طريقة مجربة في غيارزيت السيارة
 

ياشباب خذوا هذه الطريقة في غيار زيت السيارة..
انا الان لي حول سبعة أشهر بأشتري الزيت بالكرتون,, فقيمة كرتون زيت السوبر شل ب200 ريال
وفيه أربع وعشرين علبه يعني بتطلع عليك العلبة ب8.33 . وأغلب السيارات تحتاج أربع علب لكل مرة غيار زيت فلو تحسب الفرق بيطلع 5.6 ريال في العلبة يعني 22.6 ريال لكل مرة تغير فيها زيت.
فقبل هذه الطريقة كنت بروح للبنشر وياخذ مني 48 ريال قيمة الزيت وعشرين ريال للفلتر وليته أصلي وخمسة ريال شغل يد بيطلع المجموع 71 ريال.. وبكل وقاحه بيقولي البنشري هات 70ريال نسويلك تخفيض أنت زبون مسوي أنه متجمل الأخ.
وطبعا بحكم أن أغلب الشعب يقدر يشتري السيارة كاش,, لازم تروح الوكالة وتسد القسط الشهري فنصيحة خذ الفلتر من عندهم لأن سعره بيكون بعشرة يال يعني نصف السعر ومتأكد أنه أصلي.
يعلم الله أني أحب الخير لغيري وما ودي أتسبب بقطع رزق أحد لكن هداهم الله مايرضيهم المكسب المعقول.
وعلى فكرة الزيت أنا بشتريه من محطة الزغيبي في المدينة.. وسعر السوبر موبيل ب180 ريال يعني العلبه ب7.5 ريال وبرضه عند البنشر بتحصلها ب14 ريال.
أتمنى للجميع الفائدة ولا أحد يقول عليه جلده ترى اسمي الجود

مشكور اخي / جود

على التجربه المفيده والناحجه في محاربه ارتفاع الاسعار

(((يد بيد معا المقاطعه)))

يعطيك العافية

جزاك الله خير
بلانا منا اغلب البناشر مؤجرة على العماله إللي فيها والمصلحه للبنقالي والأفغاني وووووو
وإذا غاب القط لعب الفأر حسبنا الله ونعم الوكيل فساد إداري وفساد خلقي وقلة أمانة في هذه الوزارة الخايسه وزارة التجارة ومكافحة الغش التجاري والله يمكن يعبون في السيارات علبتين زيت جديد وعلبتين زيت قديم وما أحد يدري شعب ساذج يرمي سيارته في البنشر ويروح خايف الزيت لا يوسخهه.
وهذا غيظ من فيظ وحدث ولا حرج من الزيوت المقلده والقطع وغيرها

شكراً
لكن بعض البناشر الانذال ياخذ عشرة ريال لو تجيب الزيت من برا ،يعني حق علبة و زيادة ..

طيب أنا بسأل الشركات ليه تعين البنشري علينا؟؟؟؟؟؟؟؟؟!!


ليه من محلات قطع الغيار أخذ الزيت بعشرة وعليه إستكر 14ريال؟؟



مين اللي حط الإستكر البنشري وإلا الشركة؟؟؟






حسبي الله عليهم

الفكرة مجربة أخوي الجود وجزاك الله ألف خير ,,, وأنا أؤيدك بقوووة

وبالنسبة لقيمة التغيير فهي (خمسة) ريال ,, ومممكن تغير الزيت بنفسك بالبر بطريقة سهله ,,,,,,
المهم الحين خلونا نشري الزين من محلات الجمله ياشباب ,,,,,, والفلتر كذلك بس انتبهوا من أسعار الوكالات مو كلهم بعشرة بعضهم بسبع وعشرين ريال!!

ابحثوا في محلات قطع الغيار وراح تلقون فلاتر أرخص ,,,

صح لسانك صدقت


انا مجربها كرتون التر سفن 180 فيه 24 علبه

وغيرها من عند البنشر بعشره مع السيفون الاصلي من الوكاله ب15 ريال كورلا


باااي

نعم أحسنت

أنا أضم صوتي لصوتك

عليكم بالكرتون وإلي ما عنده إستطاعه يتقاسم الكرتون مع أخوه ولا زميلة بالعمل

المهم أبحث الأرخص

جزيتم خيرا و اقتراحات اجمل من بعض.... و الله لو يدرون عنك البناشرة يالجود ما يخلوك تمر من طريق سلطانة كله!!!!

بعض المحلات يرفض يغير الزيت
يقول لازم تغير الزيت من عنده

وأنا ما تفرق معاي في السنه اغير الزيت مرتين

انا اشتريته من محل بطاريات وكفرات اسمه باوزير في ام الحمام قبل مسجد الملك خالد على اليسار ب 230 ريال الكرتون يعني الحبة طلعت ب 9 ريال

والله فكرة رائعة ، منها توفير ومنها تربية لأصحاب البناشر والله لو نستمر بهذا الشكل مالنا حاجة لابوزارة التجارة ولا(سرقة المستهلك)

الجود من قال ما انت الجود لا الجود وكل يوم تجود بما هو جود ؟
اكيد فهمت
مشكلتنا نحن السعوديين عندنا ثقه زائده وعندنا اتكاليه بعد زائده وحب للغريب كذلك زائد ولا نحب نساعد الا اللى يضحك علينا ونشك في بعضنا بعض وخصوصاً اذا نصحنا بعضاً البعض ولا ! !!!!!ونعطى اسرارنا العماله السائبه وكذلك ونحن عارفين ومبسوطين
بالنسبه للبنشري بسيطة لكن ما خفي كان اعظم ؟
صريح جدا جدا جدا جدا
تحياتي

بيض الله وجهك يالجود

شباب كلام سليم انا شاري كرتون زيت تويوتا بـ 200ريال والسيفون حق الجيب لاند الحبه تطلع اصلي بـ 11ريال اما مفرق الحبه بــــ 12ريال


تحياتي لكم

يعطيك الف عافيه والله

ذيب................

تسلم

السلام عليكم


يا شباب الللي بي يوفر صح ويريح باله


انا استخدم زيت موبيل 1

الزيت يتغير كل 30 الف كيلو

وسعر العلبة 25 ريال ( ما ادري اذا ارتفعت ولا لأ )

وبصراحة مريحني كثير ولي تقريبا سنة ما فكيت الكبوت



لو با غير ارخص زيت كل 5الاف كيلو وهذا يعني اني اغير 6 مرات تقريبا بيطلع 40 ريال للعلبة اذا حسبنا العلبة بـ 8 ريال

طبعا غير السيفوت اللي ممكن تغيره مرتين تقريبا

شكرا لك

طيب من وين نشتري كرتون الزيت

ووش المحطات اللي نغير فيها الزيت وياخذ 5 ريال فقط

في شرق الرياض

الاخ الاقتصادي وجميع الأخوان

انت تسأل من وين تشتري كرتون الزيت

وانا بقولك انا بشرق الرياض بحي الروضه ........ وقبل اسبوع تقريبا رحت لصناعية النسيم لاصلاح سيارتي وبينما انا عند محلات قطع الغيار ....... جت سيارة موزع للزيوت والفلاتر 2 مصريين والله واسئلهم كم سعر الكرتون اعطوني جميع اسعار الزيوت ولكن نسيتها والله الان نسيتها( حسبتها ذاك اليوم تقريبا يطلع من (7_8 ريال للعلبة ) المهم انه تنحسب عليك بسعر الجملة بنفس السعر اللي يبيعه للمحلات المهم اني طلبت منه كرته وقال مافي مشكله اي وقت اتصل واقابلك واعطيك اللي تبي وهو يوزع بشرق الرياض بما فيها حي الروضه والخليج والنهضه وكرته الان ماهو معي بالسيارة ولكن اذا دخلت هنا المره القادمه بكتبلكم رقمه واللي يبي يدق عليه وبالنسبة للبناشر اللي تغير الزيوت ب 5 ريال انا اعرف محلين وقريبات من بعض بشارع الكهرباء وبالتوفيق للجميع

كنت اغير عند واحد ب5 ريال ورفع السعر ودورت غيره لكن عندي شك كبير ان الكل منهم سيتفق على 10 ريال للتغير وممها تكون ارحم من ان ياخذ عليك 5 ريال في العلبة الواحدة على الاقل .........

>>>>قدامه طريقين اما زيادة الزيت او البحث عن ارخص زيت

الاخ ابو ليالي


اشكر اهتمامك وانا في الانتظار

لا والله كفيت ووفيت ياالاجودي يالجود وابن الجود
طريقة راح الحق استخدمها قبل ما يرفعون سعر الكرتون
لابارك الله فيهم

بارك الله بيك ونفع بجهدك يا الجود

جزاك الله خير على النصيحة

الاقتصادي اسف ع التأخير ولكن هذا رقمه 0502461550 واسمه أشرف ويوزع بشرق الرياض طبعا اللي بيدق عليه اذا اعطاه سعر يحاول ينزل بسعره شوي بطريقته وبالتوفيق

في الشرق يوجد محطة المحسن سابقا امتداد مخرج 16 من الناحية الشرقية يوجد داخل المحطة بيع زيوت بالجملة للمعلومية المحسن تخصص زيوت وغيرها بالرياض والقصيم

كرتون اكسترا سوبر عيار 20 -50 فيه اربع وعشرون علبه بسعر 160 ريال في شارع الريل
الفلتر اشتريه من الوكاله بعشر ريال
اغير الزيت كل عشرة الاف كيلو
السياره جديده موديل هالسنه
قيمة تغيير الزيت والسيفون عشر ريالات .
فارق بين السعرين 20 ريال للزيت فقط ام السيفون فهو 15 ريال اذن الاجمالي هو 35 ريال كانت ستذهب سدى.
والسلام عليكم

بارك الله فيك