طرق للوقايه من نضام ساهر مجربه ومعتمده
 

اليوم جايبلكم افضل طريقه للحمايه من نضام علي بابا(ساهر)
تدرون ان اكثر من مره طلع فيها مسؤلين من المرور ويبينون طريقه عمل هذا النضام سواء على القنوات او في الجرايد وكل مسؤل ينقل كلام اللي قبله يعني محفضينهم كم كلمه وكان كلامهم كالاتي:
يقوم الرادار برصد السرعه الزائده وتقوم الكاميرا بتصوير السياره من الامام ومن ثم يقوم الاخوان في الكنترول بفرزها وكتابه رقم اللوحه والتاكد من نوع السياره هل يطابق نفس اللوحه وبعدها يرصد له مخالفه وهذا الكلام غير صحيح
الكلام اللي مايبونا ندري عنه هو كلاتي:
اللوحات الجديده يوجد بها شريحتين وحده تغطي كامل اللوحه والثانيه الشريط الممغنط اللي جاي من اعلى اللوحه الى اسفلها لونه فضي وعلى ضؤ هذي الشريحتين يتم رصد سرعتك وتصويرها اتوماتيكي وتسجيل المخالفه اتوماتيك
والطريقه الواجب فعلها هي انك تشرط الشريحه الفضيه اللي ضاهره في اللوحه بموس من اعلاها الى اسفلها يصير خلاص عديمه الفايده
الطريقه الثانيه اعطيها صعقه كهربائيه بسلك الاشتراك اشبكه على البطاريه بعدين اشبكها في اللوحه وعلى طول راح تنحرق الشريحه كذا تصير لوحه سيارتك زي اللوحات القديمه بدون شريحه وبعدها حط طين او تراب على رقم او حرف يصير حتى لو عن طريق التصوير يبون يتاكدون من اللوحه ماراح يطلع معاهم شي لانه فيه رقم ناقص يعني يسرون في حالهم وفيه طريقه جديده ولكن مكلفه بعض الشي وهي
انك تروح الى الكويت وتجمرك سيارتك لجمرك الكويت وتركب عليها لوحات كويتيه وبعدها لايردك الى ابره الزيت
اتمنى اني ماقصرت معاكم ولو بيطلع معايه معلومه جديده ابشروا ياحباني

وانا نظامي مثلك لكن الطريقة حلوه ومن حقنا ان نحافظ على حقوقنا باستخدامها نظرا للاسراف
في توزيع المخالفات والجبايه القسريه
شكراااااااااااااااااا لك ياصاحب الفكرة

والله انا ما اتوقع ان هالكلام صحيح، شريحة ايش هذي؟ النظام يعتمد على نظام تصوير دقيق ونظام قراءة الكتروني لأرقام اللوحة، يعني زي لمن تعمل "سكان" و "او سي ار" يحولك الصورة لكتابة
وبالنسبة لضبط السرعة يتم عن طريق حساب المسافة والوقت، النظام متطور ولا ينخدع بسهولة،

الطريقة الوحيدة تفتح عينيك 200% حتى تتابع لوحات السرعة من دون ما توقع بالحفر هههه

أحسن طريقة
أتبع النظام

أفضل طريقة للهرب من نظام ساهر إتباع النظام ياعمي شعوبنا عم تتأخر بعدم إتباعها للنظام لازم كل قانون عندنا له مخارج كثيرة بدل تشغيل المخ بالتحايل على نظام ساهر ياريت نخترع شي مفيد

طيب واللي يتبع النظام ويقومون يعطوه مخالفة مثلي ويقولوا المخالفة وقعت في الرياض بينما أنا مقيم في جدة ولما رحت أعترض بجدة يقولوا لي روح للرياض مكان المخالفة وإعترض !!!!!!!!!!!!!!!!!!!!!!!!!!!!!!
كيف نصرفها أحسن شي أخالف النظام وأطبق طريقة الأخ لأنهم ما أحترموني ....
قال إيه قال طبق النظام هيا روحوا إنبسطوا بالنظام اللي يستثنى منه كبار القوم .......؟

أفظل شيء النوم!! الحالة اللي ذكرتها اخوي متكررة صحيح، وكثير ناس انظلمو زي ما قلت، ما ادري هي الحكومة تشجعنا على النوم في البيوت؟ لان حتى ونتا نايم يمكن تجيك مخالفة
الله يستر

لاهنتوا ياشباب بس ودي اعلق على ردود البعض ابي اسألك ياللي رديت كم راتبك وين تسكن ايجار ولا ملك كم دخلك الشهري وش امكانيات الحي اللي تسكنه كامل الخدمات ولا عاري من الخدمات لا تقارن بين الناس وتقول النضام والنضام يعني تحسب احد بيعطيك على الكلام اللي جالسين تقولونه هديه انا عندي مبدأ وهو ان لم تكن ذئبا اكلتك الذئاب يعني خلك انت واياه ذيابه ولا تكون مسير خلك صاحب راي مو كل من طلع في التلفزيون وقال كلمتين صدقناه كبر عقلك اصحى والله لو هذا النضام لاجل المواطن كان شفنا اهتمامات في اشياء ثانيه بس لاترد الا وانت واعي وفاهم وتعرف حقك كامل وترا انا مع النضام مو ضده يانضامي انت وياه

احنا شعب مخالف في كل الانظمة ونكره النظام والطابور والانتظار
وساهر موجود لسلامتك
------------------------
ونسبة الحوادث والوفيات في مدينة الرياض أقل من 50% من العام الماضي بسبب ساهر الله يخليه لنا .
وهذا شي طيب ويبشر بخير .

ساهر ساهر ساهر
الله يكفينى شر ساهر وكاميراته

عندما طبق نظام مراقبة الكاميرات في الدول المتقدمة ,كان ذلك بعد عمل شبكة مواصلات متكاملة من باصات وقطارات وطرق منظمة مزودة بشاشات لتعريف مدى التكتل في الشوارع.
مهوب تجي على طول وتنقز لأخر شي عشان ان الهدف واضح فلوس وبس والله المستعان.
انا أحد ضحايا ساهر بسرعة 84 كيلو في شارع الامير سلمان يوم الجمعة العصر.لا والقهر ان الرسالة جتني من بكرة ان مخالفتي لها 29 يوم .....يعني باقي يوم وتدبل

والله اخوي شعار على حق وصواب يعني ماطبقوا النضام الا بعد اصلاح التالف من جميع الاشياء اهم شي النقل العام بس تكفى ياخوي لاعاد تجيب طاري القطار تلوع نفسي يوم اذكر القطار اللي عندنا في مكه والله فشله

حياك خالد

من وين تحصلون على هالمعلومااات !!

مع ان ساهر ماكمل سنه بالسوق

شلون تقارنون ؟!!

ياخي هذا كلام المرور النصاب اللي يدبل المخالفة علي وعليك

حراااااااااااااااااااميه نصابين

وليش عاد التدبيله ليش باي حق بأي شرع باي قانون ؟؟؟؟؟

حسبي الله ونعم الوكيل

اللوحات فيها شريحة ، تساعد في تحديد موقع السيارة . يعني أي سيارة مسروقة ، يقدرون يحددون موقعها ، لكن الظاهر هذي الميزة مستخدمة فقط لأهداف أمنية ، ارهاب . لأن بلاغات سرقة سيارات المواطنين تشغلهم وتلهيهم عن شغلهم ، في النهاية مواطن تعيس مسروقة سيارته،،،، بالشيطان .

بالنسبة لكاميرا ساهر ، ما تحتاج شرايح ، لأن الكاميرا نفسها تقدر تطلع لك درجة لون الروج اللي على شفايف الحرمة اللي في السيارة اذا كانت متحجبة ، والماركة بعد .

بالنسبة لنظام الجباية (ساهر) أنا معه لتخفيف السرعة والحوادث ، لكن ضده لأنه نظام جباية ظالم، يعني لي 30 سنة أسوق ما قد جاني مخالفة الا مرة وحدة قبل 20 سنة (سواقة شايب) لا أسرع و لا أخالف ، والآن من طبقوا هالنظام الجائر ، هلهلت المخالفات علي ، وش يعني هذا الشئ ؟؟

:think: :mad: :think: :mad: :zx: :think: :zx: :mad: :zx:

حتى لو كان النظام يحد من الحوادث لكن طرقة تطبيقه خطأ وكارثة
مخالفات هائلة 500 ريال ونحوه، والادهى والامر التدبيل بعد شهر
بالله وين حصلت هذي؟ دورت الاقي مكان واحد في العالم سوى سواة المرور عندنا ما وجدت
في الامارات لمن جو يطبقون نظام الكاميرات كانت المخالفات معقولة، وثم بعد ما فهمو الناس النظام وابعاده زادو المخالفات او نقصوها حسب دراسات لخطورة المخالفات
في الاردن لما طبقو النظام عملو زي المرور عندنا، وتفاجأو الناس بمخالفات خيالية (لكن بدون تدبيل على فكرة) لكن رجعو المرور الغو المخالفات وعملو نظام جديد ومعقول والرجوع عن الخطأ فضيلة
في البحرين وضعو دراسات احصائية معمقة قبل تطبيق النظام المروري
الا عندنا طلعولنا بالنظام من مخ نايم

:thumbsup:

السلام عليكم
عزيزي هذه الطريقة قد تكون تبعد عنك المخالفة ولكن هل فكرت عند طمس رقم أو تعديله بان هذه المخالفة تذهب الى شخص بريء وليس له ذنب في تحميله مخالفه انت السبب فيها فهل ترضى ذلك على نفسك

http://i53.tinypic.com/2586w07.jpg

بسم الله الرحمن الرحيم

السلام عليكم

أنا مع أي فكرة تعطل أستغلالنا كمواطنين وسلب اموالنا حتى نأخذ حقوقنا كاملة وبعدها نعطيهم مايطلبونه أما أنا مهان بالداخل والخارج ويطالبونني بان أنظبط (( معصي ))

متأكد أخي لاتدف إن هذي سيارة "ساهر"؟؟

الصندوق العجيب إللي على سقف السيارة أشبه ما يكون بنظام تصوير الشوارع حق غوغل إيرث.

صحيح شكلها مختلف شوية لكن الشكل مقارب حبتين:

http://farm4.static.flickr.com/3616/...fca051829a.jpg


و بعدين لو كانت فعلا تبع ساهر .. كيف يقدروا يتحكموا في مسألة حساب فرق السرعة.

للأسف وجود كاميرات ليست للتقليل من الحوادث والدليل هو تواجد هذه الكاميرات,حيث لا نجد الكاميرات في الاماكن التي تكثر فيها الحوادث بل ان كاميرات ساهر فقط توجد في أماكن يبعد عنها التهور والسرعة يعني الكاميرات توضع بأسلوب سري ومفاجئ كاكمين يعني مثلا طلعة بعدها نزلة او طريق خدمة غير مزدحم.
والدليل على ذلك هو أختباء كاميراتهم و سياراتهم مثل الحرامية .
يعني بأختصار يبونك تسهى وتنسى السرعة وتتعدى 80 كيلو وشيل فلوس

للأسف ان الذين معتبرين أن النظام بتطبيقة هنا وبهذا الشكل هو نظام حضاري أنما للأسف هم أناس جهلاء.