لماذا تكذبون يا اعضاء وترجون لسلع؟؟؟
بسم الله الرحمن الرحيم
نعم معظمكم يكذب لبلتسويق لسلع مثل ندى وغيرها بالامس جربنا قشطة ندى الخايسة ومنها حرمنا المقاطعة سنعود الى منتجات المراعي والصافي واتركونا من كذبكم وطريقة تسويقكم التي تعتمد على طيبتنا وتصديقنا لكم |
ما نكذب يا "أميرة نجد"
جربي قشطة بينار أو نجدية بينار إنتاج تركيا "ولا أعتقد أن أحدا يرى أن ابقار الدولة العثمانية ومراعيها أقل من أبقارنا ومراعينا بل أفضل بمراحل " !! انا مجرب الثنتين لا يعلى عليها ! بعدين نقطة للجميع وليس لك: الحين الدخان فيه ماربورو - ميريت - دوفي دوف - كارلتون . .الخ وعالم إنتقلت الى دوفي دوف ! هذه قراءة لسلوك يسمى عادة يعني تعود الواحد يدخن كذا وكذا نفس الشيء هنا عادة قشطة المراعي "أي دخان المراعي بس من دون دخان" ! يقدر الواحد يغيرة بدخان ثاني من دون دخان ! وأذا ما عجبك ياخي سوي قشطتك بيدك وشوفي رد أحد الاخوان في أحد المواضيع عن كيفية تحضير القشطة بطريقة سهلة ويقول أطلق من أي قشطة في السوق تاكلين اصابعك وراها وبكذا يكسب الواحد صنعة ويشعر بالرضا جراء تمكنة من اجادة عمل ما ! |
اولا النعمه ماينقال عليها خايسه في حاجه اسمها بشكر تدوم النعم واذا معجبتكم قولوا ماجت على ذوقنا
لايجي وقت نتمنى القمه وما نحصلها والناس اذواق اذا معجبكم يعجب غيركم وحلوه اترك مقاطعه تاسست على مبدىء لتحقيق هدف علشان قشطه وترا المراعى قاعده تستناكم روحوا لها والقلب داعي لكم |
اقتباس:
أنا من يوم قريت اميرة نجد وقريت إنها تبي "الصافي أو المراعي" عرفت ليش ندى خايسة ! حتى نادك الشركة الثالثة ما فكرت تذكرها ! |
اقتباس:
|
اقتباس:
نموذج للموظف النشيط |
أمـيرة نـجد ..
لولا إختـلاف الأذواق لبارت السلع .. عموماً الأخوان نصحوك بأنواع ( بـينار - نـجدية ) أضيفي عـندك قشطـة نادك وهي إنتاج جديد من الشركة .. وإذا أنتي ناوية ترجعين للمراعي أطمنك إن واحد من أكثر مدمني القشطة في رمضان قاطع القشطة لأن الشركة الخايسة غيرت في جودة المنتج .. ويقول إن العلبة إذا فتحتها تقول علبة زبادي أول مرة أشوف قشطة خـفيفة وفيها مويه :eek: ..!!! وانتي قرارك مع نفسك :) |
اقتباس:
هذا طبعكم دائما تتخيلون حاجات ليس لها واقع نظرية المؤامرة لست ممن يجندون ايها المتحذلق انا اكبر من ان اجند وارجع الى مواضيعي لتعرف من انا ساجرب قشطة بينار |
اقتباس:
اخذتها عرض في بنده 4 حبات ب6 ريال تقريبا يعني بالكثير بدون عرض مراح تزيد على 3ريال اذا بتشرين الصافي او المراعي الاولوية يااختي للصافي |
بغيت أنصحك بقشطة تعجبني .. لكن تراجعت .. أخاف تجيني بكرة تقولين لي يا كذابة :D يا اختي الأذواق تختلف .. لذلك أقول ان على كل واحد انه يبحث عن االبديل بنفسه .. لأن السلعة اللي ممكن تعجب غيرك ما تعجبك .. غيرك رشح ندى لأنه يستسيغ طعمها .. لكن مو شرط تستسيغينه أنت :rolleyes: فالله يصلحك أنت تسرعتي واتهمتيهم بالكذب !! ومهما حصل .. المفترض ان قرارك للمقاطعة يكون عن قناعة تامة منك .. وبالتالي تتحملين تبعات هالقرار .. واذا أنت غير قادرة على التحمل .. اتركيها بدون تهديد لأن هذا قرار خاص بك . . |
ياخوان في معرفات تجتهد لصالح
الشركات وسهل كشفهم لاحظوو اللي يتنرفز او يكذب احد الاعضاء نلاحظ اميرة نجد من ردت عليه!!! لماذا ؟هل لانه اصابها في مقتل اعتقد ذلك. يسلمووو رصيص والله اني احب الرصيص لكن الوقت حدنا |
اميرة نجد:
تغيرت وجهة نظرك عن المقاطعه بسبب قشطه,موضوعك فيه ما جعل الاخرين يشكون في نواياك,ولنفترض ان القشطه بنقاطعها نهائيا ما المشكله؟ بما انك من نجد فاسلافك اكلوا الاقط والزبد والسمن والضبان والجرابيع وربما عاشوا افضل منا وبدون قشطه مراعي . الامريكيين هددوا فرنسا بمقاطعة اجبانهم لانهم لم يوافقونهم في شن الحرب على العراق وامريكا اكبر مستورد للجبن الفرنسي,بمعنى ان الامريكيين سيقبلون بالادنى او يحرموا انفسهم نظير موقفهم وليس نظير بطونهم. |
ياعزيزتي
مقص الرقيب على هذا الموضوع كان على وشك ولكن فضلت التراجع احتراما للموقع واعضاءه الطيبيبن اولا / لسنا استغلاليين لطيبة السعوديين ونكره استغفالهم وشوفة عينك ،، الآن كل واحد يعرف فين يحط فلوسه وكيف يوفرها بفضل هذا الموقع بعد الله سبحانه وتعالى ثانيا ياعزيزتي / الناس اذواق ودام ذوقك عاجبك المراعي ،، يختي محد ضربك على يدك وقالك لاتشتريه ،، انت حره ،، وانا حره وهذا حر وكلنا احرار ،، بس العقل يقرر الافضل عزيزتي / احترمي الموقع واعضاءه وبلاش تتهميهم بالكذب ،، والا اسلوبك ترويج للمراعي اوصيكي على قشطة نجديه والسنبله ،، عاد السنبله للكنافه والله خطيره ،، جربي |
اسلوب غير مهذب في الطرح
ليش كل هذا الزعل ......................... معقولة على طعم قشطة انا اشوفة رائع اعتقد ان اميرة نجد رجل وأحد موضفي المراعي اجتهاد شخصي |
يعني بس لمجرد ان قشطة ندى ماعجبتها بتوقف المقاطعة؟؟؟؟؟؟؟؟
ماشاء الله وش هالعزيمة والاصرار؟؟؟؟؟؟ الله لايجيب اكبر بس!!!!!!!!! |
اقول يااميرة نجد كل الكلام وكذابين وزعلانه عشان القشطه ماعجبتك طيب لو بتتزوجين واحد بعدين تكتشفي
انه مو على كلام الناس واهلك وش بتقولين ولا بطنك اهم . صدق ان فيه ناس( مبطونين تفضحهم بطونهم) وانت وحدة منهم |
بهذا الكلام تؤكدين بأنك لستي "أميرة نجد" بل أسيرة كيلو خمسة في ضرما "موقع مزرعة المراعي" حياك الله وبياك يا أميرة لكن الأميرة تهتم بحال الرعية فلا تشتري الغالي وتخرق المقاطعة لأنها لا يعجبها هذا الطعم !! حتى وإن كنت غنية وتستطيعين شراء قشطة المراعي وحليب النيدو فتذكري يا عزيزتي بأت هناك من يفطر ويتغدى ويتعشى على "الرز" السادة من كل شيء حتى الكشنة !! والله العظيم وأنا الآن صائم في رمضان فلقد شكا لي أحدهم مثل هذا الحال !! ماذا يفعلون وقوتهم اليومي " الرز" أفتتح به التجار موجة غلاء الأسعار ؟؟ لأ جلهم نحن أكثرحرصاً على المقاطعة .. وإن كنت صادقة في عدم استساغة طعم القشطة بعد المراعي !! فتذكر الحبيب المصطفى بأنه ما عاب طعام قط !! فإن أعجبه أكل أو تركه !! |
هلا والله بحبايبي شباب وشابات هذا اول موضوع لي في منتدى الخير الله يجزاكم كل خير في البداية انا كنت من اشد المعجبين بقشطة المراعي مع التمر حتى في الاشهر الثانية يعني مو بس شهر رمضان حتى لما ارتفع سعرها كنت اشتريها بس لما قريت عن منتداكم الكريم اتخذت قرار بعدم شرائها مرة اخرى. اولاـ احب اشكر كل القائمين على المنتدى وجزاكم الله الف خير. ثانياـ بالنسبة لما كتبته اميرة بان الاعضا كذابين فان من وجهة نظري انها ماتحتاج لاحد يرد عليها زي ماقال الشاعر: اذا نطق السفيه فلا تجبه فخير من اجابة السكوت والثاني يقول: اذا اتتك مذمتي من ناقص فهي الشهادة لي باني كامل فانا ارى ان اميره ليست مجنده لشركة المراعي لكي تهدم ما بنيتوه ***** لي طلب اخير ممكن تدوني وصفة عمل القشطة في المنزل ودمتم ذخر لا اخونكم واخواتكم |
الحمد لله على العقل وين المبادئ والقيم يعني على طول رسبتي بأول اختبار وين الصبر والتحمل ما قدرتي تصبرين عن قشطة والله انه شي يضحك.
المراعي قاعدة تستخف فيك وترفع الأسعار وتعتبر المواطن السعودي مغفل وساذج وغبي يعني شاري شاري وفعلاً من شاف تصرفك ما يلوم المراعي لو رفعت الأسعار لكن عزاءنا أن هناك رجالاً ونساءً شرفاء ثبتوا على مبادئهم وسيثبتون رغم كل الأصوات الناعقة والتي تحاول ثني المقاطعة. وأنا الحمدلله مقاطع جديد أنضم وعائلتي وأقربائي لأخواني المقاطعين لارغام شركة المراعي وكل من تسول له نفسه مستقبلا بالاستخفاف بنا أو الاستهانة بآدميتنا. |
| الساعة الآن 03:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by