مؤشر اسعار الأضاحي
مؤشر التجارة
http://cpi.mci.gov.sa/cpi/Pages/Publ...tlePrices.aspx --------------------------------------- تحديث الامانه مشكورة تصدر مؤشر للشركات على حسب الوزن وتلزم الشركات الموجوده بالمؤشر على التقيد بالاسعار هنا http://adha.alriyadh.gov.sa/default.aspx |
الاسعار هذي مع انها كبيره الا اننا لن نجدها على ارض الواقع ايام العيد بل سنجد دبل ..
شكري مع مروري عميدتنا . |
النجدي وصل الآن 3000 ريال وأكيد بيزيد مع قرب العيد .
المشكلة بالضحايا ان ما فيه مجال للمقاطعة . :crying: |
الله يرخص الاسعار
|
ما ادري وش فائدة المؤشر اذا كانت الارقام غير صحيحة مثلا - النجدي الكبير في الرياض اليوم الاحد سعره 1250 و امس كان 2100 - في الرس سعر الحاشي الكبير 3400 و سعر المتوسط 6100 - سعر النعيمي البلدي الكبير في مكة 600 و في بقية المدن اكثر من 1000 - الاسعار في القريات بالريال و زين ما صارت بالهللة - الظاهر لكل مدينة طريقة مختلفة لحساب الاسعار- - في وادي الدواسر سعر النعيمي المستورد المتوسط 100 اتصلت على 8001241616 و قال لي الموظف ان ادارة التموين هي المسؤولة عن مؤشر الاسعار و بيبلغهم ونشوف. |
جزاك الله خيرا اختي الكريمه
واسمحيلي بنقل الموضوع الى منتدى اخر لتعم الفائده للجميع |
مستحيل تطبيق هذه الاسعار والتقيد بها
البورصة مختلفة كل يوم سعر عفوا كل واحد يسعر من رأسه |
1 مرفق
أشوف بنك الراجحي مقدم سعر أضحية 410 ريـال لمن لا يستطيع الشراء بالأسعار الحالية ونوى بأن يضحي
عن طريق الانترنت أفضل وأسهل والطريقة بالنت كالتالي : الحوالات ثم جمعيات خيريه ثم تظهر لك الهدي والأضاحي كما هو موضح بالمرفق |
اقتباس:
الحل هو : اقتباس:
|
الله يعطيكم العافية اللي يبي الأجر يضحي عن طريق الراجحي اولا ارخص
ثانيا توصل للمحتاجين اكثر منا والله يعافيكم جميع |
الي اعرفه ان البيع بالسوق قايم على السوم و من مصلحة البايع يرفع السعر عموما البايع ما ينلام طوووول السنة ياكل هالبهايم من جيبة و قبل كذا من قبل يشتريها من يقدم على الراعي يزكي عنها كيف تبونه يراعيكم بالاسعار و هم ما راعوه
يا ناس يا بشر مربين المواشي يخسرون و هذا واقع لان اكل البهايم ارفعو اسعاره اكثر من اكل البشر الله يصلح الحال و يصلحنا قبل الحال يسلمو جمرة |
اقتباس:
و البايع اكيد لازم ياكل هالبهايم من جيبه و يصرف على راس ماله و الا من يبغى ياكلهم، و للعلم الدولة تصرف اعانة للشعير و اذا رفع تجار الشعير اسعارهم المفروض تجار المواشي يشتكون للدولة، و اما الزكاة فهي ركن من اركان الاسلام و لا فيها نقاش. و بعدين كيف يراعي تاجر المواشي الناس و هو اذا نزل سعر الاعلاف ضرب بسعره فوق لأن التكلفة عليه تكون قليلة و اذا ارتفعت باع و صرف اللي عنده بسعر معقول للمستهلكين. و اذا كان مربين المواشي يخسرون ليه ما يطلعون من السوق و يشتغلون في تجارة ثانية يربحون منها، لأنه مهو منطق اذا خسر مربين المواشي بسبب تجار الاعلاف صار المستهلك هو اللي ينلام و المفروض يراعي مربين المواشي، طيب كيف يراعيه؟ يعني اذا نزلت اسعار المواشي يقوم المستهلك يرفعها |
من زمان والذبايح ترتفع تحديدا في عيد الاضحى ,, بحكم انه موسم,,
وبالعاده انها تكون لها صفات معينه لقول النبي صلى الله عليه وسلم "أربع لا تجوز في الضحايا العوراء البين عورها والمريضة البين مرضها والعرجاء البين ضلعها والكبيرة التي لا تنقي " يعني اشوف ان الاسعار جدا مناسبه,, مع اني شريت اضحيتي بـ1200 واشوفها معقوله ,, لاني لقيت اغلى منها بالسوق,, واللي اعرفه ان اللي مايقدر يشتريها ماعليه شي لانها سنه,,ماهي واجب. تقلبي مروري |
انا اتعامل مع مؤسسة مكة الخيرية والأضاحي السنة ب 450 ريال وتكون بأي دولة إسلامية تريدها وأضحي بفلسطين
|
اقتباس:
بعد صلاة العيد تنخفض الاسعار :) اقتباس:
https://www.mqataa.co/vb/uploaded/715_01258638144.jpg |
اقتباس:
اللهم آمين اقتباس:
لو اطمع هذي الاسعار بالوادي لاشتري من عندهم وابيع هنا :crying: ===== استغربت ان المؤشر لم يُسلط على احواش الشركات مثل الوطنية وغيرها ! هناك الاسعار محددة وعلى حسب الوزن ولو سلط على احواش الشركات لعمل لو القليل من المنافسه بينهم |
اقتباس:
اقتباس:
ولكن بعد صلاة العيد ستنخفض الاسعار والله أعلم |
حياك ضاري
اقتباس:
حياك انسان خفايا |
اقتباس:
راعي الحلال غير الشريطي اللي يبع الخرفان راعي الحلال حاله مثل حال المشترين بخست بضاعته من قبل الشريطي مسكين لا لقاها من تغذية مكلفه ولا من سعر بيع مجزي الشريطي ياخذ الخرفان بسعر اقل بكثير من سعرها ويبيعها على المستهلك بسعر غالي هنا ولمصلحة اهل الحلال ولمصلحة المستهلكين نقول اتجهوا للجمعيات الخيرية وخل الخرفان يبحل بها الشريطي ويذوق ماذاقه راعي الحلال من غلاء الشعير .. |
اقتباس:
نعم ترتفع ولكن لم تصل لهذه الاسعار :( خلوهم يعلفونها ... |
اقتباس:
الاغاثة بـ 350 ريال "باكستان , افريقيا " |
ليست المشكلة وجود مؤشر من عدمه
المشكلة ان المؤشر اذا لم يتم تفعيل الرقابة عليه فهو مجرد صورة ليس إلا ! يعني يمكن لأي شخص ان يعرف الأسعار من خلال اتصال هاتفي على قريب له هنا او هناك ! بينما لايمكن ان تطالب احدا من البائعين ان يطبق ما في المؤشر كذلك المؤشر يحسب المعدل بينما الأغنام تختلف من بائع لآخر حسب ما كلفته من مؤنة ( شعير و نقل وغيره ) يعني بصراحة المؤشر ليقال ان عندنا مؤشر ولو كلمت احد البائعين عن المؤشر لسخر منك :) |
اقتباس:
حياك الذويخ |
اقتباس:
اقتباس:
و مثلك عارف ان ربيعنا بالسنوات الاخيرة ما عاد يشبع الحلال اقتباس:
اقتباس:
اقتباس:
عين الرضى عن كل عيب كليلة و عين السخط تبدي المساوئ :think: اقتباس:
اقتباس:
اقتباس:
اقتباس:
لا محد يذبح عمره بدال ما يكون الغلط بين المربي و الشاري يحمل الغلط على المسبب الاول للمشكله و هي وزارة الزراعه كل الشكر |
اقتباس:
كثير من المربين يبيعون حلالهم بانفسهم لاكن مثل ما ذكرت ضيق على المربين من كل جانب و ترى جمره الشريطي ما عاد يربح مثل اول فا غصب عنه ينزل السعر لان السعر اساسا" مرتفع و محد شاري منه سمعت عن شريطي العام الماضي خسر و قعدت الضحايا قدام وجهه بالاخير باعها بسعر التكلفة و هذا من العاطلين الي بغو يتربحون من موسم قال يجرب حظه يعني لامن ضرينا ضرينا حد مننا و علينا حدتهم الحاجه و ديوان الخدمه نسئل الله الفرج جمرة الله ينفع بتس ويوفقتس وين ما قبلتي وجهتس نعجز نشكر جهدتس في هذا المنتدى الرائع دمتي بحفظ الرحمن |
اقتباس:
موضوع الرعي طويل ما بين نقص المراعي و الرعي الجائر، قبل شهرين آخر الصيف كنت في الصمان و الله لقيت فياض كاملة ممسوح سدرها ما فيها ورقة، الغنم ماكله اسفلها و الابل ماكله الباقي، لكن خلاصة الموضوع راعي الحلال مستثمر فيها و هو مسؤول عن توفير علفها. اقتباس:
اعتقد ان السبب ان الشعير يستهلك كميات كبيرة من الماء، و ارجع اقول انا كمستهلك ليه اتحمل ماديا مشكلة توفر او نقص الشعير و الاعلاف. اقتباس:
اسمحي لي يا اختي اصحح، حسب فتوى اللجنة الدائمة للبحوث العلمية و الافتاء ان الحلال المراد به التجارة يدخل في عروض التجارة و عليه زكاتها. اما السائمة اللي ما عليها زكاة فهي تكون للدر و النسل، وهي خارج موضوعنا. الفتوى هنا اقتباس:
اقتباس:
اسمحي لي با اختي اختلف معك من واقع تجربة صار لها سنين، كنت اول اشتري كل فترة ذبيحة للبيت و نصحني واحد من الاخوان يربي غنم بشكل متقطع قبل ما ادور على ذبيحة اشوف سعر الشعير، اذا نزل انتظر و اذا ارتفع اشتري. |
اقتباس:
اهلي مربين صحيح ما يبيعون بس حتى ما سمعت عندهم هالكلام و فيه من ربعنا يبيعون بعد ما ورد على مسامعي مثل هالمقارنه و في كلامي عن تربية الحلال و زراعة الدزت و ربح المربي و المزارع من واقع ملموس و خذ الكلام مني اهلي يزرعون و لانه ما منه فايدة بينه ما يبيعونه وقفو الرشاشات قالو ما تجيب همها لان البذر غالي الرشاش الواحد يبي له بذر بقيمة 35 الف ريال غير الحشرات الي تصيبها هذا بالنسبه للزراعه غير المعدات اما الحلال هم قادرين عليها لانها في مزرعه و لا لوها في البر كان خسرانين عليها اضعاف قيمتها الفعلية و الغالب يربون للمتعه مهو للفايدة هذا الي يرضيهم بالخسارة و تعرف انه عندهم مشكله انه العماله الي ترعى الغنم تطفش و يوظفونهم بعض الشركات الي بعيده عن المدن و الرقابه برواتب اعلى يعني انت يا راعي الحلال بعد جهد و تعب بين الزراعه و غيرها يا تاخذ فيزا او ما تاخذ اذا عطوك و تخسرت و جبت اول ما يمسك راتبه ما عاد تلقاه و ارجع في موال الفيزه و العملية مستمره و الواقع انهم ما يعطون فيز على قد الحاجه يعني الي يحتاج 7 عمال يعطونه 2 و انت دبر عمرك جب من الشارع و اذا لقوة عندك الجوازات بيدفعونك غرامه يعني مقفلينها من كل جهه احسب على العامل الواحد خسارة عشر الاف ريال من يعوضه عنها اذا ما باع المربي من حلاله يرجي من الله العوض ؟؟؟ صدقني مشاكل المزارعين كثييرة و مشاكل اهل الحلال كبيرة و لو ما سمعت مشاكلهم عن قرب ما كان قدرت مشكلتهم و يمكن ما صدقتها لانه كان بتخيلي ان اهل الحلال يكسبون كثير لاكن هالكلام كان قبل ارتفاع اسعار الشعير و الفيز ما ورد عن السائمه ماني مركزه معه النوم غلاب :) دمت في حفظ الرحمن |
حياك يا الخزاما
والله يجبر كل خسران ويعوضه |
الامانه مشكورة تصدر مؤشر
للشركات على حسب الوزن وتلزم الشركات الموجوده بالمؤشر على التقيد بالاسعار هنا http://adha.alriyadh.gov.sa/default.aspx |
مررت اليوم الصباح بجوار سوق الغنم بالكعكية بمكة وشاهدت الكميات الكبيرة من الأغنام وفي الجهة المقابلة عدد كبير من الحجاج الاندونسيين هل سيكون هناك استغلال من قبل بائعي الاغنام لجهل الحجاج للأسعار . |
1 مرفق
|
بعد صلاة العيد بالسوق المؤقت بشارع جابر مع طريق الملك عبدالله ...
النعيمي بـ 1350 ريال الى 1450 ريال |
قيمة الضحية تفوق رواتب بعض السعوديين
سبحان الله جا الوقت الي يعجز به السعودي عن شراء اضحية يارب رجيتك تصلحنا و تصلح حالنا و لا تحوجنا لغيرك |
| الساعة الآن 07:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by