مطبخ فخم وسعره مناسب
سلام عليكم
كيفكم؟ بصراحة أنا توي ساكنة بيت جديد ومحتاجة رايكم ودي أفصل مطبخ حلو ويواجه وبنفس الوقت ما يكون غالي مرة يعني سعر معقول وين تنصحوني أروح ووش رايكم بالخشب؟:think: ناس قالوا صحيح فخم لكن يجيب لك الصراصير:blink: |
:j-8:
|
والله الخشب احلى والله فصلنا مطبخ المنيوم فخم بالاخير قلنا ياليته خشب
اللي عنده صراصير جايه جايه بخشب والا بدونه مافيه امل الا اذا اشتغل الصرف الصحي |
هلا بك اختي
نصيحة اتركي المحلات اللي بالتخصصي وغيرها من هالشوارع .. او ان بغيت خذوي افكار من عندهم واتجهي لصناعية المطابخ هناك تلقين مطابخ متنوعه ستايل مودرن وامريكي والالمنيوم العادي وووو ان كنتي تفضليني الخشب حطي المطبخ الالمنيوم والابواب والسحابات خشب ,, اي ظاهره خشب فقط لانه فعلا ان كان المطبخ كله خشب فيكون بيئة مناسبه للحشرات لان الخشب يجمع الرطوبه واهم نصيحة المفصالات وانا اختك تكون اصليه وتفتح 180درجه .. والرخام الجرانيت عندي افضل يتحمل ويدوم ولا يكشر لونه .. وسمكاته خليها معقوله .. الادارج والسحابات اسئلي عن حواملها ونوعها .. الاكسسوارات المحلات المانية بالصناعيه المطابخ اسعارها غاليه قارني بينها وبين اكسسوارات المطابخ في ايكيا وبالاخير لا تستعجلين لفي ودوري واسئلي كثير وقارني بالاسعار والمواصفات .. لان اوقات تلقين الشكل واحد والتصميم واحد لكن السعر يختلف,, فالاختلاف بعض الاوقات يكون بالتفاصيل الداخليه المهمه مثل المفصالات والهيدروليك وسماكة الخشب والالمنيوم وحتى كمية السيلكون البعض يقتصد بها ! |
السلام عليكم
والله بغيت اخذ عنوان الاخت ووصفها اذا في الرياض مطعم كبريتو واذا بجدة البيك واذا الشرقية شواية الخليج ومافهمة الامن الردود ههههههههههههههههههههه |
اقتباس:
ودلنا على الصناعية:blush: شكرا ما قصرت |
اقتباس:
كفيت ووفيت:thumbsup: |
اقتباس:
|
أنتظر المزيد من الآراء
أنا فصلت أوفيس بالدور اللي فوق من ايكيا لكن أسعارهم غويلية على الحجم اللي أخذته وإذا على مطابخ التخصصي قدروا لي تفصيل مطبخ مكسيكي ب44ألف :think:مع إن مطبخي صغير4*5 |
تراهم حراميه !
عندي مطبخ مليان فراعات , المفروض انهم يخصمون علي قيمة الفراغات , بس قالوا احنا من الجدار للجدار نحسب ! قلت لهم ورا ماتحسبون فراغات السطوح عندي , يطلع لكم مبلغ ونكمل على شارع البلديه ! مدري عن ميزانيتك , بس حراميه على سنه ورمح اهل المطابخ واسهل شي عندهم يضربك بالسعر ويزيدك الف الفين زي الحلاوه ! ونصيحتي .... مطبخ العمر فصليه من افضل شي , وعملي , فكري بالعملي ... بس لايضحكون عليك اهل المطابخ لأنه يحز بالنفس انهم يضحكون على الواحد بـ الفين وثلاثه , انا كان بينضحك علي بـ 2500 ريال زياده عند واحد هندي حرامي , واخذت مطبخي من "جاره" بنص المبلغ ! |
اختي الكريمه ابتعدي عن الاسعار الغاليه
ابحثي عن الجوده والسعر المناسب الخشب لو قالوا للك معالج تري مو مثل اول يتغير الي يناسبك المنيوم درجه اولي بلون الخشب يعني مستحيل يفرق عن الخشب وعملي |
| الساعة الآن 11:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by