فرق 33% بالسعر بين محلين بينهم 14 متر سجل يا زمن واشهد يا تاريخ
رحت امس لاشتري طابعة من سوق الكمبيوتر بالعليا وكنت ناوي على طابعة HP من موديل معين سألت عنها في اكسترا ولقيتها بسعر 850 ريال ، قلت اشوف سوق الكمبيوتر يمكن الاقيها ارخص ، رحت لمحل اعرف ان عنده طابعات بكثرة ولقيتها بسعر 950 ريال قلت حرام عليكم موجودة باكسترا بسعر 850 ريال قال رح لهم . تركتهم وقعدت ادور بالسوق لقيتها عند بعض المحلات باسعار كلها حول 850 شف الفرق .
رحت لمحل كبير بنفس السوق ولقيتها بسعر 800 والسعر مطبوع حتى على الكرتون وكاسرته بالسعر واخذتها بسعر 750 ريال . المشكلة هنا ان المحلين بينهم حوالي 14 متر فقط وعلى نفس الشارع . تخيلوا 200 ريال فرق في سلعة سعرها 750 ريال ، ودي اعرف كم واحد اشترى من المحل النصاب بدون ما يعرف خاصة ان موقعه ممتاز والزباين اول ما يطبون عليه ، على سوء اخلاق وخلق الزلمات اللي يشتغلون فيه. محلين جنب بعض وزيادة السعر حوالي 33% . اعرف ان فيه فروقات سعريه لكن ليس لهذه الدرجة وليس لمحلين جنب بعض ؟؟؟؟؟ الوصف: المحل اللي اشتريت منه : وانت نازل جنوب على طريق العليا جاي من الفيصلية مثلا، تدخل يمين في الشارع اللي قبل سوق الكمبيوتر، يصير سوق الكمبيوتر على يسارك ، يكون اول محل بالزاوية يعني على شارعين احدهم هو شارع العليا. المحل النصاب الحرامي الغشاش: هو المحل اللي برضه على اليسار وبرضه على الزاوية الأخرى من السوق وعلى بعد حوالي 14 متر من المحل الأول. اللي يعرف احد من المسئولين بالله يوديه لهم يأدبهم هالمستهترين . |
الله يعبنا
|
خذها قاعدة : إذا بتشتري اي شي وفلوسك تعز عليك مر على كم محل وأسأل لا تاخذ وتمشي
|
اقتباس:
الحكومة تقول سوق مفتوح ومالهم شغل بأحد ! لذلك... وحتى اشعار آخر، أحيلك الى قاعدة أخي واضح أعلاه. أنا لقيت حليب أطفال ببقالة (طازه من تاريخ التصنيع) بــ 42 ريال، ومقابله صيدلية تبيعه بــ 62 ريال !!. الله لايربح كل جشع طماع. |
شكرا على التنبيه
ياليت ي"ابو خالد" تتاكد من نوعية الحبر المركب على الطابعة اذا هو اصلي والا تقليد يفرق في السعر واليوم اهم شىء في الطابعة هو نوع الحبر وفعلا ترى المحل النصاب معروف بالغش في بيع الحبر عندي طابعة خربت بسبب الحبر المقلد اللي اشتريته من نفس المحل |
اقتباس:
وايضا اعمل مقارنه بين المواصفات |
صاير الغش عيني عينك وبوقاحة بيجاوبك إذا لقيت بسعر تاني إشتري داري عنهم صاحب المحل؟؟
|
مشكووووووووووووووورررررررررررررررررررررررررررررررر ر
|
نحن بحاجة لثقافة تسوق
ولنطرح الثقة جانباً وخاصة امام الجشعين في السوق وفي ظل السوق الحرة والعولمه الفاشله |
زين ما سويت وياليت الكل يعمل مثلك
|
قبل كم شهر رحت مجمع الدوسري للكمبيوتر بالخبر لاشتري لابتوب دل dell inspiron 1564 وفي بعض المحلات ونفس المواصفات والألوان ب 2400 حست الدور الاول وأشتريت من الدور الثاني ب 2250
|
اقتباس:
مشكورين اخواني للمشاركة ومعاً لثقافة استهلاكية أعلى |
تم نشر الموضوع على صفحة مقاطعه على الفيس بوك
|
يا مشرفنا العزيز أنا رحت لموقع الفيس بوك (مقاطعة) لكن ماني عارف كيف استفيد منه، يعني كيف اجد المشاركات او المواضيع اللي تنقل من هنا أو تكتب هناك، حيث لا يظهر بالرابط أعلاه سوى صور لبعض أصدقاء الموقع وروابط أخرى ليست ذات علاقة . مع الشكر الجزيل لجهودك .
|
مشكلة , إذا اراد الواحد يشتري
لازم إنه يفر السوق فر , عشان الأسعار لاكن الشرهه ماهي عليهم الشرهه على اللي عطاهم فرصه للتلاعب , والمشكله الأكبر إنك مستحييييييييييييييييييييييل تجد الأصلي , حتى لو قال أصلي ما أصدقه , لأنهم يضحكون على المستهلك ببضائع غير اللي تصدر للدول الأخرى , وعندنا يبيعونها بسعر الأصلي |
اقتباس:
https://www.mqataa.co/vb/uploaded/715_01282936836.jpg بالمختصر @-صفحة مقاطعه على الفيس بوك تعمل على نشر بعض المواضيع المطروحه هنا على الفيس بوك, فاي من اعضاء الفيس بوك يضغط على اي لينك على صفحة مقاطعه يحول مباشرة الى الموضوع في منتدى مقاطعه . @- ولـ كي تتمكن من مشاهده صفحة مقاطعه على الفيس بوك او غيرها من الصفحات ومن المشاركة ايضا بالفيس بوك لابد ان تفتح حساب ( تنشى صفحة ) بموقع الفيس بوك. ارجو ان الصورة اتضحت لك الآن مودتي . |
الله يجزاك كل خير مشرفنا العزيز وجاري التجول في الصفحات والتعريف بها للآخرين .
|
لا بعد اخوي لو مشيت اكثر لقيت ارخص و لو دورت بالانترنت لقيت ارخص حنا ملعوب فينا
|
| الساعة الآن 12:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by