ابو كاس
إخواني الكرام اشكركم على طرح كل مفيد في هذا المنتدي المتواضع حبيت اطرح لكم آخر سعرللأرز ابو كاس 5 كيلو بـــ 28 ريال من اسواق بندة :mad: 10 كيلو 46 ريال من اسواق بندة :mad: بحثت عن ألبديل لقيتها جميعاً سعرها متقارب |
التقليل من الاستهلاك
أرز العلمين من الشعلان(10) كيلو بـ 38 ريال شاريه من بنده قبل 4 أيام . |
الله لا يوفق وزارة التجارة النائيمه لا حسيب ولا رقيب لا بد من المقاطعة وفي عروض على الرز في العثيمم:( خذ اكبر كمية اللي يكفيك لشهرين |
قاطعوهم وخلوها عندهم الله الغني عن منتجاتهم
|
اقتباس:
حياك اخي سيف العداله وبحثت عن انواع اخري وجدة ارز اسمة التلفون يمكن اسمة غريب بس رخيص وان شاءالله طيب المهم انة رز |
حسبي الله ونعم الوكيل
|
فعلاً ارز العلمين من الشعلان بسعر 39 عند أسواق السدحان
لكن للأسف أبوكاس سعره 50 أقول للأسف لإن الناس تعتقد في صاحب أرز أبوكاس خير وكذلك ليس سعودي بل هو حضرمي |
اسواق المزرعة بالخبر رفعت سعر الرز ابو كاس 10% هذه الليلة علما بان الرز لا يزال عليه السعر القديم وعند سؤال المسؤول اخبرني انها اوامر الادارة .حسبنا الله ونعم الوكيل. اقسم بالله العظيم انه كان امامي بنفس المكان فتاة سعودية واخوانها اعادوا صندوق طماطم لعدم وجود فلوس كفاية لديهم وكنت اسمع البنت تقول بنقول لامي ما لقينا طماطم. اللهم حاسب كل مسؤول في هذا البلد عن اللي صاير. |
اللهم كن بعون الفقراء والمحتاجين
وخسر رؤس السراق والمحترين |
اقتباس:
حسبي الله ونعنم الوكيل |
جعلكم للمرة ياخي . .
ذا الهنود يرفعون عليكم الأسعار ومعهم تجاركم وأنت فاقين خششكم تدورون رز . . يا أخي وقفوهم وش ذنب البنية اللي مالقت فلوس الطماط ؟ يا أخي لاتاكلون رز . . واللي طاب فيه يشري أرخص نوع ويتحمل طعمه . . وش ذا الشفاحة الزايدة . . لاتعطون التجار فرصة يلعبون عليكم ويبلعون مقدرات البلد . . رجاء . . رجاء . . رجاء . . اللي فيه قطعة من مرجلة ومن نخوة يقطع بطنه عن هالمنتجات وش ذنب الضعوف اللي بالشميسي والديرة ودخنة ومنفوحة مالقوا أكلهم من زمان وألحين أرتفع عليهم السعر . . وذنب أهل القرى وذنب أهل المدن اللي ماحولك أحد . . سو نظام أكل مفيد لصحتك ولجسمك ودقق وانت تشتري ترى النعمة زوالة يا جماعة . . وإلا صرنا نلعب بالفلوس والتجار يلعبون نبي نروح فيها . .والرز ضار بالصحة كثرته واللي مايقدر ياكل إلا هالأنواع المرتفعة يقنن منه قدر المستطاع خل العالم تنحف شوي وأرفقوا بهالدببة . . الله أسأل أن اللي بيضيق على المسلمين أن الله يضيق عليه عيشته ويهدي هالشعب أنهم يتكاتفون ويتلائمون وياقفون صف واحد ضد هالجشع والنصب اللي صاير . . والله على ما نقول وكيل . . |
انا شريت المهيدب ب 26 ريال ، الخمسة كيلو من ثلاجة العصيمي في الربوة
لانه هو الوحيد اللي حصلته فاتح قبل العصر ... وخفت اشتري كثير لأنه يقولون غلا فقررت اشتري أقل شيء خمسه كيلو :D وبصراحة مدري هو غالي ولا رخيص ؟:confused: |
|
| الساعة الآن 04:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by