بالبيد عروض التقسيط وشروط تعجيزية
 

قبل حوالي 10 ايام اطلقت شركة بالبيد أحد وكلاء GM في السعودية عروض عبارة عن تصفية لموديلات 2010 وعروض تقسيط على موديلات 2011 بعمولة 3,99% وبالفعل تقدمت اليهم لشراء تاهو 2011 LT سعره كاش 125000 والقسط 2300 ريال لمدة خمس سنوات(60 شهر) وكانت شروطهم:

1. - ورقة تعريف بالراتب ومقدار الراتب والعمل موظف مدني في وزارة الدفاع والطيران.
2. - كشف حساب لـ3 اشهر خسرت عليه 35 ريال من البنك الاهلي طبعاً موظف البنك نصب علي وقال الكشف الذي يطبع عن طريق النت عن طريق الاونلاين لايقبل بالرغم ان الكشف الصادر من فرع البنك غير مختوم.
3. فاتورة هاتف وكهرباء وعقد ايجار اوصورة صك شرعي للمسكن المِلك وكروكي لموقع المسكن.
4. كفيل غارم نفس الشروط اعلاه.

الخلاصة :المعاملة رفضت وطلبت الدخول على مدير الائتمان وكان اجنبي لبناني وقال لي بالحرف الواحد منسوبي وزارة الدفاع غير مرحب فيهم عندنا دور لك واحد مدني في وزارة ثانية قلت له انني موظف مدني ولست عسكري وتعريف الراتب يثبت ذلك وبطاقة العمل كذلك والصورة تبين اني لابس ثوب. وكان رده كيف يمكن لموظف التحصيل بشركة بالبيد أن يدخل اي قاعدة عسكرية جوية او بحرية أو برية اذا ما سددت الاقساط التي عليك.قلت له: يأخذ تصريح من بوابة القاعدة ويدخل. المهم عجزت اقنعه :mad: وقلت له مستعد اسوي استقطاع شهري. رد وقال: ممكن تلغي الاستقطاع بأسهل ما يمكن بالله عليكم ايش رايكم هل يمكن ان يلغي العميل استقطاع بنكي. على العموم انقفلت في وجهي وعساها تكون خيرة من الله. تحياتي اخوكم moyas

الله يهديك بس
اجل المنتدى هذا قايم على ايش؟؟؟:think::think:
تروح لبالبيد مره وحده :crying:
المقاطعه لكل الوكلاء ولا انا غلطان؟
والبدايل موجوده والمعارض موجوده والاستخدام الامريكي موجود

بس الشعب السعودي بشكل عام يبغى شي جاهز من الوكاله ولا يبغى يوجع راسه ويدور
وياليتها تطلع من الوكاله زينه.................................................. ................

يابن الحلال اذا انت تعرف زين في السيارات من اول نظره روح للمزادات
صدقني بتحصل سيارات نظيفه وممشاها قليل وسعرها لابأس فيه وحتى عندهم ضمانات وبالنهايه امريكيه صناعتها تختلف عن صناعة السيارات اللي تتجه لدينا عن طريق الوكلاء الحراميه

مافاتك الا الشر ان شاء الله

والله انك صادق
اجل يرمي فلوسه في سيارات غرقانه في جده؟؟؟؟؟؟:think:

أخي

المشكلة من يدري يعني في الاخير بيجي غيرك وغيري ويشتري

بجد لابد من المقاطعة

بإذن الله انها خيرة لك وانت الربحان ان شاءالله خلهم يولون هم وحديدهم وابعد عن الاقساط قدر المستطاع

الحمدلله الي خارجك من الشر

يانااااااااااااااس والله ياااااااااهي كبيره لبناني يقول لسعودي في ديرته طلبك مرفوض !!

ااااااااه يالقهر

قله يابوجورج ملكنا ماعطاكم 40 مليار دولار الصيف الماضي.. مشي اموري عشان ابومتعب !

ماني مصدق مواطن يبي يقسط سياره واجنبي يرفض والله لو لبناني جاله مشى اموره

لاحول ولا قوة الا بالله

لاجد ايش الطلبات هذي
كفيل غارم نفس الشروط اعلاه.
يعني اجيب واحد من الشارع والا لازم يكون عسكري يعني نصب

قلنا لكم يازين الاستخدام انظف من السعودي جيبه من امريكا وانت اكشف عليه بنفسك اذا تبي تسافر له والا اذا تبي احد يجيبه لك اول شي اسال عن المكتب كيف سمعته في السوق وتوكل الله بعد ما تحط كل المواصفات فيه ولا تعطيهم المبلغ كامل لين تشوف سيارتك قدام عينك يعني سلم واستلم هذا الكلام الصح وخلي الوكلات ترقد هي وسيااااراتهااا قلنا خلوها تصدي ما صدقتوا هالخبر

تلقاها مخلفات سيول جدة بعدين اول مرة اسمع ان بالبيد يقسط