البسامي ..!! وما أدراك ما البسامي ..!!
 

السلام عليكم ورحمة الله وبركاتة
مشكلتي بدأت اليوم مع شركة البسامي لنقل السيارات
تم شحن السيارة وهي بأفضل حالاتها من مدينة الرياض
إلى شمال المملكة وذهبت قبل قليل لأستلام السيارة من فرع
البسامي في مدينة عرعر ولكن تفاجئات بالأتي
1) تكسر الكنداسة من الأمام ويصاحبه صوت ضجيج
2) صوت بالدفرنس
3)ظهور لمبات بالطبلون ولا أعلم ماذا تعني مثل لمبة abc
و d.d وبصراحة لمبات آخرى باللون الأخضر والأصفر


لم أحرك السيارة من الفرع حتى أتى المدير وهو مصري الجنسية
قال لي بالحرف الواحد سيارتك مالنا شغل فيها إذا الكنداسة مكسورة
ممكن نصلحها لك ..لكن أي مشكلة بالمكينة ماحنا مسؤولين عنها


وبعد ما طلعت السيارة مباشرة بأتجاه محلات الورش صرت أقول في
نفسي السيارة كانت بالرياض على أحلى مايكون نقلتها بالشركة هذي
وصارت بحالة ثانية

رأيكم يا اخوان هل أقدم شكوى ام أقول (الله حسبي وحده وكفاني)

بأنتظاركم

حياك اخوي واعانك الله
البسامي له قضيه سابقة
سرقة سيارة لكزس من شركة البسامي الدولية للنقليات بتواطؤ موظفيها ‏(https://www.mqataa.co/vb/images/style.../multipage.gif 123 ... الصفحة الأخيرة)

اخوي اخذت منه ورقه تثبت ان سيارتك متضررهم من النقل ؟
ياليت تصور السيارة وتعرضها هنا ..
وايضا ضع مايثبت ان البسامي نقل السيارة "في موضوع بقسم الشكاوي "

الاثنتين
تحسب واشكي ولا تسكت .. حق لك خذه ..
تدرون ما وصل الشركات لهذا المستوى من الاهمال والاستهتار بالعملاء الا سكوتنا على اخطائهم وتهاونا عن المطالبه بحقوقنا

رحت للفرع اليوم وقال شوف هذي 300 ريال حق الكنداسه المكسوره بسببنا !!
وصور السيارة من الخلف والأمام

لكن المشكلة بصوت الدفرنس ..والمشكلة الأخرى لمبة الـ O/D OFF ايضاً مازالت شغالة
وفحصت الكمبيوتر وقال لي آكلت فيها مطب قوي؟؟ قلت لا ابد بس البسامي آكل فيها مطب قوي
قال بدون لا افك واسوي هذي الحساسات او الظفاير عندك فيهم مشكلة

يا جمرة غضا انا كلمت البسامي وحولوني لقسم الشكاوي ولا احد رد علي بالاخير عطوني
رقم مدير قسم الشكاوي وقال كلمه وللأسف جواله مقفل

وانا مستعد اسوي اي شي بس ماحب اسكت عن الأستهتار هذا :(

حياك اخوي
ياليت تضع لنا صور لسياره هنا
وبخصوص تحويلك لقسم الشكاوي بصراحة اشوفه امر جيد نوعا ما ان كان هناك تعاون من الشركة !
وواصلت اهتمامها وتعاملها وعوضتك عن الاضرار اللي لحقت سيارتك من جراء نقلهم

أقسم بالله ياجماعة تم بيع السيارة مساء الأمس والتي تسببت شركة
البسامي بأعطالها بخسارة كبيرة ولكن العوض على الله وحسبي الله
ونعم الوكيل

الله يعوض عليك
؛
؛
؛
؛
؛
؛
؛
؛
؛
؛
؛
ياكرهي للمصاريه حقين ماده

الله يعوضك اخوي
والله العالم وفعلا زي ماقالك الميكانيكي مطب قوي والله يستر لاتكون طايحه منهم بس

يالله اطلب العوض من ربك وماراح يضيع حقك ابد ابد

أخي الكريم
لاحظت انك استعجلت في بيعها...
وما عليك من كلام الاخ المصري...
اولا كان يجب عليك عدم استلام السيارة لتغير حالها
ثانيا تقديم شكوى رسمية للشركة وتدخل معهم في نقاش طبعا تتكلم مع اصحاب الصلاحيات وليس مع الموظفينن الصغار...طبعا لازم تصير حقنه وعله ودبلت كبد علشان تعرف الشركة وهيكلها التنظيمي وارقام اتصال الادارة العلوية...مستندا على العقد الذي بينكم وبينهم
ثالثا تدوام في فرعهم اللي عندكم بعرعر من العصر الى العشاء ... فترة ذروة الزبائن... وكل زبون تشرح له قصتك وموظفي الشركة يسمعون
رابع لابد من تقديم شكوى رسمية لوزارة التجارة وللشرط سواء عن طريقك او بتوكيل محامي اذا لم تحصل على حقك

وشلون تبيعها وانت ما اخذت حقك
ماخذين عننا فكرة مانحب نشتكي لذلك تفرعنوا !!؟؟

والله ياجماعة ماكانت لي نية أستلامها وهي بحالتها المأسوف عليها
لكن يوم قال لي صلحها وهات لنا الفواتير وحنا نتحاسب انا كنت أظن
المسائلة بسيطة والعطل واضح لكن الخافي كان أعظم والعوض على الله
وهذا سيبقى درس (بمبلغ وقدره) لكن للحذر والعبرة
وكل حرف كتبته بخصوص هذه المشكلة فهو في ذمتي إلى يوم يبعثون
ولم أتبلى او أوسع رقعة المشكلة لذلك بعتها بحالتها الراهنة بخسارة والله خير الشاهدين

مع الاسف انت اهملت في حقك ولكن انا اعذرك واحس بك وبمشكلتك ... كثير منا يغظ النظر عن حقه لانه لايريد ان تكثر المشاكل حتى لو ضحى بماله اخي عوضك الله من فضلة ...

أشتك عليهم في وزارة التجارة لأنهم ناس مستهترين بأملاك الناس

الله يعوض عليك
 

لا تتعب نفسك الدنيا ضايعة ماتدري منت بيده سلم ونخ احسن لك ( معذرة على الألفاظ ):crying:

تدرون ليش الناس ماتشتكي

النظام العام في البلد المختص بالشكاوي بطئ وسئ

لاكن صدقنوني الشكاوي دائما تجيب نتيجه ولو طال امدها

نشر على صفحة مقاطعه على الفيس بوك

الله يعوض عليك
وينتقم منهم

رساله الى مجموعة البسامي للنقليات
 

السيد مدير مجموعه البسامي المحترم

السلام عليكم ورحمة الله وبركاتة وبعد:

حيث انني احد عملاء البسامي وبعد تجربتي ولأول مرة خدمات البسامي للشحن علمت ما هو ( البسامي )

في الحقيقة فاجأني التنظيم المميز في التوقيت في جميع الادارات ونبدا من تسليم السيارة وحين تستفسر عن موعد وصول السيارة يقول الموظف : من اسبوع الى اسبوعين https://mail.google.com/mail/e/gtalk.341 وفي حقيقة الامر حين اتصالي بعد اسبوعين لم يفيدني موظف الخدمات عن سيارتي وانما اعطاني رقم تاج الدين ورقم جوال وقصه تاج الدين انه يرد على مزاجه حسب الجو ولكن هذه مسئولية الشركة فلو ان الشركة حريصه على خدمة العميل لم تتسيب في تكليف موظف غير مؤهل للرد على الاتصالات الهاتفية فالخدمات الهاتفية فن من فنون الخدمة المهم حين اتيت الى زين الدين او تاج الدين قلت له لماذا لاترد فقال عندي عملاء المهم ويرد امامي على مكالمة هاتفية فأكتشفت انه مزاجي يعني من امن العقوبة ساء الادب المهم ان سيارتي وصلت بعد 26 يوم يعني شهر تقريبا انظر الى التفاوت في دقة المواعيد.

وبعد هذه المرحلة يتم تسليمي السيارة قبل ان اراها ( هل سمعت بهذا الاجراء من قبل ) فالغير معقول ان ادارة البسامي لا تعرف بهذا الاجراء حيث ان هذا الاجراء مقصود حتى لا يكون للعميل مطالبة يعني يضمن حقة اول ,حيث ان بعض العملاء لا يعرف حقة .

المهم حين اتبعت هذا الاجراء العقيم بتسليم السيارة ذهبت الى المواقف واتفاجأ بسيارتي مبنشرة ويوجد فيها شطب في الرفرف سألت نفسي كيف لهذه الشركة تسليم السيارة للعميل بهذا الشكل اين التنظيم بصراحه شي مثير للاشمئزاز المهم ذهبنا لموظف التأمين قالي اذهب واحنا بنصلحها لك سألته متى قالي بكرة او بعدة بالكثير المهم تجلس السيارة عندهم اسبوع ولا يوجد من يرد عليك مدير الفرع اسمه ماجد مصري الجنسية انا اللي اعرفة ان مدير الفرع هو الكنترول للفرع بس هذا مسخرة بصراحه
هو نفسة ما يعرف حقوقة وصلاحياته او انه ديكور بس حتى ديكور ما يصلح مدير الفرع هذا طبعا هو اللي يرد على العملاء ويتابع السيارات وصلت ما وصلت زية زي موظف الخدمات يمكن اسوء ولا يبتسم مع العملاء ابدا على فكرة ملحوظة مهمة
جميع الادارين في فرع البسامي لا يبتسمون ,طبعا الموظفين ما تلومهم اذا مدرائهم بهذا الشكل طبعا قصتي طويلة معهم بس بعطيكم مختصر مفيد يهم اللي يبي يتعامل مع هذا الصرح على قولتهم المهم صلحو الكفر بعد ما كسرو صواميلة وحطولي صواميل (براغي) مدري من وين جابوها حتى الطاسة ما تركب المهم يحولوني على واحد اسمه حسن الشهراني ما اتذكر بالظبط المهم هذا الحين مدير الفرع والمصري طلع ديكور المهم قاعد انتظر وهو يكلم بالتلفون ومعطيني ظهره ( يسمعون بالتسويق ورضى العميل ) تدرون في ادارتي اي مدير يلقي شعارات التسويق ولا يطبقها بنفسة مو وجه ادارة لانه بيأثر على موظفينه وبتالي تنعكس على الشركة بأكملها .

المهم التفت لي الرجال وقال سم قلت له القصة قال لي وبكل وقاحه ( ياخي الله واكبر الصواميل بـ خمسة ريال ) طبعا انا سكت وقلت لة مو مشكلة لو انه بريال يعني في مدير يتكلم مع عميل بهذي الطريقة انا لو بداله واعرف ان الصواميل بخمسة ريال يا سلام بكسب رضى العميل بخمسة ريال شي عجيب الشركات تدفع ملايين علشان ترفع من سمعتها وانت ما قدرت ترفعها بخمسة ريال . ولو انها 5 ريال كان غيرها ولا سألني بس استخدامه لاسلوب التحقير من الشي ,
هذا اللي جعلني استنقصة كشخص وكمدير وكشركة , المهم قلت له انا بصلحه وانتم ادفعو لي قال مو مشكلة قلت اكتب لي ورقة قال ما يحتاج انت تعال واحنا نصرفها لك يعني يا ناس يا عالم حتى اجراء ب5 ريال مو قادر يعطي قرار ويكتب ورقة للعميل.
انا كنت مدير فرع في بنك واصدر قرارات ب5 ملايين اسحب شيكات على مسئوليتي واعرف عميلي من نظرة .

في النهاية اقول للبسامي في عالم الاعمال والتجارة يصعب رفع اسم شركتك في السوق واذا رفعتها كيف تحافظ على اسم شركتك .

اذا كنت لا تعلم فسوف تعلم

نفس اللطعه الي لطعوني هي يمكن شهر تقريبا
بس الحمدلله طلعت السيارة سليمه بس البطاريه كانيبيلها اشتراكـ

الله لا يوفقهم...... اخ بس لو سو بسيارتي زيك والله لطــــــلع فلوووس تصليحه من عيوون المصري

لاحول ولاقوة الا بالله،، الله لايربحهم
كان اشتكيت يا اخي الكريم؟

المصارية مايعرف لهم إلا من يطبق المثل واجه الصياح بالصياح تسلم