ابشروا يا اخوان المقاطعة آتت اكلها
 

مريت على كم محل تموينات في شمال الرياض والله الثلاجات مكدسة فيها منتوجات المراعي .. لبن ، حليب ، قشطة ، زبادي .. الخ ولما أسأل المحاسب يقول لي محد يشتريها .. اغلب الزباين مايبونها .. شي طيب يا اخوان ان تنجح المقاطعة وهذا دليل اننا نقدر نستغني عن المنتوجات التي ترفع اسعارها .. خل المراعي تتأدب وتعمل الف حساب للمواطن قبل تفكر تتخذ اي خطوة لرفع اسعارها .. وتكون عبره لغيرها .. بس اهم شي استمروا في مقاطعتها ولا تفتروا او تيئسوا فوالله انهم خسرانين وانا اؤكد لكم ذلك والقادم احسن بإذن الله ..

ياخوان المقاطعه ونشرها مو بالطريقه هذه كذب وتدليس

انا شفت اكثر من موضوع عن منتجات المراعي وبقائها في الرفوف وحاطين صور لها

انا رحت اكثر من محل واكثر من سوبرماركت وهايبر ماركت رفوف منتجات المراعي ماتجي الساعه 1 صباحا الا وهي شبه فاضيه

والي مو مصدق يروح بنفسه اي مركز في منتصف الليل ويشوف

خلينا نتحلى بالمصداقيه ونبعد عن التدليس والكذب

صدق احد الاخوان في موضوع سابق لما قال الشعب السعودي ماينفع للمقاطعة بيشتري حتى لو اغلا بألف في المية

انا قلت اللي شفته .. بعدين لا تحبط عزايم اخوانك قل خير او اسكت .. ما يخرب علينا الا مثل كلامك هذا .. وأكل العنب حبه حبه تبي المقاطعة تبين في اسبوع او اسبوعين .. اصبر وان شاء الله بتشوف اللي يسرك بس هاه لعد تكرر كلامك اللي قلته ترى الكلمة لها وقع في نفوس الناس اشد من وقع السهام والسيوف .. وان غدا لناظره لقريب ..

طيب يارايق انت صادق واحنا كذابين

طيب صور اللي تقول عنه واثبت صدق كلامك

انت تقول المقاطعة مو بالطريقة هذي

وكذبت الاخوان اللي نشروا صور واتهمتهم بالكذب والتدليس

طيب ممكن سؤال

كيف تكون المقاطعة من وجهة نظرك؟؟؟؟؟؟؟؟؟؟

ممكن يكون فيه كمية من الناس ماقاطعت ولكن معليش لازم مانياس وندعوا لها ونقنع كل الي نعرفهم ومانعرفهم بها

يعني حملة توعية
وياليت تاخذ المقاطعة مجرى قانوني

يعني ياليت رفع قضايا على اصحاب المنتجات الي رفعت الاسعار

مو صحيح يارايق
في جده كل مامر سوبر ارى متجات المراعي
مكدسة بالرفوف

المقاطعة ان شاء الله ناجحة رغم انف الطابور الخامس

انا شوف عيني بالعثيم منتجات المراعي الخايسه مكدسه بالثلاجه

المراعي

ولا غير


واحس شيء


المقاطعة لمنتجاتها

:rolleyes::rolleyes::rolleyes:

صدقوني اللي يقول المقاطعه مو ناجحه ما عنمده سالفه وزي ما قال الأخ يوم ورى يوم بتصير النتيجة أكبر بإذن الله

الله يهديني ويثبتني بعد الهداية ؛؛؛

اولا : ليس كل الشعب مقاطع أو يعلم بالمقاطعة عدد المسجلين بالموقع 6100 تقريباً و لنفترض ان مليون شخص او حتى 5 مليون يعلمون بالمقاطعة ، لكن ما زال هنالك الملايين لا يعلمون او لا يعملون بها . .

ثانياً : ليش ما تكون احد موظفي المراعي و تبغي تسوي لهم دعاية

ايش رايكم في هذا .. يعني لازم نصور عشان يصدقون اللي نقوله ..
https://www.mqataa.co/vb/uploaded/6026_11190202666.jpg

أتمني من الاخوان مراجعة هذا الموضوع

https://mqataa.co/vb/showthread.php?t=3939

والله يسامح الي غلط علي

فعلا
أنا شفتها جالسة إلى حد الليل
في بعض المحلات في ينبع