الف مبروووووك لجميع الشعب السعودي الحقوووووو (صور)
 

راحت دراهم العالم في الأسهم والمساهمات العقاريه وقبلها سوا وطبعاً ما تهون البنوك الا شفطت العالم شفط
اما اليوم فيظهر في الرياض محلات جديده لتقسيط الصابون يعني جفره بس بشكل جديد لشفط ما بقي في جيوب المساكين

http://www.up07.com/up6/uploads/e80eefe415.jpg

وعقبال ما يبيعون الرز بالتقسيط

صابووووووووون وبالتقسيط ؟؟؟؟؟؟؟؟؟؟؟؟؟؟؟؟؟

:confused:

سمعت عن محلات تبيع في الحراج بن دايل الي في النسيم تيبع صابون بالاقساط هذا منهم ولا
يكفينا شرهم

صابون بالتقسيط !!!

كيف صابون بالتقسيط فهموني

خلهم يقسطون الي يبون بس عليكم بالدعاء

يعني بدل ما تشتري اسهم عن طريق التورق الحلال بيعون لك صابون عندهم وانت واقف تشتري وتبيع بدون ما تكون ملكت البضاعه يعني ربا صريح الا قليل ونادر واشك فيهم كلهم يكون احد منهم بيعه حلال
هذا غير نسبه الفوائد تقصم ظهر من 11%وفوق
بصراحه منتب ناقص يالمواطن هذولي وحوش

هذا من زمااااااااااااااااااااااااااااااااان بس اللي اعرفهم اشخاص

تشتري صابون بقيمة 5000 وتبيعه بحول القيمة((اقل قليل )) ويحسبون عليك ب8000 ريال

قسط 500 ريال شهريا واذا سددت منتظم يخصمون 500 ريال على مااظن ......

وفيه ب10000 ريال ويحسب بحدود 15000

نسبه الفوائد اكبر من البنوك لن الي بشتري منهم يكون مضطر مايروح لبنك ياخذ منه تورق حلال
اذا يعطيك 10000 ريال ويحسب بحدود 15000نسبتها 50% وين طلع الراجحي ارحم
نسبته اعتقد 4.5%وحتى البنوك اذاسدتها بنتظام ودفعت لهم قسطين اوثلاثه دفعه وحده راح يخصمون عليك
والحلال مافي ابرك منه

المشكله انهم تاركين الدرعا ترعى حتي يقع الفأس في رأس المواطن

هذا الي سمعنا عنه

عفوا انا يمكن ما فهمت ؟

او فهمت بس يمكن ما استوعبت ؟

صابون صابون ماغيره اللي نغسل فيه ايدينا ؟ يبيعونه اقساط ؟

ومين يشتري صابون ب 10 الاف و15 الف ؟

هو ماراح يأخذ الصابون وش يبي فيه
الرجل يروح عند المحل ويشتري من صاحبه الصابون ويبيعه بنفس الوقت بدون ما يكون ملكه ملك فعلى وياخذ الفلوس ويمشي
مثل شراالاسهم والسيارات بالاقساط لكن هو حرام شرعا

مثل ما كان في الماضي بسوق يسمى الحفره او ( الجفره ) !! وطريقه الشراء :

تدخل على احد المحلات( الدكاكين) وتطلب من صاحب المحل سيوله نقديه . فيطلب منك وضع يدك على اكياس رز او سكر او قهوه ,,,الخ وتقول اشتريت منك هذه الاكياس بكذا ريالات وتدفع بالاجل كاش او تقسيط بزياده 15%

وهذا حرام ونوع من انواع الربا

منذووووووووو مبطي بيع الصابون والسكر والرز بالأقساط والفوائد الربويه العاليه.. الله يعين بس..

ههههههههههههههههههههههههه صابون

لا حول ولا قوة الابالله

هههههههههههههه لالالالالا الوضع يطمن ماشالله بالخير
والله شكلها حنا بعد راح يبيعونا بالتقسيط

الله يرحم الحال

حتى الكرامة بالتقسيط

قريبآ محلات لبيع التبن بتقصيد وسمعة من سوداني يقول ان التبن بيشبكونه باليورو (اخويانا ماخلو الاخضر واليابس )

:mad:

ليش؟؟؟ وش وش وش هالخبص؟؟؟؟؟؟؟؟؟؟؟؟؟؟؟؟؟؟؟؟

حسبنا الله ونعم الوكيل