دعوة لمقاطعة البيض
السلام عليكم ورحمة الله وبركاته
كيف حالكم جميعاا والله ان المنتدى قمة في الروعه والله يجزاهم عنا الف خير القائمين عليه والله يجعله في ميزان حسناتهم لانه هذا المنتدى فريد من نوعه بحكم انه يمس المواطن مباشره على عكس منتديات الغراميات والخواطر والشعر وماني عارف ايش المهم وانا اقرا في المنتدى خطرت ببالي فكره اننا نقاطع البيض لمدة ست شهور ونشوف له بدائل يعني مثل نشوف شجرة بمبر لمقاربة لزوجته مع لزوجة البيض او نكثر من الجح (البطيخ) لمقاربة في شكل البيض المهم اننا نشوف اي طريقه نخلي البيض غير قابل للبيع الى ان نقنع صناع الثلاجات انهم مايحطون مكان مخصص اللبيض في باب اي ثلاجه ومن فوائد المقاطعه اول شي نخلي البيض الي في السعوديه يفقّش وبكذا يرتفع التعداد السكاني للدجاج واذا ارتفع قطعا راح يرتفع معدل انتاج البيض ثاني شي نعطي الدجاج فرصه يرتاح شوي يجلسون مع الديك يراجعون انفسهم يلاقونها منين ولا منين هالدجاج المساكين لاانبسطو مثل بقيت المخلوقات في المعاشره ولاهم الي استمتعو بعيالهم وعلى هذا الاساس ومن تحت قبة هذا المنتدى المحترم اطالب من كافة اخواننا المواطنين بوضع فتره زمنيه واضحه ومحدده لاعلان هذه المقاطعه وانتظار النتائج مع بقية المشاريع التي تقام في البلد ونسميها مشروع بيضه لكل مواطن وننشر ثقافة البيض في المجتمع ونحط يوم نسميه يوم البيضه نخلي كل مواطن يرجن على بيضه لمدة دقيقه انتظر تصويتكم لدعم الفكره وتوصيلها لوزير التجاره بس ياخوفي يقول ان الهند والصين ارتفع مستو دخل الفرد عندهم وبدو ياكلون بيض |
|
وين المشرفين عن هالمواضيع الرايقه
ليه مايحذفوووووووونها وإلا يكثرون المشرفين صوره لكافة المشرفين صوره لراعي الدجاج |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
|
خلوهاا
ياهلا ومرحباا فعلا كن جميلا ترى الوجود جميلا انت قلت موضوع طريف وغيرك قال وين المشرفين من الحذف مع اننا مابعد صرنا في فترة منتصف الصيام كان قلنا الولد جايع ومعصب شوي اشوا اني ماني ولد جيرانهم كان مادري وش بيصير موقفي تحياتي لك خلوهااا ( سيبوووهااا ) |
مقاطعتهم وحارقتهم
متوقع بنسبة 99,9% انك بتشاركين هنا لانك باختصار من العلامات البارزه في هذ المنتدى يعني اذا صارت انتخابات عندناا بتفوزين من غير صور واعلانات لكن السؤال كم المكافأه لمن يقبض عليك ويسلمك للعثيم او مسئولي هايبر بنده؟؟؟ |
اول مشاركة لي و حبيت ابداها هنا لطرافت الموضوع
طيب بيض النعام عند الوطنيه ممكن يحل الوضع ؟؟؟؟؟ خخخخخخخخخخخ تحياتي لكم |
المهم لاتحط بيضك كله في سلة واحدة.
بس ياترى تقدر تقول كم يوم تحتاج البيضة عشان تفقس؟؟ |
مقاطع من الجبيل
اسعد الله ايامك زين انك قلت موضوع رايق بيني وبينك ملينا من النكد خلنا نروق ونضحك شوي هالشي يضااايقك يااا استاااذ مع ان الشي المعروف ان اهل الشرقيه اهدء ناس على مستوى المملكه فليش انت بالذات معصب |
الاخ مقاطعهم
عرفت اجابة اللغز الاجابه 29 استفهام |
هبوب الشمال
يشرفني ان اول مشاركه لك هي في مقالي هذا وبهذه المناسبه انت معفي من المقاطعه اما بالنسبه لسؤال معاليكم حول بيض النعام فنرى انه يعتبر بيض بالحجم العائلي يعني عن طبق كامل هذا مااحببت قوله في هذه العجاله والله الموفق اخوك من اسفل الباطن حاء سين حاء |
وليه نقاطع البيض ؟؟؟؟؟
|
شكرا على مرورك يابوهشام
على فكره حمد بن سعيدان يسمونه الشيخ ابو هشام يعني ان شاءالله انك بتصير تاجر عقار اما بالنسبه لسؤالك العلمي كم تحتاج البيضه من وقت لتفقس هذا السؤال طال عمرك تطرحه على احد قنوات النيل التعليميه شفت لهم قبل كم شهر برنامج عن البيضه وغرابيله ويعلمونك بعد وش يوكلون الدجاج والله اتصور لو تشوف البرنامج انس تاكل جناح دجاجه في مصر طبعا اتكلم عن نفسي وبرضه اتذكر برنامج في قناة الجزيرة عن الدجاج المجمد بس مافيه مقارنه بين معدات مصر الشقيقه والمصانع الى على مااعتقد في فرنسا مصر كل معداتهم لونها ازرق ومصبوغه باليد ومليانه جنازير سياكل وشحم وفرنسا (ديرت خوالي ) امحق ستيل كل شي يلق وهدومهم كنهم بيروحون لعرس مشخصين والمصري الله يعطيه العافيه كنادر حقت السمنت ذيك البلاستيك الي توصل الى الركبه واحنا الشعب المستهلك افتح هالثم وارجم الواحد اذا قام من النوم وتثاوب تعااال شم الريحه كنك فاتش غطا زباله |
اقتباس:
تصلح ياغالي في جمعية حقوق الحيوان ... مانقدر نقاطع ولكن نقدر نقلل من الاستهلاك |
برضوا ما أعطيتني جواب ..
بعدين ليش قنوات فضائية و كلام ما منه فايده .. أرجع لكتب العلوم حقت ثانية إبتدائي قبل عشرين سنة تلقى الإجابة فيها. |
معالي المشرف هدهد سليمان
اهلا وسهلا بمعاليك اننا لنفخر في هذ اليوم المبااارك بتشريفكم لنا وان دل على شي فانما يدل على التفاف الاعضاء على القياده من اجل المصالح العليا للمنتدى هذا والله اعلم اما بعد بخصوص تساؤل معاليك عن سبب المقاطعه فهي كالتالي اولا : مدري والله ليش قلت كذا بس انا شفت الشباب ماخلو شي الا قالو قاطعوه ومالقيت الا البيض الي مااحد جاب طاريه فقلت ياولد قاطع قبل لايخلصووووه تاسعا :صفار البيض يقولون يجيب السمنه الحادي عشر : وسائل تخزينه مكلفه دائما في باب الثلاجه والمعزبه الله يهديها دايم تحط الصلصله فوقه مع مايونيز هرفي الي يجي في عبوات صغيره اتمنى ان تكون التبريرات مقنعه |
هلا اخوي طير السعد 2006 مديل السنه الي راحت
انا موافق اني اتوظف في الجمعيه الي قلت عنها بس اهم شي دوام مسائي |
| الساعة الآن 05:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by