هل يعقل ! وكيل معتمد يركب سيارة لشركة أخرى
 

هل من المعقول أن أكون وكيل لشركة واستخدم سيارة لشركة مصنعة أخرى ؟!

كم مرة اشاهد وكيل معتمد بالمنطقة الوسطى معه سيارة غير اللي هو وكيل عليها

صحيح ان اولاده يمتلكون سيارات من الشركة المصنعة اللي هم وكلاء معتمدين لها بالمنطقة الوسطى ...
لكن ابوهم الوكيل ,, سياراته من نوع آخر مختلف "معه سيارة نوع بنز "
ما السبب ؟! ليه ما يركب من وارده ؟

اهلين جمره حياك الله واسعد الله صباحك والمتواجدون بكل خير

مثل مايقول المثل الشعبي ( عيشت جيراننا حلوة )

فتجد بائع الجلكسي لايأكل جلكسي بل يأكل حلوى اخرى وبائع البان المراعي يشرب نجدية وهكذا

فتجد لدي هذا الوكيل تشبع من سياراته سواء امريكية او يابانية

بعدين الله يهداك عاد لو قلتي غير البنز كان ناقشتك بس البنز ماتبي نقاااااااااااااش
مركب الشيوخ والامراء ........... مامثل الالمااااااااااني ....

لك تحياتي

حياك مقاطع من الجبيل
خله ياكل ويشرب اللي يرغبه محد داري عنه وهو ببيته :)
لكن انه يمشي امام الناس بنوع سيارة غير اللي هو وكيلها !
هنا يختلف الوضع
أقلها يجعلنا نتسأل ليه ترك سياراته ؟ هل هو غير مقتنع أم هناك سبب آخر!
وبعدين
ياليتهم يخفضون سعرها ,, مادام وكيلها لا يركبها :zx:
:thumbsup:
لو إن سياراته افضل من الالماني لركبها ...
بل مازال الاوربي صافط الياباني على جنب :clap_1:
والدليل https://www.mqataa.co/vb/images/icons/icon12.gif

السلام عليكم

ممكن تكون هدية من وكيل آخر ......!

وعليكم السلام
معقول هدية !؟
ماش
هذي صارت إعلان للمنافس ,,, وتزكيه منهم على جوده المنافس :clap_1::lol:

بسيطه ...............يبي يقول للناس اني انا عندي فلوس واقدر اشتري سياره فخمه وغاليه.

وبيني وبينك مركب الالماني يفرق كثييييييييير عن الياباني ....حتى لو الياباني اصبحت جودته عاليه.

والفكره اللي تبين توصلينها صحيحه ...................غلط انه يحاول يبيع سياره معينه على الزبون وهو يستخدم غيرها................؟؟؟ ذكرتيني بسالفة الدكتور اللي يحاول يقنع مريض نضره ضعيف بعملية الليزك والدكتور نفسه لابس نظاره.

هذا هو بضبط :thumbsup:
بكل قناعة أقول :استخدام الوكيل لسيارات منافس له ... يفقدني الثقة بسياراته

يمكن على قول المثل

صخلة الشعيب ماتبي الا التيس الغريب

وبالفصيح زامر الحي لا يطرب

لو حس الوكلاء الأساسين والمعتمدين بنا لتغير الحال :crying:
الصيانة التابعة للوكيل الاساسي اشبه بـمجزرة

:D صدقت ايوب

--
وبهذا الزمن نقول
الوكيل يركب سيارة المنافس :clap_1:

انا شايف انو الموضوع طبيعي جدا
يعني لو انا وكيل سوزوكي او كيا وعندي مئات الملايين (اللهم لاحسد)
مستحيل اركب هذي السيارات (هذي حق الناس اللي على قد حالهم)....بالعكس الطبيعي اني اركب البنز
وكل مين يمد رجليه على قدلحافه

حياك أخوي
لا ننظر لهم بعين الحسد ,,, ولله الحمد عندنا خير
وعندنا سيارات من وكالة معزبه .. وسيارات من وكالات اخرى تعد من الأنواع الغالية
وللعلم هذا الوكيل لا يبع سيارات على قد الحال ! بل بالعكس سياراتهم أسعارها غالية ...
والمفروض يركب من سياراته أو بلاش يرفعون الأسعار كل سنة ويعطون سياراتهم القاب وبالأخير هم لا يقتنعون بها ويركبون أنواع أخرى

صعبه ولا تجي طيب تتوقع ابو جميل يركب يارس ابو 40 او الوعلان يركب اكسنت او الجميح والعيسى الخ يركب افيو وابيكا اتوقع والعلم عند الله ماتلقى هلانواع في البلد المصنع
لكن خل المصنع يشترط على الوكيل (ماتاخذ وكالة سياراتنا الا اذا جربت اقل الانواع وركبت جميع ما نصدر لك من اقل الفئات ويشترط عليه ماياخذ الا من وكالته واقل المواصفات عشان (الوكيل) هو وجه يعرف وش السيارات الى يجيبها ويسوقها لنا المستهلكين :blink::blink::blink:

:thumbsup:

...........
يدل على انهم يسعون للارباح دون النظر لراحة العميل ..

انا ما الومه،، والله الالماني كنج السيارات

الاوروبي كنج
وياليتهم يستحون على دمهم ويخفضوا اسعار سياراتهم :zx:
اذا هم مايسقون سياراتهم ليه يرفعون سعرها !!:zx:

بعض مهازل شركة نيسان
 

وكيل شركة نيسان لديه سيارات غير السيارات التي يتم تسويقها ويفتخر بذلك

السيارة في نيسان 899 ريال ( سعر خروف من الحلقه)

راس مال شركة نيسان الحالي قروض من البنوك مبالغ خطيرة ميزانية دول صغيرة. تهدد الشركة بالسقوط

حالة سقوط شركة نيسان سوف تدهور ألأسعار لدى العملاء الذين قاموا بشراء السيارات في 2009-2010

لذلك يجب ألأنتظار فترة تتجاوز ألثلاثة شهور . حتى يستقر موضع الشركة .

شراء سيارات نيسان في الوقت الحاضر خطر . أصعب من كارثة جدة

ضـــــاعت فــــلوسك يا صـــــــــــابر

اللي اقصده وكيل معتمد لشركة اخرى غير نيسان :)
هو وكيل معتمد لشركة فضائحها مشعلله هاليومين https://www.mqataa.co/vb/images/icons/icon12.gif

وتشكر على هيك معلومات
اجل من الوكلاء غير مقتنعين بسيارات وكالاتهم .. وش هو السبب ؟؟؟؟