محلات الحلاقه
السلام عليكم ورحمة الله اخواني انتبهوا للحلاقين كأن ودهم يرفعون اسعارهم اليوم دخلت عند محل حلاقه اتراك ( وانا ماتعودت احلق عنده لكن للظرورة احكام )) في حي العقيق بالرياض ومتعود اني اشذب الدقن واعدلها بعشرة ريالات عند اي محل حلاقه من الفئة أ وبعد ان انتهى الحلاق التركي من تشذيب الدقن اعطيته عشرة ريالات تفاجأت انه يطلب زياده خمسة ريالات يعني بيكون المجموع خمسة عشر ريال قلتله ليه 15 ريال قالي كل شي زاد سعره شوف الايجارات ارتفعت والمواد الغذائية ارتفعت يعني كل شي ارتفع قلتله انا بحاسبك على الموجود في التسعيره اللي قدامي هذي (( واشرت له على التسعيره المعلقه في المحل )) وبس ومالك الا عشرة ريال ويوم شافني جاد معه ومني معطيه الا عشره سكت واخذها انتبهوا لايطلبون فوق التسعيره وتعطونهم مالهم الا التسعيره وبس تحياتي لكم |
يا حبيبي الاتراك اوسخ شي ما ادري وين نروح نحلق عنده (( فية احد جرب المغاربة ؟؟؟ ))
الي قاهرني ان اداوت الحلاقة كلها ما تكلف شي رخيييصة مررره . |
من حسنات البلدية تسعيرة الحلاقين
وإلا كان علوووووم نعيما يابو الشباب :) |
اكثر الحلاقين هنود والان يطلبون 10 للوجه حسب ما سمعت ...
ياخوان ادوات الحلاقة لاتكلف كثيرا قبل اسبوع اشتريت ماكينة حلاقة راس وماكينة وجه و ماكينة تنعيم وكلها اصلي وماكلفتني 200 ريال حلاقة شعر الراس الياناني غالية وبدلا منها انقليزي ايضا تمام..وب65 ريال وبالنسبة للوجة الياباني الاصلي هيتاشي فيه نوعين نوع بطاريه وانتبه تراه يخلص البطاريات في دقائق يعني لازم جهاز شحن بطاريات حصلته ب25 ريال وهذه رخيصة في حدود 70 ريال ونوع كهربائي بحدود 100 ريال وعليها ..والتنعيم ب90 اصلي هيتاشي ......حجم صغير ... والله انظف واصح واوفر في الوقت والمال لو تحلق لنفسك في بيتك ..... |
ارجوا الانتباه لماكينة الوجه بعضها ماتحصل رقم 1 و2 يا صفر يا من 3 وطالع حتى رقم 15
|
انا شخصياً لا احلق الدقن عند الحلاق لو هو يعطي دراهم بعد.
السبب: شف العدة الي عندة كم واحد حالق فيها قبلك وشف الفوط الي عنده كم مسح فيها وكم غسلها مرة وشف يدة كم دلك فيها مرة وتذكر الامراض الي منتشرة الله يكفينا الشر اقلها الامراض الجلدية واعضمها الايدز ومن مسبباتها الحلاقين. حتى الي ياخذ عدتة معاه ويروح الحلاق اقول له صدقني ان الحلاق اوسخ مكان وانا اعتبره مرتع للجراثيم ولا يغرك الشكل من ديكورات وإضاءات (مع تركي الدخيل) :) وغيرة ولا ابتسامة العامل وسوالفة الي تجيب النوم ترى ذي صحتك. انا شخصياُ الحمد لله احلق الوجة في البيت وافضل من اطلق حلاق لاني ما استعجل (ما وراي زباين) :) اما بالنسبة لشعر الرأس ابشركم زوجتي عندها مركز تجميل نسائي وتعلمت كيف تحلق الشعر وكل اسبوعين او ثلاثة اسلمها راسي بعد ما اوقعها على تعهد. يا جماعة انا اتمنى ان الواحد يجلس شوي عند الحلاق ويركز في الزباين والعدة وطريقة استخدامها من شخص لأخر والفوط وغيرها ... وانا متأكد ان الكثيرين منكم بيغيرون وضعهم |
ههههههههههههههههههههههههههههههه الله يوفقك ويستر عليك يا صرخة مواطن
ضحكتني |
اقول الله هم اني عليكم مغصوب
انا محلق عند ابو هنود وبـ10 واجباري عيد وما عنده زحمه وانا اول شي استغربته حلاق وفاضي وبنسبه للمغاربه ازفت حلاق على وجه الارض حدهم شعر بس ام دقن قم بس قم ام الحلاقه في البيت فكانت لي تجربه وكانت فاشله بكل المعير والبركه في ام العيال مسوي فيها حركه وتحمسة للفكره وضيعة السكسوكه وشاري عده صار ماعندي سالفه وعط الخباز خبزك لو كلا نصفه ودمتم سالمين |
والله كرهتوني بالحلاقين :(
فيه فلبيني معامله لي عشر سنين الظاهر مو فاتح المحل الا علشاني :) خلاص بنحلق ان ماي هاوس:( |
اذا على الدقن
حلقوا بالبيت وماكينة حلاقة اشترها انظف واضمن بالنسبة للشعر الاسعار محددة ولايمكن يرفعوها |
مرحبا اخواني ....... والله العظيم الاتراك اوسخ نااااااس ....بس لان بشرتهم بيضا الناس قالوا نظيفين
لي تجربة شرايكم تسمعونها مني ..... انا لي 4 سنوات احلق بالبيت بعد مامريت على الهنود والاتراك والمغاربة وهي اغبياء في الحلاقة ومر علي حتى افغاني حلاق وهو الي دوخني وبغى يذبحني ....... طبعا كنت احلق سكسوكه وبعدها عوارض .... في البداية انواع اللخبطة والجروح وغيرها بس بعد شهر تمام التمام واتحدى اي حلاق شوفوا الفوائد .... 1/ انظف والطف من يد اي حلاق ..... الحلاق ينقل امراض كثيرة منها .. الكبد الوبائي ... الامراض الجنسية العالقة في ادوات الحلاقة والتي لايمكن ازالتها حتى بالنار لان الفيروسات تقاوم درجات الحرارة العالية لمدة طويلة فما بالك بعدة ثواني ...امراض الجهاز التنفسي ..... امراض البشرة وبكثرة ....... والخطير في الامر ان الشخص المصاب لايعلم بها الا بعد فترة طويلة من الزمن يعني ممكن ينقلها لاي شخص او فرد من افراد عائلته او اقاربه بدون ان يعلم ... عدم نظافة الحلاق وهذا غصبا عنه مهما حرص على النظافة لانه يعمل 12 ساعة في اليوم على الاقل ... يكفي انك تشم ريحة ابااااااااطه ... ههههه الله يقرفهم ..هذا مع العلم ان الحلاق لابد ان يلمس الوجه بيده للتنعيم او التلطيف او او وبالتالي ينقل مايمكن نقله من عفن ... 2/ اوفر في الوقت ....... والله يااخوان توني محلق ... ( علشان الدوام طبعا ) الحلاقة ماتاخذ من 10 دقايق الى ربع ساعة بالكثير افضل من الساعات التي تقضيها تنتظر وبعد ماتنتظر يجيك واحد معفن ينطعك اكثر واكثر . ولنحسبها صح لو فرضنا انك تحلق مرتين في الاسبوع ... وكل حلاقة تاخذ منك نص ساعة وانتظار نص ساعة كمعدل يعني ساعتين في الاسبوع = 8 ساعات في الشهر =96 ساعة في السنة 3/ اكثر اقتصادا .... انا شريت عدة مكائن لكن خذوا احسن وحدة مني ولاتقعوا في نفس المشكلة .... مكينة هيتاشي شحن كهرب سعرها كان 150 ريال قوية جدا ومتينة ورائعة ... مقص بريالين دائم ....... مووس وراس مووس كلها يمكن توصل 10 ريال .... المتجدد فقط الموس ...... اجمع هالارقام توصل 162 ريال تقريبا تكفيك سنوات ...... بينما الحلاقة عند الحلاقين ( 10 ريال قبل رفع السعر ضرب مرتين في الاسبوع كأقل حد لان في ناس يحلقون اكثر من مرتين ) = الحساب 20 ريال في الاسبوع = 80 ريال في الشهر = 960ريال في السنة .. ولكم الحساب واعيد واعيد والله الاتراك اوسخ نااااااااس وشايفين انفسهم بشكل غريب بس يستاهلون احنا الي اعطيناهم وجه وسلمناهم جيوبنا ...... واسف عالاطالة ..... حسبنا الله عليك ياوزير التجارة |
شكرا ياغالي والحمد لله منذ وقت وانا احلق شعر الوجه والراس بعد في البيت
حلقت شعر راس ابناخي وكان عندنا على رقم 2 وسويت تحديد شافه ابو ه قال مودينه الحلاق ههههههههه اقتباس:
هذا من اهم الاسباب مع جانب الصحة التي دعتني الى ذلك ... هيتاشي فيه نوعين نوع على البطاريات ونوع كهرباء اخذت ام بطاريات وخلصت قبل اخلص الحلاقة وهقتني ههههههه غيرت هيتاشي لانه لايوجد رقم 1 و2 بل 3 وطالع الى 15 شريت باناسونيك بحدود 85 ريال ياباني اصلي وشريت معها جهاز شحن بطاريات صغير ب20 ريال ومعه بطاريات قابله للشحن عند انتهائها وجربتها عال العال وبالنسبة لحلاقة شعر الراس اكتشفت حركة يقوم بهاالكثير بل اعتقد كل الحلاقين وهي اخفاء بعض الارقام التي تاتي مع مكينة الحلاقة ويقول حلاقة فيه رقم 4 اعلى رقم يبغى تخفيف عشان يزيد السعر عليك ... شريت حلاقة انقليزية ب60 ريال وحلقت على رقم 2 الموجود معها والله كاني مخفف شعري عند الحلاق فمابالك رقم 3 ؟؟؟؟؟ وطبعا في مكائن حلاقة شعر الراس ما فيه افضل من الياباني عندي حتى براون اصلية المانية لكن مااعجبتني .... جاري البحث عن اليابانية .... بالاضافة لحلاقة تنعيم اصلي بحدود 90 ريال هيتاشي ياباني للتحديد شكرا مجددا اخي الفاضلة |
الذقن والسكسوكة والعوارض والتنعيم من سنين لا احلق الا في البيت
لأن كل الحلاقين من يحط الشفرة على ذقني يطلع حبوب |
| الساعة الآن 05:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by