لا احد يستجيب لبلاغ رفع الاسعار
 

عند شرائي من مطعم الشوكي ( مطعم اكلات شعبيه , مضعوط ومندي ....الخ) في حي السويدي تفاجئت برفع الاسعار لسعر حبه دجاج مظبي مع الرز من 24 ريال الى 26 ريال . وتناقشت مع الكاشير وقالي انه رفع جميع الاسعار لكل الاكلات , ردت عليه :ما لقيتوا احد يردعكم.

وانا اطلع منه اتصلت على رقم وزارة التجارة ( وفي روايه وزارة التجار) 8001241616 وبصراحه ردوا علي بسرعه , شرح لهم الموضوع . قال الموظف ان المطاعم من اختصاص البلديات .
واقفل السماع واتصل على هاتف الطوارئ امانه مدينه الرياض 940 , وبصراحه ردوا علي بسرعه , وشرحه له الموضوع وقالي ان اختصاص الامانه اذا كان سعر الوجبه الموجوده بالمنيو يتخلف عن سعرهم فقط بالعربي ما نستقبل بلاغ رفع الاسعار وهو من اختصاص وزارة التجارة.
واقفل واتصل على وزارة التجارة واقولهم نفس كلام الامانه . قال لي موظف وزارة التجارة انه يوجد تعميم صريح بأن اختصاص الامانه في مراقبه اسعار المطاعم والحلاقين وقال لي بعد خذ اسم الموظف الامانه ورح اشتك عليه.
وانا اقفل من التجارة واتصل على الامانه وقلت له نفس كلام موظف التجارة رد علي موظف الامانه خذ اسمي ورح اذا تبي تشتكي قلت له يا رجل انا جاي ابلغ ما ودي اضر احد قال لي نفس كلامه الاول وان رفع الاسعار من اختصاص التجارة.

وانا اقفل السماعه واقول من حق التجار يرفعون الاسعار على كيفهم اذا كل جهة ترمي المسؤلية على الاخر

انت الغلطان ليه تتصل وتخسر نفسك كم ريال على الفاتوره

يا رجال ما احد درى عنك

لا تشتكي لأحد

الطاسه ضائعه في كل الدوائر الحكوميه

الشكوى لغير الله مذله

https://www.mqataa.co/vb/images/icons/icon14.gif
وسبق لاخ هنا حاول ان يشتكي محل بيتروا وواجه مثل ماوجهته كل جهة ترمي المسؤولية على الأخرى !

بيتزا إرا - حي الروابي يتحدى وزارة التجارة ‏(https://www.mqataa.co/vb/images/style.../multipage.gif 123 ... الصفحة الأخيرة)

من شان كذا نقولكم من رفع سعره قاطعوه .. التجار يخشى المستهلك لا الجهات المسؤولة بحماية المستهلك

استكمال للموضوع

يا اخوان بعد ما كتبت هذا الموضوع , قلت لنفسي ليش ما اروح للمطعم واشيك على المنيو حقهم (( قمه الاستقعاد )) و اروح للمطعم واطلب المنيو ومن حسن الحظ قال لي ما عدنا منيوا .
وانا اطلع من المطعم واتصل على الامانه 940 واقول لهم القصه وان المطعم ما عنده منيوا . ( ما لكم في الطويله) ويسجل لي بلاغ . وبعد المكالمه بدقيقه تجيني على الجوال برقم البلاغ وهو مسجل في بلدية العريجا.

وسنوافيكم بالتفاصيل غدا , اشيك على المطعم هل دبروا هم منيوا او لا.


المهم انا جالس انسأل نفسي ليش انا مستقعد لهذا المطعم و ما خليتهم إلى بعد ما سجلت عليهم بلاغ , ولا راح اسكت ابشيك عليهم.
وانا اسال نفسي ,ما لقيت اجابه شافيه .
وش تتوقعون السبب الحقيقي إلي يخلي الواحد يطالب بمصلحه عامه

من الغيظ إنه ماأحد سمع شكواك تابع أخي وستجد طريقة توقف جشع المطعم هذا أولا وطريقة لوصول البلاغ نستفاد منها بالمنتدى

شرحك سراا. نفس ماصار لي بالضبط.
عموما مسألة شكاوي صدقني والله ماتنفع ولو ابويمن داري ان فيه من يحاسبه ماتجرأ وفرع الاسعار. عموما زي مانتم شايفين هم اتحدوا ضدنا فهل نتحد نحن ونقاطع؟ والله ياجماعة الخير في مطاعم مازالت تبيع الدجاجه مع الرز بسعر معقول ليش مانروح لهم وندعمهم ونأدب اللي رفعوا واولهم الرومانسيه؟ بجد يعني عندك بيت الشوايه اكل منوع ونظيف وبسعر رخيص وغير كذا يوظف مواطنين وملكيته عائدة لمواطن ليش اروح لواحد ناكر جميل لبلد فتح له ذراعيه ليعيش ويترزق الله ويقابل كل هذا بالجشع والغش؟ ياجماعة الخير لو المسألة واقفه على كم مطعم كان قلنا مش حالك بس المسألة صارت في كل نشاط تجاري يشرف عليه ابويمن. وهو اصلا بقى شي ماسيطروا عليه؟
والله اعرف هندي راعي مشاحم قديم ويقول ندفع 100الف اجار يجي ابويمن يدفع 160 الف ونقدي؟؟؟ المالك طبعا بيقولك تدفع اكثر ولا تطلع وطبيعي انك تطلع.اللي قاهر الهندي يقول هاللي يدفع 160 الف اجار ويدبل اسعار الايجارات عشان يطلعنا من وين بيطلع مكسبه؟ انت فكر وقرر كله من ظهورنا وثق ثقه تامه ان الشغله فيها ان ولا فعلا كيف يدفع كل المبلغ ايجار ويكسب؟ عن نفسي اشك بل اجزم 100% بان ابويمن يتلاعب في الزيوت وغيرها.
اخيرا انا بسال سؤال بسيط وانت ماشي كذا ماتلاحظ مثلا خياط رجالي فاتح في محل بعيد عن الناس؟ ولاماخذ موقع زاويه جدااا خطير وايجاره غالي؟ ماجاء في بالكم هذا كيف يجيب حق الايجار ؟ وكيف يرجع راس المال؟ وكيف ومليون كيف؟ لاحظ ان الخياط ابويمن لاتنسى ولكم التفكير والتقرير

تفكير وتحليل منطقي سليم .. والإيجار يجيبه من ظهور المواطنين المساكين

المقاطعة المقاطعة المقاطعة ... الجااااااااااااادة

يمدحون الاكل في البيوت إنتم شعب اتكاليين عشان كدا العالم تستغلكم ولو الواحد فينا طبق هذي النظرية كان تلاقون اصحاب المطاعم بسرعة يخسرون وممكن يعزلون لكن تستاهلون .
يجب علينا التظاهر سلميا بمنع انفسنا من الشراء منهم والاعتماد على الاكل في بيوتنا ويازين الريجيم مفيد للصحة ...

وش صار عليك ؟؟

يا أخي أيش نعمل أنت تنفخ في قربه مخزوقه
الحياة كلها صعبة اين واين الانسان في هذا الوقت يمشي ويتكلم مع نفسه أريد أكتب بس القهر شال عقلي حسبي عليهم

وليش نروح للمطاعم من البداية
لماذا لا نطبخ في بيوتنا
انظف وابرك وأوفر
وبالنسبة للعزابيه يتعلم يعتمد على نفسه حتى لو خبص في مرة ومرتين وثلاث بالقليل تضمن نظافة طبخك
وتأكد بأن طعمه سيكون افضل وبالممارسة تكسب الخبرة
ويمكن بعد فترة تتوكل على الله وتفتح مطعم وطني وبايدي وطنيه

كلام عين العقل

100%

ارخصوهاااا لهم اتركوهااا لهم

حسبي الله ونعم الوكيل في كل تجار ما يخاف الله
اللهم عجل بزواله في الدنيا...

الآن يوم نرد ونقول اطبخوا ببيوتكم أنظف وأزين،، إلخ

يعني المفروض نستسلم ولا نتكلم ولا نشتكي ولا نطالب بأي شيء...

ترى هذا اللي يبغونه التجار،، انك تستسلم ولا تتكلم ،، ويقنعك بأن تمد رجولك على قد لحافك

وتاكل من البيت،، وهو عارف ان الناس عندها ظروف كثيرة تشغلهم عن الطبخ بالبيت أحيانا

وترى كل العالم تاكل من المطاعم مو بس السعوديين.. بس ما استغلوهم

يا اخوان لا يخدرونكم بهذا الاسلوب الحقييييييييييير...

اشتكوا ووصلوا صوتكم وطالبوا ،،، لاحد يسكت ،،

صدقوني راح يطبقون المثل اللي يقول (( سمحناله دخل بحماره))


تحياتي

تعليق للإتكاليين
عندما تجرح نفسك مثلاً فهل تهرع إلى المستشفى وانت تنزف ؟ أم تحاول إيقاف النزف ثم تذهب إلى المستشفى؟
مبادئ الاسعافات الأوليه هي ما نتعلمه في بداية تعلم كل عمل في حياتنا العمليه .
وهذا ينطبق على باقي تعاملنا في الحياة
ولا عيب في أن نطبخ ونتعلم الطبخ ونأكل مما تصنعه أيدينا بدلا عن ما يخوضه لنا العماله المقرفه المنتشره بالمطاعم على جميع تصنيفاتها والاتكال عليهم في جميع أمورنا بدءاً من دفع عربة المقاضي بالسوبر ماركت إلى الطبخ وغيره .
وبنظره أشمل وأوسع -- متى ما بعدنا عن أكل المطاعم فإن عملهم سيقف وسيرضخون للأمر الواقع بعد أن تبقى
بضاعتهم في رحالهم وسيرفعون الرايه
وبهذا نحن نرفع صوتنا وايدينا معاً ضد المطففين والغشاشين والجشعين ونقضي على الاتكاليه والخمول والكسل
فكن عزيزي ذا همه وفائدة لنفسك ولمن هم مقربين لك ولمجتمعك.