مكيف LG من الشتاء والصيف ضرب الكمبرسر
 

- اشتريت مكيف LG من الشتاء والصيف شهر 3 -2008م ونحن يعني حوالي سنتين
18 وحده وهاليومين ماعاد يبرد جبت فني من احد محلات الصيانة القريبة ( تجميع صيني طبعا )

وقال لي الكمبرسر خربان بعدما كشف عليه بالمحل عنده
وأفضل لك تتصل على الوكيل إذا عندك الضمان ( الله يبارك فيه هندي الجنسية وأمين )
( ضمان سنة على قطع الغيار والكمبرسر 5 سنوات ) بعدما سألتهم
واتصلنا بالشتاء والصيف سجلوا الاسم وقالوا بنبلغ الوكيل إللي هو طبعا شاكر
وقال يومين إن شاء الله ويكون عندك ،،،،،، ورجعنا المكيف مكانه
لكن هل بعدما فكينا المكيف ممكن يتعاون الكفيل معنا خلال يومين

وراح نوافيكم بالجزء الثاني الاسبوع القادم إن شاء الله من هذا الفلم الصيفي ،،،

حياك تقصد اخوي الوكيل :)
عندي ال جي وطبعا وكيله شاكر وسبق اتصالنا عليهم وجو وصلحوا المكيف
بصراحة اعد شاكر من الوكلاء الجيدين ..
بانتظار بقية الحلقة :)
ومن اجل ذلك دائما نقول احرصوا على الضمان .. حتى لو فرق السعر لكن الاهم ان السلعه يكون عليها ضمان .. وتاكدوا ان الوكيل يضمن السلعه المباعه لان اوقات الوكيل لا يضمن سلعه تباع عند محل معين

نصيحة يا أخوان مكيف 18 وحدة لا أحد يشتريه
حرنا قيظ أعوذ بالله والمكيفات ما هي مثل أول عشان كذا اشتر 24 وحدة لو الغرفة 4*3 ما يهم بالعكس يرتاح الكمبروسر وتبرد الغرفة وأنت الكسبان على المدى الطويل والفرق تراه طفسة مقابل راحتك

انا اول ماتزوجت اشتريت 3 مكيفات الجي فعلا تعبانه

بعدين شوي شوي تخلصت منها

زيد فلوسك شوي واشتري ميتسوبيشي شباك شئ غير طبيعي اتكلم عن الغرف ولو كبيره يبردها 18 وحده

ضمان شاكر جيد,, لكن العيب في نوعية مكيفات ال جي.

وعشان تريح دماغك في المستقبل برضوا , روح للوكيل مباشره واشتري منه مكيفاتك وثلاجاتك وكل شي ودك فيه ...

والي يضحك بالتحديد في ابراهيم شاكر ان الوكاله عنده ارخص من الموزعين !!

شوف اسأل على الإل جي عند المطلق مثلاً , وروح اسأل عنه عند الوكاله وشوف الفرق واضحك !

أكرة الشتاء والصيف

يزودون في سعر البيع 300 إلى 700 ريال

ومادري وش السبب

قبل كنت اشكر في الشتاء والصيف والان اسحب كلامي ..
وياليت الشتاء والصيف يشدد على عمالته تترك شغل النصب
من فترة اسبوعين تقريبا كنت ادور على ثلاجة لقيت ثلاجة بالشتاء والصيف مكتوب على الثلاجة سعرها بـ 2250 ريال
لكن قلت خليني اسال العامل رد ان سعرها 2300 !
يعني نصب عيني عينك .. رفع السعر 50 ريال
عندي زيادة الريال مثل زياده الالف كلها سرقة .. لومكتوب عليها 3000 مش 2250 ادفع قيمتها مهنا مشكله ,لكن سرقة هنا" لا " حتى لو كانت ريال

وش نوع الثلاجة إللي تبين أبدلك على مكان تدعيلي لكن وش النوع أول ؟

المكيفات الجديدة تتساوى لان القطع واحدة
فقط الشكل يختلف لهذا احرصوا على الصيانة الدورية
والمساحات المفتوحة لايصلح فيها السبيليت

حياك قاعد لهم
انا طلعت من الشتاء والصيف وع طول شريت كليفنتور لاني مجربتها في البيت ,ثلاجة عمليه وتعمر . والجديدة كانت للاستراحه وكنت ادور على ماركة تتحمل الكرف خبرك الاستراحة وتأجر يبي لها ثلاجة تتحمل المستاجرين وعيالهم :crying:
لكن برضو علمنا باسم المحل يمكن احد يستفيد منه او انا استفيد منه بالمستقبل
بالانتظار ..

تم نشر الموضوع على صفحة مقاطعه على الفيس بوك

كلام معقول ولكن اعتقد لو يريدون يزيدوا على الاسعار ما كانوا وضعوا السعر على منجاتهم

- غريبة كنت اعتقد إنني كتبت الجزء الثاني من القصة ( مادري يمكن إني حلمت بذلك ) المسامحة منكم

- على العموم صيانة شاكر اتصلوا عليه بعد 3 ايام وخذوا المكيف
وبعد يومين رجعوه مشكورين ( حقيقة كانوا رائعين جدا )
واخذوا عليه 100 ريال فقط ( غيروا قطعة لا اذكرها السموحة ولأن ضمان القطع انتهى )
لكن التوبة من مكيفات lg توووووووووووووووووووووووووووووووووووووووبة
ومثل ماقالوا الإخوان المفروض نستخدم للمكيفات 24 وحدة ومن الماركات الممتازة لأن الصيف عندنا درجة الحراراة مرتفعة جدا ،،،،،،
والله يسهل لكم ولنا أمورنا ويرحمنا جميعا برحمته ،،،،،
وعليكم بالدعاء الدائم في جميع اموركم ،،،،

الله يعين

يعني ويش نصيحتكم لنا للمكيفات ماهو احسن نوع