حل اتبعة ويجب على الجميع اتباعة لنوقف المطاعم عند حدها
 

انا شخصياً اول ما اتصل في المطعم وبعد ما اعطية الطلب اقول له كم المدة الي بيوصل الطلب فيها يقول لي مثلاً نصف ساعة وابداء انا احسب نصف ساعة والله لو يتأخر دقيقة وحدة اردة بالطلب وطبعاً اذا رجع المطعم يرجع المدير يكلمني علشان يستفسر ليش ما اخذت الطلب اقول له بشكل طبيعي التوصيل عندكم بمقابل وانت قلت لي نصف ساعة وكذبت ولازم تتعاقب.

اتبع خطة عدم استلام الطلب في الحالات التالية:

@عندما يتأخر الطلب
@عندما يكون الطلب بارد
@عندما يكون الطلب ناقص او لا يحتوي على كتشب ومايونيز وغيرة
@عندما تفاجئ لاول مرة بأن المطعم وضع سعر للتوصيل او رفع اسعارة بدون علم مسبق منك
@اذا كانت اخلاق المجيب على اتصالك او عامل التوصيل غير حضارية
@عند اختلاف اي من مكونات الطلب عن طلبك الرئيسي
@عندما لا يكون مع عامل التوصيل صرف


يا اخوان نبغى الناس هذولا يفهمون انهم ياخذون مقابل لخدماتهم وماهم بيتصدقون علينا
نبغاهم يفهمون اننا لا نتسامح ونريد ان يخدموننا كما ينبغي وبالشكل الصحيح واننا لسنا بسذج واغبياء

نريدهم ان يفهموا ان الخير الذين هم فيه من جيوبنا واننا من يصرف عليهم ونحن من يفتح بيوتهم ويسد جوعهم

عين العقل والله

احنا ندفع فلوس وماحنا محصلين نص حقوقنا الطبيعية

جزاك الله خير صرخة على هذه اللفتة التوعوية

كفيت و وفيت بارك الله فيك .. كل اللي في قلبنا قلته ..
شكراااا جزاك الله كل خير

بكل بساطة اغلب المطاعم وابشرك حتى مطاعم المعجنات دخلت المسابقة

مطاعم الوجبات السريعة كلها ... وبدأت بعض المطاعم الشعبية تلحق بالركب.

يرفع للتقيد بما جاء فيه ... جزاكم الله خير لازم نظهر انيابنا مرة في حياتنا ونتحول من طيور كناري الى طيور جارحة تقف يداً واحده في وجه من يريد بها السوء.

صح لسانك الله لا يعدمه . .

يا ليت كل الناس يتعاملون بهالطريقة . .

كان تأدبوا بعض خلق الله . .

وين عايش انت اخوي اللي ماياخذ ع التوصيل يجبرك بسعر معين للطلبات مثل كودو له حد معين للتوصيل 30 ريال وفوق

بيتزا هوت ياخذ ع التوصيل وله حد لكن ما اتذكره

والكثير من المطاعم

ولك كل الشكر ياصاحب الموضوع

اشكر مروركم وابشركم اليوم كنت في بيت اخوي وطلبت من الارنب الجائع ورديتة بالطلب والسبب انه لم يأتي بلعبة الطفل مع وجبة الطفل مع ان عرضة يقول انه مع كل وجبة طفل لعبة هدية وهذي من حقي ومدفوع حقها ليش ما جابها ؟؟؟؟؟ طبعاً قال لي بروح اجيب لك اللعبة واجي قلت له رح وخذ اغراضك معاك ولا عاد اشوفك توطوط في الحارة.

ارجوا اضافة التالي للأسباب التي يجب معها ارجاع الطلب وعدم استلامة:

@ عندما لا تكون هنالك لعبة مع وجبة الطفل (اذا كان العرض يشمل لعبة)
@ عندما تطلب طلب من المطاعم السريعة ويجيب لك (اب سايز) حجم كبير مع انك لم تذكر الحجم في الطلب

تحياتي

لاهنتم بالله اشتغلوهم كذا وانشروا الطريقة هذي

المشكلة اذا كنت عازم ناس وتاخر اكيد بتاخذ طلب غصبن عنك والامر والامر اذا كنت جوعان ما راح تردة
والامر لو فتح الباب طفل صغير وشاف الاكل ههههههههههه ظنك بيخليه يروح ولا يصيح عليك (( ما اتوقع ))
اتوقع الحل ان الواحد يروح بسيارته ويطلب الي يبي وياخذ الطلب لانك تعيش في بلد مطاعمة تمشي بالبركة ولا هناك اي رقيييب

ايه والله من جد المفروض نسوي فيهم كذا ......... انا مرة طلبت من برجر كنيج و تاخر علي ساعه ....... وكلمت المدير ( طبعا هندي ) و غسلت شراعه :D

قال لي خلاص خذي الطلب ببلاش :D:D:D:D:D:D .............. حتى السواق كان مصري يوم قلت له ماراح ادفع عصب علي و قال انا لازم اكلم المدير ..... يحسب اني العب عليه ...... كلمه مديره و قال له ايه بتاخذه ببلاش ................. تستاهل يا مصري قريح ليه التاخير :p

عداك العيب وبطبقها بأذن الله ان ان ان طلبت من مطعم مره ثانية

كلامكم صحيحة مئة بالمئة وأنا أويدكم فى الأمر وهناك مضوع أخر وهو السواقين وطيشهم وتهورهم فى الشوارع خصوصا فى دبى وتسببهم فى حوادث كثيرة وخطيرة من أجل توصي الطلبية وكم سيارة كنتاكى أو هارديز تعرضت لحادث أثناء توصيل الطلبية فلذلك يجب معاقبة السائقين المتهورينبعد إعطائهم رسم التوصيل وهو درهمان حتى يتأدبوا ويحترموا قوانين المرور

كفووو والله

وبصراحه انا اتبع نفس النظام هذا من قبل .. لان بعض المطاعم خدماتها زززززفتتتت ..

ويعتبرون ان الزبون هو الي محتاج ومضطر لهم ..

يعطيك العافية ..

وارجو من الاخوان عدم التهاون في حقووقهم ..

ْْعداك العيب يا صرخة مواطن اسمك ذكرني بشعار احد المحلات اللي يقول صرخة في وجه الغلاء .
خصوصا حركة الاب سايز هاذي اللي ودك ترمي الصينية عليه.
وهكذا يستمسك المرء بما بقي له من كرامته

الابيه بكل ايمان في وجه من كان


تروح بنفسك احسن عشان مانتعود على الكسل بعدين مانقدر نخدم انفسنا.
ولو واحد بيسوي مثل ماقلت وبيرضخ لشهوة بطنه او يضعف عشان طفله
كان ماراح يكون لك حقوق وتسير اقل مرتبة من العبيد الارقاء
وعشان تشتري عزة نفسك وكرامتك وماتعيش بلحظات غبنية (الغبن = مايحيك في الصدر من القهر حينما تكون في وضع ضعف او تعرضت لنصب او ....) اطلب من محل فطاير اللي بجنبكم ولا شاورما ولا اخرتها فطاير لوزين تسد الرمق او خذلك تصبيرة زي مايقولون.
واذا في ضيوف وتعدى وقت التوصيل الزمن المقرر روح مطعم ثاني وانس انك طلبت:D:D:D

قسماً بالله انك صادق
كلمت مطعم بيتزا هت وسألته كم يحتاج من وقت للتوصيل
قال 40 دقيقه
قلتله والله لو جاني 41 دقيقه ما ادفع حق التوصيل
قال أوكي أنا بدفعه من جيبي (على باله بأحن عليه)
قلت هذي مشكلتك

تعرفون في خلال كم وصل الطلب؟؟؟؟؟!!!!!!!!!!!!!

في خلال 30 دقيقه :D

كفو والله

ايه هذا السنع

هالشركات هذولي ملينا نصب منهم

حتى بالمطاعم اذا طلبت بالسياره وجاء دورك ولا جاء طلبك هاوش وخذ دراهمك

هذولي وجبات سريعه ليه التأخير

مره هاوشتهم وقالو عندنا اجتماع المدير يهاوش وحنا اسفين

للرفع

ياخوي لاتظلم احد من 25 وفوق مو من 30 وفوق

كلام عين العقل ونبدأ بالتطبيق

ههههههههههههههههههههه

والله إنك تحفه

انا متابع للموقع منذ بدايته لكن لم أشترك وما اشتركت الان الا لاسجل اعجابي بك أخي صرخه مواطن

فعلا الموضوع ضحكني واتخيلت نفسي بعمل في مطاعم الدليفري اللي انت بتعملو ووعد مني لأجننهم

شكراً لمروركم وتطبيقكم لما سلف والله يعطيكم العافية

اخي العزيز هذه فكره جيدة واتمنى منك مشاركتي هذه الافكار
1- دراسة وافية لاسعار البضائع وخاصة المواد الغذائية في المجمعات التجارية
ثم وضع اسعار بعض المنتجات الغذائية وخاصة الاساسية منها حتى يتم مقاطعة المنتجات المبالغ فيها
2- طرح البدائل في المواد الغذائية
3- شن حملات اعلانية ضد المجمعات التي تبالغ كثيرا في الاسعار ووضعها في القائمة السوداء والدعوة للمقاطعة الشديدة
4- متابعه جادة للاسعار واشعار كل مسئول بالدولة
5- تبني ثقافة المقاطعة كوسيلة لمحاربة الغلاء الفاحش اللذي يهدد مستقبلنا ومستقبل اطفالنا
ايها المؤمنون والمؤمنات تسونامي الغلاء لم ينته بعد وانا لا اخوفكم بقدر ما اعيش الواقع المرير
وانتم ادرى بالحال واننا اذ نقف مكتوفي الايدي فنحن بحق الضحايا اللذين سنندم اشد الندم وقت لا ينفع فيه الندم

والله حلوة الطريقة لازم اخذ حذري منها

هههههههه

حلو :::::::: لكن تزيد جوعنا هالطريقة :)