ما الداعي لرفع الأسعار يا ... ( مغاسل الرهدن ) ؟؟؟؟
 

السلام عليكم ورحمة الله وبركاته

أولاً ... مبارك للجميع قدوم شهر رمضان المبارك ... أسأل الله أن يوفقنا جميعاً للصيام والقيام وحسن العبادة ... وأن يهدي تجارنا من ( جشعهم ) برفع الأسعار ...

ثانياً .. أشكركم على هذا الموقع ( التوعوي ) الجميل الذي سينيرنا ( كمستهلكين ) من جشع تجارنا ( هداهم الله ) ...

أتمنى ألا يكون سبق طرح الموضوع من قبل ... وإن كان كذلك فأعتذر للجميع ...

كنت أتعامل وبقوة مع مغاسل الرهدن ( بالرياض ) لأن غسيلهم وخدمتهم جيدة ( ما عدا كي الشمغ ) فكان سيئاً ... لكنهم قبل فترة رفعوا أسعارهم ( هداهم الله ) بدون سبب وجيه ... فأصبح غسيل الثوب بـ 4 ريال بدلاً من 3 ... والشماغ بـ 3 ريال بدلاً من ريالين كسائر المغاسل الأخرى ... وعندما سألت العمال ... قالوا من الإدارة !!!

الغريب أنهم ( وحسب علمي ) الوحيدين الذين رفعوا أسعارهم !!!

طبعاً تركتهم وتوجهت لمغاسل ( الجبر ) التي لا تقل جودة عنهم ... فأسعارهم وخدمتهم ممتازة ...

طبعاً ولحد علمي أنهم لم يرجعوا الأسعار ...

أخوكم ((( مراحب )))

نقاطعهم الى الابد وسيرجعون يغسلون الثوب ب2 ريال

أحسنت أخي الكريم وخاصة عند ذكرك للبديل

ونعم لمقاطعة مغاسل الرهدن وشكراًللجبر والآن لديكم عميل جديد

يمكن سعر الماء زاد وحنا ماندري ههههههههههههه

اتركهم المغاسل كثيرة ووالله لو قاطعناهم يوم يغسلون لنا الثوب ب 2 ريال وغسيل سروال مجاني

تحياتي لك

ونعم والله اخو مراحب ..لقد طبقت ماهو موجود في منتدى اخوانك المواطنين بالمقاطعه والله يكثر امثالك..

وهي ما هي صعبه ياجماعه لاتتردد ولاتتكاسل شاهدت حاجه غاليه ومرتفعه سعرها ابحث عن البديل فففوراا

المشكله اسعار الماء هي هي واسعار الكلوركس هي هي واسعار الصابون هي هي ليه كذااااااااااااااا

أفـشل مغاسل الرهدن / الجبر / في غـسل الأشمغة وكويها ..
الشماغ مايغسل في الغسالة وهم يكرفونه كـرف والنشا يخلي لك الشماغ كرتون
يعني أسلوب غبي من العمالة .. والجليديات من جاكيت وغيرهـ سعر ناري 150 ريال !!
فعلاً .. أسلوب سيء إستغلال جشع كلها مجتمعة فيهم https://mqataa.co/vb/images/icons/icon13.gif

يا ناس انا استغرب من اللي يغسل ثيابه وملابسه الداخلية برا

شماغ ممكن <--- لأني اغسل شماغي برا ويتميلح :D لا بس علشان الشماغ ممكن يقلب لونه

لا من جد والله ... اشتر لك غسالة توشيبا صغيرة أو أي غسالة وذب هدومك فيها وبعدها انطلها على الغسال يكويها !!!

أضمن وارخص

والله لو تشوفون انواع الملابس اللي تغسل مع ثيابك أن تتوب تغسل عنده !!!

أنواع القرف !!!

ملابس هنود وعمال !!! وكلها تخلط مع ملابسك !!!

الا والله اغسل هدومي بغسالتي التوشيبا <--- واحد باز بغسالته :D

اي والله ياماستر كي نغسل هدومنا عند هالمغاسل وانواع القرف تنحط معاها منها سراويل الباكستنيين وغيرهم والي محتلم بسرواله والي له اسبوع ماغير ثوبه والي عرقه متغلغل داخل هدومه واحنا من دلاختنا نغسل عندهم انا اول كنت اغسل عند المغاسل بس الحين لا وألف لاسباب القرف وسبب ثاني ريحة الثياب بعد الغسيل اعوذ بالله منها وسبب ثالث انها تجيك مسوده لأني الاحظ اذا وديتلهم الثياب توها مفصلة تيجي مسودة ناهيك عن ان بعض الهنود والبنقاله في المغاسل يبدلون الشمغ بغيرها واذا انتبهت رجعلك شماغك الأصلي واذا مانتبهت راحت عليك والله صارت معي مع مغاسل الرحمانية فالا والف لا للقرف وهل ترضى اخي الكريم بان يغسل ثوبك مع سروال باكستاني محتلم بسرواله انصحكم انكم تغسلو بالبيت وتودونها كوي بسسسسسسسسسسسسس.

السلام عليكم ورحمة الله وبركاته
يشهد الله أنها ليست دعاية

البديل هي مغاسل لونيكس ولها فروع كثيرة في الرياض عبارة عن مغسلة تسليم واستلام في الغد وملابس وأغراض رجالية ، تتميز بنظام محاسبي متطور يندر فيه فقد الملابس ومحل بارد ونظيف وموظفين محترمين وأنا أغسل لديها منذ حوالي ثلاث سنوات لم أجد منهم أي خطأ

ليست دعوة للغسل عند المغاسل لكن مجبر أخاك

أتقبل الردود والمناقشة الهادفة

بصراحة انا ضد الغسيل في المغاسل.. لكن عموما الرهدن معروف من يومه واسعاره عالية جدا وكملها بزيادة الأسعار بعد

الحقيقه انه ما فيه مثل الغسيل في البيت انظف واضمن...

بس واحد من الشباب يقول غسل في البيت في غسالة مدري وش تطلع ةاكوي الملابس برا !!

70% من السعر اصلاً على الكوي !! لو انت من عائلة كبيرة 7 شباب مثلاً لو تجيب غسالة جديدة و خدامة سريلانكية وظيفتها بس تغسل بيكلفك اكثر من المغاسل اللي برا...

انا ساكن في عمارة وفي نفس العمارة على الشارع مغسلة لا اغسل فيها الا الشماغ اما الثياب اغسلها واكويها في البيت

ليه الغسيل في المغاسل ؟؟؟؟ خليه كوي بس لان اكثر الامراض من هذه المغاسل .

الله يخلي شغل البيت ، نظيف امين و على كيفك .

و ملابسك في المغاسل تنغسل مع ملابس الاخرين اللي مريض و اللي فية جرب
الوسخين اللي ما عمرة اخذ دش و القرف و كلهم ملابسهم تنعصر مع بعض و مويتهم وحدة
و فوق كذا هذة الموية قد مر عليها خمسين قطعة من الملابس و لا تغيرت من كذا غسلة ،

و كذلك التتنشف مع بعض و نتأجها سلبية و لن تظهر على الانسان الا بعد فترة طويلة سواء نفسية او صحية و كذلك مادية ..

قاطعو جميع المغاسل يا اخوان و اولهم الرهدن لسبب رفعها الاسعار ..

و اذا مظطر فقط كوي عند غيرهم ..

مغاسل الردهدن رجعوووو لسعرهم القديم بعد ماشافو الناس ماتجيهم

مع الاحترام

مغاسل الرهدن اسم فقط

ودعاية

لا اكثر

انا شاطره اغسل ملابسي

واكويها بنفسي... ( :

طبعا مغاسل الرهدن صلحوا ذا الحركة العام الفائت .. وعندما أحجم الناس عن الغسيل عندهم رجعوا عن ذا الزيادة خاصة بالثوب والشماغ ..

ويوم شافوا الناس لاهين عنهم بارتفاعات السلع الغذائية وما شابهه قالوا: نعيد الكره على ذا المغفلين ، ولكن ولله الحمد تجدد وعي الناس في مقاطعتهم مما أرغمهم على العودة إلى الأسعار العادية ( طبعا كما قلت في الثوب والشماغ) وماعداه مازالوا يتلاعبون بالأسعار ..

قبل فترة وديت لهم قطعة ملابس وسألتهم عن تكلفة غسيلهم مع الكوي وقال لي : بسبعين ريال
صراحة استغربت .. المهم أخذتها منه ورحت لمغاسل ( الراشد مارتينك) وغسلوها بثلاثين بس ..
لاحظو الفرق مع العلم أن القطعة تغسل بالبخار عن الاثنين .

فالرهدن يتلاعبون بأسعار غسيل القطع من فساتين وبدل وبطانيات ومفارش وغيرها ..

وعشان يوهمون الناس إنهم مثل غيرهم رجعوا سعر غسيل الثوب والشماغ إلى السعر الطبيعي
فعلى الجميع الانتياه لمثل هالحركات الاستغلالية القذرة . :mad:

لالالالالالالالالالالالالالالالالالالالالا يلعبون عليكم

كوي بريال في الرياض في السويدي