انتبهوا من سيارات اليوكن الجمس( YUKON GMC) هل يعقل بعد 4 سنوات تنفتح المكينة
 

اذا هو عيب مصنعي .. لا اعتقد انك المسؤول عن قطع الغيار .. الشركة هي من يتحمل اصلاحها ..
اعرض مشكلتك على الغش التجاري ربما لديهم الحل

هذا رقمهم 8001241616

او من خلال النموذج هذا


http://www.commerce.gov.sa/mok2/form.asp

الله يعينك

للأسف كل وكاله اسواء من جارتها

هلا أخوي ، الأخطاء المصنعية واردة في كل شيء لأنها صناعة وليست خلق من خلق الله سبحانه وتعالى ولكن المشكله ماهي ردة فعل الشركة هنا تكون المفارقة .

يووووووووووه الحمدلله على سلامتنا


ياخي احنا بعد عندنا جمس 2007 والقير ضرب يوم مشى 61 الف

وتونا جايين من سفر 3000 كلم وفيه ضعف واضح بالكلتشات تهي تهي بس ما قلت للوالد واالاهل عشان ما يشيلون هم



السيارة الحين ماشيه 75 الف يعني بعد 5000 نفتح المكينه









لكن والله العالم انه من الزيت الخايس 30W10 الوصى من الوكالة



لان بيني وبين الوالد حرب على نوع الزيت يقول زيت الوكالة


وقلت له لو بالوكالة خير كان ما ضرب القير بعد ما انتهى الضمان بألف كيلوا بعيب مصنعي


وبعدين يقولون بالكاتلوج لا تحمي واذا ضرب شئ يبالمكينه قالوا لانك ما تحمي
\





بكل امانه الجموس قوية لكن البلا من اللي هنا

لا حول ولا قوة الا بالله

حسبي الله ونعم الوكيل

وين مكافحة الغش التجاري



لا اله الا أنت سبحانك اني كنت من الظالمين

اللهم انك تغفر لنا وتكفر عن سيئاتنا

اللهم اصلي على محمد وعلى اله محمد كما صليت على ابراهيم وعلى اله ابراهيم انك حميد مجيد

حسبي الله ونعم الوكيل فيهم
المشكلة إنهم معترفين إن العيب مصنعي

لي قصه مثلها تقريبا


كان عندي سوناتا موديل 2005 وكانت معاي زي العسل

يوم من الايام القير صار يمشي علي تعشيقه واحده بسسس


طبعا خويكم راح للوكاله وعلي طول الوكاله قالو حنا بنفك القير وبيكلف الفك والتركيب مبلغ 7000 او 12000 ماني متأكد وعلي حسب كلامهم لي انا انهم بيغيرون لي القير كامل

عاد خويكم الي هو انا انهبلت قلت بسحب سيارتي والله ما تجلس عندكم ساعه وحده

الموهم

اني رحت الصناعية القديمه بجنوب الرياض ومريت اكثر من محل

كلهم سوريه طبعا يقولون لي توظيب قير وانا مو مقتنع ابدا لاني رجال محافظ علي السياره ومانب راعي خراب

الموهم انا سحبت عليهم وسبحان الله ربك أراد اني اطب بورشه صاحبها سوداني اول ما شفته قلت الله يستر

والله ياجماعه الخير ان السوداني سألني كم سؤال وفحص السياره بالكمبيوتر حتى الكمبيوتر حقه مختلف عن الي بالسوق صغير مرررررره كنت احسبه أتاري بس طلع كمبيوتر صح

قالي عندك منظم القير يانه خربان او السلك محروق


وقالي لازم افك لك القير عشان اغير لك المنظم


طبعا فك القير وغير لي زيت القير + صوف +فلتر قير ورجع القير كلف علي 1200 ريال

وبعت السياره وهي زي العسل

فلا تروح من اول واحد الين تطيح بواحد تحس انه رجال فاهم ولا نص الي بالورش نصابييييين وكان الله بالعوووووووون


فقط لا تستعجل يمكن تطلع مشكله بسيطه جدا ..

كل شي اختلف الان الوكالات يازينهم اذا جيت تشتري احترام ولباقه ....
اما عند الصيانه اف شينت نفس ودايم مشغولين وزحمه وغلا فاحش..

السلام عليكم
مشكلتك اسهل من مشكلة زوجي الله يرحمه توفى وهو يحاول يفهم ليش سيارة التيما جديدة من الوكاله مشتريها الغير ضرب والماكينه احترقت وتصليحها باشركه يكلف 30000 ألف ريال وازيدكمن الشعر بيت المكيف ضرب وصلحها بره الشركه ب 15000ألف ريال وعزم ما فيها يعني كانت لعنه علينا

السيارات الجديدة لازم تحافظ على زيوتها في الوكالة


للآسف في ناس تحط من الزيوت الردئية + تغير عند البناشر ولا تعاين الزيت والقطع الموجودة

واذا خرب عليهم قاموا اشتكوا ...


انا اتوقع انك ما تداوم ع الصيانة او انتهى 3 سنوات فترة الصيانة فـ السيارة تعتبر خارج ضمان الوكالة

يمكن فيها عيب مصنعي ما طلع الا بعد 3 سنوات لكن مب مشكلتهم صراحة كان فيه تمديد ضمان لـ 5 سنوات وما علمته وهذا كان واجب انك تسويه ...


اتمنى تقبلون وجهة نظري

في الخرابات الجامدة + موديل سيارتك خارج الضمان مثلا بعد 3 او 5 سنوات اذا خرب عليك شيء لا تلجا للوكالة لان الوكالة ما تصلح لك باقل التكاليف

الوكالة ما تعرف الا تبديل للقطع فقط فك وتركيب ..

يعني مشكلة بسيطة يغيرون كامل القطعة + والقطع الموصلة بها