خذ الورقة وهات مقاضي البيت بسرعة!
انت الحين داخل سوبر ماركت وناوي تشتري للبيت الطلبات المدونة في الورقة ياترى ويش هي الماركات أو العلامات التجارية اللي تشتريها من بين المعروض على الأرفف ، ممكن نستفيد من خبرات بعضنا في التبضع أو نتعرف على ماركات ماكنا نعرفها.. خذ الطلبات تحت ولا تتأخر في السوق ، عينك في المقاضي وبس:p ( أنا كتبت أشياء أساسية ومن واقع خبرتك أضف أصنافاً أساسية لم تجدها مذكورة ) وخلوني أبدأ أنا لأني صاحب الموضوع... =============================== كيس أرز :- السنبلتين كيس سكر :- عبوة 5كلجم لونها موف نسيت اسمه لكن الحين ماكو غير الأسرة طحين أو دقيق :- كويتي ؛ رغم انه غالي شوي ملح :- ساسا علبة حليب بودرة :- المواسم سمن طبيعي :- فــارم عسل :- كشميري طحينة سائلة :- (الكسيح) منتج أردني ومتجانس مايترسب أسفل العلبة كثير زيت نباتي :- حياة - دلال - جواهر للقلي ، وزهرة من دوار الشمس للطبخ زيت زيتون :- كنت أستخدم السوسن بس صار غالي كثير وآخرمرة جبت الأمير شاي :- التلقيمة حبيبات ليبتون - الفتلة ليبتون مكرونة :- البستان ، وقبل الأزمة نوع عليه صورة فتاة شايلة حزمة قمح دجاج مثلج او مبرد :- الوطنية بيض :- إذا لقيت فقيه بآخذ ، مايتوفر إلا نادر وتوجد أنواع أخرى ماتملى العين معمول :- حلواني بدقيق البر شابورة :- أمريكانا حليب مصاص للأولاد :- ندى لأنه طبيعي من البقر مو بودرة شوفان :- كابتن أوتز نوعية ماليزي شطة قوارير :- كريستال... ما أقدر أغيره حسب أوامر عليا :060: صلصة طماطم :- أفضّل القواطي الصغيرة بس مايرسون على نوعية محددة بالمتجر خل :- (الأسمر حلواني أو بيدر) ولازم يكون مكتوب عليه طبيعي وليس صناعي قشطة :- بيتي تونة :- بيتي جبنة طرية :- حلواني جبن علب شيدر :- حاليا المراعي جبن قطع (مثلثات) :- بريزيدن جبن للبيتزا :- بوك أو البقرات الثلاث زبدة قوالب :- بريزيدان الألبان والحليب :- مابين المراعي و ندى عصيرات طبيعية معبئة :- المنجو كريم ، الفراولة حلواني ، برتقال المراعي :blush:عاد لاتقعدون تحشوووون فيني ، انا أعتبر نفسي غشيم وبدي أتعلم منكم؛؛(أرجو عدم نسخ مشترواتي الخاصة) |
اقتباس:
ردي باللون الرمادي |
هنا تجد الدقيق الطحين بديل عن الكويتي
https://www.mqataa.co/vb/showthread.php?t=14320 |
اقتباس:
فكرة حلوة .. بس كده بتطلع فضايح الناس.. :think: ردودي باللون الأخضر. |
حياكم الله " جمرة غضا " و " أبو هشام " بدأت تظهر أفكار جديدة ولازم أستفيد منها
ولكم الأجر إن شاء الله ، بس لي طلب من المداخلين الجآيين ما يقتبسون مشترواتي ويكتبون مكانها مشترواتهم فقط؛؛ |
انا حبيت اشاركم مع اني مش في السعوديه عشان لو حد حب ينزل مصر وحب يتسوق في اجازه او غيره
اقتباس:
|
الله يعطيك العافيه
لكن با النسبه لا الحليب انا اشوف ان كل الشركات بودره وافضلهم المراعي او نادك مع انهم بودره |
موضوع رائع ومنتآز بالحيييييييييل < هع
بس باضيف له السعر رز الشعلان 20 كيلو ب117 ريال دجاج سوبر بريم 800 جم ب68 ريال حليب سايل وادي فاطمه ب140 ريال (سألت عنه الشهر هذا يقولي ب184 ريال !!) ((طبعا كل انواع الحليب البورده استبعدت بالتصويت من قبل افراد العائله )) ماينفع معهم الا سائل :) جبنه مثلثات طعمه كرتون ب62 ريال فيه زيت العربي 4 لتر ب25 واحيانا 24 ريال معجون طماطم هالي او المراعي الخضراء مايفرق اسعارهم دئما ب7 ريال تقريبا مناديل الجزيره 100 منديل وجودتها عاليه كرتون فيه 36 حبه ب30 ريال فول مدمس الخلطه السريه كرتون ب35 ريال ملح فيكتو ممتاز وب0.95 هلله بس مايفرق عن ساسا كثير نفس الطعم بيض ب13 ريال واحيانا ب11 حسب العروض وماعرف نوعيه معينه السكر طبعا مافيه غيره سكر الاسره سبحان الله تقول مافي هالبلد غير هالولد وب 34.5 ريال شاهي الربيع 1200 غرام < سعره 30 ريال واذا كان معه كاسات 32 ريال< عرض الالبان لبن العزيزه والله ممتاز جدا وبسعر 6 ريال ارخص من جميع الالبان بس مشكلته ماتلقاه في كل مكان العزيزه طحين السنبله (عليه رسمة سنبله بدون اسم ) 10 كيلو ب12 ريال طبعا الخضره ماتتعدى بالكثير 60 ريال وتكفي اسبوعين الصابون صراحه مامثل اريال ب35 ريال 4 كيلو الاانواع الثانيه رديئه مرره صابون الايدي السائل سنوفا ب5 ريال العلبه (وتقدر تشتري جيك كبير ب17 ريال ) وتعبي العلب الصغيره توفر النصف تقريبا السفره نابكو ممتازه و20 ريال تكفيك شهرين او اكثر انممممممممم خلاص ماخليت شئ عوافي |
كيس أرز :- " باب الهند" بدون منازع و يفضل الي كيسة ورق مهب خيش كيس سكر :- الاسرة طحين أو دقيق :- كويتي ؛ رغم انه غالي شوي و في الغالب نوصي علية من الكويت لانه الكيلو بريال و عندنا يوصل 6 ريال الا ربع تقريبا ملح :- اي شي علبة حليب بودرة :- الطائي سمن طبيعي :- ابو كرسي القديييييييييم و نسوية بالبيت عسل :- طبيعي و ياكثر ما ينصبون علينا :)طحينة سائلة :- طعمة زيت نباتي :- ارخص شي لان الزيوت ما تفرق في محتواها عن بعض كلها معاملة كيميائيا زيت زيتون :- طبيعي من تبوك و اذا ماحصل من البيت الفلسطيني اسعارة حلوه كثير شاي :- التلقيمة ليبتون مكرونة :- الكويتية من المطاحن الكويتيه طعمها روووعه او تشكيلة المكرونات الازانيا و غيرها حسب الموجود لانه في الغالب تنقطع انواع من السوق و العلالي دجاج مثلج او مبرد :- مئسات عمري انا ابي مقطع بصحون و ابو الشباب يبي دو الكاملة المشكلة دسسسسسسسمة و متعبة اكرااااها بيض :- مقاطعينة لظروف صحية :) معمول :- مقاطعينة خوفا من السمنة :) شابورة :- مثل سابقة :) شوفان :- كويكر شطة قوارير :- كريستال و الفلفل الصغيرات من " فرشلي " يقولون نفس طعم تباسكو صلصة طماطم :- ندى العلب الورقية خل :- خل تفاح طبيعي " الدرة " ممتااااااااااااااز قشطة :- بيتي و الان بغيرة تقول اختي فرشكو احسن طعم و قوام و سعر :) تونة :- بيتي جبنة طرية :- جبنة " بدر" بالحبة السودا للرجيم :) و جبنة هنقاري دبل كريم ماعز جبن علب شيدر :-فيه قوالب برايد تطوووول تبقى شهرين واكثر جبن قطع (مثلثات) :- ما استعملها جبن للبيتزا :- موتزاريلا الفارس تلاقونها عند الاجبان بالكيلو ولا اروع منها للبيتزا السماق برضو من البيت الفلسطيني بلدي روووووووووووعة لان الي بالسوق نشارة خشب مهب سماق اللبنة شغل بيت علب زبادي توضع في كيس مخدة مخصص لللبنة يعني جديد مغسول و يترك من الليل الى الصبح معلق بالثلاجه تحته بادية لتجميع السائل المتسرب الصبح يوضع بحافضة صغيرة و يوكل بالعافية الزعتر من البيت الفلسطيني زبدة قوالب :- بالكيلو و في الغالب نشتري كمية وقت التخفيض الألبان والحليب :-المراعي عصيرات طبيعية معبئة :- ما اشترية لانه مهو طبيعي و فيه كمية سكر لا يستهان بها حبيت افيدكم بخصوص الزيتون و الذرة و المشروم انا اشتريها من محلات الجملة عبوات كبيرة افرغها باكياس وارصها بحافضات و بالفريزر اما الزيتون في برطمان و بالثلاجة موفره و تبقى كثير و توفر مكان و في متناول اليد دايم برضو جبن موتزاريلا ابشرها و اكيسها و احطها في حافظات و بالفريزر و مواد التنظيف و البلاستيكات من سوق الجملة عمتي كانت تشتري اسبوعيا بما يقارب ال 300 دليتها على سوق الجملة شرت ب300 و شوي كفاها شهرين و زود قارنو الفرق و الصابون بالجركل و الكلوركس برضو بالجركل احسن نوع ابو داوود و صابون اليد ما يقارب 4 لتر فررررررق بالاسعار يبي لي يوم انزل لكم موضوع عن سوق الجملة بعون الله |
اقتباس:
مشرفتنا جمرة غضا عمرو ممكن لا هنتي تعلمينا كيف الزبادي بالالة مع انها مكلفة كهرب و وقت و جهد و كثر الايام هذي الكلام عن شركات الالبان انها مصدرها بودرة مستوردة و سمعتها من ثقات بس منيب قادرة اصدق وش رايكم؟؟؟ و بخصوص العسل تجيبونه من احد يتعاملون معه الاهل و لا كثير يعرفونه ؟؟؟ هو ثقة و لا لا؟؟؟ تونا شارين 7 كيلو بالفين و طلع الله العالم انه مغشوش و قبلها شرينا جركل ب 7 الاف و نفس الشي اذا تعرفين حد ثقة تكفين :( نسيت اشكر اخوي صاحب الموضوع من جد افدتنا الله ينفع بك |
اقتباس:
شخصيا لا اعمل الزبادي بالاله :) والسبب مهوب الكلفة السبب اننا ماشاء الله عيله كبيرة والاله تكفي لنفر او اثنين .. نعمل الزبادي بالطريقة التقليدية وسبق ان كتبت الطريقة بعده ردودي وهاهي طريقة الزبادي واللبنه واللبن والجبن طريقة وحدة تطلع لك اللبنه واللبن والزبادي اول شي حليب سواء بودرة او حليب بقر طازج يسخن على النار وقبل ما يفور (يغلي )يفقل عليه وتخليه لين يدفى (لا يبرد ) وكل لترين حليب حط عليه علبه زبادي وحركه حتى يختلط مره وغطيه وحطه في الفرن واكيد ان الفرن مهوب شغال بس نبي مكان يساعد على الزبادى على تخمير الحليب وتخليه لمده 12 الى 10 ساعات بعدها يكون عندك زبادي جاهز اذا بغيت لبن تاخذ منه وتحط عليه شوي مويه ويخلط ويصير لبن تبي لبنه تاخذ الزبادي المحضرة وتجيب (انا شارية غترة مخصوصه للبنة ) وتصب الزبادي فيها وتربط الغترة بقوة تصير زي الصرة وتحطها بمشخاله وتحت المشخالة تحط يا بادية او زبدية بس لازم تكون عميقة ماابي الغترة توصل للقاع وتحطها في الثلاجة لمده يومين حتى تنزل الموية كلها من الغترة وتصيرعندك لبنه .. المويه اللي تنزل تسمى شرش فيها فائدة لكن البعض مايفضلها يرميها ممكن تاخذها وتحل فيها الزبادي عشان ا للبن بدل الموية ........................................ الجبن بعد سهل مايبي له شي تجيب الحليب الطازج (اذا ماعندكم بقرة فيه مزارع قريبة من الرياض تبيع حليب بقر طازجة توه محلوب او استخدم اي حليب طازج تلقاه في ثلاجات المحلات خذ كم لتر لانه بعدين يقل حجهم خذ مثلا 4 لتر وخلهم على النار وقبل ماتغلي بشوي حط عليه شوي ملح ون بغيت حبه سودا ووقت غليه حط عليه اقل من فنجان شاهي خل وحركه شوي راح تلقى الحليب تغير لونه وصار مصفر وبدا يتكتل خله شوي وقفل عليه النار جب قدر وفوقه مشخاله وحط على المشخاله غترة وصب الحليب المجبن عليه وضغط عليه عشان تنول الموية وحط فوقه اي شي ثقيل قدر فيه مويه ابريق فيه موية وحطه بالثلاجة يوم كامل بعدها فك الغترة تلقى الجبن جاهز قطعه وحطه في علب وصب عليه من الموية عشان تحفظه وفوقه شوي زيت زيتون (يحفظه عن الهواء) يقعد حول 12 الى 14 يوم وطعمه مرةممتاز عاد انتم بالخيار وقت اكله تخلونه سادة او بنعناع وزيت زيتون او بشطه وزيتون -------------- ملاحظة اضيفها لك اختي الخزاما .. اللبن انا كتبه بطريقة سهله لكن فيه من يحب يطلع منه الزبده ويخضه وهذي برضو مهنا اسهل منها لليتعودها واللي عنده الاله خض اللبن .. بعد ما يتكون عندك الزبادي حطيه في فريزر مده 2 او 3 ساعات بس لا يجمد يعني نبيه يكون بارد جدا وبعدها يحط بالاله خض اللبن الكهربائية واحسن نوع يكون استيل حتى ما يطعم باللبن وخليه يخض الين تطلع الزبدة فوق اللبن وانت تكونين محظره بادية كبيرة شوي جدا باردة والافضل يحط بها ثلج تشيلين البزده من اللبن وتحطينها في البادية وتحطينها في الفريزر هذي هي الزبدة واذا بغيت تعملين سمنه نفس الطريقة اعمليها وكل ما عملتي لبن اجمعي الزبدة بالفريزر ولما تجمع عندك كمية كبيرة من الزبدة طلعيها من الفريزر خليها تفك شوي بس من الثلج وبعدها اكبسيها بمشخاله لتطلع المويه الزايده همن حطيها بقدر استيل وعلى نار هادية ومعها ملعقتين او 3 من طحين البر وخليها تطبخ زين مره وكذا يصير عندك سمن 100% العسل يا اخيتي بصراحة بالاغلب المصيف يكون في المغرب وهناك يشترى من مزراع مغريبة معرفه لنا |
فدييييييت عمرتس
جعلتس تسلمين يااااااا رب قرمة اسم الله عليتس ماشاء الله لا قوة الا بالله حسستيني انتس عجيز ههههههههههههه تصدقين عندنا حلال فوق ميه و خمسين راس و لا يدخل بيتنا قطرة حليب عندي مخضة و كانت امي مبطي تسوي الزبد و السمن و تسذا بس تغيرت الامور عموما بقدر السمن جربي تعجنين بيالة طحين بر و تحطينها مع الزبد و اذا لقيتي كسرة من فخارة قديييييييمة يعطية طعم ولا اروع بس بعد ذا كلة لا تذوقينة عشان الرشاقة ؛) بخصوص الحليب البودرة اذا بغيت اخففه بالما يكفي 4 ملاعق على كاس ماء و لا اثقلة؟؟؟ قبل انسى اذا حطيتي الجبن بالمشخال اذا كان حديد بيطعم بالجبن و حتى اللبنة صح ؟؟؟ سلمتي و دمتي انتي و راعي الموضوع و الجميع ولا انسى حالي :) دمتو بحفظ الرحمن سلام |
اقتباس:
هو الزبدة لازم تطبخين مها طحين بر .. والبعض ياخذ هالطحين بعد الطبخ يخلطه مع تمر يعني "قشد" لكن ما انصح به .. الصحة تروح فيها :crying: اقتباس:
لكن بالمعتاد كل كاس 4 او 3 ملاعق اقتباس:
|
| الساعة الآن 08:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by