قاطعوا ( زبادي ) المراعي !!!
دخلت أحد التموينات أمس لشراء ( طبق ) زبادي ( 6 ) حبات
طبعاً كان يباع بـ ( 5 ) ريال ، قال لي الهندي : لا ، المراعي مافيه عرض ، قلت له طيب وش اللي عليه عرض قال لي : زبادي نادك أو نجديه تشتري 6 حبات بـ 5 ريال ،،، رحت رجعت المراعي وأخذت نادك ! |
معروفة أخي العزيز البضاعة اللي ما تمشي أو التعبانة ينزلون عليها عرض
الجيد مو مثل الردي و أنا أخوك و المثل يقول الغالي سعره فيه و الواحد من حقه ينتقد لمن يكون فيه ارتفاع في السعر أما ليه ذي الشركة تنزل عرض و ذيك لا فهذا عايد لكل شركة مادام إن الزبادي بريال خلاص تاخذ واحد نادك بريال تاخذ واحد مراعي بريال طيب وين المشكلة؟ |
حبيبي شكلك فهمت غلط
من زمان كانت كل الشركات تنزل عروض على طبق الزبادي يعني 6 حبات بـ 5 ريال ، المراعي شالت العرض !!! |
احس انه عاادي هذاا السعر ولا باااس بريال واحد
بس نااضر المنتجات الاخري زي جبنه البقرات الثلاث وغيرهاااااا |
زبادي المراعي بالفواكة من 1 الى 1.5 يعني الزيادة 50% ... سرقة في سرقة ..
|
مادام أن علبة الزبادي بريال
فأرى أنها مناسبة خاصة أني لا أشتري في الأسبوع إلا 3 حبات وكان الشي هذا عرض للشركة الحق في الرجوع عنه . |
ع فكرة
مراعي يقولون حنا شركة وطنية بس اقري مقر الصنع بتلقاة بلد اوروبي مثل قشطة او يقولك صنع خصيصا ههههههههههههه صبح صبح يا حماية المستهلك |
نادك أطعم من المراعي ....ماعمري فكرت أشتري منتجات المراعي ماعدا القشطه في رمضان ...ونستغني عنها ...
أصلا المراعي حليبهم فيه ريحة ( خرفان ) ... |
المراعي هم وعلبتهم المصغره من تحت لتقليل الكمية
عندك الصافي وعندك ندى ونجدية و نادك وووو ماهي مشكلة البديل موجود وإذا تبي زبادي صح رح لمزرعة حفر العتش يبيعون عند المحطة |
ترى الزبادي ياجماعه بسيط بس .............الجبنه الشيدر ... وش تقولون فيها
|
تنبيه هام
يجب ملاحظة أن أكثر أنواع الزبادي الذي يكون فيه عرض يكون بكمية أقل فقارن وسوف تلاحظ الفرق يعني المراعي 180 جرام والأنواع الأخرى 150 جرام فقط :mad: 180 في 6 يساوي 1080 جرام 150 في 6 يساوي 900 جرام فقط أي ناقض 180 جرام وهو قيمة الفرق الواحد بالضبط يعني في الحالتين 180 جرام بريال سواء أخذت هذا أو ذاك :mad: أظنكم فهمتم الموضوع جيداً :p شكرا للجميع :confused: |
لكي تكون المقاطعه ناجحه لابد من مقاطعة جميع منتجات الشركه فمثلا المراعي اذا رفعت اسعار العصير نقاطع جميع منتجاتها من عصائر والبان واجبان وكل ما يتصل بها كما حدث في مقاطعة المنتجات الدنماركيه
|
انا من سنين ما اخذ المراعي
ندك وبس واذا ارتفعت ندك بقاطعها لأن البديل موجود كل الود |
بدون عنوان
يـ اخي المراعي والله الا خلها ترفع اسعارها حنا المستهلكين انا اذكر قصه صارت قدامي سعودي داخل سوبر ماركت ومعه طفله ومتاكد انه يبي يشتري اشياء عاديه بس وش صار دخل وطلع بعربيتين قيمتها فوق 1000 ريال بس اجنبي داخل هو والعايله كلها >>>>> يعتبرون الخرجه لسوبر ماركت تمشيه المهم ماياخذ شي الا بالاله الحاسبه يعني ماشي ع ميزانيه محدده ومستحيل يطلع عنها بيت القصيد السعودي يشوف ارتفع السعر زاد عن ريال يقول عادي >>>>الشركه تقول دلخ وخليني اضحك عليه :D الاجنبي يشوف السعر زاد ريال يقول يـ باطل>>>>>الشركه تقول الله يلعنه ذبحنا ذا العله :cool: اتمني اني وصلت المعلومه اخوكم قلم نافذ دمتو بخير |
1 مرفق
بعض التجار يمكن ينزلون الاسعار لكن لمنتجات باقي عليها شهر اوشهرين للصلاحيه .لذلك فتح ولا تشتري العروض حتى تكون راضي عن تاريخ الصلاحيه
اضف الى ذلك الشراء في موسم الزحمه غير جيد .اختر المتجر المناسب ووقت الشراء المناسب (يعني خطط لحياتك ) |
بعض التجار يمكن ينزلون الاسعار لكن لمنتجات باقي عليها شهر اوشهرين للصلاحيه .لذلك فتح ولا تشتري العروض حتى تكون راضي عن تاريخ الصلاحيه
اضف الى ذلك الشراء في موسم الزحمه غير جيد .اختر المتجر المناسب ووقت الشراء المناسب (يعني خطط لحياتك ) |
معليش أخي فهودي fhoooodi
ما ذكرته عن اختلاف حجم عبوات الشركات الأخرى عن المراعي غير صحيح فأنا قبل شوي شاري ست حبات زبادي نادك بالعرض وبخمس ريال وبحجم 180 يعني نادك بديل اكثر من جيد ونفس الشي عن العصير شريت عصير تفاح 2 لتر وبسعر 7 ريال بينما المراعي 1.750 لتر وبسعر 8 وبعض الانواع 9 ريال مزيدا من الوعي يا سادة............!!!!!!!!!! |
| الساعة الآن 12:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by