منتدى مقاطعة - حتى الكـتـوري رفع علينا سعر السوبيا

.
.
.
السلام عليكم ورحمة الله وبركاته

كنت زمان نشتري سوبيا من عم حسن
وكان مسوي جميع مقاسات البيع عنده بـ 3 ريال وبـ 5 ريال وبـ 7 ريال
للكيس حق السوبيا ...

لكن في الـ 4 سنوات الاخيرة ظهر واحد جديد " الكتوري "
يسوي السوبيا اطلق من حقت عم حسن ويبيعها بـ 5 ريال للكيس

وقعدنا السنوات اللي فاتت نشتري من الكتوري ,,, لفرق الطعم ....

لكن هذه السنة ,,, في اول ايام رمضان ارسلنا السواق رجع قال
الكتوري رفع السعر بـ 8 ريال الكيس قلنا روح لعمك حسن

رحنا لعم حسن واشترينا الكيس زي ماهو بـ 5 ريال
لكن الطعم مو قد كذا :(

راح ثاني يوم السواق عند الكتوري يبي يشتري بـ 8 ريال
بس اهم شي يكون طعم ممتاز

قال اليوم السعر بـ 10 ريال الكيس :eek:

يعني زيادة 100% عن العام الماضي ...

قال السواق ليه 10 كل مكان بـ 5 ريال

قاله طيب خلاص خذها بـ 8 ريال

قال السواق معصي ....

ورجع ....

جلست مع خالي اشكي له

قالي وليه هذا كله !!!!!!!

الحل من هنا في مكة واحد معلم سوبيا
دق عليه بالتلفون يسويلك جالون 20 لتر ويبيعه بـ 40 ريال فقط
وهذا الجالون يسويلك 20 كيس يعني يكفيك 20 يوم ...

اليوم قررت اني ادق عليه واطلب جالونين واحد احمر و واحد ابيض ...

وافتك من سعر " الكتوري " و " تخبيص " عم حسن ....