موظف التعداد وصل وياليت لم يحضر ............!!!!
بعد صلاة المغرب وصل موظف التعداد ودق جرس الباب وياهلا ومرحبا بكم ,,,, تفضلوا وبعد دخوله والتعريف على نفسه وشرب عصير مستعجل !!! ويحمل معه دفتر كبير / أفكر انه ماذون شرعي ويبغى شهود ..!! ---------------------------------- وقال لي كم سؤال غريب ومنها ... كم عدد الغرف في البيت .................. كم عدد الحمامات في البيت ............... كم عدد أجهزة التلفزيون .................. كم عدد أجهزة الاب توب .................. كم عدد أجهزة الجوال ..................... كم عدد أجهزة الأتصال بالانترنت ......... كم عدد الشغالات ............................ كم عدد السواقين ............................ وأهم سؤال لم يسئلني أو يطلبه مني وهو رقم السجل المدني (بطاقة الاحوال) _ وبعدها سالته .. ليه هذه الاسئله الغريبه وماعلاقتها بالتعداد السكاني ؟؟؟ _ يقول :مطلوب معرفة مستوى المعيشة لكل أسرة سعودية . قلت له : هل بعدد الحمامات والجوالات تعرفون مستوى المعيشه للمواطن . قال : ياخوي هذا تعليمات ولازم نكتبها في التقرير اليومي لكل اسره ونسجلها بالحاسب الالي . قلت له : حلو ... لكن جميع اسئلتك لاتفيد في التعداد السكاني أو معرفة مستواهم المعيشي, وحدث بيني وبينه كلام لاكثر من نصف ساعة ..... بدون أي فائده !! المهم // كيف يسجل هذا المعلومات في الحاسب الالي على قوله ؟؟؟ وأهم معلومه لم يطلبها مني وهي (رقم السجل المدني) يمكن غير مهم مثل عدد ........... - - - - - - - وسلامتكم |
والله صدقت اسئلة غريبة كم تلفزيون ( باقي يسأل كم بوصة و نوعة بلازما و لا عادي ) و عندك خط دي سي ال يعني بالله اللي عنده دي سي ال و جوال و تلفزيون يعني وضعوا تمام ! السواقين والحجات في الشوارع معاهم جوال علشان كذا الوضع متدهور من العقول الفذه اللي عندنا , تعداد فاشل الناس ما هي ملاقية وظائف واللي لقى متوظف بأقل الرواتب . |
عشان يحصرون النهضة العمرانية
ويشوفون الخصوبة عندكم والفكر التربوي والمستوى التعليمي عندكم وهذا يفيد جداً مصلحة الإحصاءات ووزارة التجارة ووزارة البلدية والقروية لأنها بعد ماتسجل على الحاسب بعد سنة او سنة ونص من تأكيد الحصر تماماً ينظرون فيها المسؤولين والبحث عن حلول اذا وجدت مشكلات او عرقلات على المواطن بس هذي اسئلة روتينية ولعلمك اول كانو يسألون عن الراتب بس شالو هالسؤال مدري ليش هذي معلومات خذيتها من غيري وقلت اقولها لك . |
ما سالوا عليك قرض ؟
|
اقتباس:
|
اقتباس:
وهل السؤال عن عدد الحمامات من الأسئله الروتينية السؤال عن الراتب أفضل من السؤال عن عدد الحمامات والجوالات . |
اقتباس:
|
و بكره تطلع نتائج التعداد ...
عدد المواطنين .. غير معروف (نسينا نحصرهم) عدد الجوالات 50 مليون عدد التلفزيونات 40 مليون عدد الكمبيوترات 100 مليون عدد البلاي ستيشن عد و أغلط و هلم جرا.. بس نسيوا يسألوني عندك جهاز وي و إلا لأ. و في الأخير يطلع لنا أحد الأفذاذ و يقول مستوى المعيشة مرتفع و دخل الفرد لا يقل عن 15 ألف في الشهر و الدليل أعلاه. |
غريبه اسألتهم من نقاشك لموظف التعداد يتضح انه غير مقتنع ماسألك وش تشجع؟؟ وتحب الكشتات ولا لأ؟؟ وكم دورية عندك بالاسبوع؟؟ وش الاكله المضله عندك بصراحه كل الشغله مرفوضه لسبب لانهم من خلال الاحوال المدنيه يعرفون كم السعوديين والجوازات كم الاجانب والمتسولين كم المخالفين وبلاش كل هالكلفه وان كانوا يبون يعرفون مستوى المعيشه عند المواطنيين يروحون للشئون الاجتماعية |
اقتباس:
حتى الجوالات ابو 100 بحسدونك عليها .. وبائع البليله في الشارع عنده جواليين . |
اقتباس:
لأن الحاسب الألي موجود وكل شي مسجل من المواليد واستقدام الشغالات والضمان والوفيات . |
لا يكون حرامي مسوي فيها انه من نظام التعداد السكاني
يعرف ايش عندك بعدين يشوف اذا يستاهل يرجع أو لا |
اقتباس:
اجل الحرامي هذا مر على البيوت كلها :lol:تصدقون ما طلبت منه اثبات انه من التعداد وإلا لا ياخوفي |
موظف التعداد اسلوبة محترم ومعاه بطاقة بالون الاخضر وفيها اسمة وصورته
ويعرف على نفسه قبل أن يدخل في الاسئلة ... والمشكلة فقط كانت في طرح الاسئلة الغريبة التي لايتوقعها اي شخص . |
الله يعين00000000000000000000000000000000000000000
|
غريبه !!!!!!...
مر علي قبل المغرب .... وقال اريد تعبون لي هذي ... وكانت في يده ورقه عبتها زوجتي ورحت اصلي ورجعت ... وبعدها رن جرس الباب وخذ الورقه ... وانتهي شوف من اللي دخلته بيتك ,,,, لان كل موظف تعداد مر على اهلي نفس ماذكرت سابقا |
اقتباس:
هلا .. أحمد العبدالله وبصراحة انتم تردون على الموضوع بطريقة غريبة :mad: وكأننا لانعرف نستقبل الناس والتفاهم معهم والتعرف عليهم ..:think: --- ياخي .. الموضوع لايتدخل في معرفة الشخص او من يكون :D الموضوع يتكلم عن طريقة الاسئلة من قبل موظف التعداد .. فقط لاغير . وهل هذا الاسئلة تعتبر مهمة في خدمة التعداد السكاني ...؟؟؟ --- لماذا هذا الاسئلة الغريبة ومافائدتها في التعداد السكاني وموظف التعداد اللي دق جرس بيتك واعطاك الورقة.. يعتبر مهمل وكسول واتكالي على الغير لان المفروض هو من يقوم بتعبئة النموذج وتحمل أي غلطة وليس الزوجة . ------- وهذا نسخة من الاسئلة في كشف موظف التعداد كم عدد الغرف في البيت .................. كم عدد الحمامات في البيت ............... كم عدد أجهزة التلفزيون .................. كم عدد أجهزة الاب توب .................. كم عدد أجهزة الجوال ..................... كم عدد أجهزة الأتصال بالانترنت ......... كم عدد الشغالات ............................ كم عدد السواقين ............................ |
موظف التعداد حضر للمنزل مرتين ولم أكن موجود أخذ رقم جوالي من أحد عيالي أتصل على جوالي وتحمل تكاليف الإتصال وسألني : إسمي . أسم أم العيال . عدد الأبناء . أعمارهم . عملك : حكومي / أهلي . هذا الأسئلة فقط وأقفل السماعة ولم أعرف شكله حتى الآن . ذكر أسمه .... ع . الغـ . |
اقتباس:
كلامك صحيح وهذا في الزيارة الاولى ... ويضعون ورقه على باب الشقة بعدد الافراد وبعد فتره لهم زياره ثانية لك .. لمعرفة عدد الحمامات والجوالات والغرف واللمبات والمرواح وبعدها يضعون علامة على نفس الورقة اللي على الباب وينتهي الامر . وانتظر الزيارة الثانية لهم وسجل الاسئلة وكلمنا ............!!!!! |
خالد 1 الموظف أخذ المعلومات عن طريق الجوال منذ حوالي عشرة أيام وحتى الآن لم يزرني أحد من التعداد لعلى عسى يكمل بيناته ربما أكمل الباقي من نفسه والله أعلم |
| الساعة الآن 04:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by