شوكولاته باتشي ارتفع سعرها
زادت أسعار شوكولاته باتشي فالكيلو الذي كان بـ130 ريال قبل اسبوعين أو أكثر قليلاً صار بـ150 ريال....
وزمان كان بـ100 ريال....شكلي بوقف عن شراء الباتشي من جد...ما لها داعي والهدايا بحولها لشيء مفيد ويدوم يعني غير قابل للأكل مزهرية...لوحة فنية أكسسوار للبيت ...ذهب "لا الذهب غالي الأيام هذي""!! ملابس ....أي شيء إلا الشوكولاته .. |
باتشي من يومه غالي ومخصص لابناء فئه معينه من الشعب وهي الطبقه الغنيه..
احنا حدنا بسكوت غندور ولا حبينا نتطور ونجيب هديه شرينا كرتون سفاري مع خمسين ريال واعطيناه هديه للناس في الولاده والمرض وفي الافراح ( يكفي حضورنا ) ونقول الحمدلله رب العالمين. اللي معاه قرش ومحيروووووووو ............ يشتري باتشي ويطيروووووووو خلونا نركز على مقاطعه البيض حاليا وبكره نقاطع الرز وبعده نشوف مقاطعه الفصفص وبنوصل ليوم نقاطع سراويل الاصيل ودروش ونشتري حنتوش :d الا على ذكر المقاطعه وش صار بمقاطعه اللبن اشوف وين وصل صوتنا ومدى تاثير مقاطعتنا والا نقلب المنتدى سوالف وهذره وحسب ونسب وكل واحد يجي يتكلم عن اصله وفصله ويفتخر بقبيلته ابرك |
على المستوى الشخصي أعرف أناس كثيرين مقاطعين.
لكن المتابعة و التقارير شبه معدومة. يمكن السبب قلة نزول الناس للأسواق و إكتفائهم بالشراء من محلات الجملة أول الشهر (مثل ما صرت أسوي أنا شخصيا) و تقليل زيارة الهايبرات و المراكز التجارية. نحتاج للمزيد من التركيز والهمة في متابعة الأحداث و الأسعار. |
يا مشرفنا الفاضل لازم واحد ينزل المواضيع والقرارات اللي نزلت في موضوع ويسميه اصداء مقاطعه اللبن.
اول منتج قاطعناه اللبن ويشهد الله علي لي فتره طويله لاشريته ولا شربته عند احد ولازم نشوف ايش سوينا وهل مقاطعتنا جابت نتيجه والا لا. وبنفس الوقت نستفيد من تجربتنا الاولى في حالة اردنا مقاطعه سلعه محدده مره ثانيه, في عيوب وسلبيات وفي ايجابيات لازم نوضحها ونشرحها كل واحد على حسب جهده. والله يعينكم على التعب. |
يعني هيا جات على شوكولا باتشي يانوره..........!! على فكره جربي لابونير الز من باتشي............. |
اقتباس:
بصراحه استغرب لما تقولوا قلة نزول الناس للاسواق واكتفائهم بالشراء من محلات الجمله اول الشهر.................اجل ايش تفسير اكوام الناس الي نشوفهم في المولات والماركتات......... عن جد استغرب لما اسمع الناس يقولوا نص السعوديين فقراء ..........!! صحيح في سعوديين فقراء لدرجة معدمه بس بالمقابل في اضعاف من السعوديين الاغنياء......... وبعدين لو صحيح هذا الكلام ما كان شفنا مولات جديده تطلع كل فتره ......وماكان شفنا الناس في هذي المولات ..........وما كان شفنا سيارات اخر موديل في الشوارع.........وما كان شفنا الـــVـــلل كل يوم تنبني..........وماكان شفنا الناس تسافر برا نهاية الويك اند...........وماكان شفنا الناس قاعده ع النت تكتب.........ولا ايش رأيكم؟؟؟ الحمدلله على كل حال.......... |
ياحليلهم البنوتات والعنصر النسائي عامه
همهم ياكلون الشوكلاته وبس وطبعا مافيها الا هشاشة العظام لكن النصيحه خذوها مني عليكم بالسكري والاخلاص والبرحي والروثانه خذ نشاط وصحه وشرط انك بتدعس على النظيف والله الباتشي زين بس دامه غالي ماعندي مانع استقبل عينات من احد الاعضاء بجربه يعني نسيت اقول لكم فيه معمول ام صالح يفك الراس علشانه رخيص هههههههههههه اشكركم |
كيلو حلاوه مغربية بـ50ريال من العماد ياسلاااااااااااااااااااام زي العسل لاتفوتك لا لباتشي لا لنقلي
|
كرتون بسكوت ابو ميزان ولا احلى!!!
|
اول مره اسمع عن باتشي
بعدين الفلل الي تبنا بقروض والسيارات الجديدة بقساط وكله يهد الظهر اذا فيه باتشي بقساط ميسرة يمكن نفكر نشتري |
أغلب الرجال للأسف همهم سيارات جديدة حتى لو تقسيط مع أن السيارة القديمة مع الصيانة تعيش سنين وتدل على أن مالكها رزين وواثق في نفسه......
ما علينا... الشوكولاته لها فوائد عديدة ومن أهمها إكساب المرء بشعور مليء بالسعادة والسرور والارتياح ، وكثير من الأمهات تحرص على تزويد أبناءها بقطعة شوكولاته في فترة العصر لتعديل مزاج أبناءها... ولذا فالشوكولاته مفيدة ولكن مو أي شوكولاته...من واقع خبرتي هناك محلات متخصصة فيها وهي ذات مذاق راااااااائع منها باتشي وموليه وشوكولاين ولابونير....وطبعاً اسعارهم غالية...لكن قطعة شوكولاته تسعدك لا نستخسر فيها ...لكن الله يسامحهم رفعوا الأسعار وبالتالي سنضطر لمقاطعتها فترة ..على الأقل كهدايا....ويمكن إذا خفضوا أسعارهم نرجع لهم.... الله لا يحرمنا منها... |
| الساعة الآن 04:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by