جاكيت شتوي 4680 ريال فقط لاغير (بعد الخصم)
ذهبت يوم الخميس الماضي الى مجمع الظهران بالخبر
ومن باب الفضول دخلت محل مارلبورو رعاة البقر شد انتباهي جاكيت مصنوع من الجل ومبطن بالفرو والجاكيت صغير يمكن على طفل عمره مابين 10 الى 12 سنه سألت البائع بكم سعر هذا قال قبل الخصم او بعد الخصم قلت الاثنين قال ( قبل الخصم 5399 ريال) وبعد الخصم( 4680) ريال رجعته مكانه وقلت له شكرا قال العفوو رجعت له وسألته شنو صناعته لو سمحت قال ايطالي صناعه فاخره قلتله شكرا قال العفو -----------------------هذه قصة ال 4680) وش رأيكم فيها---------------------- بعدها ذهبت لمحل ساعات الروليكس ابي اغير ساعتي طافت لها سنه ولا غيرتها وكان في خاطري ساعه اعجبت فيها منزل صورتها من الموقع الرسمي لساعات الروليكس زحملتها عندي بالجوال المهم == دخلت سلمت عليهم واستقبلوني بكل ترحاب فسألتهم عن الساعه اللي بخاطري قال الموضف تعرف شكلها او اسمها قلت والله ناسي لاكن صورتها معي بالجوال قال اشوف اطلعته على الصوره قال للاسف هذه غير متوفره لدينا ولا في المركز الرئيسي قلت طيب طلبيه ممكن تجيبوها طلبيه خاصة الي قالو ماعندنا مشكله قلت كم سعرها قال بشوف بالكاتلوج تبعها وشفت الساعه موجوده بالكاتلوج وطلع سعرها بالكمبيوتر وقال سعرها 280000 قلتله تستاهل الساعه بس ماتشوف انها غاليه شوي قال نعمل لك خصم قلت كم قال تطلع عليك 250000 قلتله خصمت 30000 الف ريال ليه كذا قال هذا خصك خاص بعملاء روليكس قلتله اهااا طبعا انا عميل دائم لديهم ولهذا عملو تخفيض استأذنته وقلتله خلاص لا تطلبها بمشي بهالساعه اللي معي الين اشوف يمكن اجدها في محل اخر قال براحتك وتشرفنا بزيارتك قلت العفو المهم طلعت من عنده واليوم الثاني دخلت الموقع الاكتروني تبع الروليكس على شان اتأكد من سعر الساعه ولقيته مايعادل 140000 الف ريال فقلت في نفسي شوف الحراميه بينهبو مني 140000= لان تسعيرتها عندهم 280000 ولو نقصنا منها 140000 صار الناتج 140000 يعني بيأخذو مني دبل قيمتها وربح فوق سعرها عملت طباعة لسعرها الاساسي وذهبت لهم في اليوم التالي واطلعتهم على سعرها الاساسي شنو كان ردهم قالو هذا في بلد المنتج بس احنا تطلع علينا اغلا من كذا المهم قلتله راح اجيبها يعني اجيبها وبنفس هذا السعر لو سافرت لسويسرا وهي تذكره ماتتعدا 4000 ريال ذهاب وعوده واوفر 140000 قال بالتوفيق يعني شوفو وشلون يستغلونا ابشع استغلال الله المستعان وحسبي الله عليهم جميعا دمتم بود |
شوف بقلك اياها بصريح العباره ( كاش على الفراش ) :D .
اذا معاك 140 الف ريال وناوي تصيف في سويسرا مابتفرق معاك ال 140 الف الثانيه ويرحم والديك لاعاد تجي هالمنتدى اللي الواحد فينا مايحلم يشوف هذا المبلغ حتى في فلم فيديو :D وانت جاي تقول يغشونا :D خلهم يارب يسرقون فلوس هالعالم اللي تدفع اكثر من 150 ريال في ساعه :D وربي ناس فاضيه :D ولو على الجاكيت انصحك بمحلات ابو 100 بالكثير اشيك واحلى وصناعه ايطاليه محليه فاخره :D ينعن ابوها علامه تجاريه بهذا السعر يازين اللي يصكلي علامه تجاريه مزوره :D انا راضي اقتباس:
اقتباس:
<= يتخيل شكل بعض اليوزرات اللي تدخل وتقول ايه صح هالاستغلالين ويهزئون التجار ( طرى على بالي واحد راتب ابوه 12 الف ويتدين ويقول غلاء معيشي ) :D ماقدرت انساه يابشر |
بالله من جد تتكلم ........!!؟؟ صحيح ايش الي جايبك لمنتدى مقاطعه مدامك صاحب مارلبورو و روليكس...........!! شي غريـــــــــــــــــــــــب ......؟؟ صحيح مو كلنا في هدا المنتدى فقراء.......بس مو معقوله كمان نتكلم في حاجات قيمتها خياليه بهدا الشكل...........؟؟ لا وتشتكي كماااااااااااااان ..............؟؟ |
حبووب الخبر ... إذا الاستغلال والتلاعب حصل على أدنى مستويات ... ما هو غريب وأعتقد المجال أوسع ان يحصل في المستويات العليا ... وخصوصاً في الماركات العالميه ... بس أرجو انك ما تروح ضحية النصب والاحتيال من بعض محلات البيع غير الوكلاء بالنسبة للماركات العالميه .. واختلاف الاسعار عندنا في الماركات كبير وواضح مقارنةً مع بلد المنشأ أو بعض دول أوروبا وأمريكا ... نصيحتي بالشراء من الوكالات الرسميه
|
حبووب الخبر
وش رايك تصير صديقي؟؟ وبعزمك اليوم على بخاري يحبه قلبك مع اثنين حمضيات |
اقتباس:
حبوب الخبر.... انا عازمك على برياني بغض النظر ان كان الكلام صحيح او مزح.... المنتدى ما يمنع من مشاركة الأغنياء قد يرى الكثير ان مثل هذه المشاركة فيها نوع من الإستفزاز وانها لا تفيد الا صاحبها..... ولكن لو اصبح هذا المنتدى ساحة للجميع مع اختلاف اوضاعهم المادية لكان فيه الخير..... اما ان نغلق الباب بوجه كل من تختلف اولوياته عنا فهذا من التفرقة ونحن كمجتمع لسنا بحاجة اليه..... المبدأ واحد وهو رفض الإستغلال >>> وليس الأغنياء وجهة نظر |
الا على طاري الجاكيت كم وصل سعر حبه شواية بدون رز..؟
شر البلية مايضحك اذا الله معطيك خير الله يزيدك وموضوعك للاسف مايخدمنا بشي الناس قاعده تحسب اقساطها هنا وانت تدوج من محل للثاني تاخذ التسعيرات يابو سويسرا |
اش فيكم يا عالم
قطعتوا بالرجال؟؟؟ يا ناس هنا احنا بنتناقش؟؟ وليس نننتضارب؟؟؟ خلوا الرجال ينفس عن نفسه وعلى اللي بخاطره؟؟ انشاالله اشترى بملللللليون مش خسراننين حاجه الله يزيده ويطعمنا يااااااااارب من عنده دا عنده ساعه رولكس يا عاااااااااااالم يعني ممكن يسلفنا في يوم زنقه:eek: حبووووووووووووووب تعال يا خويا ماتخدش بخاطرك المسألة مش مستهلة كدا خلاص نصير انا ونتا اصحاب:D ولا يهمك بس ممكن طلب صغير ممكن تسلفني الساعه رولكس يوم الخميس;) عندي عزيمه ابي اكشخ فيها ممتن؟؟..؟؟ تحيــــــــــــــــاتي...:) |
مشكوووووووور اخي (كاش) انت الوحيد اللي فهمت شنو اقصد من موضوعي
لك مليون تحيه دمت بود |
تذكرت المثل إللي يقول .. رزق هذولاك على هذوليك. :)
الله يرزقنا و إياكم من واسع فضله. |
زين معنا واحد في المنتدى كاااااااااش ..
حركه كاش ومقاطع اللبن .. ومقاطع المراعي .. اعترف عندكم مصنع في البيت البان ولا لا .. حنا ضعوف الله يرحم والديك لا تسولف علينا هالسوالف .. |
اقتباس:
هههههههههههههههههههههههههههههههه وربي انك 100% ضد الكسر:D |
يااخوان المنتدى يجمع الصغير والكبير
الرأي والرأي الآخر بغض النظر فقراء او اغنياء صاحب الطرح للاسف النصب والاستغلال انتشر انا والله صرت احرص وانتبه ،، وطريقتك بالاحراج حلوه والله يزيد مالك بركه |
المحلات الكبيرة ورود الغش فيها والاستغلال وااااااااارد...وفيه حاجة ثانية لا حظتها على البائع إذا شاف الزبون كاشخ ومهتم بأناقته أو بالنسبة لنا إحنا الحريم لابسه عباية مرتبة ونظيفة وجزمة تلمع وفخمة وشنطة ماركة على طول يدبلون السعر...وعشان كذا أصبحنا نذهب للسوق بعباية قديمة وشنطة أم عشرة ريال أو محفظة صغيرة والله يكرمكم جزمة أم عشرين ريال وباهته ويمكن نخليها تغبر...وفعلاً لقينا فرق في المعاملة...ياساتر حتى الساعة أو الخاتم ينتبهون لها ...الكل بينهش منك!!!
زمان كانوا يرفعون السعر علينا بس لأننا سعوديين اليوم يرفعون على السعودي الغني ويراعون الضعيف...جزاهم الله خير!! هذه سرقة...علنية وما فيه مصداقية ولذلك أنا أشجع وبقوة الشراء من الخارج( الدول الأجنبية ) على الأقل ضمان سعر وجودة وتغير جو نظيف وتسوق آمن... |
اقتباس:
اصلا السعر يكون مكتوب على السلعة وخاصة اذا كانت ماركة واقات يكون مكتوب باغلب العملات مافيه تلاعب بالسعر من البائع اما الشراء من الدول الاجنبية وخاصة الاوروبية ممكن يكون الكلام هذا قبل سنة اما الحين اليورو مرتفع والاسعار هناك مولعة والسفر لهم تكلفته الحين دبل ان بغيتي عن طريق مواقعهم في النت ممكن تشترين مع ان السعر واحد والبضاعة نفسهامتواجدة في فروعهم اللي هنا لكن راح ياخذون عليك قيمة الشحن |
هدهد سليمان
سلمت لنا اناملك على ردك الجميل وهذا اللي اقصده من طرحي بس للاسف في بعض ضعاف النفوس فهمو طرحي بطريقه اخرى او بتفكيرهم المحدود اشكرك جدا جدا وتقبل مني فائق الاحترام والتقدير ======================================= هلابك اختنا نوره ومليون شكر على مرورك وردك الجميل اكثر شي في ردك اعجبني هي هذه المقاله ---------- ------------- بالنسبة لنا إحنا الحريم لابسه عباية مرتبة ونظيفة وجزمة تلمع وفخمة وشنطة ماركة على طول يدبلون السعر...وعشان كذا أصبحنا نذهب للسوق بعباية قديمة وشنطة أم عشرة ريال أو محفظة صغيرة والله يكرمكم جزمة أم عشرين ريال وباهته ويمكن نخليها تغبر...وفعلاً لقينا فرق في المعاملة...ياساتر حتى الساعة أو الخاتم ينتبهون لها ...الكل بينهش منك!!! هههههههههههههههههههههههههههههههههههه شكرا لك يانوره =================================== مقاطعتهم حارقتهم احرقيهم الين يصيرو رماد هههههههههههههههههه يسلمووووووووو على رد وصحيح ان الوضع تغير في كل شئ بس اللي اشوفه ان الشراء من دولة المنتج ارخص بكثير من عندنا والا مكان جنو من جيوبنا ارباح التجار المستوردين من الخارج واكرر شكري لك على مرورك دمتم بود |
هذا الاستغلال حاصل منذ سنين ولا جديد وكثير من الناس وللاسف سكتو عن هذا الاستغلال منذ بدايته وهذا ما تسبب الى وصولنا الى مانراه الان من غلاء غير مبرر في اسعار كل السلع...
وجدت اعلان لاحد اشهر محلات المجوهرات في السعودية في احدى المجلات عن ساعة يد نسائية جميلة وليست لها ماركة اصلا فقط اعتمد التاجر على اسمه هنالك اسم المحل فاتصلت بهم للسؤال عن سعرها فاجبت بأن قيمتها فقط 650 الف ريال وعند ها سألت احد اصدقائي ويعمل في مجال المجوهرات عن قيمة مثل هذه الساعة الفعلى لو اردت تصنيع مثلها فاجابنى بأن قيمتها لن تتعدى ال 30 الف ريال ... |
اقتباس:
ومثلما تفضلت لو فيه مراقبة للأسعار وحماية للمستهلك ماوصلت الى ماوصلت اليه هذه الأيام لاكن عش رجباً تشوف عجباً والدليل على جشع التجار وان مافي حماية للمستهلك ولافي مراقبة اسعار هو كل اسعار السلع تختلف من محل الى محل وهي نفس السلعه ونفس الماركه لو فرضنا انك ذهبت الى بنده تبي اي غرض منها وشريته منهم وبعدين رحت جيان او كارفور ستجد السلعه يختلف سعرها بين هالمحلات وهذا دليلي على ان ماحولك احد وان كل تاجر يحط السعر اللي بكيفه وحسبنا الله عليهم ومليووون شكر لك على مرورك وردك الجميل دمت بود |
اقتباس:
اقتباس:
اقتباس:
فماتقدر تنظم شي ولو كل السوبرماركتات نفس السعر وش فايدتها خلاص نسوي جمعيات تعاونيه زي الكويت ونرتاح. اقتباس:
استغرب من ناس تقول لقينا ساعه بمليون ريال رغم ان سعر تكلفتها 10 ريال ( وش دخلك لو عاجبتك اشتريها مهي عاجبتك امسك الباب وامشي ) ولو موضوع التكلفه قاهرك خلاص روح سوي ساعه زيها بالتكلفه اللي تبيها وبيعها انت ياخي واكسب على كيف كيفك لاتغث البشر بكلامكم عن قشور وتنسوا الاهداف الاساسيه. |
طالما وجدوا من يدفع ليش ما يضعون السعر الي يعجهم , وأهل الاقصاد مثلي وشرواي لا يدخلون هذه المعارض ويقاطعونها مثل ما ينادون بمقاطعة الألبان
|
حبيبي Kemos
هدي اللعب شوي ولا تحرق أعصابك ... الموضوع ما يستاهل , والحين في البلد ما في طبقة وسطى في ( 80 % فقيرة وربما معدمة ...و 10 % تحت خط الفقر ... و 10 % طبقة غنية ومرفهه ) وزين فيه في هذا المنتدى ناس تحب تشوف معاناة الفقراء وتكتب عن ما تواجهه ..... وعني أنا شخصيا انا قاطعت ال nescafe لأنهم رفعوا السعر من 21 ريال إلى 25 ....... هذا بس عشان تعرف اني من جماعة ال ( 80% ) وخلي جماعة ال ( 10 % ) تكتب اللي تحب . ملحوظة : ال ( 10 % ) المقصودة هي الثانية الغنية لأن الأولى ربما ما عندهم قيمة فاتورة كهرباء رغم أنهم ينامون تحت أكبر احتياطي نفطي في العالم عشان كذا ربما ما عندهم كمبيوتر أو حتى وسائل اتصال ... الله يرزقنا ويرزقهم |
[quote=kemos;58194]انتي رايحه تتسوقين والا تستعرضين؟؟؟؟؟؟ ومحلات الماركات كل شي يكون مسعر مثل ماتفضلت الاخت مقاطعتهم &حارقتهم وباكثر من عمله والا انتي تروحي الحراج كاشخه وتتقضي من هناك؟؟؟؟ وعلى العموم اذا شفتي السعر غالي ( يختي ) لاتشتري روحي محلات ( ابو 10 ) واشتري محد ضاربك على يدك.
ايه والله جزاهم الله خير اذا هالشي موجود اقل شي يشيلوا اموالنا من اللي يسرقوها مننا ودامك تشجعي على التسوق من الخارج ( ومركزه على الدول الاجنبيه يعني امريكا وبريطانيا وغيرها ) وعندك تذاكر السفر واجازاتك تقضيها هناك ( حتى مصر والمغرب مهي على مقام اختنا الغاليه ) رجاء لاتدخلي منتدانا البسيط اللي اهم طلباته ( ننزل سعر الخبز واللبن والارز حتى نقدر ناكل كل يوم وجبتين فقط مو ثلاث ) وارحمي اعصابنا من تفكيرك واللي يرحم والديكي مابقي الا شوي وننفجر. إنما الأمم الأخلاق ما بقيت فإن هم ذهبت أخلاقهم ذهبوا..!!!! |
| الساعة الآن 06:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by