هكذا خدعت في جيان 3مرات- قصتي أنا
 

الاخوة الكرام كنت اود من فترة أن أكتب عن خداع مسؤولي البيع والتسويق في المحلات الكبرى
جيان انا دائم الشراء منهم لقربه من منزلي ولتنوع البضاعة لكني ولثلاث مرات حصلت معي هذه المخادعات والغـــش الذي لايبرر

1- اشتريت 3 أكياس ( الكيس 5 حبات) من (باونتي ، سنكرس، مارس) وكان السعر المسجل على الرف مغري جداً بـ 6,25 ريال طبعاً هذا كان مع مجموعة كبيرة من الاغراض فلم ادقق في السعر اليوم الثاني رحت لازيد فقط هذه الانواع والسعر على الرف نفســـه وأخت 7 أكياس ولم شفت الحساب طلع يحسب الواحد بـ 8,75 ويوم اشتكيت وراحو للرف وشافو قالو اهم شي اللي في الجهاز والخطاً من اللي وضع الكود أو من الآيتي ماعدلوه في الجهاز ..

(( طبعاً الخطأً لم يكن مطبعياً لان الاستكر على الرف موجود على 4 أصناف وكل استكر موجود عليه اسم المنتج الخاص به والسعر 6.25 )


2- أخذت شنطة صغيرة قبل شهر سبعة بأيام ومكتوب في العرض الورقي وفي اللوحة فوقها خصم 50% ومسجل سعرها بـ 3.5 ريال فقط واخذ اكثر من وحدة ولما رحت احاسب لمحت المبلغ 7 فسألته بكم قال لي بسبعة قلت لا عليها عرض قال لا مو صحيح وجاء السوبر فايزر قال إلا عليها عرض بس يبدو باقي ماحطوه في الجهاز ( برمجة ) !!!!!!!!!!

3 - مرة اخذت اغراض ومنها جزر لاحظت سعره شوي مرتفع مو المتوقع ويوم رحت البيت وجدت من الاصناف اللي في الفاتورة ((( فلفل أصفر ))) ولم أجد الجزر وانا حقيقة ما اعرف الفلفل الاصفر ايش هو فضلاً إني أشتريه .......!!!!!!!!! بس من عنده حط الكود اللي يبغاه حق الخضار .

الموقف الاول حصل معي بالضبط في بنده --

عزيزي الجميع اتفق على التدقيق الشخصي في حسابك

يعني بنده او جيان او عثيم او مخازن او اي محل بالسوق

الأسعار الي في العروض تنتهي وانت تحسبه باقي ماانتهت

العروض في الغالب اسبوع على الكثير وتنتهي بتاريخ معين او حسب الكمية يعني ممكن تكون انتهت الكميه ويحسب على الجديد

يعني الكل ينتبه ولايستحي على شاف السعر غالي يقطه ويمشي

وأنا أيضاً نفس المشاكل وقعت فيها كثيراً في جيان بسبب سذاجتي السابقة

أما الآن فأصبحت أكتب أسعار البضائع التي أشتريها من على الرفوف وأطبقها

مع فاتورة الشراء .. مو عيب أنك تأخذ ورقة وقلم وتكتب الأسعار العيب أنك تصير

لهم مثل البهيمة يقولون لك السعر كذا وعلى طو ل تدفع وأنت مغمض ..

يا حبيبي أنا اشتريت عصير فلوريدا ناتشورال من كارفور واحد برتقال و واحد أنانس وسعرهن واحد في كل مكان
يوم جيت أحاسب طلع واحد بـ 9 ريال والآخر بـ 14 ريال
يوم نبهت الكاشير قال تبغاها كذا و إلا رديناها !!!!!

عجب لا ينقطع

كلامكم صحيح فعلا مو عيب انك تحسبه بالهلله من حقك مو انت اللي بدفع الفلوس احسب بالورقه والقلم سجل اللي تشتري وسعره زي ما ذكرو الاخوان وشيك معه عند الكاشير ........... طفشوهم عشان يعرفون ان الشعب مفتح وما تمشي عليه مثل ذا الحركات

ويا جماعة حاولو تاخذون من محلات الجملة ارخص واوفر

ايش هذا اللي قاعد يصير مو طبيعي ...

خصوصا موقف الحاذق قلة أدب وين المعامله الطيبه للزبون .... احنا اصلا ما نروح لكارفور الا نااادر

هذ1 هو الحاصل في كل المراكز التجاريه مادام وزاره التجاره وبالاخص حمايه المستهلك
نايمين في العسل

والله مو عيب انك تسوي لهم مشاكل وشوشرة عند المحاسب على الاقل ينتبه لك 4 او 5 من الزبائن الثانيين ويدققون حتى هم في فواتيرهم

اخواني هل بالإمكان أن يكون هناك رابط لوزارة التجارة قسم حماية المستهلك بحيث نستطيع أن نوصل بعض الشكاوي الموجوده هنا ونضعها لهم على رابط موقعهم ..لعلهم يفيقون من سباتهم العميق .. ( وكثر الطق يفك اللحام )

الله يستر منهم ؟

واخوان حصل لي اني في كارفور مخرج 5 اخذت جبنه مارتزيلا الفرسان مبشور كيلو قيمته 27ريال
وانا اطالع ثلاجه العرض الاجبان والمخلالات طالعت نفس الجبنه دون بشر قيمه 19ريال فقط
الفرق 8ريال؟؟؟ حتى البائع استغرب السعر بنفس النوع والشركه!!!!!!

https://www.mqataa.co/vb/uploaded/174_01187957841.gif

أشكر الجميع على المشـــاركة

ويجب من اليوم أن نكون أكثر انتباهاً

وهناك أمر مهم جدا جدا

وهو أن كثير من العروض مدة صلاحيتها قريبة الانتهــاء

وأذكر في ( جيان) مرة كان فيه عرض على بسكويت ( كرتون مو حبات ) بقي عليه مايقارب الشــهر وبقيت لفترة بسيطة عند الرف وكل اللي جاءوا قلت لهم ترى تاريخه قديم وبينتهي ..

ولدي إقتراح إن شاء الله يكون عملي و فعال لتأديب كل المستغفلين للمواطنين سأطرحه قريباً ( بعد اكتمال الرؤية ) في ساحة النقاشات ..

على فكره الاسعار على كيفك لزم تنتبه عشان ما احد يضحك عليك

أرجو الاطلاع
نفس المعاناه

https://mqataa.co/vb/showthread.php?t=1121

إذا كنتم من المتسوقين في هيبر بندة فأنا أنصحكم بمراجعة فاتورتكم لأنهم دائما يحاولو خداعك
في كل مرة اكتشف أسعار على الرف غير الكاشير

جيان متكرر ومتمرس في السرقات وانا المسؤل امام الله وامامكم فيما اقول وخاصه السحب على البطاقات واختلاف الاسعار عن العرض والكاشير يجب الحذر والتدقبق ولا والله اليسرقونكم بالضحى من النهار

كلامك صحيح والله يا اخوي


وانشا الله
اتمنى اننا كلنا


نقاطعهم

صدقوني قسم بالله يا شباب
انهم راح يقوفون عند حدهم


اجل يا شباب فطيره الجبن من يوم طلعت من بطن امي وانا اعرف انها بريالين


وشلون صارت بأربعه اتلله اعلم

المهم في الموضوع ان لا يشعر احد بالخجل اطلاقا ... والتجار والمحاسبين غير السعوديين يستغلون الطيب والخجل في المواطن السعودي

ولك ان تكتشف الفرق عندما تشاهد تعامل المحاسب مع الاجنبي .. لانه يعلم انه سيدقق على كل هلله ..


حصل مع الموقف الاول في بلشرف عند شراء زيت للطبخ .. كان السعر على الرف يختلف عن السعر الموجود عند المحاسب ... ولم اسكت وقلبت المحل عاليه واطيه حتى يعلمو ان السعوديين ليسو مغفلين بل لديه طيبه زائده فطرية ..



شخصيا بعد كم موقف من اختلاف الاسعار اصبحت بعد بدأ التسوق سواء ملابس من المراكز التجارية او عند شراء المواد الغذائية ... اقوم بتشغبل الجوال وابدأ احسب كل قطعه اشتريها حتى اصل للمجموع النهائي ... واتجه للمحاسب وانا مجهز المبلغ ... وياويله لو زاد السعر وبالهلله ... اما اذا نقص باجي على نفسي واسامحه :)

السلام عليكم ورحمة الله وبركاته

اليكم ما كتبت بهذا الخصوص

http://https://www.mqataa.co/vb/showthread.php?t=1694

اتمنى أن يعم الخير والفائدة


تحياتي

نصب X نصب = تدمير الشعب