أيهما أفضل فورد اكسكيرجن أو Gmc ؟
انا في صدد شراء سيارة لعائلتي ، ولا يصلح لهم الا سيارة كبيرة وواسعة
وفوق هذا ماراح اشتري كاش مهما يكون ، لأن دفع مبلغ فوق 120000 او 150000 مرة وحدة مهوب سهل :d اشغل المبلغ وبجيب ان شاء الله القسط وزيادة بإذن الله المهم يا اخواني الأعزاء انا بحاجة مشورتكم ايهما اشتري وأفضل الاسعار وخدمة ما بعد البيع والمميزات ، وفوق هذا كثرة الأعطال انا في خطتي ان السيارة تبقى معي من 5 - 6 سنوات ان شاء الله بانتظار نصيحة اخوان لأخيهم ودمتم سالمين |
رايي ان
جي ام سي افضل من فورد حتى لو بغيت بعد فتره تبيعها الجي ام سي مرغوبه اكثر في البيع انا عندي تاهو 2007من جي ام سي اول ما اشتريتها صار فيها عيب صناعي بالقير (اغلب دفعة 2007من جي ام سي فيها هالعيب) بعد ما غير الحمد لله ما شفت منها شي ممتاز جربتها بالسفر والخطوط الطويلة مريحة خدمه ما بعد البيع اذا اي وكيل صار منه تهرب او تكاسل ما عليك الا تتصل بالشركة الام على تلفونهم تلقاه في دليل سيارتك ابد ثاني يوم الوكيل هو يركض وراك وحياك وان شاء الله الاخوان راح يفدونك اكثر |
اقتباس:
لكن هل فيه فرق كبير بين جي ام سي يوكون الحجم الكبير ، وبين نفس النوع لكن دينالي ؟؟ |
الدينالي افخم شكل من اليوكن XL
هذي صور الدينالي 2008 شف هالرابط فيه عن تسالك http://www.assayyarat.com/forums/sho...d.php?t=117913 |
الله يعطيك العافية يا عميدتنا
لكن الرابط مو راضي يطلع عندي ، يقول اني غير مسجل وانا ارد علي الموضوع :) |
عفوا غلطه مني كنت قاعده ارد على مواضيع في منتديات اخرى وصار غلط في الروابط
هذا الربط http://www.assayyarat.com/forums/sho...d.php?t=117913 http://www.cars-club.com/vb/t33886.html |
الله يعطيك العافية
والموضوع صاير كأنه محاورة شعرية بيني وبينك وش رايك نشترك في شاعر المعنى ههههههههههه باقي شيء مهم آخر وهو الوكيل ايهم افضل : الجميح والا العيسى والا بالبيد من ناحية السعر والصيانة وجزاك الله خير البيت عندك <<<<< دخل جو محاورة :) |
اقتباس:
هذي من بدايتها أجل كيف تاليها ؟ الله يعطيك خيرها ويكفيك شرها ويبارك لك فيها بس غريبة يا أخت جمرة غضا انتي مو مقاطعة أمريكا ولا أنا غلطان ؟ https://www.mqataa.co/vb/showthread.php?t=9762 الحين تسوين دعاية للسيارات الأمريكية وين الثبات على المبدأ ؟ |
<------ قلبي يعتصر ألماً
يعني مصمم لازم سيارة أمريكية ؟ تفكر براحة العائلة ؟ الله يزيدكم من فضله ويمن عليكم بالراحة والعفو والعافية بس ما فكرت بالعوائل في العراق ؟ أو اطفال العراق اللي ماعندهم حليب ؟ أو أطفال غزة اللي ما عندهم ماء شرب بارد ونظيف ؟ وهذا اقتباس من مشاركة سابقة لي : يا جماعة ناس قتلوا مليون مسلم في العراق فقط ماذا ننتظر منهم ؟ يعني أنا وانت أحسن من مليون مسلم ؟ طيب كم مسلم قتلوا في أفغانستان ؟ وكم مسلم في الصومال ؟ اذا كان العراق بسب صدام وبسبب وجود أسلحة دمار شامل يخافون تطيح بيد القاعدة واذا كان أفغانستان من أجل بن لادن و برجين التجارة طيب الصومال ليه ؟ حرب أهلية في الصومال وش دخل أمريكا في الحرب الأهلية ؟ للأسف تطلع طيارة أمريكية من قاعدة في دولة عربية تدعي انها اسلامية وهي جيبوتي وتضرب المسلمين في الصومال ليه ؟ وعلى أي أساس ؟ ولا عندهم حساسية من المطوع اذا مسك رشاش ؟! حسبنا الله ونعم الوكيل اللهم أحيي الهمة في نفوس الأمة للأسف الناس قاطعوا أمريكا أيام محمد الدرة وأيام الغزو على أفغانستان وانخفضت الصادرات الأمريكية في تلك اللحظة 40 % بحسب ما قرأت في الجرايد وبعدين شكلت لجنة من التجار السعوديين والأمريكان ومن بعدها اختفت كلمة أمريكا من أغلب المنتجات وصار بدل عنها صنع في السعودية بعد أن كانوا يكتبون أمريكا ويفتخرون فيها وبعدين الناس نسيت أو تناست واذا سألت واحد كان يقاطع يقول خلاص الناس رجعت أقول له ترى أنا وأنت ناس ليه ترجع ؟! المشكلة كنا نقاطع أيام محمد الدرة لأن اليهود يقتلون المسلمين برصاص أمريكي طيب اليوم الأمريكان يقتلون المسلمين بكل مكان بجندي أمريكي ورصاص أمريكي طيب هذا الرصاص ما يحتاج فلوس ؟! والجندي ما ياخذ راتب آخر الشهر ؟! من فين تجيب أمريكا الفلوس وهي ما تبيع بترول ؟! من التصدير والتجارة ومن الضرائب اللي تاخذها من الشركات الأمريكية يعني 10 ريال تدفعها لشركة أمريكية راح يكون منها ريال على الأقل لقتل المسلمين طيب أهانوا القرآن الكريم وداسوه تحت أرجلهم الله يصيبها الشلل يعني القرآن عندنا هين ؟ ولا شاطرين على الدنمارك بس ؟ ولا نسينا أبو غريب ؟ عرض المسلمات اللي هناك دنسه كلب نجس مين يرد عن عرضها ؟ حتى الرجال اغتصبوهم الشواذ الخنازير طيب وحميدان التركي ليه ما نفزع له ؟ لو واحد ضرب ولد حارتنا نجمع عيال الحارة كلهم ونروح نضربه نفزع لبعض على بعض طيب هذا حميدان التركي ولد ديرتنا ليه ما نفزع له 28 سنة عشان سوء معاملة الخادمة واللي يغتصب أمريكية أصل وفصل ويمكن تكون دكتورة أو موظفه كبيرة يمكن يسجن شهر أو يدفع غرامه ويطلع بعضنا يمكن يزعل على ولد عمه أو خاله ويقاطعه أبد الدهر لأنه ( غلط علي قدام الرجاجيل ) طيب الأمريكان اهانوا كرامة المسلمين مسحوا فينا البلاط قدام العالم كله ما نقاطعهم ؟ والا مرجلتنا على بعض المشكلة ان بعض الأمريكان شواذ ولا تحسبه يتلطم مثل اللي عندنا لا يروح للمحكمة ويقول لرجال مثله زوجتك نفسي ! يعني هذا الشاذ أرجل منا ؟! العالم يقاطع أمريكا http://islamtoday.net/articles/show_...25&artid=12296 هذا تقرير خاص من موقع الاسلام اليوم صدر قبل اسبوع تقريباً أتمنى تفكر بالموضوع زين أخوي قبل ما ترد لأنك أكيد راح تفرح بسيارة جديدة ولكن تذكر ان السعادة الحقيقة هي بالعيش من أجل مبدأ وتكون السعادة أكثر اذا كان هذا المبدأ شريف |
اقتباس:
اعترف بصراحة ما قاطعتهم الامن فترة بسيطة بعد وضعي للموضوع اللي في الرابط وهذي غلطه مني الله يسامحنا ويعفي عنا |
اقتباس:
الله يغفر لك ولنا بس مقاطعة أمريكا تحتاج عزيمة قوية الله يقوينا على طاعته على فكرة ترى الشيخ الجبرين لما قال في كتابه عن المقاطعة ( والدول التي دنست القرآن ) يقصد أمريكا وهو له فتوى قديمة من أيام الحرب على أفغانستان يؤيد مقاطعة أمريكا |
اقتباس:
ماهو البديل بوجة نظرك ؟ لاتقول الياباني ، لأن السيارة اليابانية سعرها غالي ومساحتها صغيرة على عائلة مثل عائلتي هل اشتري سيارتين للعائلة من اليابان ؟ ام اشتري سيارة امريكية واحدة بنصف السعر ؟ تعلم انه لاتوجد خيارات كثيرة ، إما سيارة امريكية او سيارة اخرى لا تفي بالغرض لا من ناحية السعة ولا من ناحية السعر . لو المسألة بالأماني كان ما ودي تدخل السعودية ولا قطعة مصنعة في امريكا ، لكن ماهو البديل ؟؟ اسعدتني مداخلتك |
أسعدني ردك لأنك لا تريد السيارة الأمريكية إلا لعدم وجود بديل
وهذا جيد جزاك الله خير بالنسبة للسعر لا اوافق على كلامك لأنه لابد من تضحية من ناحية الحجم هذا عذر ولكن عند بعض الناس اللي همته عاليه يبحث عن حل ولازم يجد حل ان شاء الله عن نفسي سوف أعرض جميع الخيارات وسوف اختار الافضل وبالتأكيد ليس من ضمن الخيارات سيارة أمريكية وقد قطعت على نفسي وعد بأن سيارتي القادمة سوف تكون ماليزية يعني اسلامية ولن أهتم لا بالقطع ولا بالخراب ولا باي شي ولا بالوكيل ولا غيره اما البديل ننقاشه في موضوعك الثاني |
عفوا أخي العزيز
هل تقصد انك مقاطع أمريكا وما عندك الا السيارة بس لأنه ما فيه بديل ؟ |
اقتباس:
واتمنى ان نركز على المشكلة وهي السيارة ، وافضل وكيل ثم هل هناك فرق جوهري بين دينالي XL ويوكون XL ؟ السبب ان هناك ما يقارب الـ 70.000 ريال فرق ( طبعا عند الدفع كاش ) شاكر للجميع احساسهم الاخوي النبيل دمتم بخير |
وش رايك بهذي الخيارات :
1- أرمادا ( لارج ) صحيح هو أصغر من اليوكون XL ولكنه أكبر بديل وأعتقد ان الفرق في الشنطة لأن الأرمادا هو بحجم اليوكون العادي ولذلك يكون الأرمادا مناسب جدا داخل المدينة وفي حالة السفر يمكن استخدام شبك خلفي 2- السيارات العائلية مثل بريفيا و أوديسي ( هوندا ) أو هونداي والصراحة ما أنصحك بـ بريفيا لأن مقدمة السيارة نازلة واي ضربة من الأمام راح تكون خطيرة على السيارة وعلى السائق 3 - ( مفخرة الأرض ) لاند كروزر وهو أفضل سيارة ومحظوظ من يشتريه صحيح سعره أغلى ولكن القوة والجودة لن تجدها في أي سيارة أخرى أيضا قطع الغيار معقولة وسعر البيع ممتاز جدا وعلى فكرة الشكل الجديد زادوا في حجمه قليلا ولكنه لن يصل لحجم اليوكون وممكن استخدام شبك خلفي للسفر الله يوفقك ويرزقك سيارة أفضل مما تتمنى اكتب لك الآن بعد مشاهدة نشرة الأخبار والتي كان فيها صورة المصحف الذي مزقه جندي أمريكي في العراق مزق الله جسده وروحه في نار جهنم https://www.mqataa.co/vb/showthread.php?t=9880 |
وينك يا راعيها ؟
يعني كذا تسوي فينا انا الحين مطير عيوني في السيارات كل ما طلعت أفكر فيك ادور لك سيارة مناسبة عادي اذا شريت اليوكون قولنا ترى نبارك لك ما ندعي عليك بس عبر ياخي عبر ما تشوف دعاية الجوال ؟ |
| الساعة الآن 07:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by