زيادة السعر في وجبة كودو
 

بوه احد ياكل من كودو الى الحين !
فيه مطاعم كثيرة تعمل الوجبات باسعار منافسه ..

انا ما سألتك من وين اكل , انا وضحت انه رفع السعر

طيب انت اوضحت انه رفع السعر .. وانا قلت فيه مطاعم غيره ..
وش بتبي تكون الردود ؟
نقول استمروا بالشراء منه ؟!
عجيب امرك ؟؟!
وهذه ليست المرة الاولى اللي يرفع بها اسعاره .. ومازالنا نقول من رفع سعره يقاطع والبديل بالانتظار

تبين تقولين ان اي مطعم يزيد في سعره يقاطع , اعتقد انه لو طبق هذا الكلام لما بقي مطعم في الرياض مفتوح , ذكرتي بان هناك مطاعم منافسه له ولم تذكريها ثم تقولي ان البديل في الانتظار !!!!!!

من ردودك يتضح انك ما تعرف وش تبي ..
مرة تقول (انا ما سالتك وين اكل )! ..
والمرة هذي تقول انتِ ماذكرتي البديل !
مرة ضد احد يخبرك عن البديل وانت فقط اللي لك الحق بذكر رفع السعر
ومرة تطلب البديل !


خاص فقط للي يبي بديل عن كود
https://www.mqataa.co/vb/showthread.php?t=15863


بالعموم بمنتدى مقاطعه لا نجبر احد على البديل او المقاطعه
فاللي يقاطع يقاطع واللي يبي يشتري الله يهنيه ويربح المحلات منه

أعصابكم يا جماعة الخير

دعاية حلوه عن البديل , الله يهنيك فيه , ومين قال قال انه لي الحق في ذكر رفع السعر !!!!

الحمد لله اني مسوي رجيم واسمع اغنية انشودة المطر لمحمد عبده هههههههههههههه


تصدقون ارتحت يوم ما صرت اكل الا اكل البيت فقط واقوم ما اشبع وبعدت عن الرز الا الابيض



بس انا ملاحظ اني يوم بعدت عن المطاعم الشهية صارت عادي يعني افطر وانتظر الغداء وانا عادي والعشاء ما اتعشى الا خفيف


بس جلست اسبوع واكلت من مطعم مجبور صرت ابي اكل كل شوي لا يكون يحطون شئ يا شباب يخليك كل شوي تاكل


على العموم والله راحه بالنوم والمشي وبدورة المياه ههههههههههههههه

تعقيبا على كلام الاخ امير المقاطعة

اغلبنا خصوصا العزوبية يوميا ياكل وجبة من المطعم لو حتى سندويش جبن لو تتغير هذي العادة ويصبح الاكل من البيت وتاخذ اكلك معك الا فالضرورات القصوى سترتاح في اشياء كثيرة الوزن ينقص والنفسية تزين وحتى عملية الهضم والاخراج وانتم بكرامه لانه معروف الاكل الطازج هضمه اسهل من البايت وهو الغالب فالمطاعم .

الحين الكباب كل المطاعم خصوصا اللبنانية يكون بايت من يومين وثلاثة ويحطون عليه مواد تحافظ على اللون .وهالكلام سامعه من لبناني في مطعم مقصود فالملز .

ايضا عندكم البيتزا اعرف واحد كان مدير فرع بيتزا هت يقول الفلفل البارد اذا قطع تنتهي صلاحيته بعد ساعات وعندنا يقعد بالايام فالثلاجة .

هذي كلها اسباب لزيادة الوزن وسوء الهضم .


وبخصوص الكودو الان محلات الشورما عندهم كودو اطلق من كودو كودو هههههه وب 6 ريال .<<طبعا كودو البيت افضل كله دجاج وطماط وبصل وفلفل وشوية ملح وزيت .. بالعربي مقلقل دجاج .

كااااااااااااااكككككك

صادته هههههههههههههه + تورط

؟؟؟؟؟؟؟؟!!!!!!!!!!