افيدونا غن اقضل انواع المكيفات سبليت
ارجو افادتنا عن افضل انواع المكيفات السبيلت وماهو رأيكم بنوع اسمه اروز Arrowsوشكرا
|
سلام
والله اعلم حسب ماأسمع من اصحابي (( متسوبيشي )) والله اعلم :thumbsup: :thumbsup: :thumbsup: |
شكرا لك
|
حياك اخوي .. بصراحة اول مرة اسمع بهالشركة
وش صناعتها ومنهو وكيلها ؟ شف هالمواضيع يمكن تفيدك https://www.mqataa.co/vb/showthread.php?t=21953 https://www.mqataa.co/vb/showthread.php?t=19949 https://www.mqataa.co/vb/showthread.php?t=12723 من شهر تقريبا جربت ال جي اشوفه ممتاز .. يمتاز ان ريش التكيف تتحرك على الاربع الجهات الداخلية فوق تحت والخارجية يمين شمال .. وهذا يساعد على توزيع البروده |
لكم جزيل الشكر
|
عندي لك الحل
حبيب قلبي لا تدور ولا تحتار غير الفوجي لا تدور من واقع تجربة الجديد و القديم
|
عندي ال جي وسامسونج كلها حليلات بس عندي ال جي افضل
|
بس ياخوي ماقلت لنا تبي صيني ولا شئ اصلي. عموما الصيني لاتتعدى ماندو جداا ممتازه وللمعلوميه فاغلب المكيفات حتى لو كانت يابانيه تلقة الكمبروسر(وهو قلب المكيف) صيني ولا ماليزي يعني سعيد اخو مبارك. غير الصيني ميتسوبيشي لايعلى عليه يليه يونيون اير واحذر كل الحذر من ال جي لان تبريده اول سنه سنتين ممتاز بعدين يبدأ يخور واحلى ماعندهم صيانتهم فقط
نرجع لماندو ترى بعض الدوائر الحكوميه بدت تركب ماندو وانا مجربه من 4 سنوات الى الان اوكى بس طبعا له صوت شوي داخل الغرفه مقارنه بالياباني اللي عليه الكلام واعتبر هذا طبيعي جدا لفارق السعر الكبير |
انصح بمكيفات اسمها GREE ومن واقع تجربة وخبرة هو الوحيد اللي له الحين عندي أربع سنين ماشاء الله تبارك الله لا بالتبريد ولا بالصوت .. حتى سعرة أعتبرة جداً جداً أحسن من الماركات العالمية مثل كارير أو ميتسوبيشي ..
|
ماقصروا الشباب
ون تمم الله عليك وشريت بشرنا |
انا عندي بالبيت عدة انواع " ال جي " حلو بس تبريدة مو هاك الزود وتعطل علي مرة وغالي على غير سنع ويمسك الريحة فلتر البلازما بلص
دايكن زي الحلاوة وهادي وتبريدة زي الثلاجة ماشاء الله بس غالي بزيادة وعندي بالمطبخ صيني اسمه كيلون تبريده ممتاز بس صوته عالي مايصلح لغرفة نوم سعره 2000 تقريبا من الفدا 18 الف وحدة بارد فقط وعندي واحد اسمه TCL نسيت وش صناعته 18 الف بارد فقط صوته متوسط وتبريده جيد جدا وسعرة ناسي كم بس موغالي |
دخولي متاخر ولم أنتبة للموضوع من قبل ..:D
عندي مكيفات جنرال وتعتبر أفضل مكيفات في العالم . لاصوت ولا اعطال وضمان 5 سنوات . وأي عطل لو بعد عشر سنوات قسم الصيانة موجودين بالشركة بس اسعارهم ناااااااااار . |
الدايكن لا تتعداه ممتاز من جميع النواحي ، صوت و تبريد ..
و إذا تبي الرخيص اشوف ان ماندو الجديد جدا رائع ، و رخيص جدا ، و كلامي عن تجربة .. |
مشكورين
|
مكيف جيد ورخيص هو الماندو يتحرك 4 إتجاهات وأعطالة لا تكاد تذكر
وفيه حالياً مكيف نفس الماندو بس ريش ذهبية مانعة للصدا كمبروسور توشيبا ووكيلة البابطين للتجارة والموزع الحصري له في الرياض مؤسسة الخثلان |
أخوي الغالي أنا شريت مكيف سبليت قبل سنة قبل لا أشتريه شهر كامل أدور وأسئل
إلى أن سئلت أكثر من فني مكيفات مختص وسالت اصحاب المعارض ووصلت ألى أفضل مكيف سبيلت موجود حاليا وهو غالي السعر لكن والله سعره فيه أذا عندك مقدرة أشتري مكيف دايكن وانسى الصيانة والله يا أخي من واقع تجربة مثل ما قالوا الخوان هادي وتبريده قوي جدا صدقني خذ دايكن ولن تنم خذه من الوكيل تحصله في سوق الاتحاد في جدة وكيل معتمد هذا اذا كنت من جدة والي عرفته أن الدايكن ياباني تجميع ايرندي أفضل شيئ في السوق واسئل عنه بنفسك أي استفسار أنا حاضر بالتوفيق أنا ركبت 24 الف وحدة كلفني 3600 ريال |
من واقع تجربه
أنحشششش عن السامسونج رفع ضغطي |
الماندو كويس بس تراه نوعين الكلاسيك والبلص الكلاسيك يجي سادة أبيض ويتحرك أربع إتجاهات لتوزيع الهواء واكبر موزع له في الرياض محلات الخثلان
البلص يجي لونة بني خشبي وإتجاهين فقط واكبر واحد يوزعة في الرياض البعيز ويباع ال 12000 وحدة 1500 ريال 18000 وحدة 1800 ريال 24000وحدة 2100 ريال 30000 وحدة2600 ريال 36000وحدة 3300ريال ولا يوجد من بلص كلاسيك فقط ولا يوجد في جميع الانواع بارد فقط كلها حار باردولا يوجد منه مكيف شباك ويوجد منتج ثاني عند الخثلان إسمه شامبيون نفص مصنع الماندو بس أحلى شكل ويوجد منه بارد وحار بارد ومكيف شباك بارد وحار بارد 18000 و 24000 وسلامتكم |
انصحك بمكيف قري وكيله الشركة الاساسية ووكيل كل من فوجي +قري+سانيو
|
اقتباس:
متسوبيشي سبلت تايلندي .. |
دايكن
|
DAIKIN
بالعربي دايكن هو الافضل وبدون منازع البيت عندي كله سبيلت دايكن يكفي انه الوحيد اللي ما تقدر توقف بوجهه ودرجة التبريد على 26 درجة بالاضافة الى سهولة تنظيفه وهدوئه بس الاهم ولاحظ اقولك الاهم هو عملية التركيب لازم تجيب ناس فنانيين تركيب تصحييح للاخوان اللي يقولون انه ياباني مافيه مكيف او سبيلت بالسوق ياباني عصر الياباني انتهى من زمان دايكن تايلندي حسب كلام وكيلة بالرياض اللي مقابل راعية الشباب في الملز خذه وانت مغمض ولا تنسانا من الدعاء قبل لا انسى صح انه غالي بس على قولتهم كد ومد |
عندك فلوس :
1- متسوبيشي 2- دايكن 3- فوجي او او جنرال ... ماعندك فلوس .. ماندو او ميديا او قري ... وثبت عليها , هذي الي لها وكلا في السوق , غيرها مالها وكلاء غير المحل الي اشتريت منه :) , تشتري وقوم الحق وين تلاقي لها صيانه ! ونصيحه , مديا كويس ومن سنوات مجرب ممتاز وتصنيعه صيني بالكامل , ووكيلها اقوى وكيل في السعوديه ( ابراهيم شاكر ) مع ان الكثير من منتجاته رديئه , بس تكلمهم , يجونك ... الردى في الغالب يجي من التجميع سعودي , مع ان المتسوبيشي دايا كمبروسره من برا وتجميعه ف يالسعوديه , بس تقول ان له اكثر من عشرين سنه يتجمع في السعوديه , وهذا شي ايجابي وفي صالحه ... ومحد يشتكي منه ... وعن تجربه قوي قوي قوي جداَ ابو كمبروسر كبير ... ماعندك فلوس روح لميديا او لمنادو او قري ... واذا ما اعجبك تعال وحاسبني وافضحني ف يالمنتدى :) بشرط يكون المكيف على قد الغرفه , موب 18 الف وحده على صاله 10 في 10 وتقول مايبرد :) واذا ودك باختصار مره , ومن غير تعقيد وعشان التبريد الأكيد , ولا تصدع راسك مع انه فيه معادله ثانيه ادق لحساب الوحدات ... بس خذها باختصار , كل متر في الغرفه يحتاج له ( الف وحدة تبريد ) ... وكل باب مفتوح زيد له الف وحده اذا كانت صاله ... وبكذا تضبط معك الحسبه , وروح على ابراهيم شاكر ( اذا ماعندك فلوس للمتسوبيشي ) واشتر منهم وريح دماغك , وتعال عطنا النتائج , ومن ذبيحه اذا ما تضبط معك :) |
السلام عليكم ورحمة الله وبركاته
الميزانية بحدود 2500 ريال لمكيف 24 الف وحدة لقيت عن مؤسسة المنيع مكيف hala electric هو الوكيل حقه وضمان كمبريسر 7 سنوات هيتاشي تجميع صيني بمبلغ 2100 ريال تقريبا - سعر خاص - وبرضو مكيف سامسونج عند المنيع بسعر 2300 ريال تقريبا ولقيت عند البسام lg سمارت كمبرسور كوري تجميع وطني بسعر 2540 ريال فايش النصيحه؟ |
اقتباس:
وتبغى شور أخ صادق بإذن الله خذ لك ( ماندو ) وتوكل على الله وراح تدعيلي أو (هام ) ترى وكيله المنيع لكن شكله قبيح جدا ولا يجمل شكل الجدار تحس إنه شبك حمام أما سامسونج تراه صيني أما إللي تركيبه وطني أقول إنحش وأهم شيء في أي مكيف تشتريه إنه يكون حار بارد لأنه مروحة أقوى ولاتصدق إللي يقول ما فيه فرق وترى الفرق 100 ريال يعني ما تفرق كثير الله يوفقنا وإياك |
اذا بتدفع مبلغ كبير لاتغامر بغير o general
|
اقتباس:
ماندو وميديا ارخص واحسن من كل الـ قلت عليهم , وان كنت انصحك بميديا لأن شكلك جديد في عالم المكيفات وراح تتعب شوي في البدايه , فخذ لك ميديا لأن وكيلها ابراهيم شاكر راح يضبطك وماراح يتعبك ... وعلى فكره ميديا سبيلت كمبروسرها هيتاشي برضو , اصلاً هيتاشي تشتري منها نص شركات المكيفات الصينيه بسبب سمعتها الي ماخربها إلا التجميع السعودي ! |
شكرا على النصيحة اخواني
وين القى مكيفات ماندو بالرياض وياليت يكون بشرق الرياض - مو طماع ابدا - اشبيليا الروضة وحواليها ونشوف ميديا ان شاء الله وربي يكتب لنا ولكم ولكل المسلمين الخير |
لقيت هذا العرض بالنت فلا تبخلو علينا بالنصيحة:
عرو ض الصيف مكيفات اسبلت باسعار مخفضه : 12 الف حار/ بارد 1450 ريال 18 الف حار/ بارد 1650 ريال 24 الف حار/ بارد 2000 ريال 30 الف حار/ بارد 2600 ريال 36 الف حار/ بارد 3450 ريال ضمان 7 سنوات + تركيب مجانا في نفس اليوم يوجد نوعين النوع الاول اسمه مكيفات يونكس ووكيلها شركه العمران للتجاره والصناعه ، النوع الثاني اسمه مكيفات ماندو ووكيلها شركه فاريز للتجاره |
اللي أسمع به فوجي و دانكن
أما اللي شفته تمام هيونداي وميتسوبيشي واتمنى لك التوفيق |
ابعد عن سامسونج احيانا مايبرد وينزل مويه واحيانا يفصل ويرشنا بقطع ثلج 0
|
يمدحون لكس
والله اعلم |
التجربه المره مع سامسونق
مكيفاتهم حار بارد فيه ازعاج مو طبيعي انا من شهرانتضرهم يغيرون لي قطعه يقولون انها وصلت من الصين https://www.mqataa.co/vb/showthread.php?t=27673 |
الموضوع صار ملخبط بصراحة ، ناس تتكلم عن مكيفات شباك وناس تتكلم عن مكيفات سبليت وضاعت الطوشة، حتى بعض اللي يسألون ما يحدد وش يبي بالضبط ؟
|
اول مرة اسمع عنها وحسب ما بعرف انو اسم arrowاو بالعربي ارو ومعناه السهم هوي اسم لشركة اسرائيلية وبتصنع صوارخ ارو الاسرائيلية المكيفات اللي جربتها وممتازة مكيفات ماندو mando
|
زميلي بالعمل يمدح فوجي
|
شف العلم الأكــــــــــــــــــــيد ولا تاخذ غيره عن تجربه ودارسه من جميع النواحي
١- او جنــــــــــــــــــــــــــرال غالي بس يستاهل بس انتبه لا تاخذه من الكترو الفنيين تعبانين مره ٢- فوجي ٣- مستوبيشي وســـــــــــــــــــــــــــــــلامتك |
بخصوص السبليت من تجربة GREE و ماندو كويسات خصوصا قري بطل
الشباك احرص على الكمبروسر الكبير ويكون امريكي او ياباني اصلي ولايهمك التجميع انا شريت جبسون كمبروسر كبير .. ممتاز برودته ماعليها لكن مشكلته صوته وهذي تهون |
السلام عليكم
عقب كل الكلام ابي اشتري مكيفات سبلت واللي شروا تكفون لا تبخلون علينا وخاصه من. اللي شروا جدد |
عندي بالبيت مكيفين اسبيلت ال جي وماشاء الله تبارك الله توكل على الله وخذ ال جي
وربي يكتب لك الي فيه خيرة |
الساعة الآن 11:37 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by