قاطعوا بنــده..وزيت زيتون المائده
 

السلام عليكم ورحمة الله وبركاته..

اليوم حبيت اشارككم في موضوع صدمني مرة ومن كثرة قهري قلت لازم اقولكم

اليوم بعد فترة طويلة رحت بنده وصدمت لما شفتها ماشالت ولا منتج دانماركي

بالعكس والله الا ان المنتجات الدانماركيه متربعه على رفوفها

ومو هي هذه المشكله بكيفهم اذا هم ماهمهم الا فلوسهم

لكن المشكله الكبيرة انهم طلعوا يغطوا ارقام المنتجات الدانماركيه

بورق ابيض لاصق وبعدين يحطوا انه عليها عرض ويغلفوا 3 حبات مع بعض بنايلون

وكلها مغطيه ارقامهم بالورق الأبيض

والصدمة لما رجعت البيت استغربت ليش مغطيه الأرقام شكيت في الموضوع

شلت الورقة وشفت الرقم ماقلت الا حسبي الله فيهم طلع منتج دانماركي

وماعمري شفت في اي قائمه انه دانماركي الا وهو زيت زيتون المائده

بصراحه حركه حقيرة منهم والمشكله حاطين انشودة عن حبيبنا محمد

اذا والله غالي عندهم مو بالقول احنا نبغى بالفعل..

بس حسبي الله ونعم الوكيل على كل واحد واقف متفرج ومايدافع عن ديننا وحبيبنا ولو برسالة

لكل الأصدقاء..

وما اقول الا لبنده اتعلموا من كارفور الكائن في مصر واللي حقيقه اثبتوا محبتهم

لله تعالى ورسولهم ودينهم..


واللي يحب يتأكد يروح بنفسه واذا انا غلطانه نبهوني..

وجزيتوا خيرا يارب..

و مين قال إن هذه المحلات مهتمة بالمقاطعة؟؟

اليوم كنت في الدانوب و لازالت المنتجات الدنماركية تملأ الرفوف..

أخوتي هناك موقع رائع أتصفحه دائما قبل التسوق وأحدد وجهتي اسمه super-sale.net فهذا الموقع ينشر جميع عروض السوبر ماركات الأسبوعية وهو متجدد دائما فأختار عروض المنتجات التي أبحث عنها هذا الأسبوع وباي سوبر ماركت وأضيفها بسلة المشتريات ثم أظهر سلة المشتريات وأبحث عن الأرخص .. موقع مفيد جداً ومجاني انصحكم بتجربته وزيارته للفائدة - تجد فيه منافسة بالمنتجات وهذا المطلوب - فليشتد التنافس ونكسب نحن !!
الموقع www.super-sale.net

بالامس دخلت بنده في راس تنورة ... واذا بهم قد علقوا لافته كتب عليها لا نبيع المنتجات الدينماركية...

وبصراحة وبمرور سريع لم اجد المنتجات المشهورة للدينمارك ..... ولكن كما قال الاخ ... يجب علينا الحذر



.

انا اتسوق من بندة الرياض ما فيها منتج مكتوب عليه دنمرك
ومتعودة دايما اشتري منهم الزبدة اللي تنباع بالكيلو وكنت احسبها منتجة في سعودية
يوم سألت من اي شركة سعودية
قالي لا هذي من الدنمرك
لذا اي متجر لا تثقون فيهم كثير اسالوا موظفينهم

سلام
هناك لعبة اخري من التجار عبدة الدولار وهي تغيير البراكود الخاص بالدني مارك بكود السعودية للتحايل علي الناس وايهامهم انها منتج سعودي او عربي حــــســـــــــــبــــــــنــــــــاالله ونعم الوكيل @

يالطيف لهذه الدرجة وصلوا من كترة حبهم للفلوس

حسبنا الله ونعم الوكيل

بس هذي الحركات ما عاد تمشي علينا ان شاء الله

وعسى الله لا يربح كل تاجر مايقاطع البضائع الدنماركية

قولوا آمين !!!

امين

ما أعتقد ان بنده غبيه للدرجة هذي
مع احترامي الشديد للجميع ولكن ما احد راح بنده وتأكد من الخبر ؟!

وش هذا الكلام ؟! ما ادري انتي تستخفين بعقولنا ولا أيش يعني ؟؟
كلنا يعرف ان بنده من المقاطعة الأولى ما عاد تبيع أي منتج دنماركي أبدا مثل البقرات الثلاث وبوك وغيرها

اما بخصوص زيت المائدة نحتاج نتأكد أول بعدين نرد

حسبي الله عليكم والمشكلة اللي يردون جزاك الله خير وانت ماشي
لا تعليق ولا تعقيب ولا كلمة حق وشفيكم انتم ؟

مع الشكر والتقدير للاخ Yes

لا حول ولا قوة الا بالله
معليش لا تزعلون من كلامي ولكن الحماس الزايد والعاطفة بدون عقل ما تكفي
يعني تبغون يجي واحد علماني ولا واحد في مخه شي وبعدين يقول شوف اهل المقاطعة وش يقولون

حقيقة عتبي على المشرفين لأن مثل هذا الموضوع يضر بسمعة المنتدى
والله من وراء القصد

يجزاك خير يا قسام على حرصك على المقاطعه
وايضا على منتدى المقاطعه لكن

ردينا وعيد اقرا الرد
صحيح ما فيها منتج مكتوب عليه دنمرك
لكن رح للي يبعون الاجبان والزبدة بكيلو عندهم زبدة من الدنمرك
في بنده الرمال (الرياض)

أخواني اعطيكم اياه من الآخر

المقاطعة شعبية فقط ، عليكم بالاستمرار في المقاطعة ، أما التجار فما همه إلا الفلوس ، ولو شفنا المقاطعة الأولى ما صدقوا تجارنا الأكارم أنه يصدر عن المؤتمر الي عقد في البحرين مدري قطر بعدم مقاطعة منتجات شركة دنمركية ، وكأنهم كانوا في سجن وفتحت لهم ابوابه .

بالله عليكم جميع اجهزة الدولة هل من يقوم عليها مسلمين ، بالطبع ستقولن نعم ، إذا اليس امر الرسول يهمه !! فلماذا لا تكون المقاطعة على مستوى الدول والحكومات .

إلى الله المشتكى .. نتباكى على حب النبي وإذا جاء المحك خارت القوى .

والله لن اطعم منتج دنمركي ولن اقتنيه ما حييت .. هذا محمد صلى الله عليه وسلم الذي أنقذنا الله به من الظلمات إلى النور .

رعاكم الله

معك حق وأنا ما انتبهت لردك
جزاك الله خير يا عميدة

أشكر الجميع على المرور

أولا : تحية خاصة لأنك من جدة ومن حارتنا ( جنب ساكو ) ;)
لكن للأسف نقلت للرياض بسبب العمل ( مو بنده ) :p

نرجع لموضوعنا

هل يوجد في بنده هذه المنتجات : لورباك ,بوك , البقرات الثلاث , دانو ؟؟
لأن هذي منتجات دنماركية 100% مكتوب عليها صنع بالدنمارك

أما بخصوص حليب السعودية فهذي الشركة سعودية ومكتوب على منتجاتها صنع بالسعودية
ولكن الناس تقاطعها لأن اسمها زمان كان ( الشركة السعودية الدنماركية للألبان )
ويقولون مازال لها علاقة قوية بالدنمارك
عموما موضوع سدافكو فيه خلاف فيه ناس تقاطع وناس لا
ونيدو نفس الشي


لا لا لا كذا أنا أزعل
وليه يعني ما عاد تكتبين شي يهم المسلمين والمسلمات ؟
افرضي أنا غلطان أو انسان مو كويس ليه تتأثرين من النقد ولمرة واحدة وتتوقفين عن الكتابة ؟

ومين قال انك كذابه ؟؟!

الموضوع فيه سوء تفاهم لأن في الرياض بنده ما عندها زيت المائدة على ما اعتقد
وبالنسبة لسدافكو ونيدو فيه خلاف وماحد يقدر يقول انها دنماركية 100%



ولو عندك صور لزيت المائدة حطيها هنا ويصير لك سبق صحفي

أخيرا : أعتذر عن سوء التفاهم اللي حصل
ومثل ما رديت عليك في موضوع آخر
هدفنا واحد وعدونا واحد

الله يوفقك لك خير

اصلاً بالعقل زيت الزيتون من دول حوض البحر المتوسط وش ينقزه للدنمارك؟!!!!!!!!!