معلومة مهمة عن محلات الكبدة
السلام عليكم ورحمة الله وبركاته هنالك معلومة سرية يخبئها 99.999% من اصحاب المطاعم المتخصصين في تقديم الكبدة كفطور صباحي للزبائن !!!!!!!!!! وهي أن أغلب المطاعم والبوفيات التي تقوم بتحضير الكبدة يقومون بخلطها بالقلوب مستغلين تقارب الشكل بين الكبدة والقلب عندما يتم تقطيعهما وطبخهما . وكما تعلمون بأن القلب في الذبيحة غالباً يتم رميه ولا يؤكل ، لذلك فإن المطاعم يقومون بشراءه بثمن بخس جدا ويتم تقطيعه مع جزء بسيط من الكبدة وتقديم الطبق للزبون على أنه صحن كبدة . وإذا أردت أن تجعل صاحب المطعم يتلعثم ويتغير وجهه ولا يدري ماذا يقول :060: :zx: فقط وجه له هذا السؤال : هل الكبدة لديكم معاها قلوب ؟ أنا اكتشفت أن اغلب مطاعم الكبدة إن لم يكن جميعها الموجودة على شارع الاحساء يقومون بهذا الغش وقد صعقتهم بذلك السؤال . كذلك مطعم العاذرية على طريق الملك عبدالله وجهت هذا السؤال المؤلم لليمني فضاقت به الوسيعة لأنهم أدركوا أن طريقة الغش هذه اخذت تنكشف وهي التي تدر عليهم الربح الوفير . اليماني اللي بمطعم العاذرية اختبص ومعد يدري وش يقول ورد علي باللهجة اليمنية بقول ( أيوه يتقطع معاها قلوب حق الكبدة .... ) قلت له وشلون قلوب حق الكبدة ههههههههه تلخبط المسكين وقام يحوس بالكلام وأخيرا اعترف اعتراف صريح بأنهم يخلطون الكبدة بالقلوب . |
الصراحه المطاعم عندنا يبغى لها بالاضافه الى الرقابه الحكومية مؤسسة اهليه مدنيه متخصصه تقوم ليس بالاشراف فقط بل بوضع المواصفات الدقيقه والمعايير من حجم وكميه ومستوى وتركيبة المواد وكذلك متابعة معايير السلامه والنظافه ومتابعة تنفيذ هذه المعايير مع الجهات الحكومية هذه الجمعيه او المؤسسه المقترحه يمكن تقوم باموال تحصلها البلديه من اصحاب المطاعم ويلتحق بها اطباء وموظفون متخصصون في التغذيه والصحه بشكل عام قالى متى نبقى تحت رحمة اصحاب المطاعم في تحديد مواصفات ما يصل الى بطوننا من غذاء
|
أحسنت BOYCUT
بهذه الطريقة عند حصول المخالفة تستطيع أن تتقدم بالشكوى لأن هنالك مخالفة للمعايير . لكن الأكيد أن هذه الخطوة متقدمة جداً يصعب الوصول اليها ولو بعد عشرات السنين . |
+ الكبدة بالاغلب مجمده ومش طازه
حياك رجل يطير :) |
اقتباس:
كلامك صحيح بس برضو الكبدة وهي مجمدة تبقى كبدة لكن المصيبة في الغش الحاصل وبيع القلوب على انها كبدة وبسعر مرتفع . |
و الناس عندنا قد كده ما تعرف الفرق ..
أقل الدلائل قساوة لحمة القلب (تحسها مجلدة شوية) بعكس الكبده اللي تجي عادة طرية سهلة المضغ. |
اقتباس:
مرحبتين ابو هشام المطاعم يجيدون التزوير ولن تجد أي فرق الا من يدقق ويكون عنده شك سيلاحظ عملية الغش . |
حياك اخوي .. والله الغش في كل شي اصبح واقع نعيشه صباح مساء ولكن بالنسبه للكبده صدق اخوي ابوهشام كبير الفرق مابين الكبده والقلب ويمكن لاي منا ان يكتشفها .. شكري مع مروري . |
مع وافر الشكر لكاتب التنبية
يجب علينا في البداية أن نبدأ بأنفسنا في حسن إختيار المطعم ودائماً وأبداً إختيار مطعاعم أبناء البلد السعوديين والإجتهاد في البحث عنها وتشجيعها للرقي بخدماتها. أما عن المطاعم التي تعمل بها العمالة الوافدة من غير (كفيل) و لا (حسيب أو رقيب) فيجب الإبتعاد عنها وعدم الوثوق بها على الإطلاق. الكل يرغب في الربح السريع والوفير على حساب القيم والأخلاق والأنظمة والقوانين |
ازودكم من الشعر بيت .... اعتقد بعضهم يحط كبدة بقر ......
|
مافيه مثل شغل البيت
يوم الخميس مرلك محل جزاره وخذلك كبدة طازجه :clap_1: وبسم الله والهناء والعافيه ياجماعه خلو الكسل ..؟!:lol: |
أفضل مكان لشراء الكبدة الطازجة مطابخ المندي متى الصباح الباكر - في المسلخ الخاص لبعض المطابخ تجده يضع في الكيس مباشرة - وفي البرادة مباشرة قد تجد عدد كيس أوكيسين فقط وهي ذبيحة لإعداد وجبة الغداء فقط --------------------------------------------------------- وفي رمضان ياكثرة معلمي الكبدة في شوارعنا وأحيائنا وكأننا لم نأكل الكبدة من قبل |
اقتباس:
|
المصيبة الكبرى عندما يقدمون كبدة مستوردة على انها طازه ولا كبدة ذبيحه ماتت قبل الذبح !!!( ميته ) طااامه كبرى !! وين بس البلديات عنهم ؟؟ |
ايضا يخلطون كبدة دجاج معها
|
وش هالطوووووووووام..؟:@
|
اكتسبت معلومه مع أني لا أضع الكبده في فمي لا بالبيت ولاخارجه
|
ان ماتكون الذبيحه قدامك ويطلع معلاق الذبيحه ويسويه مقلقل قدامك والا نصيحه لوجه الله تعالي لاتحط في بطنك الا انظف الاشياء لان اصحاب المطاعم الا من هدى الله مستعدين يبيعون لنا لحوم كلاب وحمير اكرمكم الله وياغافل لك الله اهم شي بس القروووش:crying:
|
صارت معي
واكتشفتها من الكلاوي وانا اموت بالكلاوي :) قلت زين جابها الله وكملت اكل ولما خلصت الا فيه شايب معاه ولده يسئلون المحاسب يقول الشايب هذا حرام وغش قال اليمني مانعرف وتلخبط انا مشيتها له ماقلت شي بس المشكلة انك ماتقدر تركز خخخخخخ ماتدري مره تحس انك تاكل قلوب ومره تحس انك تاكل كبده ومره تحس انك تاكل كلاوي بس من بعد هذيك المره ماصرت اجي المحل والمحل وصفة بحي الروابي اتوقع وانت جاي من خريص يجي مستشفى اليمامة على يسارك بعده اشارة احمد بن حنبل تروح سيده لين يجيك اشارة هو يكون بعد الاشارة على اليمين مطعم يمكن اربع او خمس فتحات قبل الهرم |
تسلم على النصيحه ومعلومة جديده
ولكن أعتقد في فرق كبير بين الكبده والقلب في الشكل والطعم . مهما تكون طازه او مجمده . |
اقتباس:
حياك اخوي شكلي مافهمت الوصف زين .. شارع اليمامه هو شارع الشافعي هل تقصد قبل الهرم ام مقابل الهرم ؟ لان الهرم بشارع الميه ويكون على يدك اليسار وانت متجه شرق |
لااااااااااااااااااااااااااااااااااا
انا توني افكر اكل كبدة :ac7: يله خيره نشوف غيره ......... |
بطلع ادور اقرب بوفيه
|
أفضل كبده بالرياض وبدون منافس فوال الطائف الربوه شارع متعب طازجة 100%
|
اقتباس:
. . . كلام من ذهب جزاك الله خير.. هذا المفروض عمله المشكله الدوله توفر للمستثمر جميع سبل الربح لا ضرايب ولا غيره ومع هذا يتم الغش..!! |
صحيح في ناس عندنا ما تفرق اهم شي يعبي الكرشه ويرتاح بعدها غش يضحكون عليه عادي الوضع عنده نفسي يمر بي هالشي ان شاء الله لاسوي العيد فيهم واخليهم يكرهون اليوم اللي اجيت فيه المحل او المطعم علشان يعرفون ان الله حق ويتركون عنهم الغش والكذب
وحسبي الله ونعم الوكيل |
من غشناء فليس منا
|
وامصيبتاه ذبحنا الغش في كل شيء
الخضار التمر اللبن المراعي الكبده فعلا صرت تدري انه مضحوك عليك .. وسااااااكت والله الي بيتناقر مع فلان وعلان ومع كل محل بيدخله بينجلط ولا بيجيه الضغط والسكر المصيبه اننا احيان نعرف انه تم خداعنا ومع ذلك نعطيهم الثمن كامل مثلا لمن تدخل حلاق تركي بالخصوص ويجلس يقردنك على اساس تنظف بشره وانت انظف منه وبالاخير يقولك 150 وتكاسره ويزعل ويقول جيب 100 والله السعودي في السعوديه مقيم وعلى طاري الكبده من كانت بريالين السندويشه صارت ب4 والمشكله هذا السعر سواء طازج ولا مستورد ولا مع قلوب ! |
والله ياجماعه مافيه مطعم ثقه الافضل لنا اننا ناكل من بيوتنا ابرك لنا وخل هالمطاعم تقفل
|
| الساعة الآن 10:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by