تكفون افزعولي بحل بسرعة
السلام عليكم ورحمة الله وبركاتة
تعرضت لمماطلة من شركة سوزوكي وظلم من المرور والله اني ابكي بحرقة بسبب هذا الموضوع حسبي الله ونعم الوكيل القصة قبل سنتين كنا لانملك سيارة وراتبي 3000 ومافي طريقة اقدر اجيب سيارة الا بالتاجير منتهي بالتمليك كنت ملتزم جدا بالاقساط وقبل 3 شهور صارلي حادث انقلاب طبعا واحد جاني من ورا وانحط الخطا علي75 الظاهر لان عندي تامين المهم المرور افرج عن الطرف الثاني وقالي ماتطلبة شي التامين يعوضك ولما رحت للشركة اسلم السيارة قالو ادفع 500 حقت التامين ودفعتها قالو ادفع 7212 نسبة الطرف الثاني قلت انا وش دخلني قالو عشان نقفل ملفك ونعوضك وتدينتها ودفعتها ولما راحت للمرور وقال ليش تقولي التامين يعوضك والشركة الحين اطلبتني بالنسبة حقت الطرف الثاني طبعا ماردو علية الا انهم قالو نعمم علية واذا مسكناه نتصل فيك وله الان 3 شهور لا المرور دقوا ولا الشركة ردت واذا رحت للتامين قالو حنا تفاهمنا مع الشركة لان السيارة باسمها اللي هي شركة احمد بامعروف سوزوكي والله من يوم ماصار الحادث وانا ادور بالنت ابغى حل لمشكلتي من جهة الطرف الثاني اللي راح ولا شفناه واشركة اللي كل يوم بكرة ..رحت اشتكي بالشرطة ابغاهم بس يعممون على الرجال لان اشك ان مرور جدة عممو علية قالولي روح لديوان المظالم لكن للاسف لااملك سيارة ولي الان اسبوعين وانا مجهز اوراقي بس مارحت وجهزت شكوى على الشركة لمماطلتها وعلى الطرف الثاني وابغى رايكم وهل ممكن احصل شي من ورا الشكوى لان سياتي تاجير منتهي بالتمليك انا مقهور مدري لية دفعتلهم فلوس الطرف الثاني بلحظة طيبة مني وابغى اوراقي تمشي بالسليم انا ابغاكم تدلونا على حل مع العلم اني ارسلت لصحيفة سبق وللاسف لم اجد رد وارسلت لصحيفة عاجل وايضا لم اجد رد وشكرا لسعة صدركم |
ارجع الشركة اسحب فلوسك اللي دفعتها واعطهم صورة من التعميم على الرجال اللي صدمك والسيارة يصلحونها ويعيدونها لك او يعطونك سيارة بديلة
اذا رفضوا خذ اسم مدير الفرع ورح اشتك عليه في اقرب قسم شرطة لإعادة المبلغ لك او اذهب لإمارة المنطقة واشتك عليهم واتصل على على الرقم 8001241616 حق وزارة التجارة اصلا السيارة عليها تامين شامل يغطيك سواء كنت صادم او مصدوم |
يااخوي كيف ارجع فلوسي من عندهم المشكلة الحادث صار بجدة وانا من سكان المدينة وسلمت السيارة لفرع جدة..وبعدين اذا عممت على واحد يعطونك ورقة؟؟؟؟؟؟؟؟؟:blink::blink:
لان ماعطوني شي وبناخيي بمرور الرياض قلتلة شفلي الرجال معمم علية قال لا مافي تعميم...يعني يكذبون علي مرور جدة وماعممو علية والا اش السالفة انا غشيم بهالامور افيدوني الله يرحم والديكم..والسيارة تااااااااااااااااااالفة انقلبت عليها قلبتين وش السواة تكفون:7q7::7q7:اروح لمين وين اشتكي ضااااااااااااااااااااااع حقي تكفون تكفون كل واحد له خبرة بها الامور يفيدني |
وين الردود
انا استفزعت فيكم..تكفون دلوني على حل |
ياكنج يالغالي اول شئ الله يعوضك خير وهاذي الكلمة يمكن ثالث مرة اقولها في المنتدى هنا خلال الاربع عشرين ساعة الماضية وهذا يدل على كثرة المظالم في هالديرة انصح انك تواصل شكواك ولاتبتئس فالامل بالله كبير ولاشك انك ستجد النور في نهاية النفق المظلم لهذه القضية اعتقد انه آن الاوان لفتح محاكم لمثل هذه القضايا الشخصيه والتي يضيع فيها حق المواطن من عدم تطبيق النظام او الجهل فيه من الكثير من دوائرنا الله يوفقك ياخوي |
اقوول ارفع برقية للنائب الثاني وزير الداخلية وابشر بالخير ... هذولا ما يمشى معهم الا العين الحمراء :mad:
|
أخي الكريم
لو وضعت شكواك بين يدي المخلوقين فستتعب .. ولن تجد إلا النفع القليل لكن .. لو وضعت شكواك بين يدي رب العالمين .. ومن بيده قلوب العباد يصرفها كيف شاء .. فسترى كيف ستسير أمورك على خير لا تفوت على نفسك ركعات تركعها من كل ليلة .. وتدعو الله في سجودك وفي آخر الوتر بخضوع وخشوع .. وتيقن أن الله المهيمن لن يضيعك ... وسيرد عليك ضالتك بإذن الله .. فقط الجأ إليه وحده .. وارفع يديك بـ ( يا من يجيب المضطر إذا دعاه ) و ( يا من رحمته وسعت كل شيء ) و ( يا أرحم الراحمين ) و ( ياذا الجلال والإكرام ) ولا تنسى الإكثار من الاستغفار والتوبة .. فما ابتلي عبدُ بمثل هذه المصيبة إلا بذنب أحدثه وأنت داخل أو خارج .. وأنت طالع أو نازل ... وأنت تمشي أو تقود السيارة .. وأنت جالس أو واقف قل ( أستغفر الله وأتوب إليه ) ولا تمل حتى يأتيك الفرج من الرحيم الرحمن فرج الله همك .. ويسر أمرك .. وكشف عنك كربتك ... وأعانك ووفقك وسدد خطاك |
اخوي اولا الحمد لله على سلامتك
الله يسلمك لاهلك اهم من ام السيارات كلها ثانيا والله ياخوي اتمنى تلاقي احد يفيدك فعلا، لان قضايا المرور والمحاكم تغص البال وتقصر العمر وللاسف ما فيه قانون واضح او طريقة ثابتة للتعامل مع هذه القضايا، كل واحد هو وحظه لكن ما عليك، باذن رب العالمين ما يضيع حق ووراه مطالب |
اخوي الكريم عندي لك حلين لا ثالث لهما
الاول انك تسوي توكيل لأحد يقوم برفع دعوى في امارة جده ويكتي خطاب للأمير خالد الفيصل فهوا لا يرضى بالظلم وله مواقف في وقوفه مع امثالك من الناس البسطاء في معرفتهم وحيلتهم .. والثاني انك تحاول ان تقنع احد صحفيين جريده رسميه يقوم بتبني نشر هذا المقال ضد الشركه بامعروف والتأمين لأنها لمالك واحد التأمين والسيارات خذ معك من المستندات ماتملك واذهب لأحد الصحفيين ليتبنى موضوعك وصدقني لوكنت مضلوم الله سبحانه هوا الي بيكون بعونك ويرزقك على قد نيتك |
سلام عليكم،،،
اريحك من الاخر، اذا السيارة تالفة و ما تتصلح (العقد يلغى) و مالك ولا شي،،،بس حاول تاخذ اللي دفعته للتأمين باي طريقه، اما اذا تتصلح، المفروض ما تدفع اكثر من ال 500 ريال،،، بالنسبه للمرور اذا الطرف الثاني عنده تأمين ما عليهم اي شي، ما يقدروا يحجزوه و ما تقدر تطالبهم يجيبوا فلوسك من غريمك لانك دفعتها عن طيب خاطر (بمزاجك) و الله يعوضك خير |
انقل لك رد بعض الاخوة من منتدى اخر .......اتمنى الله ييسر امورك
ــــــــــــــــــــ ناوي السوكبا من خلال خبرتي المرورية فاذا لا قدر الله أصاب شخص حادث لا يتنازل عن الشخص الثاني لين ما يستلم دراهمه أو يجي أحد يكفله موظف ارامكو أو موظف حكومي غير ذلك الفلوس تطير والمماطلة تستمر ــــــــــــــــــــــــ سعيد العيسى خذ صورة تقرير الحادث ودخلها على مدير المرور في منطقتك اذا ما رد خلال اسبوع صورة من التقرير مع معروض لـ أمارة المنطقة التابع لها وفي نفس الوقت عندك محمد بن نايف يستقبل المواطنين سلام.. سلام ادخل عليه بمعروض مختصر والله ييسر امورك |
جزاكم الله خير..والله اني بضيقة الله اعلم فيها لا وراي ولا قدامي
والطرف الثاني ماعنده تامين لكن المرور قال انت تامين شامل يعوضك وانا مدري وش السالفة قليل خبرة بهالامور..وانا اللي قاهرني الطرف الثاني يماني يعني لو طلع برا الديرة ماعاد اني شايف فلوسي وهي والله دين ولا اقدر اسددها وبعدين الشركة حدتني ادفع النسبة اللي علية لاني رحت لجدة يومين بخلص اوراقي وارجع والشركة عيت تستلم السيارة الا لما ادفع فلوسهم الله لايسامحهم يعني لو انتم مكاني وش بتسون والصحف ارسلت لسبق ولعاجل ولا عندك احد شكلها حتى هي يبيلها واسطة..واليوم ارسلت لصحيفة طيبة الالكترونية عساهم يعطوني وجه |
الله يعوضك خير مالها الا الله ثم صاحب السمو الملكي الامير نايف بن عبدالعزيز او ابنة محمد او صاحب السمو الملكي الامير خالد الفيصل ترى ابوابهم مفتوحه واي واحد منهم راح يرد لك حقك بإذن الله
|
يا اخوان انتبهوا من الفزعات وانت معك تأمين وانا مدري ايش تحملها
شف وانا اخوك الحين انت اللي انقلبت السالفه عليك واكلتها مفترض من البدايه قول للمرور اذا الخطأ علي اكتبه وحقه يوصله اذا على الطرف الثاني اكتبه عشان اضمن حقي وبس معليش يمكن الوقت ماهو مناسب على اللوم بس اعانك الله وانا اخوك ولعله درس لنا جميعاً كفانا الله واياك الحوادث وشرها |
السلام عليكم
اولآ اقول لك سلامات، وبعد، كل الحلول المقدمه من الاخوان جميله وممتازه وتوصل لنتائج باذن الله. ولكن هناك حل آخر (أو أخير) اذا لم تنفع الحلول السابقه، شوف لك مكتب محامات معروف بالنزاهه وعدم الطمع واستأجره بشرط ان يحصّل اتعابه من المدعى عليهم. وبعدها اتفرج كيف الجميع بيتجاوبون :clap_1: |
مشكورين ماقصرتم..يااخوان انا بالمدينة ابغى جهة اروحلها تاخذ حقي او ارسلهم وانا بالبيت..انا من امس ادور سيارة اجار مالقيت عشان كنت ناوي اروح اليوم ديوان المظالم..انا اللي قاهرني هاليماني باخذ حقي منه غصب هو اللي جاني ماجيتة..وفية حاجتين بفهمها:التامين الشامل يغطيني صادم او مصدوم(يعني هو اللي كان مفروض يدفع نسبة الطرف الثاني للشركة)والا اش معنى شامل....تاميني ملاذ
الثانية هل ديوان المظالم بيفيدني والا بس مرمطة عالفاضي..يعني راح يعمم عالرجال بجميع انحا المملكة..تحملوني بس الله يكفيكم شر هالدنيا تحس انك وحيد وانت عندك اهل ومعارف بس لانك بسيط لاوراك ولا قدامك لافلوس ولامنصب ..محد يعطيك وجه |
أخوي بعد قلبي أكلمك من خبره لأني صارت معي مثل هالحاله مرتين :
أولاً : الحمد لله إنك سالم من الإصابات . ثانياً : صارت معي مره ( أزفت ) من حالتك ولكن لو الله ثم ابن عمي في المرور كان ماأخذت حقي , اللي صادمني هو الغلطان ( أنت معي ) المهم إن المرور طلع الرجال بدون كفيل بسبب أقاربه اللي في المرور (البلد ماشيه بالواسطات حبيبي ما معك لا تتعب نفسك) . وقامت الدنيا ولا جلست في المرور لأنهم عرفوا أن ابن عمي وجود في هذا المبنى وبعدين ضابط شعبة الحوادث لما عرف عن ابن عمي قال هذا الرجل يبي يفضحنا اللي هو أنا,حتى أحد الموظفين يقولي إن الضابط جمع :qkk12:أقارب الرجال وقالهم ليش تطلعون الرجال بدون كفاله ومرمطهم مرمطه :bash:هاهاهاه . ثالثاً : لا تشتكي لأحد الشكوى لغير الله مذله . رابعاً : مكتب تأجير سيارات أخذ مني فلوس(800ريال) مع إن الطرف الثاني والطرف الثالث هم الغلطانين كنت أنا بينهم عند الاشاره واحد أمامي (تاكسي)والثاني (دينا) خلفي قلت للمكتب وش دخلني أدفع 800 قال السياره جلست أسبوع في الورشه وقلتلهم أنا ماني غلطان قالوا أنت المستأجر , ولعلمك السياره جديده وعليها تأمين شامل حتى على الركاب والحمد لله أهين فلوسي ولا أهين نفسي , والله ينتقم منهم ( أحذرك من مكاتب الـتـأجـيـر لا تتعامل معهم أبد لو تمشي على رجليك لمدة سنه وتستعمل تاكسي يوديك ويجيبك اسمع نصيحت مجرب .. خامساً : لاتتعب نفسك بالمرور ولا الوكاله ما دام عندك راتب الحمد لله , أنت تردد على هالوظيفه :qy026:( ودورلك:j-8:معقب ممتاز يعرف هالأمور واشرح له الموضوع واتفق معه على فلوس تعقيبه أولاً وضروري لا تطيح في مشكله ثانيه واكتب له توكيل محدد من كتابة العدل , ثم ابن عمك اللي في المرورلازم تتابع معه وتسأله عن الأشياء اللي ماتعرفها ولا تقدم على شيء وأنت ما تعرف فيه (وممكن محامي بعد ينفعك):thumbsup: . سادساً :لاتضيق صدرك بعد قلبي خلك أبرد من البارد :)هذه دنيا وكلنا راح نموت , تغضب لحقك ولا ما تغضب اللي مكتوب لك يبي يصير . سابعاً : خبرني وش يصير معك وأنا أخوك . ثامناً :فيه قصه حصلت معي في أحد دول الاتحاد السوفيتي المنحل لكن طويله وما لك بالطويله وهي جريمة سطوا , والفلوس عادي عندي وسخ دنيا , لكن اللي قاهرني أن الجنات مسلمين ,,,واسلاماه,, أين المسلمين الحقيقيين,,, بس هذا اللي قاهرني . ثامناً : أبشرك اتصل علي محامي السفارة السعودية هناك وبشرني بعد مضي( سنتين) تاسعاً : (شفت محامي السفاره وش سوى:icon18:) ما قلت لك شف لك معقب ولا محامي ممتاز وثقه يضبط لك وضعك . والحمدلله رب العالمين |
أخي الحبيب .. الحمد لله على سلامتك
هل السيارة ايجار أو ايجار بالتمليك ؟ هل عندك صورة العقد ؟ اذا لم يكن لديك صورة اطلبها فمن حقك ذلك ودائما العقد له رقم و تاريخ ويكون مكتوب في التصريح المعطى لك لقيادة السيارة؟ هل وقعت أي ورقة ربما فيها تنازل عن الخصم ؟ اذا انك وقعت على الورقة ... عوضك على الله ... اذا لم توقع تنازل فيمكنك مطالبة المرور الذي اطلق الخصم بدون كفيل برفع برقية الى سمو النائب الثاني وزير الداخلية ويجب انيكون لديك مستندات مثل صورة العقد و صورة من تقرير الحادث حاول ان تقوم بذلك من مدينتك لكي لا تتعب بالسفر رايح جاي و اذكر في برقيتك انك غير قادر على مصاريف السفر لمتابعة قضيتك.. واخيرا وازن بين خسارتك لوقتك و مالك في متابعة قضيتك و المبلغ المطلوب وبالتوفيق . |
الحمدلله على سلامتك
الله يعينك وياخذ بحقك انا لي 7 شهور اثنين صدموا سيارة العائلة وكان مافيها الا السواق طالع يجيب الأهل وقاطعين الإشارة وبحالة غير طبيعية (سكرانين), حالة السيارة (تشليح) قيمها شيخ المعرض بـ 35 و 50 الف على الخصم وعجزت ابيع السيارة لأنه ماجابت الا 20 للأسف (ناقص 15 الف من تقييم شيخ المعارض) لأن شيخ المعارض حط قيمة عالية على السيارة حتى يخفف من المبلغ على الخصم! وش اللي صار لهم توقفوا يوم وكفلهم عسكري وطلعوا من ساعتها ولا أخذت حقي الى ساعتك ولا ادري متى آخذه و خصمي للأسف طالع ولا يحضر للمحكمة واللي يغبن مهوب معترف انه هو اللي يسوق !! حالتي معهم من جد حاله, وشلون سكارى وقاطعين اشارة و صادمين السيارة صدمة اعدمت السيارة ولا لها الا تشليح ونومت السواق 3 اسابيع بالمستشفى والحمدلله انه سالم الآن والحمدلله عيالي ماهم معه وطالعين كانهم ما عملوا شي؟. نظام عجيب غريب والله العظيم هذا اللي حاصل معي! المشكلة ليش يطلع من التوقيف وعليه حق خاص والمصيبه انه هو واللي معه بحالة غير طبيعية وكل واحد يتهم الثاني انه اللي يسوق وبها الحركة طالت السالفة مرور حولوها الاماره حولتها الامارة لهيئة التحقيق حولوها للمحكمة وامس استدعوه المحكمة الجزئية ولا حضر, طبعا هذا كلام الشيخ لاني غير مطلوب للمتابعه او الحضور! طيب يا ابن الحلال وش الحل يقول طلبناهم بعد شهر! وانتظر. اقدر اتصرف من نفسي و اكلم المعارف والزملاء واتلهم تل بالمباحث لكن ابي اشوف وش نهايتها مع هالبشرية وكيف يطلعون وهم بهالحالة و وش يبي يكون الحكم عليهم؟ والمشكلة اني ما نيب عجل على سجنهم لانهم ماهم دافعين وقالوها بالفم المليان يعني يعرفون شيء ما نعرفه! وهذا اللي يخلين انتظر وش النهاية لاني ابرفعها لأكبر جهة اذا كان الحكم سواليف و واسطة. هذي قصتي باختصار عزيزي KING2011 والمشكلة شيخ المعارض قصته قصه بعد لكن ما ابي ادوشك فيها , والله يخلف علينا جميع , الحمدلله ان الأنفس سالمه والا الفلوس تروح وتجي والحق عند الله ما يضيع والعوض من الواحد الأحد عاجلا ام آجلا. |
تعالو اضحكوا وابكوا على حالي
اولا اللي يسال,,انا سيارتي تاجير منتهي بالتمليك ولا وقعت تنازل ولا شي العسكري من راسة طلعة مسوي فاهم وهو من جنبها اما الشي اللي صارلي اليوم وعرفت اننا دجة بدجة رحت لديوان المظالم وقالي روح اشتك بجدة مقدر افيدك (كان جدة دولو وحنا دولة ثانية)حاولت فية قال ابدا مقدر اقبل شكوتك بعدين رحت لوزارة التجارة قال حنا بس نحاسب الغش قلتلة وهذا مو غش قال مانقبل شكوتك بعدين رحت لمؤسسة النقد قالو مانقبل الشكوى لاننا ماندري التامين رد على الشركة والا لا(طيب اسال التامين وشوف) حسبنا الله ونعم الوكيل فيهم كلهم الله حسيبهم والله لايسامحهم بقى عندي اخر حل لكن اليوم تعبت من الفرفرة بشوف يوم ثاني الحل هو اني برسل خطاب لامير المدينة لان هو مخصص رقم للمواطنين واذا رزقني الله سيارة مستقبلا رحت لجدة وهذ اللي عندي عطوني ماعندكم وشكرا لكل واحد رد علي وكل واحد حس بمعاناتي |
هذا عيب اللي ما يقرأ الشروط ولا ياخذ صورة منها, يا اخي منطقيا انت لاتملك السيارة وهي ملك للشركة المؤجرة و هذي الشركة مؤمنة على السيارة و مفوضتك انت بقيادتها لذا انت غير ملزم بدفع اكثر من 500 ريال بغض النظر عن نسبة الخطأ عليك او على الطرف الأخر
لكن السؤال المهم هو هل تم توثيق الحادث في موقع الحادث و هل تنازلت انت عن الطرف الثاني؟ اذا تنازلت عن الطرف الثاني وهو لايحق لك التنازل فأنت ملزم بالفعل بدفع نسبة خطئه اما اذا ماتنازلت فمن حقك ان تسترجع مبلغك الذي دفعته في انت باين عليك طيب من كلامك و لعبوا عليك المرور ولا ادري اذا عندكم في جده شركة نجم تعمل ام لا؟ اتوقع ان المرور لعبوا عليك مع لصالح الطرف الثاني ورفعوا نسبة الخطأ عليك لأنك مؤمن و انت قبلت و هذا لايجوز شرعا الآن انت تحدد خطئك في العملية و تقول لنا باقي التفاصيل لأنك لو قبلت لعبت المرور و تنازلت عن الطرف الثاني انصحك لاتتعب نفسك وخذها من قاصرها و اطلب العوض من الله. واذا لم يتم التنازل فلاتترك القضية و قدم شكوى لأمارة مكة على ادارة المرور وعلى الشركة |
نشر بصفحة مقاطعة على الفيس بوك
|
السلام عليكم
اخر ماحصل معاي رحت اليوم لشركة سوزوكي بشوف نهايتها معهم قالو انت مطلوب 7950 ريال قلت ليش قالو نسبة استخدامك للسيارة ونسبة من الدفعة الاخيرة(اجل ليش تاجير منتهي بالتمليك)حسبنا الله ونعم الوكيل لكن هالمرة والله مايشمون مني ريال واحد وانا لهم باذن الله رحت للمحكمة وكنت كاتب معروض قالو غير معروضك مدري اش يبغون بالضبط وانا اشكركم كلكم وخصوصا انكم نشرتوها على الفيس بوك(انا والله مدري وش سالفتة بس اعرف انه يوصل صوتك للمسؤلين)والا غلطان |
هذا نهاية مخالفة اهل العلم حيث اهل العلم افتوى بحرمة هذا البيع لكن الله يعوضك.
|
اشكرك ياخوي بس انا والله ماكنت ادري عن الحكم
توي عرفت حكمها وقلت خيرة ربي فكني منها والله يعوضني خير وتووووووووووووووووووبة من الاقساط ان بغيت سيارة اخذت قرض وشريت |
أخوي الكريم .. عطني لوحة السيارة اللي صدمتك !! بشوف عليها تعميم أو لا .. وأزودك بمعلومات عن صاحبها .. واذا تبي أمحطه بمخالفات ماعندك مشكلة كـ نوع من التبريد لقلبك .. |
أول شي ..
نظام المرور العالمي اي شخص يتضرر من الحادث من الخلف يكون الخطأ على صاحب السياره اللي صادمه من الخلف. .. أما المماطله عاد وسع صدرك بلد بلا نظام ... والي يدير شركات التأمين مصري وسوري وفلسطيني! !! يعني والله من الهلس |
حسب النظام المعروف للجميع ان التأمين يغطي الحادث مهما كان وعملية دفع 500 ريال للتأمين سرقة يعاقب عليها القانون ومبلغ 7000 ريال لا اعرف باي وجه حق يطالب فيه ان كانت الشركة او المتضرر شركة التأمين تغطي الحادث حسب وثيقة التأمين الموجودة في عقد التأجير لا يحق للشركة التأجير والطرف الثاني مطالبة الشخص الاول هناك شركة تأمين تقوم بدفع واصلاح الاضرار ثانياً: عقد التأجير مشكوك فيه لا نه عقدين في عقد واحد غير واضح ؟ ثالثاً : على الشركة تأجير توكيل المعقب بمراجعة شركة التأمين لصرف التأمين وليس انت يااخي الكريم رابعاً: ملاحظة: لا يستطيع احد مطالبتك باي مبالغ تذكر ومهما كانت عند وجود وثيقة التأمين الشامل وتكون مجددة واسمك في الوثيقة حسب النظام اخي الكريم في حال كانت وثيقة التأمين وقت الحادث مجدده ( ليست منتهية ) واسمك في وثيقة التأمين لست ملزم بدفع اي مبلغ لاي جه مهما كانت هناك شركة التأمين تغطي الحادث هناك غلط قمت به وهو دفع مبلغ 500 ريال وايضاً سبعة الاف ريال ؟ خطا كبير منك |
اقتباس:
اخي رجل الامن نشكر تعاطفك مع صاحب المشكلة ولكن تجاوز النظام والاضرار بالاخرين عن طريق ادوات المرور غير نظامي ( يعاقب عليها النظام ) سوء استخدام السلطة هناك طرق وجهات تاخذ حق صاحب المشكلة اما طريقتك فهي غير نظامية نحن نحاول علاج المشكلة |
| الساعة الآن 03:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by