نادك ترفع السعر 80%
1 مرفق
السلام عليكم ورحمه الله وبركاته
نادك رفعت سعر جبن الفيتا 80 بالميه مره وحده من غير اي سبب من 6 ريال الي 10 ريال:eek: معلومات عن المنتج الجبن الفيتا تنتج نادك الجبن ألفيتا الأبيض من الحليب الطازج 100% وذلك بأحدث التقنيات العالمية بنظام الترشيح الدقيق للحليب دون تعرض المنتج نهائيا للعوامل الخارجية حيث يتم الإنتاج والتعبئة بطريقة مغلقة تماما. والجبن المنتج يتميز بقيمته الغذائية العالية خاصة محتواه العالي من البروتين والكالسيوم والفوسفور صوره المنتج |
الوعد نجدية
|
كان العشم في نادك
بس نحولها على نجدية |
انقاطع منتجها ..........والشعار دائما
لالالالارتفاع الاسعار |
والله مصيبه عشمنا بنادك كبيييييييييييييييييييييييييييييييييييييييييييييييي يييييييير
بس انا امس شاريه بسته ريال ؟؟!!@ |
متأكد اخوي بوعبدالله؟ لإنها بصراحة حركة غريبة! ومالها اي داعي ومثل ماقالوا البقيّة بنحوّل على نجدية ، اصلا انا عيالي يموتون على عصيراتها يعني زيادة الخير خيرين عصيرات ومنتجات البان ، مع اني ماكنت اعرف انهم يبيعونها! :D فش فاش |
يا شباب تراني قاطعت المراعي وحولت نادك ويا ليت تتأكدون من الاسعار ليش لان بعض البقاالات والبنقال نصابين يرفعون الاسعار من روسهم
ليش طيب لاني شريت قشطه نادك ب 3 ريال ورحت بقاله عاديه واخذت قشطه نادك وقال لي ب 4 ريال قلت ليش انا قبل كم يوم شريتها ب 3 ريال ليش تسرق انت قالي البنقالي كله يسرق قلت اجل خلها عندك اما الجبنه بصراحه ما اتذكر اسمها سابقا اما العصير انا امس شاري عصير الفواكه الا ستوائيه ومثل ما هو 2 ليتر ب 8 ريال بس من بقاله محترمه فيا ليت تشوفون الاسعار مضبوط عشان ندور غيرها اذا فيه نصب لكن بعض المنتجات اسعارها ما نعرفها سابقا اما المراعي ابشركم اني بديت الاحظ ان فيه تكدس فيه بضائعها |
اشكركم لهذا التفاعل الفاااااعل
ثانيا الفاتوره ضاعت والاكنت وريتكم وانا كنت شاريه من احديالاسواق المتوسطه الجحم اما ان نادك رفعت السعر فعلا او السوق المشتري نصاب بس مو معقوله ها الارتفاع علي الارتفاع يكون ريال او نص وانا بنفسي بكره راح اتحقق من الموضوع بالصور وحنا في خدمتكم |
موضوع عن البدائل https://mqataa.co/vb/showthread.php?t=3054
|
مازالت على سعرها السابق يابو عبدالله وتاكد من كذا محل لايكون ملعوب(ن) عليك
ولكن من يحمينا من هالهنود والبنقاليه |
على فكرة نسبة ارتفاع نادك اعلى من نسبة ارتفاع المراعي عموما
|
قارن وحكم
|
البديل موجود ولا بلاشي منها
|
اسعار البان نادك نفس الاسعار ما زاد شي
|
الالبان والعصائر والقشطه نفس السعر اليوم الساعه واحده ليلا يوم الاربعاء صباح الخيمس الاسعار مثل ما هي لنادك
|
انا شاريه بستة ريال !!!!!!!!!!
اصحاب المحلات يستغلون الفرصة انصحك اخوي ترجع للمحل وتتأكد |
يجب ان نطالب الشركات بعرض اسعارها في مواقعها لكي نعرف هل المشكلة من الموزع ام من الشركة
|
اقتباس:
|
نادك الى الآن مالاحظت اي ارتفاع في اسعارها
خلوا حيلكم في المراعي هي اللي رفعت الأسعار |
نادك تستحق المقاطعه مثل المراعي
رفعت سعر الجبن السائل (500 غرام) ب12 ***** |
فلنتق الله يا أحباب ..
خبر غير صحيح يثير البلبلة .. ويعرقل المقاطعة !! ولعل المؤسف هو دمغ العنوان بخمس نجوم !! فكأننا نشجع بهذه الأخبار التشويش على المقاطعة وإعادة توجيهها !! أنا لا أقصد الأخ أبو عبد اله فقد يكون وقع ضحية نصب عامل البقالة !! المقاطعة الآن لمنتجات المراعي .. وحتى لو حصل تضامن مع المنتج من منتجين آخرين فيجب التركيز على هذا المنتج الذي تم تحديده كمثال على الجشع وزيادة الأسعرار غير المبررة .. وأرجو من جميع الأخوان عدم استعجال النتائج أو توسيع دائرة المقاطعة حتى يشمل منتجين آخرين لآن ذلك يضعف من جدوى المقاطعة !! بل يجب أن نجعل المنتجين الآخرين يأخذون العبرة من آثار المقاطعة على المنتج الهدف !! |
حتى عصير نادك منقا كان 6 ريال الان 9 ريال
|
اقتباس:
مالي اي مصلحه من طرح الموضوع الا افاده اخواني في الموقع وتحذيرهم من الارتفاع المهول الغير مبرر في الاسعار وطرحت المنتج والسعر والسعر الجديد لاتستغرب ابدا اذا كان السعر يختلف من منطقه الي منطقه اعطيك مثال الرياض غير سعر مدينه بقيق مثلا وهكذا حسبي الله عليهم اكتشفت ان الاسعار بين المدن غير ثابته وهذا ليس مسؤوليه الشركه الحمقاء بس مسؤوليه وزراه التجاره(المواطن اولا) لارقيب ولاحسيب ولاخوف من الله انا والحمد لله انسان قادر ماليا لكن ها الانسان الذي لايملك وظيفه والعاطل وحتي الموظف لايكفيه في ضل هذا الارتفاع الزمن تغير يا بشر اسئل الله الكريم ان يغفر لي و لكم ذبنوكم في هذا الشهر الفضيل .... |
اقتباس:
|
اقتباس:
|
انا شاريها ب6ونصف امس يعني ماتغير شي
|
| الساعة الآن 01:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by