموزع او الوكيل وركبها عند أي بنشري . ولكن لازم تعمل ميزان كفرات ضروري بــ10ريال للكفر الواحد . |
اقتباس:
رأي سديد لكن هل تتوقع هناك فرق كبير في السعر بين الوكيل و المحلات ؟ |
اقتباس:
أوافق أخوي خالد اشتري الكفر من وكيله ، أيا كان نوع الكفر اللي تبيه تجد الكفر أرخص وأجدد وتحزينه أفضل وضمانه أفضل (كونك شاره من الوكيل نفسه وهو المسؤول عن ضمانه ) وعمالتهم وشغلهم أفضل مثلا انا شريت بريدجستون تورنزا من وكيلهم ( مؤسسة الطلائع ) بالدمام بسعر 400 ريال وعمر الكفر 6 شهور عمي شرا نفس الكفر من بنشري بـ440 ريال و عمر الكفر 9 شهور !! الوكلاء هم : بريدجستون ( الطلائع - بقشان ) وهذا أكثر الوكلاء انتشارا، ميشلان ( الجفالي حق مرسيدس) ، يوكوهاما ( الجميح ) ، تويو ( العمودي، ممتاز في تعامله ) هانكوك ( بن شيهون ، ممتاز في تعامله أيضا) ، وجوديير ( وكيله الراشد - كفر ممتاز جدا ) ، دنلوب ( بن زقر ) فيه طبعا بيرللي وهو كفر لا يعلى عليه لكن ما عندي علم بوكيله ، وكذلك كفر كونتيننتال الألماني الممتاز . والله يعطيك خير الكفرات ويكفيك شرها |
اقتباس:
إضافة وإثراء للموضوع رائع ربي يسعد الجميع |
موضوع رائع و يستأهل التقييم :thumbsup:
|
حد علمي وزارة التجاره عممت على منع بيع الكفرات المستعمه واوقفت استيرادها
واي دينا فيها كفرات مستعمله تحجز فورا وتصادر الكفرات لما لها من مخاطر استهلاك دمتم |
اقتباس:
جريدة الرياض الاحد 25 شعبان 1430هـ - 16 أغسطس 2009م - العدد 15028 كشفت كميات كبيرة منها داخل أقبية يديرها مخالفون لنظام الإقامة الحملة الأمنية تمشط حي الغرابي لمنع بيع الإطارات المستعملة http://www.alriyadh.com//img/476750736501.jpg الرياض - مناحي الشيباني: تصوير - حاتم عمر مشطت الحملة الأمنية المشتركة التي تشرف عليها شرطة منطقة الرياض أمس حي الغرابي وصادرت كميات كبيرة من الإطارات و(الجنوط) التي يمنع بيعها وتداولها بسبب استخدامها مسبقاً والتي تعتبر من أهم أسباب الحوادث المرورية وحوادث الحريق. وجاءت عمليات التفتيش لتلك المواقع بعد تحذيرات للمتاجر من بيع الإطارات المستعلمة والجنوط وإصدار قوانين تمنع تداولها بعد استخدامها لكن عمليات البحث والتحري أكدت للجهات الأمنية بشرطة منطقة الرياض أن تلك المتاجر لم تلتزم بتلك التعليمات حيث وجهت الحملة الأمنية المشتركة لدهم تلك المواقع وضبط المخالفين. وكشفت عمليات التفتيش التي نفذتها الحملة الأمنية المشتركة أمس عن كميات كبيرة من هذه الممنوعات قام أصحاب المتاجر المتخصصة في بيع الإطارات والجنوط بإخفائها داخل أقبية تحت المحلات وعرضها على الزبائن وبيعها لهم بأسعار مقاربة لسعر الجديد بعد إجراء تعديلات عليه. كما قامت الحملة بضبط عدد من المروجين لهذه السلع الخطيرة وغالبيتهم من مخالفي نظام العمل والإقامة حيث سيتم أحالتهم للجهات المعنية لاستكمال التحقيق معهم وتطبيق العقوبات المقررة بحقهم. تجدر الإشارة أن الحملة الأمنية المشتركة التي تشرف عليها شرطة منطقة الرياض وتشارك فيها عدة قطاعات عسكرية ومدنية من بينها إدارة مكافحة المخدرات ومكافحة الغش التجاري ودوريات الأمن ودوريات الجوازات ودوريات الدفاع المدني وفرق أمانه مدنية الرياض لاتزال تواصل عملياتها التفتيشية وتستقبل بلاغات المواطنين على مدار الساعة. رابط الخبر بالصور |
جزاك الله خير أخي المملوح على مشاركتك القيمة
وياريت لو ذكرت نوع الماركة التي فيها تلاعب في اسعارها فأنا سمعت عن نوع كفرات (اعتقد هانكوك ) اصبح منه نوعان نوع اندنوسي رديء |
يوكوهاما هو أفضل أنواع الياباني
|
سلام
رأي سديد لكن هل تتوقع هناك فرق كبير في السعر بين الوكيل و المحلات ؟ نــــعم هناك فرق الاهم جودة التخزين عند الوكيل احسن من البناشر واهم شيء حفظها في مكان معتدل الحرارة . :thumbsup: |
اقتباس:
هلا أبو جنى حقيقة ما أقدر أحدد نوع معين لأني سألت عن أكثر من نوع.. ولا أدري الصادق من الكاذب من العمالة لكن ياليت المستهلك ينتبه ، ولا يوقف عند أقرب محل وعلى طول يغير مهم السؤال لعدة محلات أو الذهاب للوكيل على رأي بعض الأعضاء |
طبعا بيع المستعل ينطبق على البطارية .. و تتفاوت اسعارها من 15 الى 45 او اكثر حسب النحاس الموجود فيها
|
اقتباس:
البطارية لها شأن آخر وايضا" لي تجربة بسيطة معها لعل أمرها يفرد في موضوع خاص إن شاء الله |
نصيحه للجميع
السلام عليكم و رحمة الله و بركاته
اخواني اذا بغيتوا تغيرون كفرات غيروها من الوكيل حقها صدقوني رح ترتاحون انا مغير برجستون من وكليلها و هو على شارع الريل في نهايته اذا تلاقى مع طريق الخرج القديم للصناعيه يعني نسيت اسم وكيله والله انه بلسانه يقول مو كل كفرات برجستون اللي في السوق اصليه يعني المحل يجيك يركبلك من كل ديره شكل اللي فهمته انه فيه اماراتي و فيه صيني وفي نوع ثاني المهم الاصلي تلقاه بالوكيل والله يصبرنا على الغش اللي صاير واذا عرفت جنسيات اللي يعملون في الغرابي رح تعرف ليش يغشون مو شيء غريب عليهم واللي رايح فيها المواطن الله يخلف عليه |
اقتباس:
هنا المشكلة عجبي من مسلم يغش |
يعطيك العافيه اخوي على توضيح
|
انا لا اثق بالبائع اليماااااااااااني ابدا مهما كان المحل الذي يعمل فيه
|
حتى البطاريات . لاتخلونها . ياخذونها ويبيعونها بــ 35 ريال . والكبيره تباع بــ خمسين ريال
|
شكرا على النصيحة
وفعلا اذا ماكنت ذيب ياكلونك |
اقتباس:
آخر مرة أنا بعت بطاريتي بـ 10 ريال ، شكلهم لاعبين علي |
اللعب في البلد على قفىىىىىى من يشيل
بس الذيب لا يخليهم يزرفونه يزرفون على خفيف ما عليه بس بقووووة مشكلة |
موضوع أكثر من رائع
وتجارب مهمة ألف شكر يالمملوح علما بأني وضعت موضوعك في ملفاتي الخاصة بالسيارت لاستعين به كتجربة في تغيرر الكفرات فيما بعد |
| الساعة الآن 02:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by